சர்கார் -சினிமா விமர்சனம்

எந்த நாட்டுக்குப்போனாலும் அங்கே இருக்கற கார்ப்பரேட் கம்ப்பெனிகளுக்கு கிலி கொடுக்கற ஒரு கார்ப்பரேட் க்ரிமினல் சொந்த நாட்டுக்கு  விசிட் அடிக்கறார், யாருக்கு ஆப்பு விழுமோன்னு கம்பெனிங்க நடுங்கறப்ப தன் ஓட்டைப்போடத்தான் வந்திருக்கார்னு தெரிஞ்சு ஆசுவாசம் ஆகிடறாங்க. ஆனா அவர் போட வேண்டிய ஓட்டை வேற ஒருத்தன் போட்டுடறான். எதிர்த்து கேஸ் போடறாரு, அந்த தொகுதில மட்டும் தான் தேர்தல் கேன்சல் ஆகும்னு அசால்ட்டா இருந்த ஆட்கள் அதைப்பார்த்து 234 தொகுதி ஆட்களும் கேஸ் போட டோட்டல் டேமேஜ், தேர்தல் கேன்சல். வில்லனுக்கும் , ஹீரோவுக்கும் நடக்கற போராட்டம்தான் பின் பாதிக்கதை

 ஏ ஆர் முருகதாஸ்  எப்பவும் கதைக்கருவில் ஒரு நம்பகத்தன்மையையும், பலமான அடித்தளத்தையும் அமைச்சுடுவார், அதே ஃபார்முலா இதிலும் ஒர்க் அவுட் ஆகி இருக்கு, ஆனா பின் பாதி திரைக்கதைல தடுமாறிட்டார், 234 தொகுதிகள்லயும் ஹீரோ செல்வாக்கு பெறுவதை கரெக்ட்டா எக்சிக்யூட் பண்ண முடியல

 ஹீரோவா தளபதி விஜய். ஆக்சன் காட்சிகளில் அதகளம் பண்ணி இருக்கார், படத்தின் முக்கிய பிளஸ்சே ஃபைட் சீன்கள் தான். இவருக்கோ , இவரோட அப்பாவுக்கோ ஒரு ஓவர் கான்ஃபிடன்ஸ் மனசுக்குள்ள இருக்கு , இதே மாதிரி ஒரு சந்தர்ப்பம் ராசய்யா பட ரிலீஸ்ல பிரபு தேவாகிட்ட இருந்தது , என் சம்பளம் இப்போ ஒரு கோடி-னு பஞ்ச் பேசுனார், ராஜ்கிரண் மாணிக்கம் ல ஒரு டஹால்டி பஞ்ச் பேசுனார், அதே போல் 3 இடங்களில்  விஜய் பஞ்ச் பேசறார். பாடல் காட்சிகள், நடனம் வழக்கம் போல் விஜய் ஸ்கோர் பண்றார். சில இடங்களில் நாடகத்தனம் தூக்கலா தெரியுது

வில்லியா வரலட்சுமி, செம ஆக்டிங். இவருக்கு ஜெ வின் உடை அலங்காரம் , சசிகலாவின் திமிர்த்தனம் வர்ற மாதிரி கேரக்டர் செட் பண்ணி இருக்காங்க , நல்லா ஒர்க் அவுட் ஆகி இருக்கு

 நாயகியா கீர்த்தி சுரேஷ். நடிகையர் திலகம் ல பட்டையைக்கிளப்பின கீர்த்தி இதுல சராசரி ஆகி இருக்கார்

 யோகி பாபு சும்மா கெஸ்ட் ரோல் மாதிரி

ராதாரவி கவனிக்க வைக்கும் நடிப்பு, எத்தனை வருச அனுபவம்!!

இசை  குட் , பின்னணி இசை இன்னும் கலக்கி இருக்கலாம். 

 ஒளிப்பதிவு  , எடிட்டிங் போன்ற டெக்னிக்கல் சமாச்சாரங்கள் சராசரி ரகம். திரைக்கதை முன் பாதி சுவராஸ்யமா கொண்டு போற இயக்குநர்  பின் பாதில தடுமாறி இருக்கார் 

 பெண்கள் , குழந்தைகளுக்குப்பிடிக்குமா? என்பது டவுட் தான், விஜய் ரசிகர்களுக்கு செம தீபாவளி விருந்து

நச் டயலாக்ஸ்

1  FB ல சிங்கிள்னு போட்டிருந்தீங்க?

ஆமா

ஆனா கூட ஒரு பொண்ணு இருந்ததே?

ஆமா,ஒரு பொண்ணு தானே இருந்தது?அதான் சிங்கிள்னு போட்டேன் #sarkar

2 நெம்பர் 2 பொசிஷன்ல இருக்கற உனக்கே இவ்ளோ அதுப்பு இருந்தா நெ 1 பொசிஷன்ல இருக்க எனக்கு எவ்ளோ அதுப்பு இருக்கும்!? ,விஜய் உள்குத்து பஞ்ச் #sarkar

3 இந்தக்காலத்துல எவன் யோக்கியனா இருக்கான்? #sarkar

4 எங்க அப்பா ரொம்ப நல்லவரு,கம்மியாதான் லஞ்சம் வாங்குவாரு #sarkar

5  திருடனை பிடிப்பது மட்டும் சட்டத்தோட வேலை இல்லை,திருடப்பட்ட பொருளை உரியவங்களுக்கு திருப்பித்தர்றதும் சட்டத்தோட கடமைதான் #sarkar

6 மக்கள் சாகவே கூடாதுனு அரசாங்கம் நினைக்கல,கலெக்டர் ஆபிஸ் முன்னால வந்து பிரச்சனை பண்ணக்கூடாதுனு நினைக்கறாங்க #sarkar

7 நம்ம நாட்டுல பிரச்சனைக்கு தீர்வு தேவை இல்லை,இன்னொரு பிரச்சனை தான் தேவை,மக்கள் டைவர்ட் ஆனா போதும் #sarkar

8 இந்தப்பிரச்சனைக்கு மக்களோட ரீ ஆக்சன் என்ன?

