ஸ்பாய்லர் அலெர்ட்
நாயகனோட குடும்பத்தைப்பற்றி முதலில் பார்த்து விடுவோம், அம்மா இல்லை . அப்பா தான் செய்யாத ஒரு கொலைக்கேசில் மாட்டி 15 வருடம் ஜெயில் தண்டனை பெற்று இப்போ ரிலீஸ் ஆகி வெளில வந்து இருக்காரு. நாயகனுக்கு ஒரு அண்ணன், ஒரு தம்பி . இருவரும் நாயகனுக்கு கட்டுப்பட்டு நடக்கும் பரதன் லட்சுமணன் வகையறாக்கள் . நாயகனுக்கு மனைவி ஒரு மகன், ஒரு மகள் உண்டு
பெரிய பெரிய விஐபிகளின் பிரச்சனையை தீர்த்து வைக்கும் தாதா மாதிரி ரோலில் நாயகன் வாழ்க்கயை நடத்தி வருகிறார். சின்ன வயதில் இருந்தே இவருக்கும் இவரது அப்பாவுக்கும் ஆகாது . அப்பாவை என்ன காரணத்தாலோ ஆரம்பம் முதலே வெறுத்து வருகிறார் நாயகன், ஆனால் அப்பா நாயகன் மீதும் குடும்பத்தினரி மீதும் அன்பு , பாசம் மிக்கவராக வாழ்ந்து வருகிறார்
சிறையில் இருந்து வெளியான நாயகனின் அப்பாவிற்கு தன்னை கொலைக்கேசில் மாட்ட வைக்க பிளான் போட்டு அதை நிறைவேற்றியதே தன் மகன் தான் என தெரிந்து கொள்கிறார். ரிலீஸ் ஆன அப்பாவை மீண்டும் ஒரு கொலைக்கேசில் மாட்ட வைக்க நாயகன் திட்டம் போடுகிறார். அதில் அவர் வெற்றி பெற்றாரா?இல்லையா? என்பது மீதி திரைக்கதை
நாயகனின் தம்பியை ஒரு பிரபல சாமியார் பாலியல் வன்கொடுமை செய்து விடுகிறார். இதனால் மன நலம் பாதிக்கப்பட்ட தம்பிக்கு அந்த சாமியார் 3 கோடி ரூபாய் நட்ட ஈடு தருவதாக ஒத்துக்கொள்கிறார். ஒரு கட்டத்தில் நாயகனின் தம்பி அந்த சாமியாரை துபாக்கியால் சுட்டு விடுகிறார். ஆனால் சாமியார் சாகவில்லை ,உயிருக்குப்போராடிக்கொண்டு இருக்கிறார்.நாயகன் அந்த ஸ்பாட்டுக்கு வந்து என்ன முடிவு எடுத்தார்? என்பது கிளைக்கதை
நாயகன் ராணா நாய்டுவாக ராணா டகுபதி . கற்பாறை மாதிரி முகம். இவர் முகத்தில் புன்னகையைப்பார்ப்பதும் வெய்யில் காலத்தில் விவசாயி மழை வேண்டி வானத்தைப்பார்ப்பதும் ஒன்றுதான். ஆனால் ஆறு அடிக்கும் அதிகமான ஆஜானுபாகவமான உயரம், ஜிம் பாடி இவரது பிளஸ். ஊரில் உள்ள விஐபிகளின் பிரச்சனைகளை எல்லாம் அசால்ட்டாக டீல் செய்து தீர்த்து வைப்பவர் தன் சொந்த வாழ்வில் ஏற்படும் பிரச்சனைகளை சமாளிக்க முடியாமல் தடுமாறுவது உருக்கமான நடிப்பு
நாயகனின் அப்பா நாகா நாயுடுவாக வெங்கடேஷ். தன் சொந்த மகனே தனக்கு துரோகம் செய்தாலும் அவர் மீது பாசம் காட்டும் கேரக்டர்.. மகனின் குடும்பத்தை நேசிப்பதும் அருமை. ஜெயிலில் இருந்து ரிலீஸ் ஆனதும் தன் இரண்டவாது மனைவியைப்பார்க்கப்போன போது அவர் வேறு ஒரு நபருடன் வாழ்வது கண்டு மனம் வெதும்புவது நல்ல நடிப்பு
நாயகனின் மனைவியாக சுர்வீன் சாவ்லா அழகுப்பதுமை. அவரது காஸ்ட்யூம் எல்லாம் வேற லெவல் . கணவன் எதுவுமே தன்னிடம் தகவல் தெரிவிக்காமல் வருவதும் போவதும் கண்டு கொதிப்பது குட் ஆக்டிங்
நாயகனின் அண்ணனாக சுஷாந்த் சிங் அருமையான கேரக்டர் டிசைன். ஒரு பக்கக்கை மட்டும் நடுங்கும் மெடிக்கல் கம்ப்ளைண்ட் உள்ளவர். கச்சிதமான நடிப்பு
நாயகனின் தம்பியாக அபிஷேக் பானர்ஜி தாழ்வு மனப்பான்மை உள்ளவராக புலம்பிக்கொண்டே இருக்கும் கேரக்டர்.
