கடாரம் கொண்டான் - சினிமா விமர்சனம்

விக்ரம் ரசிகர்கள் சண்டைக்கு வந்தலும் பரவால்ல , ஆரம்பத்துலயே ஒரு உண்மையை சொல்லிடறேன் , இதுல ஹீரோ விக்ரம் கிடையாது , அவர் ஒரு கெஸ்ட் ரோல் தான். நடிகர் நாசரின் மகனான அபிஹாசன் தான் ஹீரோ . அக்சரா ஹாசன் தான் ஹீரோயின். 

இதுல விக்ரம்  என்னவா வர்றார்? என்ன கேரக்டர் அப்டிங்கறதை இயக்குநர் கடைசி வரை ரகசியமாவே வெச்சிருக்கார். கடைசி வரைன்னா கட்டங்கடைசி வரை அவர் யாரு?  டபுள் ஏஜெண்ட்டா? ரகசிய போலீசா? ஒண்ணும் விளக்கம் இல்லை

ஹீரோ ஒரு டாக்டர். அவருக்கு ஒரு சம்சாரம், நிறை மாச கர்ப்பிணி. அவங்க 2 பேருக்கும் ரொமான்ஸ் , டூயட் , ஊடல்னு 2  ரீல் ஓடுனதும் நான் வெளீல டிக்கெட் கிழிக்கறவர் கிட்டே போய் கேட்டேன் ,. பொட்டி வந்திடுச்சா? இது விக்ரம் படம் தானா? அப்டினு  அவரும் கன்ஃபர்மா இது அவர் படம் தான்னார்

 சரினு உள்ளே வந்தா விக்ரமை அப்போதான் காட்டறாங்க . படம் போட்டு 20 நிமிஷம்  மேல ஆகிடுச்சு 

 விக்ரம் வந்து பெருசா ஏதும் செய்யலை . திடீர்னு இடைவேளை வந்துடுச்சு 

ஆங்  , எதுல விட்டேன் ? டாக்டர்  பணி புரியும் ஹாஸ்பிடல்ல விக்ரம் விபத்தில் அடிபட்டதுக்கு சிகிச்சைக்காக அனுமதிக்கப்பட்டு இருக்கார்.  டாக்டரோட சம்சாரத்தைஒ கடத்தி வெச்சு ஒரு க்ரூப் விக்ரமை நைசா ஹாஸ்பிடலை   விட்டு கடத்தி கூட்டிட்டு வந்தா தான் மனைவியை ரிலீஸ் பண்ணுவோம்னு மிரட்றாங்க 

டாக்டர் என்ன [பண்றார்? விக்ரம் என்ன ஆகறார்? மலேசிய போலீசின் இரு வெவ்வேறு தரப்பு போலீஸ் குழுக்கள் என்ன பண்றாங்க என்பதே மீதிக்கதை

விக்ரம் செம கெட்டப் . டாட்டூ எல்லாம் குத்தி ஜிம் பாடி வித்தியாச ஹேர் ஸ்டைல்னு கலக்க்கறார். ஆனா படத்துல் அவருக்கு ஆக்சன் காட்சிகள் கம்மி . நல்ல வாய்ப்பு இருந்தும் அவரை அடக்கி வாசிக்க சொல்லிட்டாங்க போல 

 நிஜ ஹீரோ அபிஹாசன் அப்பாவி மாதிரி இருக்கார் ,. அவரு என்னென்னமோ சாக்சம் எல்லாம் பண்றார் , நம்பவே முடியல. திமுக ஊழலை எதிர்த்துப்போராடும்னு  அக்கா கனிமொழி சொன்னதைக்கூட நம்பிடலாம் போல 

அவருக்கு ஜோடியா  வர்ற அக்சரா ஹாசன் , நடிப்பு ஓக்கே .குணச்சித்திர கேரக்டர்னா தமிழன்"கண்டுக்க"மாட்டான்

மலேசிய ஹையர் ஆஃபீசரா வர்ற அந்த லேடி குட் ஆக்டிங்’ இன்னொரு ஜூனியர் பில்லா நயன் தாரா மாதிரி ட்ரை பண்ணி இருக்கு . நல்ல செழுமை வளமை இளமை தெரியுது , எதிர்காலம் உண்டு

வில்லி மாதிரி ஒரு லேடி வருது , தம் அடிக்குது , கர்ப்[பிணிப்பொண்ணை அடிக்குது , நம்ப முடியாத கேரக்டர் அமைப்பு