ஸ்பாட்ல இருந்தவன் அவன் பிரண்ட்சுக்கு எல்லாம் பார்வார்டு பண்ணான்,அவங்க அவங்களோட பிரண்ட்சுக்கு பார்வார்டு பண்ணாங்க,அவ்ளவ்தான் #sarkar

9 நம்ம எல்லாருக்கும் பொதுவா இருக்கறது பணம்தானே?

இல்லை,மக்கள்.ஒவ்வொரு இடத்துலயும் மக்கள்தான் பொது #sarkar

10 அவன் கிட்ட எந்த வம்பும் வெச்சுக்காதீங்க,ரொம்ப டேஞ்சரான ஆளு #sarkar (SAC எடுத்துக்கொடுக்க ஜெயமோகன் தொடுத்துத்தந்த பஞ்ச் போல)

11 நம்ம ஜனங்கள்ல பாதிப்பேரு முட்டாளுங்க

யோவ்....

சரி,நம்ம ஜனங்கள்ல பாதிப்பேரு புத்திசாலிங்க

ஆங்,அது

பாத்தீங்களா?ஒரே விஷயம் தான்,சொல்ற விதத்துலதான் வேறுபடுது #sarkar

12 நெகடிவ்வா சொன்னாதான் ஒரு விஷயம் ஜனங்களுக்கு போய்ச்சேரும் #sarkar

13 1000 ருபா திருடுன திருடனைப்பிடிக்க போலீஸ் 10,000 ருபா செலவு பண்றதில்லையா? 9000 ருபா நட்டம்னு நினச்சா அந்த திருடன் அவன் வாழ்நாள் பூரா திருடீட்டே இருப்பான் #sarkar

14 ஆட்சிக்கு வந்தா எது வேணா பண்ணலாம்னு நினைக்கற அரசியல்வாதிங்க திமிரை அடக்கனும்,நான் அடக்கறேன் #sarkar

15 தப்பு பண்றதை விட அபத்தம் அதை மறைக்கறது #sarkar

16 நீங்க பண்ற ஒவ்வொரு தப்பும் எதிரிக்கு லாபம் #sarkar

17  கண்ட்டெய்னர் ல கோடி கோடியா பணத்தை கடத்துனவங்க எல்லாம் செத்தே போய்ட்டாங்க #sarkar ( அதிமுக ஜெ வை அட்டாக்கிங்)

18 தேர்தல் ல போட்டியிட ரூல்ஸ் எல்லாம் தெரியுமில்ல?

அதெல்லாம் அவருக்கு தெரிஞ்சதாலதான் எலக்சனே மறுபடி வருது #sarkar

19 எதிர்க்க ஆளே இல்லைன்னு இறுமாப்போட இருக்கறதுதான் ஜனநாயகத்தோட முதல் பலஹீனம் #sarkar

20 வரலட்சுமி பஞ்ச் = அவன் கார்ப்பரேட் கிரிமினல், நான் கருவிலேயே கிரிமினல் #sarkar

தியேட்டரிக்கல் அப்டேட்டட் ட்வீட்ஸ்

1  சர்கார் ,தீபாவளிக்கொண்டாட்டம் @ ஈரோடு ஸ்ரீநிவாசா 4.30 am ஷோ ,ஹவுஸ்புல் ,ஜனங்க கிட்ட இருக்கற இந்த விழிப்புணர்வு படிக்கறப்ப இருந்திருந்தா எல்லாரும் கலெக்டராவோ,ஐபிஎஸ் ஆபிசராவோ ஆகி இருக்கலாம் (என்னையும் சேர்த்து) #sarkar

2 தியேட்டர்ல பார்க்கற அனுபவமே தனி,ரசிகர்களோட உற்சாகக்குரல்,கை தட்டல்,விசில் கொண்டாட்டத்தோட படம் பார்க்கறதே தனி அனுபவம். #sarkar

3 கூகுள் சுந்தர் பிச்சை + டிராபிக் ராமசாமி = சுந்தர் ராமசாமி (ஹீரோபேரு உருவான வரலாறு) #sarkar

4 ஹீரோ ஓப்பனிங்க் சீன் துப்பாக்கி,கத்தி லெவல்ல ... ஹீரோயின் ஓப்பனிங்க் சீன் டம்மி #sarkar

5  தலைவா படத்துல தண்ணி அடிச்ட்டுப்பாடற அதே சிச்சுவேசன்ல சிம்டாங்கரன் சாங். தர லோக்கல் குத்து டான்ஸ் #sarkar

6 விஜய்,யோகிபாபு காம்போ சீன் ஒரு ரிலாக்சேசனுக்காக.ஆனா மெயின் கதையோட சீரியஸ்னெஸ் பாதிக்கப்படுது #sarkar

