போடா போடி - சினிமா விமர்சனம்

 

படத்தோட கதை , விமர்சனத்துக்குள்ளே போறதுக்கு முன்னே இந்த கதை எப்படி உருவாச்சுங்கற பின் புலத்தை பார்த்துடுவோம். அது மெயின் கதையை  சுவராஸ்யமாய் புரிந்து கொள்ள ஏதுவா இருக்கும். 

அண்ணி (!!!! ) நயன் தாராவுடன் அண்ணன் சிம்பு நட்புடன் இருந்த கால கட்டத்தில்  நயன் நடிக்கும் பட ஷூட்டிங்க் ஸ்பாட்டுக்கெல்லாம் போய் அவரது காதலை, பொசசிவ்னெஸ்ஸை வெளிப்படுத்தி வருவார். ஒரு தெலுங்குப்பட ஷூட்டிங்க்கின் போது நயன் ஆந்திர ஹீரோவுடன் நெருக்கமான காட்சியில் நடிக்கும்போது உடன் இருந்து பார்த்த சிம்பு கடுப்பாகி அந்தப்பட வாய்ப்பை கேன்சல் பண்ணச்சொன்னார்.

 அதுக்கு சாத்தியம் இல்லை என நயன் சொன்னதே பிரிவுக்கான முதல் அச்சாரம். நயனுக்கு பதிலடி கொடுக்க காத்திருந்த சிம்பு அந்த கதையை பேஸ் பண்ணி கெட்டவன் படத்தை தொடங்கினார். சில  காரணங்களால் அது தள்ளிப்போக போடா போடியில் அந்த சொந்தக்கதையை சாமார்த்தியமாக உள் நுழைத்து விட்டார்.


 பிராமண எதிர்ப்பு வசனங்கள் இருந்ததால் இது நம்ம ஆளு படத்தின் முழுப்பொறுப்பும் ஏற்றிருந்த கே பாக்யராஜ் எப்படி பாலகுமாரனை கேடயமாகப்பயன்படுத்தினாரோ ,பல படங்களில் கமல் இயக்குநராகப்பணி ஆற்றியும் டைட்டிலில் அவர் பேர் போடாமல் இருப்பது போலவும் இந்தப்படத்திலும் சிம்பு தான் ஆல் இன் ஆல் என ஒரு பேச்சு இருக்கு.. ஓக்கே லெட் கோ டூ  த ரிவ்யூ..

ஹீரோ தமிழ்க்கலாச்சாரத்தை மதிப்பவர். அதே மாதிரி பெண் வேணும்னு நினைக்கறவர். அவர் கண்ல அலட்ரா மாடர்ன் கேர்ள் சாரி அல்ட்ரா மாடர்ன் கேர்ள் ஹீரோயின் கண்ல படறாங்க.. காதலுக்கு பிரபோஸ் பண்றார். பசை உள்ள பார்ட்டின்னு நினைச்சு ஹீரோயின் ஓக்கே சொல்லிடுது.


 ஹீரோயின் டான்ஸ் கிளாஸ் போகுது. அங்கே டெயிலி டான்ஸ் பிராக்டிஸ். அங்கே கண்ட கண்ட நாயோட ( ரைட்டர் நாயோன் மன்னிக்க ;-)) )எல்லாம் அவர் கட்டிப்பிடிச்சு டான்ஸ் ஆடறது ஹீரோவுக்குப்பிடிக்கலை.கதைக்களன்  லண்டன். அதனால் ஹீரோயினுக்கு அது ஜூஜுபி மேட்டர். அவர் கற்புள்ளவர்தான். ஆனா அதை எல்லாம் சாதாரணமா எடுத்துக்கறவர்.ஆனா ஹீரோவால அப்படி டேக் இட் ஈசி பாலிஸின்னு இருக்க முடியல.

 குஷி படத்துல வர்ற மாதிரி அடிக்கடி சண்டை போட்டு பிரிவதுன்னு இருக்காங்க.. அப்போதான் ஹீரோவோட ஃபிரண்ட் ஒரு ஐடியா தர்றாரு. ஒரு குழந்தை பொறந்தா எல்லாம் சரி ஆகிடும். குழந்தையை பார்த்துக்கவே நேரம் சரி ஆகிடும். அப்புறம் எங்கே இருந்து டான்ஸ் கிளாஸ் போக?இந்த ஐடியாப்படி மேரேஜ் ஆகாமயே லிவிங்க் டுகெதரா வாழும் இருவரும் கில்மாவை முடிச்சு ( வல்லவன் படத்தில் வருவது போல் ) குழந்தை பெத்துக்கறாங்க. இடை வேளை 

ஹீரோயினுக்கு ஹீரோவோட டிராமா தெரிஞ்சுடுது.ஓஹோ, இந்த கில்மா, குழந்தை எல்லாம் இயற்கையா நடக்கனும், இதைக்கூட பிளான் போட்டு செய்வாங்களா?ன்னு கேட்டு பழைய ஜிகிடி கதவைதொறடின்னு பாப்பா மறுபடி டான்ஸ் கிளாஸ் போகுது.

 அதுக்குப்பின் என்ன நடக்குது என்பது மிச்ச மீதிக்கதை . 