வில்லனாக ஆஷிஷ் வித்யார்த்தி. மிரட்டலான உடல் மொழி மற்றும் சவால் விடும் நடிப்பு
நாயகனின் டீன் ஏஜ் மகளாக அழகுப்பதுமையாக அஃப்ரா சயத் நடிக்க நல்ல வாய்ப்பு
சங்கீத் சித்தார்த்தின் பின்னணி இசை விறுவிறுப்பாக கதையை நகர்த்த உதவி இருக்கிறது
1 போதைப்பழக்கத்தில் இருந்து விடுபட்டு மீண்டு வ்ரும் தன் தம்பியை பாரில் அவன் நண்பன் வற்புறுத்திக்குடிக்கச்சொல்ல அண்ணன் முதலில் அவனிடம் கெஞ்சி மன்றாடி விடசொல்லி பின் ட்ரான்ஸ்ஃபர்மேஷன் சீனில் அவன் வாயோடு பீர் பாட்டிலை உள்ளே அனுப்பி உடைக்கும் மாஸ் சீன்
2 நாயகனின் டீன் ஏஜ் ம்கள், அந்த பக்கத்து வீட்டுப்பையன் இருவருக்குமான காம்பினேஷன் காட்சிகள் பாரதிராஜா படம் பார்ப்பது போல் கவிதையான காட்சிகள்
3 கடைசி இரண்டு எபிசோடுகள் பரபரப்பின் உச்சம் / ஒரு நிமிடம் கூட போர் அடிக்காத விறுவிறுப்பான காட்சிகள்
4 வில்லனின் மிரட்டலால் குடும்பத்துக்கு ஆபத்து உள்ளது என மனைவி , குழந்தைகளை ஒரு ஹோட்டலுக்கு ஷிஃப்ட் பண்ண மகன் நாயகனின் மனைவியிடம் அப்பா டைவர்ஸ் பண்ணப்போறாரா? என அழுதுகொண்டே கேட்கும் சீன் டச்சிங்
5 சினிமா ஹீரோவை நாயகனின் அப்பா மிரட்டும் காட்சியும் , படத்துக்கு கதை சொல்ல்லும் சாக்கில் கொலை நடந்த விதம் குறித்து விளக்குவதும் புத்திசாலித்தனமான திரைக்கதை
ரசித்த வசனங்கள்
1 நேரம் கெட்ட நேரத்தில் தான் க்ளையண்ட்ஸ் உனக்கு ஃபோன் பண்ணுவாங்க
ஆமா, பிராப்ளம் டைம் பார்த்து வராதில்ல?
3 நீயும், அவனும் வாட்டரும், குவாட்டரும் போல சேர்ந்திருப்பீங்களாமே?
4 வாழ்க்கைல நமக்குக்கிடைச்சதை விட இழந்தவை தான் அதிகம்
5 அரசியல்ல எங்க லட்சியங்களைக்கொன்னுட்டே இருக்கோம்
6 மனுசன் என்ன வேகமா ஓடுனாலும் அவன் செஞ்ச பாவங்கள் அவனைத்துரத்திட்டே வரும்
7 ஒரு ஆம்பளை பலவீனமானவங்களுக்காக போராடுவான் , ஆனா பலகீனமானவர்களுடன் போராட மாட்டான்
8 கறுப்புப்பணத்தை மறைக்கறதுக்காக ஆஃபீஸ் பூரா வெள்ளை அடிச்சிருக்கீங்க ?
9 எதிரியை உன்னால சமாளிக்க முடியலைன்னா ஒரே ஆப்சன் ஓடறதுதான்
10 எதிரிகள் அவங்களை நான் பார்க்கலைனு நினைச்சுட்டு இருக்காங்க , எனக்கு எல்லா சைடுலயும் கண்ணு , ஏன்னா நன் ஜாக்கிசான் சன்னு
11 இது எல்லாத்தையும் நீ தனி ஆளாவா செஞ்சே?