7 கீர்த்தி சுரேஷ் வழக்கம் போல,ஆனா வரலட்சுமி ராக்கிங் பர்பார்மென்ஸ்,கிட்டத்தட்ட வில்லி #sarkar

8 சர்கார் இடைவேளை வரை ஓகே. இந்த கதைக்கு விஜய்காந்த் ரொம்ப பொருத்தமா இருப்பார்,குழந்தைகளை,பெண்களை இது போன்ற சீரியஸ் விஜய் கவர்வாரா?தெரியல #sarkar

9 விஜய் உள்குத்து ஹம்மிங் −வெற்றி மீது வெற்றி வந்து என்னைச்சேரும்.... #sarkar

10  ரைட்டர் ஜெயமோகன் நல்ல திறமைசாலிதான்,ஆனா பீர்பால் கதைகள்,பஞ்ச தந்திரக்கதைகள் ல இருந்து வசனங்களை உருவி பட்டி டிங்கரிங் பண்ணாம அப்டியே ராவா தர்றாரு #sarkar

11 தீனா,கஜினி,துப்பாக்கி ல காமிச்ச ரொமான்ஸ் போர்சன் ரசனையை அதுக்குப்பின் ARM காட்டவே முடில,ஆக்சன் காட்சிகள்ல கலக்கறார் #sarkar

12 பின் பாதி திரைக்கதைல இயக்குனர் தடுமாற்றம்.திடீர்னு ஹீரோ 234 தொகுதிலயும் ஆள் நிறுத்தற படலம் ,அதுக்கு மக்கள் ஆதரவு நாடகத்தனம் ,லைட்டா போரிங் #sarkar

13 திருமலைக்குப்பிறகு ஆக்சன் காட்சிகள் ,ஸ்டண்ட் இதில் அதகளம் ,விஜய் ராக்கிங் பர்பார்மென்ஸ் #sarka

சபாஷ் டைரக்டர்

1   சட்டப்பிரிவு 49 பி பிரிவை பரவலா ஜனங்க கிட்டே கொண்டு வந்து சேர்த்த விதம் அருமை,  சமூக விழிப்புணர்வுப்பதிவு 

2  வரலட்சுமியின் பாத்திரப்படைப்பு, அவருக்கான காஸ்ட்யூம் டிசைன்ஸ், பாடி லேங்க்வேஜ் எல்லாமே கலக்கல்ஸ்

\

3  சிம்டாங்காரன்  உட்பட எல்லாப்பாடல்களுமே ஹிட் ரகம்

லாஜிக் மிஸ்டேக்ஸ்

1   நான் ஒரு கார்ப்பரேட் கிரிமினல்னு பஞ்ச் பேசும் ஹீரோ அதை செயலில் கடைசி வரை காட்டவே இல்லை

2  ரஜினி , கமல், விஜயகாந்த்  மாதிரி பல வருடங்கள் மக்களைக்கவர்ந்தவர்களே அனைத்து தரப்பு மக்களையும் கவர முடியாத நிலையில் ( கேப்டன் 12%) ஒரு ஃபாரீ ஆள் என் ஆர் ஐ திடீர்னு மக்கள் ஆதரவை 234 தொகுதிகள்லயும் பெறூவது எப்படி? என்பதுதான் திரைக்கதையின் அடிநாதம், அதில் கோட்டை விட்டுட்டாங்க

3  நாயகிக்கு திரைக்கதையில் பெரிய வேலை எதும் இல்லை, சும்மா டூயட் பாடத்தான் ( தமிழ் சினிமாவின் விதி )

4  ஒரு மாநில முதல்வர் சொந்தமா யோசிக்கவே மாட்டாரா? மகள் கொடுக்கற ஐடியா மட்டும் தான் ஃபாலோ பண்றார்

5  முதல்வன் படத்துல் ஒரு முதல்வர் ஹீரோவுக்கு எப்படி எல்லாம் நெருக்கடி கொடுப்பார்னு பக்காவா காட்டி இருந்தாங்க , அந்த டீட்டெய்லிங் இதுல மிஸ்சிங்

சி.பி கமெண்ட் - சர்கார் −முதல் பாதி சுவராஸ்யம்,பின் பாதி திரைக்கதை நம்பகத்தன்மை குறைவு,தடுமாற்றம்.ஆக்சன் சீன்ஸ் அதகளம்.வரலட்சுமி கெத்து நடிப்பு,சீரியஸ்னெஸ் முகத்துடன் விஜய் .துப்பாக்கி,கத்தி க்கு கீழே,ஸ்பைடருக்கு மேலே.விகடன் 42 ,ரேட்டிங்க் 2.75 / 5 . ARM+ விஜய் ஹாட்ரிக் ஹிட்

============

பைரவா - சினிமா விமர்சனம்

சரஸ்வதின்னு பேர் வெச்சிருந்தா மட்டும் நல்ல கல்வி அறிவு வந்துடாது, வளர்மதின்னு பேர் இருந்தா மட்டும்  அறிவு வளர்ந்துட்டே போகும்னும் சொல்லிட முடியாது, கல்வித்தந்தைன்னு தனக்குத்தானே பட்டம் கொடுத்துக்கிட்டா மட்டும் அவர் பண்ற தப்பு எல்லாம் சரி ஆகிடாது. இது தான் படத்தோட ஒன் லைன்.