 விண்ணைத்தாண்டி வருவாயா? கோவில் படங்களுக்குப்பின் சிம்பு ரொம்ப க்யூட்டா, பர்சனாலிட்டியா தோன்றும் 3 வது படம் இது.ஒளிப்பதிவாளரின் கைங்கர்யமோ என்னவோ ஆள் செம பர்சனாலிட்டியா இருக்கார்.பல காட்சிகளில் இளமைக்குறும்பு. இதே போல் ஒழுங்காக அடக்கி வாசித்தால்  இன்னொரு விஜய் ஆக வர வாய்ப்பு உண்டு. 

ஹீரோயின் சரத்குமார் மகள் வர லட்சுமி எனும் வரு. யார் கோவிச்சுக்கிட்டாலும் பரவாயில்லை, ஒரு மேட்டரை தேங்காய் உடைச்ச மாதிரி சொல்லிடறேன். படத்துக்கு பெரிய மைனசே ஹீரோயின் தான். அவர் ஹேர் ஸ்டைலை மாற்றி ,  மேக்கப் விமனை மாற்றி , கெட்டப்பை ,மாற்றி ரொம்ப முயற்சி பண்ணா மட்டுமே பாஸ் மார்க்காவது எடுக்க முடியும்.. மற்ற பிரதேசங்கள் செழிப்பான பூமியாக இருந்தாலும் முகம் வரண்ட லட்சுமியாக இருப்பதால் முடில.. 

இது  நம்ம ஆளு சோபனா , ஹீரோவின் நண்பர் என ஆங்காங்கே கொஞ்சம் தெரிந்த தலைகள். எல்லாருக்கும் வாய்ப்புக்குத்தகுந்தாற்போல் காட்சிகளை சரியாக உபயோகப்படுத்தி இருக்காங்க.. 

இயக்குநர் பாராட்டு பெறும் இடங்கள் 

1. குஷி படத்தின் பாதிப்பு என்பது திரைக்கதையில் யாரும் குறை சொல்லிடக்கூடாது என்று கதைக்களனை லண்டனுக்கு மாற்றியது .சிம்புவின் சொந்தக்கதையை , சில காட்சிகளை அழகாக பயன்படுத்தியது .

2. ஒளிப்பதிவு கண்ணுக்கு குளுமை. பாடல் காட்சிகள் படமாக்கப்பட்ட விதம் சுமார் என்றாலும் பல பாடல்கள் ஹிட் ரகம். குறிப்பாக லவ் பண்ணலாமா? வேணாமா? 

3. சிம்புவின் ஸ்டைலிஷ் தோற்றம் , ஷோபனாவின் அண்டர் ப்ளே ஆக்டிங்க், கதையுடன் பயணிக்கும் காமெடி 

4. தன் மனைவியுடன் ஆடும் ஆளை முகத்தில் தன் கோட்டை மாட்டி அவரை நையப்புடைக்கும் காட்சி , க்ளைமாக்ஸ் டான்ஸ் கலக்கல் ரகம்  , அதே போல் ஹீரோ - ஹீரோயினுக்கான வாக்கு வாதங்கள் சுவராஸ்யம்

 இயக்குநரிடம் சில கேள்விகள்

1. ஹீரோ தான் தமிழ்க்கலாச்சாரத்தோட வாழ்ந்ததால் ஹீரோயினின் ஃப்ரீனெஸ் எல்லாம் ஜீரணிக்க முடியலைங்கறார். ஆனா முதன் முதலா ஹீரோயினை பார்க்கும்போதும் சரி, காதலை சொல்லும்போதும் சரி  ஹீரோயின்  படு கிளாமரா தானே டிரஸ் பண்ணி இருந்தாங்க.. அது ஏன் ஹீரோ கண்ணுக்கு உறுத்தலை? 

2. ஹீரோயின் யாரோ ஒரு ஆள் கூட டான்ஸ் பண்ணுவதை தாங்கிக்க முடியாத ஹீரோ பல காட்சிகளில் ஹீரோயின்  படு கிளாமராக லோ கட் , லோ  ஹிப்பில் வரும்போது ஒண்ணும் சொல்லலையே? ஒரு காட்சியிலாவது “ ஏம்மா , இதெல்லாம் புருஷன் நான் பார்க்க , இப்படி கடை பரப்புனா எப்படி?”ன்னு ஒரு டயலாக் வெச்சிருக்க வேண்டாமா?

3. ஹீரோ பூவாவுக்கு என்ன பண்றார்? அவர் பணக்காரன் என ஹீரோயின் நினைச்சு லவ் பண்றார், ஓக்கே. அதுக்குப்பின் பண விஷயத்தில்  அல்லது தொழில் விஷயத்தில் குட்டு உடை பட்டதா? அது பற்றி காட்சியே இல்லையே? 

4. ஹீரோவுக்கும் , ஹீரோயினுக்கும் கில்மா நடக்கும் காட்சி வல்லவனில் இருந்து உருவப்பட்டாலும் அதில் இருந்த கிக் இதில் இல்லை.. ஏனோதானோ என படமாக்கப்பட்டிருக்கு.,. 

