வாய்மையில் அனல் பறக்கும் கவுண்டமணியின் அரசியல் பன்ஞ்...!
நீண்ட இடைவெளிக்குப் பிறகு கவுண்டமணி வாய்மை என்ற படத்தில் நடித்து வருகிறார். சாந்தனு பாக்யராஜ், பானு நடிக்கும் இந்தப் படத்தில் கவுண்டமணி பென்னி என்ற டாக்டர் வேடத்தில் நடிக்கிறார். அவரின் அறிமுகமே "ஐயம் கம்மிங் பேக்வித் ஏ ஸ்மால் பிளாஷ்பேக்" என்ற வசனத்தோடுதான் தொடங்கும். அதோடு படம் முழுக்க கிடைக்கிற கேப்பில் எல்லாம் அரசியல் பன்ஞ் டயலாக்குகளை அள்ளி விட்டிருக்கிறாராம். அவற்றில் சில...
* மேட்டை வெட்டி பள்ளத்துல போட்டாத்தான் சமத்துவம், பள்ளத்தை வெட்டி மேட்டுல போட்டா அது சவக்குழி. (அரசியல் கட்சிகளுக்கு)
*பணக்காரன்களும், அரசியல்வாதிகளும் ஏழைகளோட கஞ்சியகூட விட்டு வைக்க மாட்டறாங்களே... வீடு வீடாபோயி நீ கஞ்சிகுடி.... நாடே கஞ்சிக்கு வழியில்லாம அலையட்டும். (அரசியல் கட்சிகளுக்கு)
*இருக்குறவங்க இல்லாதவங்ளுக்கு கொடுக்கலேனாலும் பரவாயில்லை, அவுங்கிட்டேருந்து பிடுங்காதீங்கப்பா... (எல்லோருக்கும்)
*ஆமா... எல்லோரும் என்னைய பார்த்தே காப்பி அடிங்க... சொந்தமா யோசிக்காதீங்க (இது சந்தானத்திற்கு)
இப்படி நிறைய அனல் பறக்கும் வசனங்கள் உண்டு. எல்லாமே கவுண்டரின் சொந்த டயலாக்குகள்தான். கவுண்டரின் கவுண்ட்டவுன் ஸ்டார்ட் ஆயிடுச்சு.
நன்றி - தினமலர்