கேப்டன் விஜயகாந்த்தின் கடைசிப்படமாக இது அமையும் என சொல்லப்பட்டதால் எதிர்பார்ப்புக்கு உள்ளான படம், ஆனால் அவர் நடிக்கவில்லை
காத்திருந்த காதல் (1997) முதல் "காதல் " ( 2004) வரை 15 படங்களில் ஒளிப்பதிவாளராகப்பணியாற்றிய விஜய் மில்டன் இயக்குநர் அவதாரம் எடுத்த முதல் படம் அழகாய் இருக்கிறாய் , பயமாய் இருக்கிறது . (2006) டைட்டிலைப்போலவே படமும் கவித்துவமாக இருந்தது . எட்டு வருட இடைவெளிக்குப்பின் கோலிசோடா (2014) 10 எண்றதுக்குள்ள (2015) , கடுகு (2017) ,கோலிசோடா பாகம் 2 ( 2018) ஆகிய நான்கு படங்களை இயக்கியவர் பைராகி (2022) என்ற கன்னடப்படத்தை இயக்கிய பின் இந்தப்படத்தை இயக்கி உள்ளார்
ஸ்பாய்லர் அலெர்ட்
நாயகன் ஒரு அண்டர்கவர் ஏஜெண்ட் . அரசியல்வாதியின் மகனைப்போட்டுத்தள்ளி விடுகிறார் . அவரைப்பழி வாங்க அந்த அரசியல்வாதி துடித்துக்கொண்டு இருப்பதால் ஒரு விபத்தில் நாயகன் இறந்தது போல செட்டப் செய்து நாயகனின் ஹையர் ஆபிஷர் நாயகனை அந்தமான் தீவுக்கு அனுப்பி விடுகிறார்
வந்த இடத்தில் இன்னொரு வில்லன் . வட்டிக்குக்கடன் கொடுத்து மக்களைக்கொடுமைப்படுத்துபவன் . நாயகியின் அப்பாவை வில்லன் முடித்து விட நாயகன் வெகுண்டு எழுந்து அவன் கொட்டத்தை அடக்க நாயகன் உயிருடன் இருக்கும் மேட்டர் எல்லோருக்கும் தெரிந்து விடுகிறது . இதற்குப்பின் என்ன நடக்கும் என்பதை சின்னக்குழந்தை கூட சொல்லும்
நாயகன் ஆக விஜய் ஆண்டனி. பாட்ஷா படம் இவரை ரொம்ப பாதித்திருக்கு போல .வழக்கம் போல முகத்தில் நடிப்பு வரவில்லை
நாயகி ஆக் மேகா ஆகாஷ் . அழகாக இருக்கிறார் .படத்தில் ஒரே ஆறுதல் அவர் தான்
சரத் குமார் , சத்ய ராஜ் இருவரும் வீணடிக்கப்பட்ட கதாபாத்திரங்கள் .
சரண்யா நல்ல குணச்சித்திர நடிப்பு
வில்லன் ஆக கன்னட நடிகர் தனஞ்செயா .பாவம் .
தலைவாசல் விஜய் குட் ஆக்டிங்
அச்சு ராஜாமணியுடன் இணைந்து இசை அமைத்து இருக்கிறார் விஜய் ஆண்டனி . சுமார் தான்
அந்தமான் லொக்கேஷனை ஒளிப்பதிவாளர் அழகாகப்பயன்படுத்தி இருக்கிறார்
எடிட்டிங் அதிகாரப்பூர்வமாக யாரோ ஆனால் அந்த அபிசயல் ஆக விஜய் ஆண்டனி தான் போல
சபாஷ் டைரக்டர்
1 இயக்குனர்க்கு நாயகன் மீது என்ன கோபமோ? காமெடியன் கேரக்ட்டர் மூலம் கலாய்த்து இருக்கார் . ஆரம்பத்துல இருந்தே ஒரே மாதிரி லுக்தானா? போர் அடிக்கல? எனக்கேட்பது போல நாயகனின் ஒரே மாதிரி நடிப்பை நக்கல் அடித்த விதம்
2 1985 ல் ரிலீஸ் ஆன காக்கிசட்டை படத்தில் சத்தியராஜ் பேசிய தகடு தகடு டயலாக்கை பிளேடு பிளேடு என மாற்றிப்பேச வைத்து டயலாக் ரைட்டர் சம்பளத்தை மிச்சம் செய்தது
3 1995ல் ரிலீஸ் ஆன ஆசை படத்தில் நாயகி - நாய் பாண்டிங்கை சுட்ட விதம்
4 ஹிஸ்ட்ரீ ஆப் வாயன்ஸ் படத்துக்கு அபிசியல் ரைட்ஸ் வாங்கி லியோ எடுத்தாலும் , பத்துகாசு செலவு பண்ணாமல் அந்த காபி ஷாப் கான்செப்ட்டை ஆட்டையைப்போட்ட விதம்
6 படத்தின் க்ளைமாக்ஸ் டிவிஸ்ட் ஆன ஒரு மேட்டரை ஓப்பனிங்க்ல எதனால் வைத்தார்கள் என்ற ரசிகர்களின் கேள்விக்கு இயக்குனர் பதில் அளிக்கும்போது எனக்கே அது தெரியாது , என் நாலெட்ஜ்க்கு வராமல் யாரோ மாற்றி எடிட் செய்து விட்டார்கள் என சமாளித்தவிதம்
ரசித்த வசனங்கள்
1 அடுத்து என்ன? ன்னு தெரிஞ்சா வாழ்க்கை ருசிக்குமா? என்ன?