5. குழந்தை பிறந்த பின் ஹீரோயினின் மனமாற்றம் பற்றி சொல்லவே இல்லை.. எப்போ பாரு டான்ஸ் , டான்ஸ் என உயிரா இருக்கும் அவர் குழந்தையால் டைவர்ட் ஆனாரா? குழந்தைப்பாசம் உள்ளவரா? வேண்டா வெறுப்பா இருந்தாரா? மனசார இருந்தாரா? என டீட்டெயில் சொல்லலை

6. ஹீரோ , ஹீரோயின் இருவரின் அஜாக்கரதையால் , தேவையற்ற சண்டையால் தடார் என ஒரு விபத்து நடந்து குழந்தை இறந்துடுது. படத்தில் எவ்வளவு முக்கியமான சீன். ஜஸ்ட் 18 விநாடியில் அந்த சீன் கடந்துடுது. அந்த பாதிப்பை அழுகை மூலம் காட்டாவிட்டாலும் அட்லீஸ்ட் பின்னணி இசை , ஒளிப்பதிவு மூலமாவது பதிவு செய்திருக்க வேண்டாமா?

7. இடைவேளைக்குப்பின் ஜஸ்ட் 40 நிமிஷம் தான் படம். ரொம்ப சின்னப்படமா இருக்கே? 3 மணி நேரம் இருந்தா பெரிய படம்னு சொல்லும் தமிழன் ரெண்டே கால் மணி நேரத்துக்கு கம்மியா இருந்தாலும் தன் காசு வேஸ்ட்டா போச்சுன்னு நினைப்பான் .

8. ஹீரோயின் ஏதோ கோபத்துல தன் மேரேஜ் மோதிரத்தை கழட்டி லெட் இன் ரூம்ல அங்கே வீசிடற மாதிரியும் பின்  மனம் மாறி கையை விட்டு எடுப்பது போலவும் சீன் உவ்வே.... சும்மா வெளில வீசி பர பரப்பா தேடுற மாதிரி சீன் எடுத்தா போதாதா/

9. க்ளைமாக்ஸ்  கடைசி 3 ரீலை இன்னும் டிஸ்கோ டேன்சர் , பாடும் வானம்பாடி ரேஞ்சுக்கு இழுத்து இருக்கலாம். டான்ஸ் போட்டிக்கான கெத்து கம்மி.. இன்னும் பின்னணி இசை பட்டாசா இருந்திருக்கனும். 

10. டைட்டில் டிசைன் வித்தியாசமா பண்ண நினைச்சிருப்பீங்க போல.. அது ஏ செண்ட்டர்க்கு ஓக்கே, பி சி செண்ட்டருக்கு தனி போஸ்டர் ஒட்டி இருக்கலாமே? தளபதி படத்துக்கு மணி ரத்னம் செஞ்ச மாதிரி


11. அடிக்கடி  தமிழ்க்கலாச்சாரத்துல வளர்ந்த நல்ல பையன்னு சொல்ற ஹீரோ ஒரு டைம் ஹீரோயின் கூட கில்மா பண்றப்போ “  என்னைப்பக்கத்துல வெச்சுக்கிட்டே எந்தப்பொண்ணும் இப்படி சொன்னதே இல்லை.. ” அப்டினு பெருமை பேசறாரே? ரியல் லைஃப்ல அவர் ப்ளே பாயா இருக்கலாம், ஆனா இந்த கேரக்டருக்கு ஏன் அந்த பஞ்ச் டயலாக்? அதே போல் கலாச்சாரம் குறித்து அடிக்கடி பேசுபவர் மேரேஜ்க்கு முன் மேட்டர்க்கு கூப்பிடறார். முடிக்கறார். அது மட்டும் ஓக்கேவா? 

 மனம் கவர்ந்த வசனங்கள்

1. லவ் பண்ற ,மேரேஜ் பண்ணிக்கிட்ட ,சைட் அடிக்கறபொண்ணு யாராவது அந்நிய ஆண் கூட நின்னு சிரிச்சு பேசுனாஅடிவயிறு பத்தி எரியும்

2. ஆக்சிடெண்ட் ஈஸ் ஏன் ஆக்சிடென்ட்.அது தானா நடக்கும்.நல்லவங்க ,கெட்டவங்க பாகுபாடு இல்லாம எல்லாருக்கும் நடக்கும் 

3.  இந்தக்காலத்துப்பொண்ணுங்க நல்ல பசங்களை எங்கே  லவ் பண்றாங்க?வெட்டி பந்தா பண்றவன், பொறுக்கி , தறுதலை இவனுங்களுக்குத்தான் காலம்



4. சொந்தக்காசுல சீன் போடற சந்தோஷம் இருக்கே.. அடடா.. அது போல் உலகத்துல எதுவும் இல்லை


5. ஹாய்.. பார்ட்டிக்குத்தனியாவா வந்தே?


 ஆமா, ஆனா ரிட்டர்ன் போறப்போ ஜோடியாப்போகலாம்னு ஐடியா



6. காதல் வந்துட்டா உலகத்துல இருக்கற கண்றாவியான , கேவலமான விஷயங்கள் கூட அழகாத்தெரியும்

7. ஷோபனா - என்ன பண்றீங்க?