சூப்பர் ஹீரோக்கள் எப்பவும் தனியா தான் வேலை செய்வாங்க
12 சரக்கு அடிக்கற கிளாஸ்ல தண்ணி ஊத்தி அடிச்சா அது பேடு லக் ஆகிடும்
13 இவரு நமக்கு அண்ணா, அந்த லெடி ஆனா. சத்தமா ஆனா அப்டினு கூப்ட்டா ரெண்டு பேருமே வந்துடுவாங்க
14 நீ கேட்காமயே ஒரு அட்வைஸ் சொல்லவா? பசங்களை பூவால அடிச்சாக்கூட அவங்களுக்கு வலிக்கும்
15 சட்டையையும் பொண்டாட்டியையும் மாத்திட்டே இருக்கனும்
16 போலீஸ் ஆஃபீசர் - நேத்து ராத்திரி எங்கே இருந்தே?
என் காதலி வீட்ல
ஓஹோ , அவ நெம்பர் குடு
சார் உங்களுக்கு அதுல இன்ட்ரஸ்ட் இருந்தா வேற ஃபிகர் நெம்பர் தரேன். அவ வேணாம், அவ என் காதலி
யோவ் நீ சொன்னது உண்மையா?னு கனஃபர்ம் பண்ண கேட்டேன்
17 உன் காதலி ஃபோன் நெம்பரை ஏன் தர மாட்டேங்கறே?\
அவ ஒரு குடும்ப குத்து விளக்கு . அவ புருசனுக்கு தெரிஞ்சா பிரச்சனை ஆகிடும்
18 மத்தவங்க பிரச்சனையை தீர்த்து வைப்பதுதான் என் வேலை , ஆனா எனக்கு என்ன பிரச்சனைன்னா என் ஃபேமிலியை என்னால பார்த்துக்க முடியலை
லாஜிக் மிஸ்டேக்ஸ் , திரைக்கதையில் சில நெருடல்கள்
1 நாயகனின் மகன் , மகளுக்கு முறையே 12 வயசு , 14 வயசு தான் இருக்கும், ஆனா 15 வருடங்கள் சிறையில் இருந்து விட்டு ரிலீஸ் ஆகும் தாத்தா அவர்களிடம் என்னை அடையாளம் தெரியுதா? என கேட்டதும் ஓடி வ்ந்து கட்டிக்கறாங்க
2 ரஹான் எனும் நபரை தத்தெடுத்து வளர்க்க அவன் அம்மாவுக்கு கோடிக்கணக்கான ரூபாய் பணத்தை ஒரு பேக்கில் வைத்து நாயகன் கொடுக்கும்போது அவளது குடிகார புருசன் தகறாரு பண்றான். அது குடிசை வீடு , விளிம்பு நிலை மனிதர் வாழும் பகுதி, அவ்வளவு கேஷ் தருவது அவள் உயிருக்கு ஆபத்து என நாயகனால் யூகிக்க முடியாதா? இத்தனைக்கும் அவள் சம்மதம் தெரிவிக்கவில்லை ,யோசிச்சு சொல்றேன், கொஞ்ச நாள் டைம் கொடு என தான் சொல்கிறாள்
3 ரஹானின் அம்மா போதைப்பொருள் பர்ச்சேஸ் பண்ணி பணம் தராமல் பார்ட்டியை ஏமாற்றியதால் தான் கொலை செய்யப்பட்டார், ஆனால் இந்த உண்மையை மறைத்து அவள் இமேஜ் மகனிடம் காப்பாற்றப்பட அவனது வளர்ப்புத்தந்தை மீது பழியைப்போட்டு தன் மெலும் வெறுப்பு வருவது போல நாயகன் செய்வது அக்மார்க் டிராமாத்தனம்
4 அஞ்சாவது எபிசோட்ல பேஷன்ட்டை பக்கத்துல வெச்சுக்கிட்டே அவரோட நோய் பற்றி மத்தவங்க கிட்டே டிஸ்கஸ் பண்றாரு டாக்டர்
5 ஹோட்டல்ல அருகருகே இருவர். காஃபி கப்பை மாத்தும்போது கைப்பிடி மாறி இருக்கற மாதிரி தெரியாம மாத்தி வைக்கிறான் ஒருவன். அதைக்கூட கரெக்டா செய்ய மாட்டானா? இவருக்கு டவுட் வராதா?