2 ஒருத்தரைப்பற்றி ஒருத்தர் தெரிஞ்ச்சுக்கும் முயற்சியில் தான் இந்த உலகமே இருக்கு
3 சரியா இருப்பதை விட நிம்மதியா இருப்பது முக்கியம்
4 என்ன சார் ? தள்ளிட்டு வர்ற வண்டிக்கெல்லாம் பேப்பர் கேட்கறீங்க?
பேப்பர் இல்லைனு தானே வண்டியைத்தள்ளிட்டு வர்றிங்க?
5 என்ன?
இல்லை , இந்தப்பக்கமா வந்தேன்
எதுக்கு?
அந்தப்பக்கமாப்போறதுக்கு , ஹிஹி
6 எல்லாரும் குடிச்சுட்டு விழுவாங்க , நாம விழுந்துட்டுக்குடிக்கிறோம்
7 பர்மா எங்கடா?
மேப்ல போய் தே டு, இங்கே வந்து கேட்டுட்டு இருக்கே?
8 உன் பேரு தான் பர்மாவா?உன் தம்பி பேரு மலேசியாவா?
9 ஒவ்வொரு சைலன்ஸ் க்குப்பின்னாலும் ஒரு சத்தம் இருக்கும்
10 இந்த உலகத்துல எல்லாமே நாம ஆசைப்பட்ட விதமாவா நடக்குது ? ஆனா அதுக்காக நாம ஆசைப்படாமயா இருக்கோம்?
11 நான் காத்து மாதிரி ,ஒரே இடத்துல இருக்க முடியாது , இருக்கவும் கூடாது
லாஜிக் மிஸ்டேக்ஸ் , திரைக்கதையில் சில நெருடல்கள்
1 சரத் குமார் கேரக்டர் டிசைனில் ஒரு தெளிவில்லை . ஆரம்பித்த்தில் இருந்தே நாயகனைக்காப்பாற்றத்துடிப்பவர் திடீர் என ஹையர் ஆபிசர் சொன்னதும் கொல்லத்துடிக்கிறார்
2 சத்யராஜ் கேரக்ட்டர் வலுவாக அமைக்கப் படவில்லை
3 விஜய் ஆண்டனியி ன் ஆரம்ப காலபபடங்களான நான் , சலீம் , பிச்சைக்காரன் இவை எல்லாம் கதைக்காக கவனிக்கப்பட்டவை . ஆனால் தன்னை ரஜினி ஆக , விஜய் ஆக நினைத்துக்கொண்டு அவர் ஓவர் ஹீரோயிசம் செய்வது கடுப்பாக இருக்கிறது
4 நாயகனுக்குப்பிடித்த நாயை வில்லன் சித்ரவதை செய்து மிரட்டுவது எல்லாம் கேவலமான ஐடியா
5 தலையில் பட்ட காயத்துக்கு வெள்ளைத்துணி பேண்டேஜ் போட்டுக்கொள்ளும் நாயகன் அடுத்த ஷாட்டில் பச்சைத்துணி ஆக மாறுவது பார்க்கவில்லை போல
அடல்ட் கண்ட்டெண்ட் வார்னிங் - U
சி பி எஸ் ஃபைனல் கமெண்ட் - இந்தப்படத்துக்குக்கிடைக்க இருக்கும் மரண அடி விஜய் ஆண்ட்டணியை இது போன்ற மசாலாக்குப்பைகளில் இனி நடிக்க விடாமல் செய்யட்டும் . டப்பாப்படம் , ரேட்டிங் 1.5 / 5 .விகடன் மார்க் 34 , குமுதம் ரேங்க்கிங் சுமார்