இசை பிஜிஎம் குட்/. ஒளிப்பதிவு லொக்கேஷன் ஹாலிவுட் தரம்

ஆக்சன் காட்சிகள் கோட்டை விட்டுட்டாங்க

மொத்தத்துல படம் பிரமாதமும் இல்லை , மொக்கையும் இல்லை , பரவால்ல பாக்கலாம் ரகம்

நச் டயலாக்ஸ்

1 வேலை சரியான நேரத்துக்கு நடக்கனும்னா ப்ரொசீஜர்ஸ் பாலோ பண்ணிட்டு இருந்தா முடியாது #KadaramKondanreview

2  அவ்ளோ தான் , மொத்தப்படத்துக்கும் இந்த ஒரு டயலாக் தான் , அதுவும் ஹீரோ வுக்கு இல்லை

 தியேட்டரிக்கல் அப்டேட்டட் ட்வீட்ஸ்

1  ஓப்பனிங்க் காட்சிகள் அபாரம்.ஹாலிவுட் ஆக்சன் படத்துக்கு இணையான பரபரப்பு,படப்பிடிப்பு #KadaramKondanFromJuly19

 சொதப்பல்கள் + ;லாஜிக் மிஸ்டேக்ஸ்

1  லாஜிக் மிஸ்டேக் 1−அவ்ளோ பெரிய ஹாஸ்பிடல்ல எக்ஸ்ரே எடுக்க 12 வது மாடிக்குப்போகனும்னு ஒரு டாக்டர் பொய் சொல்றதை நம்பி செக்யூரிட்டி ஆபீசர் போலீசால் தேடப்படும் கைதியை அனுப்புவாரா? #kadaramkondaan

2 வசனகர்த்தா விடம் ஒரு கேள்வி

அக்கம் பக்கம் விசாரிங்க

neighbours also

மேஜர் சுந்தர்ராஜன் ரசிகரோ? #KadaramKondanreview

ரெண்டும் 1 தானே?

3 லாஜிக் மிஸ்டேக் 2 − அவ்ளோ கஷ்டப்பட்டு அலைஞ்சு தேடி ஹீரோவைக்கண்டுபிடிக்கும் வில்லன் தன் கையால்"அப்பவே சுடாம தன் அடியாள்ட்ட ,நீ முடிச்சுடு னு சப் காண்ட்ராக்ட் விடறாரே?அவரு முடிக்க மாட்டாரா?#KadaramKondan

3  2010 ரிலீஸ் ஆன Point blank ஹாலிவுட்"படத்தை 2019 ல அவங்களே திரும்ப ரீ மேக் ப்ண்ணி இருக்காங்க,நம்மாளுங்க மறுபடி"அதை ரீ மேக்.இட்லி அவிச்சு உப்புமா ஆக்கி அடுத்த நாள் மறுபடி சூடாக்கி சாப்பிடறமே அப்டி #KadaramKondan

4   திரைக்கதையில் பெரிய தவறு என்னன்னா கதை ஹீரோ பார்வைல போகாம அவர் கூட இருக்கற டாக்டர் பார்வைல போகுது.அந்த கேரக்டருக்கு விஜய்சேதுபதி,அருண் விஜய் மாதிரி ஆளை போட்டிருந்தா பட்டாசா இருந்திருக்கும் #KadaramKondan

 ( படம் முடிஞ்சதும் தான் விக்ரம் இதுல ஹீரோவே இல்லைங்கற ராணுவ ரகசியத்தை கண்டு பிடிச்சேன்)

5  லாஜிக் மிஸ்டேக் 3−வில்லி நிறைமாத கர்ப்பிணிப்பெண்ணான நாயகியை கைல துப்பாக்கி இருந்தும் சுடாம மொட்டைமாடில இருந்து பலவந்தமா குதிக்க வைக்க அரை மணி நேரமா சண்டைபோட்டுட்டு இருக்காப்டி,ஷப்பா டேய் #KadaramKondan

 6 டைட்டில் ல வர்ற கடாரம் கொண்”டான்” ல ஹீரோ க்கு டாண் கேரக்டரோனு நினைச்சேன் , அது இல்லை. டைட்டிலுக்கும் படத்துக்கும் சம்பந்தம் இல்லை ,. வலிய கே கே அப்டினு தான் ஹீரோவைக்கூப்பிடுவாங்கனு சொல்லிக்கறாங்க . அதுக்கு இன்னொரு அர்த்தம் இருக்குனு நம்ம ஆளுங்க தெரிஞ்சுக்கலை