 சிம்பு - வெயிட் பண்ணிட்டு இருக்கேன்


 அது தெரியுது, புரொஃபஷனலா என்ன பண்றீங்க?ன்னு கேட்டேன்


8. யோவ். இவ்ளவ் விஷயம் இங்கே ஓடிட்டு இருக்கு. ஷகீலா படம் பார்த்துட்டு இருக்கியா? டி வி ல இரு உன் சம்சாரத்து கிட்டே போட்டுக்குடுக்கறேன்


9. சிம்பு - எப்பவாவது பொய் பேசறவளை பார்த்திருக்கேன், ஆனா  எப்பவும் பொய் மட்டுமே பேசுபவளை இப்போதான் பார்க்கறேன்



10. சிம்பு - என் கிட்டேயே விரலை வெச்சு வித்தையா?


11. எப்பவுமே நான் பெட் மேலதான் படுப்பேன், ஆனா இப்போ என் மேல ஒரு பெட் படுத்திருக்கு.. ஐ ஜாலி


12. வரு( 23 வயசு )  - மேரேஜா? நான் சின்னக்குழந்தைங்க . எப்படி உடனே மேரேஜ் பண்ணிக்க முடியும்.. 


13. நான் என்ன சொல்ல வர்றேன்னா நல்ல பொண்ணுங்க இந்த மாதிரி சுத்த மாட்டாங்க..


 அப்போ நான் நல்ல பொண்ணு இல்லையா?



14. அந்தப்பொண்ணு வேணாம்கறதைத்தான் இவ்ளவ் நேரமா இங்க்லீஷ்ல சொல்லிட்டு இருந்தே?


ஆமா


 சரி, காரை ஓரமா நிறுத்து , நான் இப்பவே அவளை பார்க்கனும்


15. இப்போ நீங்க பண்ணுன காமெடிக்கு நாளைக்கு காலைல சிரிக்கறேனே? இப்போ டயர்டா இருக்கு


 


16. தமிழ்நாட்டைத்தவிர மத்த நாட்ல எல்லாம் டெலிவரி டைம்ல பொண்ணோட புருஷனையும் பக்கத்துல இருக்கச்சொல்வாங்க.மனைவியின் வலி தெரிஞ்சுக்கனும



17. பொண்ணுங்க மேரேஜ்க்கு முன்னே லவ் பண்றப்ப பேசி பேசி நம்மை சாகடிப்பாங்க.மேரேஜ்க்குப்பின் பேசாம சாகடிப்பாங்க


18. சந்தேகம் வராதவரை ஓக்கே, ஆனா வந்துட்டா அதை க்ளியர் பண்ணிக்கறதுதான் பெட்டர்


19. லவ்ல நோ லாக், ஆனா மேரேஜ்ல லாக் இருக்கு. லவ் பண்றப்போ “ நான் இந்தப்பொண்ணை லவ் பண்றேன்னு ஊரெல்லாம் சொல்லிட்டு இருக்க த்தேவை இல்லை, ஆனா மேரேஜ் பண்றப்போ ஊரைக்கூட்டி சொல்லனும்


20. எத்தனை டைம் சொல்லி இருக்கேன்? அவ கூட சேராதேன்னு ,ஏம்மா? சாக்லேட் தந்து அவனை ஏமாத்தறியா?


21.  உங்க வாய்ஸ் பிளஸ் பாயிண்ட், ஆனா வாய் மைனஸ்



22. கல்யாணம் ஆகற வரை பொண்ணுங்க ஜலக் முலக் கலக்னு இருப்பாங்க, மேரேஜ் ஆகிட்டா பொலக்னு ஆகிடுவாங்க . ஒரு சைல்டுக்கு மதர் ஆகிட்டா அவங்க அதர் ஆக்டிவிட்டி  டமால் ஆகிடும்


23.  நீங்க ரொம்ப மோசம்

 என்னைப்பக்கத்துல வெச்சுக்கிட்டே எந்தப்பொண்ணும் இப்படி சொன்னதே இல்லை..


24. வீடியோ எடுக்கற டைமா இது?

 ஃபேஸ் புக்ல போடவா எடுத்தேன்? குழந்தைக்கு  பிற்காலத்துல போட்டுக்காட்டி அம்மா உன்னை பெக்கறப்போ எவ்ளவ் கஷ்டப்பட்டாங்கன்னு காட்டிட


25. உங்களுக்கு சொன்னா புரியாதா?


 ஷோபனா - ட்ரை மீ


 வாட்?

 ஐ மீன் எனக்கு புரிய வைக்க ட்ரை .. பண்ணு



26. ஏய்.. எவன் அவன்?

 என் க்ளோஸ் ஃபிரண்ட்

 இப்போ என்ன செஞ்சான் உன்னை?

 ஹக் பண்ணிட்டு போனான்.. இது எல்லாம் லண்டன்ல சாதாரணம்



இங்கே இது தப்பில்லை, ஆனா தமிழ்க்கலாச்சாரத்துல இது தப்பு

சி.பி கமெண்ட் - போடா போடி -குஷி பார்ட் 2 -காதலர்கள் , யூத்ங்க, காலேஜ் ஸ்டூடண்ட்ஸ் ,  மனத்தாங்கலால் பிரிந்து  வாழும்  தம்பதிகள் , சிம்பு ரசிகர்கள் பார்க்கலாம். பொது ரசிகர்கள் ஹீரொயின் வரும் சீன் மட்டும் கண்ணை கூடிக்கொண்டே பார்த்தால் ரசிக்கலாம்.