பிரைவேட் பேங்க் ல  ஹீரோ லோன் செக்சன் ல  ஒரு கலெக்சன்  ஏஜெண்ட் / எக்ஸ்க்யூட்டிவ் ( எதுக்கு இந்த குழப்பம்னா டயலாக்ல அவரு ஏஜெண்ட் ,க்மிஷன் அப்டிங்கற வார்த்தை 3 டைம் வருது, ஆனா டிரஸ் கோடு பேங்க் எக்ஸிக்யூட்டிவ் போல் ). வராத கடனை  வசூல் பண்ணி தருவாரு.

ஹீரோயினுக்கு ஒரு பிரச்சனை, அதை ஹீரோ தீர்த்து வைக்கறாரு. ஹீரோயின் ஃபிளாஸ் பேக் என்ன? மெடிக்கல் காலேஜ்ல நடக்கும் முறைகேடுகள். அடிப்படை வசதிகள் இல்லாம ஃபீஸ் மட்டும் கரெக்டா வாங்கிட்டு நடத்தும் நிர்வாகத்தை தட்டிக்கேட்கும்  கதை

ஹீரோவா இளைய தளபதி விஜய். விக் வெச்சது பெரிய குறையா தெரியல. வழக்கம் போல் ஸ்மார்ட் லுக், அசால்ட் பர்ஃபார்மென்ஸ்.. 2 கலக்கல் டான்ஸ் , 3 பஞ்ச் டயலாக்ஸ் , 4 ஃபைட். இது போதாதா ஒரு கமர்ஷியல் ஹீரோவுக்கு?

ஹீரோயினா ஆர் டி ஓ ஆஃபீஸ் போய் சும்மா சிரிச்செ வாய்ல 

எட்டு போட்டு காட்டி லைசன்ஸ் வாங்கிய கீர்த்தி சுரேஷ். பொம்மை மாதிரி வந்துட்டுப்போறார்,ஹீரோயினுக்கு முக்கியத்துவம் உள்ள கதைனு தெரிஞ்சும் பெரிய அளவில் முயற்சி எடுக்கலை

காமெடிக்கு சதீஷ், ட்விட்டர்ல , தினத்தந்தி குடும்ப மலர்ல வ்ந்த மொக்கை ஜோக்ஸ் 4 சொல்லி 15 ரீல் படத்தை கவர் பண்ண முடியுமா?

 அவர் ராமராஜன் போல் லிப்ஸ்டிக் போட்டு வருவது , அதை வெச்சு கா,மெடி தேத்துவது எல்லாம் ரண கொடூரம்

 வில்லன் ஒரு மாங்கா மடையன் போல.ஒண்ணுக்கும் லாயக்கில்ல .

 அவரோடு ஒப்பிடும்போது கிளை வில்லன்  தேவலை.

பாடல்கள் , இசை ஓக்கே ரகம் . வரலாம் வரலாம் வா பைரவா கலக்கல் பிஜிஎம், 2 டப்பாங்குத்து பாட்டு சிவகாசி பேரரசுவை நினைவு படுத்துது. ஒரு மெலடி சாங்கில் விஜய் டான்ஸ் அருமை

கோர்ட் சீன்கள் எல்லாம் அந்தக்கால எஸ் ஏ சந்திர சேகர் படங்கள் பார்ப்பது போல் ரொம்ப போர். இன்னும் பக்காவா பண்ணி இருக்கலாம்

 படம்   ரொம்ப நீளம் . ரெண்டே முக்கால் மணி நேரப்படத்தை ரெண்டே காலாக ட்ரிம் பண்ணனும்

 அழகிய தமிழ் மகன் படத்தை விட இதை ஒரு படி நல்லாவே பண்ணி இருக்கார்

 ஆனா பிரச்ச்சனை என்னான்னா  துப்பாக்கி , தெறி , கத்தி அளவுக்கு இல்லைனு பொது ஜ்னங்க கம்பேர் பண்ணி கமெண்ட் அடிப்பாங்க

தியேட்டரிக்கல் ட்விட்டர் அப்டேட்ஸ்

1 Bairava 168 minutes

2 Symbolic shot Vijaya production shows mgr next rajni and then vijay #bairava

3 Opening shot of some heroes may b bike shot .next level cycle shot #bairava

4 As usual vijay handsome look.

5 The director knows the pulse of the fans .opening shot ,first fight shot ,the bgm all good #bairava

6 Opening song pattaiyai kilappu is an average.but Vijay dance performance awesome #bairava

7 The dialogue writer slipped.the bank loan section collection executive get incentive.not commission. #bairava

8 The melody song manjal ,simple dance movement #bairava

9 Comedy actor sathese has no scope due to poor comedy script.his lipstick comedy not work out #bairava

10 The total audiences of the theatre stand up during varalaam varalaam vaa bairavaa song & fight

11 Bairavaa http://interval.one  step down to azhakiya Tamil magan till now.

12 A commercial hero film screenplay must b with full & full hero oriented scenes.the director missed it.20 minutes without hero

13 The first half of azhagiya Tamil Magan consists of thrilling scenes and un expected twist.but in bairava the suspense fails

14 The flash back of the heroine look like paari vaendhar pacha muthu #bairavaa

15 After vaseegara now only Vijay had done a mgr special Dance movement #bairava

16 Azhakiya soodaana poovae song very good dance steps.vijay's special touch #bairavaa

17 The court scenes r remembering S.A.Chandrasekaran films #bairavaa

18  Bairavaa - an average commercial masaala movie better than sura,puli,vaettaikaran.vikatan mark may b 40.rating 2.5 / 5