7   நிறை மாத கர்ப்பிணிப்பெண்ணை அந்த லேடி போலீஸ்  சித்ரவதை பண்றதெல்லாம்  ஓவரோ ஓவர் , லேடீஸ் ஆடியன்சை கவர் பண்ண ட்ரை ;பண்றாங்க போல , மலையாளப்படங்களீல்  இதுபோல காட்சி வந்தால்  பெண்களை   சித்ரவதைப்படுத்துவது குற்றம்னு சப் டைட்டில் மாதிரி ஓடும் . இங்கே ஒண்ணையும் க்லாணோம்,

கடாரம் கொண்டான் @கேரளா கோட்டயம் அனுபமா 60% full ,ரெட் அலர்ட் விட்டு அடாத மழையிலும் விடாத"ரசிகர் கூட்டம் #KadaramKondan

 ஃபைனல் கமெண்ட் - கடாரம் கொண்டான் − 2010- Point blank பிரெஞ்ச் பட ரீமேக் ,முதல் பாதில ஹீரோ"30 நிமிஷம் கூட வர்லை ,பின் பாதில ஒரே துரத்தல்"மயம் ,சேசிங்"காட்சிகள்"அதிகம்.ஹீரோ சார்பாக"ஆடியன்ஸ் அனுதாபப்படும்படி"காட்சிகள் இல்லாதது பலவீனம், விகடன் 41 ரேட்டிங் 2.5 / 5 , ஏ சென்ட்டர் பிலிம் #KadaramKondan

விக்ரம் படத்தின் கதை தி டிரான்ஸ்போர்ட்டர் பிரெஞ்சுப்படத்திலிருந்து சுடப்பட்டதா ?

தி டிரான்ஸ்போர்ட்டர் பிரெஞ்சுப்படத்திலிருந்து சுடப்பட்டதா விக்ரம் படத்தின் கதை?

1

கடந்த இரண்டு வருடங்களாக ஷங்கரின் இயக்கத்தில் ஐ படத்தில் நடித்து வந்த விக்ரம், அப்படத்தை முடித்துவிட்டு, தற்போது கோலிசோடா இயக்குநர் விஜய்மில்டன் இயக்கும் புதிய படத்தில் நடித்து வருகிறார். சமந்தா கதாநாயகியாக நடிக்கும் இப்படத்தை ஏ.ஆர்.முருகதாஸ் தயாரிக்கிறார். கடந்த மாதம் சென்னையில் இப்படத்தின் படப்பிடிப்பு துவங்கி சில நாட்கள் நடைபெற்றது. தொடர்ந்து இப்படத்தின் படப்பிடிப்பு மும்பை, டெல்லி போன்ற வட இந்தியாவில் நடைபெறுகிறது. இன்னும் பெயர் சூட்டப்படாத இந்தப் படத்தில் விக்ரம் லாரி டிரைவராக நடிக்கிறார்.

இந்த நிலையில் இந்த படத்தின் கதையைப் பற்றிய பரபரப்பு செய்தி அடிபட ஆரம்பித்திருக்கிறது. தி டிரான்ஸ்போர்ட்டர் என்ற பிரெஞ்சுப் படத்திலிருந்து சுடப்பட்ட கதை என்பதே அந்த செய்தி. தி டிரான்ஸ்போர்ட்டர் படம் ஒரு டிரைவரைப் பற்றிய படம். 2002 ஆம் ஆண்டு வெளியான படம் இது. படத்தின் ஹீரோ ஒரு டிரைவர். இவர் தன் தொழிலில் மூன்று கொள்கைகளை தவறாமல் கடைபிடிப்பவர்.

ஒன்று - சரக்கை எடுத்துச் செல்ல ஓப்புக்கொண்டுவிட்டால் அந்த முடிவை மாற்றிக்கொள்ளவே மாட்டார்.

இரண்டு - பார்சலில் என்ன பொருள் இருக்கிறது என்று கேட்க மாட்டார்.

மூன்று - எக்காரணத்தைக் கொண்டும் பார்சலை பிரித்துப்பார்க்க மாட்டார்.