 விகடன் எதிர்பார்ப்பு மார்க் - 41


குமுதம் எதிர்பார்ப்பு ரேங்க் - ஓக்கே



 டைம்ஸ் ஆஃப் இண்டியா ரேட்டிங் - 5 / 10



டிஸ்கி -

துப்பாக்கி - சினிமா விமர்சனம் | அட்ரா சக்க

   http://www.adrasaka.com/2012/11/blog-post_1598.html

போடா போடி

சிம்பு, வரலெட்சுமி சரத்குமார், ஷோபனா நடிப்பில் உருவாகி இருக்கும் படம் 'போடா போடி'. தரண் இசையமைத்து இருக்கிறார். இப்படத்தின் மூலம் விக்னேஷ் இயக்குனராக அறிமுகமாகிறார்.

நாயகனுக்கும் நாயகிக்கும் நடுவில் எப்படி காதல் உருவாகி,  இருவரும் இணைந்தார்கள் என்பது பல காதல் படங்களின் கதையாக இருக்கும். ஆனால் 'போடா போடி' படத்தில் காதலிக்கும் போது நடைபெறும் பிரச்னைகளை மையமாக வைத்து முழுப்படத்தினையும் எடுத்து இருக்கிறார்கள். படத்தில் இசையும் நடனமும் ஒரு பகுதியாக இல்லாமல் கதையோடு ஒன்றி இருக்கும் என்கிறது படக்குழு.

'போடா போடி'  படத்திற்காக லண்டனுக்கு பல்வேறு காலகட்டங்களில் போய் படமாக்கி இருக்கிறார்கள். வரலெட்சுமி சரத்குமார் இப்படத்தின் மூலம் நாயகியாக அறிமுகமாகிறார்.

நீண்ட நாட்களாக தயாரிப்பில் இருந்த இப்படத்தை ஒருவழியாக தீபாவளிக்கு வெளியிட தீர்மானித்து இருக்கிறார்கள். ' லவ் பண்ணலாமா வேண்டாமா ' என்ற பாடல் முதலில் ' போடா போடி ' படத்தினை அறிமுகம் செய்தது.

அப்பாடல் YOUTUBE இணையத்தில் ஹிட்.. அதனைத் தொடர்ந்து படத்தினைப் பற்றி எந்த ஒரு தகவலையும் வெளியே கசியாமல் படத்தினை உருவாக்கி இருக்கிறார்கள்.

' போடா போடி ' படத்தின் மிகப்பெரிய பலம் பாடல்கள் தான்.  லவ் பண்ணலாமா வேண்டாமா, போடா போடி காதலை காதலிக்கிறேன், I AM A KUTHU DANCER என அனைத்து பாடல்களுமே இளைஞர்கள் மத்தியில் பிரபலமாக உள்ளது.

இசை உரிமையை பெற்று இருக்கும் சோனி நிறுவனம் வெளியிட்ட முதற்கட்ட சி.டிக்கள் அனைத்துமே விற்று தீர்ந்து தற்போது இரண்டாம் கட்ட சி.டிக்கள் விற்பனையில் இருக்கிறது.

'போடா போடி' படம் குறித்து சிம்பு " 'போடா போடி’ ரொம்ப ஸ்டைலான படம். சென்னையில் எடுக்கும் படங்களுக்கு அழகு சேர்க்க வெளிநாட்டில் டூயட் வைப்போம். ஆனா, இந்தப் படம் முழுக்கவே வெளிநாட்டில் நடக்கும் கதை. 'ஹம் ஆப் கே ஹைன் கௌன்’ மாதிரி கலர்ஃபுல்லான படம். அப்போ எவ்வளவு வேலை இழுக்கும்? படப்பிடிப்புக்கு அனுமதி வாங்குறதே பெரிய வேலையா இருக்கு. வெய்ட் பண்ணுங்க... 'விண்ணைத் தாண்டி வருவாயா’ படத்தில் என்னைப் பிடிச்ச மாதிரி, இந்தப் படத்திலும் எல்லாருக்கும் என்னைப் பிடிக்கும்!'' என்று தெரிவித்து இருக்கிறார்.

விரைவில் சென்சார் முடித்து படத்தினை தீபாவளிக்கு டான்ஸ் பட்டாசு கொளுத்த தீர்மானித்து இருக்கிறார்கள்.



நன்றி - விகடன்





ரசிகர்களிடையே பெரிய எதிர்பார்ப்பை உண்டு பண்ணியிருக்கும் ‘போடா போடி’ படத்தின் கதை திடீரென்று லீக்காகியிருக்கிறது. இந்த சம்பவம் நடந்திருப்பது சிம்பு உள்ளிட்ட ‘போடாபோடி’ டீமுக்கு அதிர்ச்சியை ஏற்படுத்தியிருக்கிறது.



சிம்புவுக்கு ஜோடியாக நடிகர் சரத்குமாரின் மகள் வரலட்சுமி நடித்திருக்கும் இந்தப் படத்தின் ஸ்டோரி டான்ஸை மையப்படுத்தி இருப்பதாகத் தெரிகிறது.
இளம்வயதில் தோன்றும் காதல் சரியானதுதானா? அப்படி வரும் காதலும், அதனால் ஏற்படும் பிரச்சனைகளும் என்னென்ன? என்பது தான் படத்தின் ஸ்க்ரீன்ப்ளேவாம்.