19 Kalakkal dappaanguthu song vaappaa vandhaadappaa sema dance.the director becomes sivakasi paerarasu #bairavaa

நச் வசனங்கள்

1 டைமிங்கை மட்டும் ஒருத்தன் சரியா கீப் அப் பண்ணிட்டா டைம் சரி இல்லைனு  அவன் புலம்ப வேண்டிய அவசியமே இருக்காது #பைரவா

=============

2 இன்னைக்கு சம்பாதிக்கும் பணத்தை இன்னைக்கே செலவு பண்ணிட்டாதான் நாளை சம்பாதிக்க இன்னும் உத்வேகம் பிறக்கும் #பைரவா

==============

3 சேமிச்ச உணவு  ஃபிரிட்ஜ்ல வெச்ச உணவு போல பழசா இருக்கும், வேட்டையாடி சாப்பிடறதுதான் ஃபிரஷ்சா இருக்கும் #பைரவா

===============

4  ஐ டி ல ஒர்க் பண்ற பொண்ணு கூட நைட்டில நல்லாருக்காது #பைரவா

==============

5 என் ஆளு 1000 பேர் நிற்கற கூட்டத்தில் கூட தனியா தெரிவா

ஒரு வேளை தனியா போய் நின்னிருப்பாளோ?

#பைரவா
-- 

===============

6 வீட்டுக்கு வந்த விருந்தாளிக்கு குடிக்க எதுனா கொண்டு வாடா

 அவங்க லேடி, குடிக்கற பழக்கம் இருக்குமா? #பைரவா

===============

7 plan பண்ணி வந்த உனக்கு எதும் மாட்டலை, ஆனா PLAIN னா வந்த எனக்கு ஒரு ஃபிகர் மாட்டி   இருக்கு #பைரவா

==============

8 

டிராஃபிக் போலீஸ் - ஹெல்மெட்?

ஹீரோ - அதான் நீங்க போட்டிருக்கீங்க இல்ல?

லைசென்ஸ்?

எடுத்தாச்

பேப்பர்?

படிச்சாச் #பைரவா

=============

9 நீயா நானா கோபினாத்தை நக்கல் அடிச்சு ஒரு  டயலாக் - கனம் கோட்டார் அவர்களே! #பைரவா

===========

10   வாழ்க்கைல எதை இழந்தாலும் திரும்ப மீட்டுக்கலாம், ஆனா உறவை மட்டும் இழந்துடவே கூடாது #பைரவா

================

11 

 யார் கிட்டயும் இல்லாத ஒரு கெட்ட பழக்கம் என் கிட்டே இருக்கு, அதான் சொன்ன சொல்லை காப்பாத்தறது  #பைரவா 

==============

 சபாஷ் டைரக்டர்

1   டீசர் , ட்ரெய்லர்  எடிட்டிங் , கட்டிங் ஒட்டிங் எல்லாம் பக்கா. ஒரு பக்கா கம்ர்ஷியல் ஹீரோ ரசிகர்களை திருப்திப்படுத்தும்படி படம் இருக்கு

2  நெருப்புடா கபாலி பஞ்ச் போலவே சிறப்பு , வெகு சிறப்பு என ரஜினி ரூட்டில் விஜயை திருப்பி விட்டது

3  விஜய் படங்களுக்கே உரித்தான ஆடல் பாடல் கொண்டாட்டங்கள், பஞ்ச் கள், பிஜிஎம்கள்

 இயக்குநரிடம் சில கேள்விகள் , லாஜிக் மிஸ்டேக்ஸ்

1  ஒரு சீனில் ஹீரோ மேல் பெட்ரோல் ஊத்திடறாங்க அடியாட்கள். தீ பத்த வைக்க ட்ரையிங்.. உடனே   ஹீரோ  ஓடறாரு. புத்திசாலித்தனமா எதுனா செய்வார்னு பார்த்தா  வில்லனோட பெட்ரோல் பங்க் போய் பைப்பை எடுத்து பெட்ரோலை அடியாட்கள் ,மேல் பீய்ச்சி அடிக்கறாரு. அவங்க தீ பற்றி எரியறாங்க. மறு முனை இவர் கிட்டே தானே இருக்கு, அதே நெருப்பு அவர் கிட்டே வராதா?

2   கிளை வில்லன் ஒரு சீன்ல  ஹீரோயின் கிட்டே “ குழந்தை எப்டி பிறக்குது? சொல்லு” அப்டினு டீட்டெய்லா கேட்க அதுக்குப்பழி வாங்கும் விதமா ஹீரோ வில்லனோட மகளுக்கு ஃபோன் போட்டு உன் மக கிட்டேயே கேட்டு தெரிஞ்சுக்கோ என்பதெல்லாம் விரசம். எம் ஜி ஆர் ஃபார்முலாவில் நடக்கும் விஜய் பேரை இப்படி கெடுக்கனுமா/

3  க்ளைமாக்சில் திடுதிப்பென பிரதமர் கொலை முயற்சி வ்ழக்கில்  வில்லனை சிக்க வைக்கும் ஹீரோ செயல்கள் எடுபடவில்லை.அவ்ளோ ஈசியாவா போலீஸ் ஏமாறும்?