இப்படியொரு கொள்கை உடைய ஹீரோவின் வேனை சிலர் வாடகைக்கு எடுத்துக் கொண்டு போய், ஒரு வங்கியைக் கொள்ளையடிக்கிறார்கள். அவர்கள் தப்பிச் சென்றுவிட, ஹீரோ மாட்டிக்கொள்கிறார். அதன் பிறகு அவர் சந்திக்கும் பிரச்னைகள்தான் தி டிரான்ஸ்போர்ட்டர் படத்தின் கதை. இந்தக் கதையைத்தான் உல்டா பண்ணி இருக்கிறார்களாம்.

இதில் பெரிய தமாஷ் என்ன தெரியுமா? தி டிரான்ஸ்போர்ட்டர் படத்தை வெளியிட்டது டுவென்டியத் செஞ்சரி ஃபாக்ஸ் நிறுவனம். அதே ஃபாக்ஸ் நிறுவனத்தின் இந்திய நிறுவனமான ஸ்டார் ஃபாக்ஸ் உடன் இணைந்துதான் இந்தப்படத்தைத் தயாரிக்கிறார் ஏ.ஆர்.முருகதாஸ்.

சாரு தைரியசாலிதான்..!

 

 

 thanx - dinamalar 

 

 

a

a

 

 

 

 

 

 

விகடன் VS விக்ரம் -ன் தெய்வத்திருமகன் - காமெடி கும்மி

''இந்தப் படம் விக்ரமோட விஸ்வரூபம். 'சேது’, 'பிதாமகன்’ படங்களில் அவர் பண்ணி வெச்சிருக்கிற ரெக்கார்டுகளை அவரே இதில் அடிச்சு உடைச்சிருக்கார். கதையும் கேரக்டரும் முடிவானதும் நான் யோசிச்ச ஒரே ஹீரோ... விக்ரம்தான். என்னோட எதிர்பார்ப்பை 100 சதவிகிதம் நிறைவேற்றி இருக்கார். டெல்லியில் தேசிய விருதுக்கு ஆர்டர் சொல்லிரலாம்!'' - சந்தோஷமாகச் சிரிக்கிறார் டைரக்டர் விஜய்.

இப்படிவிருது கிடைக்க்ப்போகும் படம்னு  சொன்னா படம் ஓடாதே....

விக்ரம் நடிக்கும் 'தெய்வத்திருமகன்’ போஸ்ட் புரொடக்ஷன் வேலைகளுக்கு நடுவே நடந்தது இந்தச் சந்திப்பு.

1. ''எடை குறைந்து, முகம் மாற்றி இருக்கும் விக்ரம் போட்டோக்களைப் பார்த்தாலே, ஆச்சர்யமாக இருக்கிறதே...''

''இது என் கனவுப் படம். இந்தப் படத்துக்காக நானே ஒரு குழந்தை மாதிரி மாறி இருக்கேன். உங்களையும் ஒரு குழந்தையா மாத்தி, வேறு ஒரு உலகத்தைக் காட்டப் போறேன்.

 அய்யா.. ஜாலி.. அப்போ யாரும் தியேட்டர்ல டிக்கெட்டே எடுக்க வேண்டியதில்லையா? .. ஹி ஹி 

படத்தில் விக்ரமின் மனசின் வயசு அஞ்சு. அந்த வயசுக்கு உண்டான மன வளர்ச்சி மட்டுமே உள்ள ஆளா வர்றார். ஒரு குழந்தைக்கு இருக்கிற அதிகபட்சமான கேள்வி 'பட்டாம்பூச்சிக்கு யார் கலர் அடிச்சாங்க?’ங் கிறதுதானே? அப்படி ஒரு குழந்தைதான் விக்ரம். 

சுத்தி நடக்கிற எதுவும் அவருக்குத் தெரியாது. யாருக்கும் எந்தக் கெடுதலும் நினைக்கத் தெரியாது... முடியாது. கள்ளம், கபடம், காமம், பொறாமை, வக்கிரம்னு எதனோட நிழலும் படாமல் சிரிக்கிற ஒரு குழந்தையா வர்றார் விக்ரம். 

அப்படி ஒரு மனசு, உலகத்தில் ரெண்டே பேருக்குத்தான் கிடைக்கும்.  ஒண்ணு... ஞானி. இன்னொண்ணு... குழந்தை. எல்லோராலும் ஞானி ஆக முடியாது. ஆனா, யார் நினைச்சாலும், குழந்தை ஆக முடியும்!

உலகத்தோட அசிங்கங்கள் தெரியாம இருக்கிறவங்களை நாம மன வளர்ச்சி இல்லாதவங்கன்னு சொல்றோம். நான் அவங்களை 'தெய்வத்திருமகன்’னு சொல்றேன்!''