கதைப்படி, சென்னையில் இருந்து வெஸ்டர்ன் டான்ஸ் கற்றுக் கொள்வதற்காக அமெரிக்கா செல்கிறார் சிம்பு. போகிற இடத்தில் நடனத்தை மட்டும் கற்றுக் கொண்டால் பரவாயில்லையே, அங்கே படிக்கும் வரலட்சுமியுடன் காதலையும் கற்றுக் கொள்கிறார்.



நடனப்பள்ளியை நடத்தி வரும் ஷோபனா காதலிக்காதீங்க என்று சொல்லியும் அதை காதில் போட்டுக் கொள்ளாமல் இருவரும் விழுந்து விழுந்து காதலிக்கிறார்கள். காதல், பின்பு ஈகோ பிரச்சினையில் வந்து நிற்கிறது.



ஒருநாள் தனது சித்தப்பாவான விடிவி கணேஷிடம் வந்து நிற்கிறார் வரலட்சுமி. ப்ரிமேரிட்டல் செக்ஸில் ஈடுபட்டத்தன் மூலம் கர்ப்பமாகி விட்டதாக சொல்கிறார். அவசர அவசரமாக இருவருக்கும் கல்யாணத்தைப் பண்ணி வைக்கிறார் கணேஷ். இளமையில் ஜாலியாக இருக்க வேண்டிய காலத்தில் கல்யாணம் பண்ணிக் கொள்ளும் இருவருக்கும் குழந்தை பிறக்கிறது.



திருமண வாழ்க்கையில் ஏற்படும் ஈகோ இருவரையும் பிரித்துவிடுகிறது. பிரிந்தவர்களை அவர்களின் காதலும் அவர்கள் நேசிக்கின்ற டான்ஸூம் அவர்களை எப்படி சேர்த்து வைக்கிறது என்பது தான் போடா போடியின் கலர்ஃபுல்லான ஸ்க்ரீன்ப்ளேவாம்.



கதையப் படித்தால் “விண்ணைத் தாண்டி வருவாயா” படத்தின் இரண்டாம் பாகம் போல இருப்பதாக சந்தேகம் வருகிறதா..? கரெக்ட் அதேதான்.


நன்றி - ரைட் நியூஸ் 






பல வருடங்களாக தயா‌ரிப்பில் இருந்த போடா போடியை சிம்பு பெ‌ரிய மனது வைத்து முடித்து தந்திருக்கிறார். நடனத்தை மையமாகக் கொண்ட படம், பெரும் பகுதி வெளிநாட்டில் படப்பிடிப்பு, கிளைமாக்ஸ்கூட நடனம்தான்... எல்லாமே ‌ரிஸ்க்கான இந்தப் படத்தை இயக்கியிருக்கும் விக்னேஷ் சிவா வேறு அறிமுகம்.
இந்த ஒரு அம்சம் படம் குறித்து நிறைய எதிர்பார்க்க வைக்கிறது. இன்னொன்று சரத்குமா‌ரின் மகள் வரலட்சுமி. அவருக்கு இது முதல் படம். நடனம் தெ‌ரிந்த காரணத்துக்காக இவரை தேர்வு செய்ததாக சிம்பு கூறியிருக்கிறார். சல்சா நடனக் கலைஞராக அவர் வருகிறாராம்.
முக்கிய தீம் நடனம் என்றான பிறகு ஷோபனா இல்லாமலா? அவருக்கு முக்கியமான வேடம். இவர்களுடன் கணேஷ், சமரத் என்று வேறு பலரும் நடித்திருக்கிறார்கள். சிம்புவின் தோஸ்த்கள் சந்தானம், பிரேம்‌ஜி இருவரும் கெஸ்ட் ரோலில் வருகிறார்கள்.
தரண் இசையில் பாடல்கள் ஓரளவு ஹிட்டாகியுள்ளன. படமும் ஹிட்டாகும் என்று நம்புவோம். சென்சார் போடா போடிக்கு யு சான்றிதழ் தந்துள்ளது. 

நன்றி - வெப்துனியா 




இளவயதுக் காதல் சரியா…? தவறா…? சாலமன் பாப்பையா பட்டிமன்ற தலைப்புபோல இருக்கிறதே என்று பார்க்கிறீகளா? இதுதான் போடா போடி படத்தின் ஒருவரிக்கதை! சிம்பு விரலை நம்மி நடித்த படங்கள் எல்லாம் உரலில் ஒட்டிக்கொண்ட உமியைப் போல ஊத்திக் கொண்டத்தில் இனி ஒழுங்காக கதையையும், இயக்குனர்களையும் நம்ம ஆரம்பித்தார். அதன்பிறகு அவருக்கு வரிசையாக வெற்றிகள்! விண்ணைத் தாண்டி வருவாயா, வானம் என தொடரும் வெற்றிப் படங்களின் பட்டியலில் இணைய வருகிறது போடா போடி!




வெறும் ஆக்ஷனையும், நடனதையும், பெண்களை டீஸ் செய்வதையும் வைத்தே பிழைப்பை ஓட்டி வருகிறார் என்ற விமர்சனமும், இதன்வழியாக அவர் மீது படிந்து கிடந்த ‘பிளே பாய்’ இமேஜையும் மொத்தமாக துடைத்துப் போட்டது விண்ணைத் தாண்டி வருவாயா படம்!