4  வாய்ப்பிருந்தும் கோர்ட் காட்சிகள் பிரமாதமாக கையாளப்படவில்லை

சி.பி கமெண்ட் -  பி, சி செண்ட்டர்களில் ஓடும். அதுக்குள்ளே சிங்கம் 3 வராம இருக்கனும். விஜய் ரசிகர்கள் பார்க்கலாம்.எதிர்பார்க்கப்படும் ஆனந்த விகடன் மார்க் - 40 , ரேட்டிங் 2.5 /5

16 Kerala CHANGANASERRY apsara bairava fdfs fans celebration 1

a===================

2 Bairava celebration 2 CHANGANASERRY kerala

a===================

3 Bairava celebration 3 CHANGANASERRY Kerala apsara theatre

”தெறி” டைடில் அஜித் படத்திலிருந்து எடுக்கப்பட்டதா? உண்மை என்ன? - ஒரு அலசல்

விஜய் நடிப்பில் அட்லீ நடிக்கும் புதிய படத்திற்கு தெறி என தலைப்பு வைக்கப்பட்டுள்ளது. இந்தத் தலைப்பு எங்கே இருந்து வந்தது என பலரும் பலவாறு இணையத்தில் பேசி வருகிறார்கள்.  கொஞ்சம் யோசித்தால் அனிருத் கொடுத்த ஒரு  பேட்டியில் விஜய், அஜித் இருவரையும் குறிக்கும் ஒரு சொல் என்றவுடன் சொன்ன  வார்த்தையே தெறி எனலாம்.

 ‘புலி’ படத்திலிருந்து ‘வேதாளம்’ படத் தலைப்பு எடுக்கப்பட்டது. ஆனால் தெறி தலைப்பு அப்படி எடுக்கப்படவில்லை. சற்று யோசித்தால் கத்தி படத்தின் போஸ்டரிலேயே இந்தத் தெறி வார்த்தை இடம்பிடித்தது குறிப்பிடத்தக்கது.

ஒவ்வொரு வெற்றியையும் குறிக்க தெறி 2வது வாரம், தெறி 50வது நாள், தெறி 75வது நாள் என கத்தி படக்குழு போஸ்டரில் குறிப்பிட்டு விளம்பரங்கள் வெளியானது நம்மால் மறுக்க முடியாது. எனவே தெறி என்ற வார்த்தை கத்தி படத்திலேயே பயன்படுத்தப்பட்டுள்ளது. 

இதில் முகநூலில் உதவி இயக்குநர் ஒருவர் மூன்று மாதங்களுக்கு முன்பு தலைப்பு தன் படத்துக்காக யோசித்தேன் என சொந்தம் கொண்டாடியுள்ளதும் கேள்விக்குறியே. கத்தி படம் வெளியாகி ஒருவருட காலம் ஆனதும் இங்கே தெளிவாகியுள்ளது.

thanks vikatan

தடையின்றி வெளியாகுமா 'கத்தி'? விடை தெரியாமல் இருக்கும் கேள்விகள்

எந்தவித பிரச்சினையும் இல்லாமல் 'கத்தி' வெளியாகுமா என்பதற்கு இன்று மாலை அல்லது இரவு முடிவு எட்டப்படும் எனத் தெரிகிறது. 

ஏ.ஆர்.முருகதாஸ் இயக்கத்தில் விஜய், சமந்தா உள்ளிட்ட பலர் நடிப்பில், தயாராகி இருக்கும் படம் 'கத்தி'. லைக்கா நிறுவனம் தயாரித்திருக்கும் இப்படத்திற்கு அனிருத் இசையமைத்து இருக்கிறார். 

இலங்கை அதிபர் ராஜபக்சே ஆதரவு பெற்ற நிறுவனம் தான் லைக்கா என்று படம் ஆரம்பித்ததில் இருந்து சர்ச்சைகள் சுற்றிக் கொண்டே இருக்கின்றன. படம் முடிவு பெறும் தருவாயில், இப்பிரச்சினை விஸ்வரூபம் எடுத்தது. 

தமிழர் வாழ்வுரிமை கூட்டமைப்பு சார்பில் தற்போது இப்படத்திற்கு கடும் எதிர்ப்பு தெரிவித்து வருகிறார்கள். அதுமட்டுமன்றி, படம் வெளியானால் திரையரங்குகள் முன்பு ஜனநாயக ரீதியில் போராட்டம் நடத்துவோம் என்று அறிவித்தார்கள். 

இந்நிலையில், 'கத்தி' படத்தின் பின்னணியில் ரசிகர்களுக்கு பல்வேறு கேள்விகளுக்கும் விடை தெரியாமல் இருக்கிறது. விடை தெரியாமல் இருக்கும் கேள்விகள்.. 

* படத்தை ஜெயா டி.வி நிறுவனம் வாங்கிவிட்டது என்று படக்குழு கூறிவந்தாலும், ஜெயா டி.வி நிறுவனம் "நாங்கள் எந்தவித ஒப்பந்தமும் போடவில்லை" என்று கூறப்பட்டு வருகிறது. அப்படியானால் டி.வி உரிமை யாரிடம் இருக்கிறது? 

* 'கத்தி' படத்தின் இசை வெளியீட்டு விழாவை ஜெயா டி.வி மட்டும் தான் வீடியோ பதிவு செய்ய வேண்டும் என்ற முறையில் நடைபெற்றது. அவ்வாறு ஜெயா தொலைக்காட்சி வாங்கியிருந்தால், அந்த இசை வெளியீட்டு விழாவை இந்நேரத்திற்குள் ஒளிபரப்பு செய்திருப்பார்களே.. ஏன் செய்யவில்லை? 