 மோகன்லால் நடிச்ச ஒரு மலையாளப்படம் + அமிதாப் நடிச்ச ஒரு ஹிந்திப்படம் இவற்றின் உல்டான்னு சொல்றாங்களே.. அதை சின்னப்புள்ளத்தனமான குற்றச்சாட்டா நினைச்சுக்கலாமா?  ... 

2. ''கேட்கவே நல்லா இருக்கு... படத்துக்காக நிறைய மெனக்கெட்டு இருப்பீங்கள்ல?'' 

''நானும் விக்ரமும் நிறைய ரிசர்ச் பண்ணினோம். 

 அப்போ படத்தோட ஹீரோயின்ஸ் அனுஷ்காவும், அமலா பாலும் உடன் இருந்தாங்களா?  ஹி ஹி..

மன வளர்ச்சி குன்றிய வங்களோட உலகத்தைப் பார்க்கிறதுக்கு 'உதவும் கரங்கள்’ வித்யாகர் நிறைய உதவி பண்ணினார். விக்ரம் சார், ஒரு மாசம் அவங்களோடு பழகினார். அவர் இல்லைன்னா... இந்தப் படத்தை நான் செய்து இருக்கவே மாட்டேன். அவ்வளவு அழகா அந்த கேரக்டரை உள்வாங்கிட்டார். ஷூட்டிங்கில் நிறைய இடங்களில் நான் கட் சொல்ல மறந்து நிற்கும் அளவுக்கு, நடிப்பைக் கொட்டியிருக்கார் விக்ரம்.

அப்போ படத்துல எடிட்டிங்க்ல கோட்டை விட்டிருக்கீங்களா?

உடல் மெலிஞ்சதால், நிறைய உடல் உபாதைகள் அவருக்கு இருந்தன. பொறுக்க முடியாத தலைவலி வரும்.

ராவணன் படம் பார்த்தப்போ எங்களுக்கு இருந்தா  மாதிரியா? 

விருப்பப்பட்டதைச் சாப்பிட முடியாது. எல்லாத்தையும் பொறுத்துக்கிட்டார். 14 கிலோ எடை குறைச்சார். அப்படியே அஞ்சு வயசுப் பையனோட பேச்சு, சிரிப்பு, குரல், பாடி லாங்வேஜ்னு அத்தனையும் மாத்தி அவர் வந்து நின்னப்போ... பிரமிச்சுட்டேன்.

இந்தியாவின் தலைசிறந்த நடிகர்களில் விக்ரம் ஒருத்தர். ஒவ்வொரு டைரக்டரும் அவரோடு ஒரு படம் பண்ணணும்கிறது என்னோட வேண்டுகோள்!''

3. ''இதில் அனுஷ்கா - அமலா பால்னு டபுள் தமாக்காவுக்கு என்ன வேலை?''

''நிச்சயமா மூணு ஃபைட், நாலு ஸீன் படம் கிடையாது. 

சீனா?.... ஓ.. ஸீனா?

ஹீரோயின் விஷயத்தில் பெரிய சர்ப்ரைஸ் இருக்கு. அனுஷ்கா தமிழில் தொடர்ந்து நடித்தால், சாவித்திரி, ரேவதி, சுஹாசினி அளவுக்குச் சிறந்த நடிப்பைத் தர முடியும். அதற்கான தகுதிகள் அவங்ககிட்ட உண்டு. 

அந்த 3 நடிகைங்க மேல உங்களுக்கென்ன கோபம்?

எல்லாரையும் சிரிக்கவைக்கிற சந்தானம், இந்தப் படத்தில் சிரிக்கவும் அழவும் வைப்பார். படத்தின் இன்னொரு ஸ்பெஷல் ஜி.வி.பிரகாஷ். எங்க கெமிஸ்டரி இதில் அடுத்த கட்டத்துக்குப் போயிருக்கு. குழந்தையா இருக்கிறதைவிட பெரிய சந்தோஷம் உலகத்தில் உண்டா?

நம்ம எல்லாருக்கும் குழந்தையாகும் வாய்ப்பு கிடைச்சிருக்கு. 'தெய்வத்திருமகன்’ உங்களை, என்னை, நம்மை இன்னும் அழகாக்கும்னு நம்புகிறேன்!''

நம்புங்க நம்புங்க.. நம்பிக்கை தானே வாழ்க்கை...