 அந்தப் படத்தில் சிம்பு ஏற்று நடித்த ‘கார்த்திக்’ என்ற உதவி இயக்குனர் கதாபாத்திரம், தமிழ் இளைஞர்கள், யுவதிகள் மத்தியில் ஒரு ‘கனவுக் காதலன்’ என்ற புதிய, மெண்மையான இமேஜைக் சிம்புவுக்குக் கொடுத்தது! எங்குபோனாலும் த்ரிஷாவை “ ஜெஸி…! ஜெஸி..! “ என்று ரசிகர்கள் பெயர் சொல்லி அழைத்ததைப் போல, சிம்புவையும் “ கார்த்திக் !” என்று அழைத்தார்கள்!




 ஆடிப்போனார் சிம்பு! ஒரு நேர்மையான கதாபாத்திரத்தை ரசிகர்கள் எத்தனை நேசிக்கிறார்கள் என்பதை அவர் புரிந்து கொண்டதன் விளைவாகவே போடா போடியை தேர்ந்தெடுத்தார் சிம்பு! இதை அவரே சொல்லியிருக்கிறார் தனது மைக்ரோ பிளாக்கில்! “ கார்த்திக் கதாபாத்திரத்திரத்தின் வழியாக எனக்குக் கிடைத்த நல்ல பெயரை தக்க வைத்துக் கொள்ள போடா போடி எனக்கு பெஸ்ட் சாஸ்சாக அமைந்து விட்டது! இதை விடிவியின் பாகம் இரண்டு என்று கூட சொல்லிவிடலாம்” என்று கூறியிருக்கிறார்.




இளவயதுக்காதல் சரிதானா? அது கரைசேர எத்தனை புயல்களை கடந்து வர வேண்டியிருக்கிறது என்பதை மேற்கத்திய ,மற்றும் இந்தியாவின் பாரம்பரிய நடனமான பரதத்தையும் கதைக்களமாகக்கி சொல்லியிருகிறார்களாம்! நனடம் கதைக்களம் என்பதால் பழைய டி. ராஜேந்தர் படங்களில் வருவதுபோல என்று இல்லாவிட்டாலும் ஒரு நடணப்போட்டியை மையமாக வைத்து கிளைமாக்ஸை உருவாக்கி இருக்கிறார்கள்.



 இதானால் திரையரங்கம் மட்டுமல்ல இளம் ரசிக மனங்களும் அதிரப்போவது உறுதி என்கிறார்கள்! டான்ஸ்தானாம். சிம்பு, வரலட்சுமி, ஷோபனா என்று ஆடி தீர்த்திருக்கிறார்கள்!



சென்னையில் இருந்து மேற்கத்திய நடனம் கற்றுக்கொள்ள அமெரிக்க செல்கிறார் சிம்பு! போன இடத்தில் அங்கேயே படித்து வளரும் வரலட்சுமியுடன் காதல்! அந்த நடனப்பள்ளியை நடத்திவரும் ஷோபனாவின் எச்சரிக்கையை மீறி காதலிக்க தொடங்குகிறார்கள்! இருவரும் சேர்ந்து சில நிகழ்ச்சிகளில் ஆடவும் செய்கிறார்கள்! இந்தமாதிரி உரசிக் கொள்கிற நேரங்கள் தீப்பொறியாக பற்றிக் கொள்ள… சிம்பும்-வரலட்சுமியும் ஒருவர் உடல்மீது மற்றொருவர் இனக்கவர்ச்சி கொள்கிறார்கள்.



 பிறகு அதுவே காதலாக கன்வர்ட் ஆகிறது! காதல் வந்தால் என்ன ஆகும்? பொசசிவ்நெஸ் பிடித்து ஆட்டும்! ஆண்மனசு…பெண் மனசு .. முட்டலும் மோதலும் ஒட்டலும் உரசலும் என்று ஈகோ வெடிக்கிறது இருவருக்குள்ளும்! ஒருவழியாக சிம்புவின் சித்தப்பா கதாபாத்திரத்தில் நடித்திருக்கும் விடிவி கணேஷிடம் ஒரு பெரிய புகாரோடு வந்து நிற்கிறது சிம்பு – வரலட்சுமியின் காதல்!



ஆமாம்! ப்ரிமேரிட்டல் செக்ஸில் ஈடுபட்டத்தன் மூலம் கர்ப்பமாகி நிற்கிறார் வரலட்சுமி! அவசர அவசரமாக கல்யாணம் பண்ணி வைக்கிறார் கனேஷ்! அதன்பிறகு என்ன? இளமையைக் கொண்டாட வேண்டிய வயதில் சிம்புவும் வரலட்சுமியும் பெற்றோர் ஆகிறார்கள்! குழந்தைபிறந்த பிறகு இளவயதுக்காதல் இல்லறத்தை நடத்திச் செல்ல சரிபட்டு வராது என்பதை தனிக்குடித்தனம் உணர்த்துகிறது! இந்த இடத்தில் நிகழும் ஒரு சின்ன ஈகோ யுத்தத்தில் இருவரும் பிரிந்து விடுகிறார்கள். இப்படிப் பிரிந்தவர்களை அதே காதலும், அவர்கள் நேசிக்கும் நடணமும் எப்படிச் சேர்த்து வைக்கிறது என்பதுதான் போடா போடியின் கலர்ஃபுல் திரைக்கதை!