6 அனஸ்தீசியா கொடுக்கலையா? ஏன்?
பேஷண்ட் இந்த ஆபரேஷன் பண்றப்போ பேசிக்கிட்டே இருக்கனும்
இது நாயகன் - டாக்டர் கான்வோ. ஆபரேஷன் தியேட்டர்லதானே இதெல்லாம் நடக்கும்? நாயகன் எப்படி யூகித்து வெளிலயே இந்தக்கேள்வியைக்கேட்கிறார்?
7 ஆறாவது எபிசோடின் க்ளைமாக்சில் வரும் ட்விஸ்ட் பிரமாதம், ஆனா ஒரு சிபிஐ ஆஃபீசர் இவ்ளோ அசால்ட்டாவா இருப்பாரு ? தனியாவா மாட்டிக்குவாரு ?
8 சிட்டி செண்ட்டர்ல இருக்கற ஃபைவ் ஸ்டார் ஓட்டலில் ஆசிஷ் வித்யார்த்தி கொலை செஞ்ச லேடியோட டெட்பாடியை அசால்ட்டா பேக் பண்ணி காரில் எடுத்துட்டு வர எப்படி முடிஞ்சுது ? சிசிடிவி கேமரா , ரிசப்ஷனிஸ்ட், ரூம் பாட் , செக்யூரிட்டி கண்ல எல்லாம் எப்படி மண்ணைத்தூவினாங்க ?
9 மருமகள் ஹோட்டலில் தங்கி இருக்கா. பாத்ரூம் ல குளிக்கப்போய் இருக்கா. மாமனார் ரிசப்ஷன்ல விசாரிக்கிறார். ரூம் நெ சொல்றாங்க. அவர் எப்படி ரூமுக்குள் வந்தார் ? பாத்ரூம்ல குளிக்கபோகும் முன் தனியா இருக்கும் லேடி கதவை பெப்பரப்பேனு திறந்து வெச்சுட்டா போவாங்க ?
10 வில்லன் நாயகனின் அப்பாவிடம் துப்பாக்கி தருகிறான் , அதில் புல்லட்ஸ் இல்லை . ரெகுலராக துப்பாக்கியை ஹேண்டில் செய்பவர்களுக்கு எம்ப்ட்டி கன் . லோடட் கன் வித்தியாசம் தெரியாதா?
அடல்ட் கண்ட்டெண்ட் வார்னிங்- கடைசி 2 எபிசோட்கள் தவிர மீதி 8 எபிசோட்களிலும் அடல்ட் கண்ட்டெண்ட் 18+ காட்சிகள் உண்டு . குடும்பத்துடன் பார்க்க முடியாது . இது போக கெட்ட வார்த்தைகள் அதிகம் வரும் , குழந்தைகளுடன் பார்ப்பதை தவிர்க்கவும்
சி பி எஸ் ஃபைனல் கமெண்ட் - பார்க்க சுவராஸ்யமான ஆக்சன் கமர்ஷியல் சீரிஸ் தான், ஆனால் குடும்பத்துடன் பார்க்க முடியாது . தனியாகப்பார்க்கலாம் . ரேட்டிங் 2.75 / 5
| Rana Naidu | |
|---|---|
 Promotional poster | |
| Genre | Action Crime drama |
| Created by | Karan Anshuman |
| Based on | Ray Donovan |
| Written by | Karmanya Ahuja Anany Mody B. V. S. Ravi Vaibhav Vishal Karan Anshuman Dialogues: Vaibhav Vishal |
| Screenplay by | B. V. S. Ravi |
| Story by | Ananya Mody |
| Directed by | Suparn Verma Karan Anshuman |
| Starring | Rana Daggubati Venkatesh Daggubati Suchitra Pillai Rajni Basumatary Gaurav Chopra Surveen Chawla |
| Music by | Sangeet-Siddharth |
| Composer | John Stewart Eduri |
| Country of origin | India |
| Original languages | Hindi Telugu |
| No. of seasons | 1 |
| No. of episodes | 10 |
| Production | |
| Executive producers | Mohit Shah Pearl Gill |
| Producers | Sunder Aaron Sumit Shukla |
| Cinematography | Jaya Krishna Gummadi |
| Editors | Ninad Khanolkar Manan Ashwin Mehta |
| Running time | 39–50 minutes |
| Production company | Locomotive Global Inc. |
| Release | |
| Original network | Netflix |
| Picture format | 4K UHD |
| Audio format | Dolby Digital |
| Original release | March 10, 2023 |