* வெளியீட்டிற்கு இன்னும் மிகச்சில நாட்களே இருக்கும் நிலையில், பேட்டி என்று தொடர்பு கொண்டால், கண்டிப்பாக பேசுவார்கள். ஆனால், தற்போதைய நிலவரம், படக்குழு சம்பந்தப்பட்ட யாருக்கு போன் செய்தாலும், எல்லாருமே பிஸியாக இருக்கிறேன் என்று கூறுகிறார்கள் அல்லது அப்புறம் பேசுங்கள் என்று கூறிவிட்டு அடுத்த முறை போன் செய்யும் போது எடுப்பதில்லை. இதற்கான காரணம் என்ன? 

* இதுவரைக்கும் 10 முதல் 15 புகைப்படங்கள் மட்டுமே அதிகாரப்பூர்வமாக வெளியிட்டு இருக்கிறார்கள். வழக்கமாக 100 முதல் 200 புகைப்படங்கள் வரை வெளியாகும். ஏன் இன்னும் புகைப்படங்களை வெளியிடவில்லை? 

* ஒரு படத்திற்கு முக்கியமாக கருதப்படுவது படத்தின் ட்ரெய்லர். ஆனால், 'கத்தி' ட்ரெய்லர் இது வரை(அக்.18) வெளியாகவில்லை. என்ன காரணம்? 

இவ்வாறு பல கேள்விகள் இருக்கும் நிலையில், இன்று காலை ஐங்கரன் கருணாமூர்த்தி திரையரங்க உரிமையாளர்களை சந்தித்து பேசிவருகிறார். இது குறித்து குரோம்பேட்டை வெற்றி திரையரங்க உரிமையாளர் தனது ட்விட்டர் பக்கத்தில், "'கத்தி' தீபாவளிக்கு வெளியாகுமா? லைக்கா பிரச்சினை தொடர்கிறது. இன்று இரவிற்குள் பேச்சுவார்த்தையில் நல்ல முடிவுகள் எட்டப்படும் என்று நம்புகிறேன்" என்று தெரிவித்திருக்கிறார். 

பல போராட்டங்கள் கடந்திருக்கும் 'கத்தி', தற்போது நிலவி வரும் இறுதிகட்ட போரட்டத்தையும் கடந்து உறையில் இருந்து திரைக்கு வருமா? 

thanx  - the hindu

தலைவா - விஜய் பர பரப்பு அறிக்கை , கலைஞர் கடிதம் , ஜெ தரப்பு வாதம்

தலைவா பிரச்னை - ரசிகர்களுக்கு விஜய் வேண்டுகோள்

தலைவா படம் விரைவில் வெளியாகும், அதுவரை ரசிகர்கள் பொறுமையுடனும், கண்ணியத்துடனும் நடந்து கொள்ள வேண்டும் என நடிகர் விஜய் வேண்டுகோள் விடுத்துள்ளார். தமிழகத்தில் தலைவா படம் வெளியாகதாதல் அவரது ரசிகர்கள் சிலர் சாலைமறியலில் ஈடுபட்டனர். கோவையில் அவரது ரசிகர் ஒருவர் தற்கொலையே செய்து கொண்டுள்ளார். இந்நிலையில் இதுதொடர்பாக நடிகர் விஜய் வெளியிட்டுள்ள செய்தியில் கூறியிருப்பதாவது, நான் நடித்த தலைவா படம் ஆகஸ்ட் 9ம் தேதி ‌திரையிட திட்டமிட்டு இருந்தார்கள். ஆனால் தவிர்க்க முடியாத சில காரணங்களால் அந்த தேதியில் படம் வெளிவர முடியவில்லை.

என் மீது பாசமும், அன்பும் கொண்ட ரசிகர்கள், ரசிகைகள், தாய்மார்கள் உங்களையெல்லாம் நான் அன்போடு கேட்டுக்கொள்வது என்னவென்றால், ஏமாற்றத்தினால் சில ரசிகர்கள் விரும்பத்தகாத சில காரியங்களில் ஈடுபடுவதவாக நான் அறிந்தேன். இது நமக்கு நல்லதல்ல, தலைவா படம் விரைவில் திரைக்கு வரும். அதுவரை ரசிகர்கள் பொறுமையுடனும், கண்ணியத்தோடும், அமைதியாகவும் இருக்க வேண்டும் என என் நெஞ்சில் குடியிருக்கும் அத்தனை பேரையும் அன்போடு கேட்டுக்கொள்கிறேன்.

இவ்வாறு விஜய் கூறியுள்ளார்

தலைவா படத்திற்கு வரிவிலக்கு கிடையாது - தமிழக அரசு!!

5

 விஜய் நடித்துள்ள தலைவா படத்திற்கு கேளிக்கை வரிவிலக்கு தர முடியாது என தமிழக அரசு தரப்பில் தெரிவிக்கப்பட்டுள்ளது. விஜய் இயக்கத்தில், நடிகர் விஜய் நடித்துள்ள படம் தலைவா. இப்படம் நேற்று வெளியாக வேண்டியது. ஆனால் சில பல பிரச்னைகளால் தமிழகம் தவிர்த்து இந்தியாவின் பிற மாநிலங்களிலும், வெளிநாடுகளிலும் ரிலீஸாகியுள்ளது. தமிழகத்தில் படத்தை ரிலீஸ் செய்வதற்கான முயற்சிகள் மும்முரமாக நடந்து வருகிறது. இதற்கிடையே தலைவா படத்திற்கு யு சான்று அளிக்கப்பட்டதை தொடர்ந்து கேளிக்கை வரியில் இருந்து விலக்கு அளிக்கக்கோரி தமிழக அரசிடம் படக்குழுவினர் கேட்டிருந்தனர்.