சிம்பு எனது சினிமா வாழ்க்கையில் இந்தப் படம் முக்கியமான படமாக இருக்கும் என்கிறார். அதேபோல ஒரு அறிமுக நட்சத்திரத்துக்கு இதுபோல ஒரு வாய்ப்பு அமைவது மிக அபூர்வம் என்று புகழ்கிறார் சரத்குமாரின் மகளான வரலட்சிமி! அம்மாவின் அழகையும், அப்பாவின் கம்பீரத்தை சேர்த்துச் செய்த கலவையாக இருக்கும் வரலட்சுமியிடம் அறிமுகப்படத்திலேயே அம்மாவாக நடிக்கும் துணிச்சல் எப்படி என்றால்…



“எனக்குக் குழந்தைன்னா ரொம்பப் பிடிக்கும். ‘போடா போடி’ படம் ‘அலைபாயுதே’ பட பாணியில் ஒரு க்யூட் லவ் ஸ்டோரி. ஸ்வீட் நத்திங்ஸ்ல ஆரம்பிச்சு, டீன் ஏஜ் காதல், பொசஸிவ்னெஸ்னு நிறைய ட்ரீட் இருக்கு. ஒரே படத்தில் காதல், குழந்தை, பாசம்னு நடிக்க ஸ்கோப் இருந்த கேரக்டர். இந்தப் படத்தில் நடிக்கலைன்னாதான் நிறைய மிஸ் பண்ணியிருப்பேன்!” என்று போடா போடியை காதலிக்கிறார்! இந்தப் படத்துக்காக சிறந்த அறிமுக நடிகைக்கான விருது தனக்கு கிடைப்பது உறுதி என்று நம்பவும் செய்கிறார்!



அடுத்து சிம்பு தனது மைக்ரோ பிளாக்கிங் தளத்தை போடா போடிக்கா நேர்ந்துவிட்டத்தைப் போல தினம் ஒன்று இந்தப் படத்தைப் பற்றியே ஸ்டேடஸ் போட்டுக் கொண்டிருப்பார்! அப்படிப்பட்டவர் போடா போடி பற்றி என்ன சொல்கிறார்?!



“போடா போடி ரொம்ப ஸ்டைலான படம்! சென்னையில் எடுக்கும் படங்களுக்கு அழகு சேர்க்க வெளிநாட்டில் டூயட் வைப்போம். ஆனா, இந்தப் படம் முழுக்கவே வெளிநாட்டில் நடக்கும் கதை. ‘ஹம் ஆஃப் கே ஹைன் கௌன்’ மாதிரி கலர்ஃபுல்லான படம். அப்போ எவ்வளவு வேலை இழுக்கும்? படப்பிடிப்புக்கு அனுமதி வாங்குறதே பெரிய வேலையா இருந்துச்சு! ‘விண்ணைத் தாண்டி வருவாயா’ படத்தில என்னைப் பிடிச்ச மாதிரி, இந்தப் படத்திலயும் எல்லாருக்கும் என்னைப் பிடிக்கும்! கீப் இட் அப் சிம்புன்னு நீங்களே சொல்வீங்க!” என்கிறார்!



அறிமுக இயக்குனர் விக்னேஷ் சிவா எழுதி இயக்கியிருக்கும் இந்தப் படத்துக்கு இசை தரண்குமார்! பாடல்கள் இளைஞர்ககளின் மனங்களை அள்ளியிருக்கின்றன. ஹாலிவுட் ஒளிபதிவாளரான டங்கன் டெல்ஃபோர்ட் இந்தப் படத்தில் அமெரிக்கா, கனடா, லண்டன் நகரங்களின் அழகை அள்ளியிருகிறார். அதேபோல பேட்மேன் உட்பட பல பிரமாண்ட ஹாலிவுட் படங்களுக்கு கலை இயக்குனராக பணிபுரிந்த ‘யூட் பெர்க்’ இந்தப் படத்துக்கும் ஆர்ட் டிரைக்டராக பணியாற்றி இருக்கிறார். அமெரிக்க நடனக்கலைஞர்களும் பணிபுரிந்திருக்கும் இந்தப் படத்தை எடிட் செய்திருப்பவர் ஆண்டனி. தயாரிப்பு பிரபல தயாரிப்பாளர்கள் நேமிசந்த் ஜபக், வி.ஹித்தெஷ்குமார் . போடா போடி சிம்பு ரசிகர்களுக்கு ஒரு ரொமாண்டிக் தீபாவளியை பரிசளிக்கப் போகிறது…….!! சிம்பு Roczzzzzzzz….!!



நன்றி - யூத் கஃபே

a



டிஸ்கி 1- துப்பாக்கி
- http://www.adrasaka.com/2012/11/blog-post_460.html

2

போடா போடி - சினிமா விமர்சனம்

,http://www.adrasaka.com/2012/11/blog-post_5706.html


3. 

துப்பாக்கி - சினிமா விமர்சனம் | அட்ரா சக்க

http://www.adrasaka.com/2012/11/blog-post_1598.html