அதன்படி படத்தை பார்த்த 7பேர் கொண்ட தமிழக அரசின் கேளிக்கை வரி விலக்கு குழுவினர், படத்திற்கு கேளிக்கை வரியிலிருந்து விலக்கு அளிக்க முடியாது என்று கூறிவிட்டனர். படத்தில்  சில காட்சிகளுக்கும், விஜய் பேசும் சில வசனங்களுக்கும் ஆட்சேபம் தெரிவித்தனர். படத்தின் தலைப்பு தமிழில் இருந்தாலும், யு சான்று பெற்றாலும், ஆங்கில கலப்பு வசனங்கள் நிறைய இருக்கிறது என்றும்,  பெண்கள், குழந்தைகள் மனதைப் பாதிக்கும் வண்ணம் படத்தில் வன்முறை அதிகம் உள்ளதாலும், சமுதாயத்தை திசை திருப்பும் வண்ணத்தில் விஜய்யின் வசனங்கள் இருப்பதாலும் தலைவா படம் வரிவிலக்கு பெறுவதற்கு தகுதியற்றது என்றும் தேவேந்திர பூபதி, இசையமைப்பாளர் சங்கர் கணேஷ், பாடகி எல்.ஆர்.ஈஸ்வரி, நடிகை ராஜஸ்ரீ உள்ளிட்ட 7பேர் கொண்ட உறுப்பினர்கள் தமிழக அரசுக்கு பரிந்துரை செய்துள்ளனர். இதனையடுத்து படத்திற்கு வரிவிலக்கு அளிக்க முடியாது என்று தமிழக அரசு கூறி அதற்கான ஆணையையும் பிறப்பித்துள்ளது.

ஏற்கனவே படம் ரிலீஸாவதில் சிக்கல் உள்ள நிலையில், படத்திற்கு கேளிக்கை வரியில் இருந்து விலக்கு அளிக்க முடியாது என்று தமிழக அரசு கூறியிருப்பது ‘தலைவா’வுக்கு மேலும் ஒரு ‘தலைவலி’யை ஏற்படுத்தியுள்ளது.

விஸ்வரூபத்திற்கு வந்த அதே நிலை தலைவாவுக்கு - கருணாநிதி அறிக்கை

4

 விஜய்யின் தலைவா படம் ரிலீஸாவதில் ஏற்பட்டுள்ள சிக்கல் குறித்து தி.மு.க. தலைவர் கருணாநிதி வெளியிட்டுள்ள அறிக்கையில் கூறியிருப்பதாவது,  தலைவா படம் பல கோடி ரூபாய் செலவில் தயாரிக்கப்பட்டதாக சொல்கிறார்கள். அந்த படத்தில் தம்பி விஜய் நடித்து, அது வெளிவருவதை அவருடைய ரசிக நண்பர்கள் பெரிதும் ஆவலாக எதிர்பார்த்து நிற்கிறார்கள்.

இந்த நிலையில் அந்த படத்திலே ஏதோ ஒரு வாக்கியம் அரசை தாக்குவதை போல இருப்பதாகக் கூறி, அந்தப்படம் வெளிவரும் தியேட்டர்களுக்கெல்லாம் வெடிகுண்டு மிரட்டல்கள் வருவதாகக் கூறப்படுகிறது. ஆனால் நடிகர் விஜய், அந்தப் படம் அரசியல் படம் அல்ல என்றும், யாரோ சிலர் பரப்பி வரும் வதந்திகளை நம்ப வேண்டாம் என்றும் கூறியுள்ளார். நடிகர் விஜய் முதல்– அமைச்சரை இதற்காகச் சந்திப்பதற்காக கொடை நாட்டிற்கே பயணம் மேற்கொண்டதாகவும், ஆனால் முதல்வரைப் பார்க்க அவர்களுக்கு நேரம் ஒதுக்கப்படவில்லை என்றும் செய்தி வந்துள்ளது. மேலும், தமிழில் பெயரிடப்படும் திரைப்படங்களுக்கு வழக்கமாக தமிழக அரசினால் அனுமதிக்கப்படும் வரி விலக்கு கூட, இந்தத் திரைப்படத்திற்கு மறுக்கப்பட்டிருப்பதாகவும் தெரிகிறது.

கடந்த சில மாதங்களுக்கு முன்பு விஸ்வரூபம் திரைப்படத்திற்கும் இந்த நிலைதான் வந்தது. தமிழகத்தில் இப்படிப்பட்ட நிலைமைகள் தொடருமேயானால், அதை யாரும் கண்டுகொள்ளாமல் நமக்கென்ன என்று இருந்து விடுவார்களானால், ஆட்டைக்கடித்து, மாட்டைக் கடித்து மனிதனைக் கடிக்கத் தொடங்குகின்ற நிலைதான் ஏற்படும்.

இவ்வாறு அவர் கூறியுள்ளார்.

 

 

நன்றி  - தினமலர்