MAUSAM - கண்ணியமான கார்கில் காதல் கதை - ஹிந்திப்பட விமர்சனம்

கண்களை உறுத்தாத ஒப்பனையுடன் அழகிய நாயகி ,அவருக்கு இணையான பர்சனாலிட்டியுடன் இளமை ஹீரோ , மனம் மயக்கும் இசை, ஹிட் ஆன மெலோடி பாடல்கள், அம்சமான ஒளிப்பதிவு  இதற்கு மேல் ஒரு காதல் கதைக்கு வேறு என்ன வேண்டும்?

1992 டூ 1999 வரை 3 கால கட்டங்களில் கதை நடக்கிறது.. தயாரிப்பாளர் சஞ்சய் கபூரின் மகன் சாஹித் கபூர் தான் ஹீரோ.. பஞ்சாப் பார்ட்டி,... காஷ்மீர் கட்டழகி சோனம் கபூர் தான் ஹீரோயின் ( கஜோல் சாயல் கொஞ்சம்).. ஹீரோ இந்து, ஹீரோயின் முஸ்லீம்.. பம்பாய் கதை போல காதல் இருவருக்குள்ளும் பத்திக்குது..

ஹீரோ விமானப்படைல சேர்ந்து பைலட் ஆகி ஸ்காட்லாந்த் போறாரு ( அப்பா புரொடியூசரு.. அண்ணன் எங்கே வேணாலும் போவாரு.. கேக்க முடியுமா?)..வாரணம் 1000, விண்ணைத்தாண்டி வருவாயா போல ஹீரோயினை அங்கே ஹீரோ சந்திக்கறார்.. காதல் கண்டிநியூ ஆகுது.. அப்புறம் அவருக்கு அழைப்பு வருது , கார்கில் போருக்காக.. ரிட்டர்ன் ஆகறாரு.. 

ஹீரோ கார்கில் போர்ல இறந்துடுவாரோ என்ற பதை பதைப்பை ஏற்படுத்தி பம்பாய் போல ஒரு கலவரத்தை காட்டி க்ளைமாக்ஸை முடிக்கறாங்க..

ஹீரோ கொஞ்சம் குணால் சாயல் கொஞ்சம் அப்பாஸ் சாயல்.. ஹிந்தில நல்ல சான்ஸ் உண்டு முன்னேற... ஓப்பனிங்க் லவ் காட்சிகளில் இதயத்தாமரை, மவுன ராகம், கோபுர வாசலிலே கார்த்திக்கின் துள்ளாட்டங்களை நினைவு படுத்துகிறார்.. சபாஷ்.. ஏர்ஃபோர்சில் சேர்ந்த பிறகு அவர் காட்டும் கம்பீரம் ஓக்கே.. ஆனா பாடி பத்தாது.. அவரது ஜூனியர்களாக வருபவர்கள் எல்லாம்  செஸ்ட்டை விரித்து பில்டப் காட்டும்போது அண்ணன் பம்புகிறார்...

ஹீரோயின் மிக பாந்தமான முகம்.. ஒப்பனையே இல்லாமல் கூட அகல் விளக்காய் ஒளிரும் முகம்.. ( தம்பி .. நீ இதுக்கு முன்னால அகல் விளக்கை எரிய விட்டு பார்த்திருக்கே..? - மைண்ட் வாய்ஸ்.. ) சட் சட் என  ஏறும் பெட்ரோல் விலை போல் அவரது மாறும் முக பாவனைகள் பெரிய பிளஸ்.

ஆனா பாப்பா காம்ப்ளான் அல்லது போஷாக்கான உணவு வகைகளை சாப்பிடறது நல்லது.. இல்லைன்னா கவுதமி மாதிரி ஆகிவிட வாய்ப்பு உண்டு.. ( கமல்க்கு கொண்டாட்டம்னு  சொல்லக்கூடாது.. )

ஹீரோவுக்கு ஹீரோயினை கண்டதும் காதல் என்ற கான்செப்டினால் தேவையற்ற இழுவைகள் இல்லை.. படத்தில் குறிப்பிட்டு சொல்ல வேண்டியது ஒளிப்பதிவு.. பாந்தம்..

மனம் கவர்ந்த வசனங்களில் தோராயமான மொழி பெயர்ப்பு

1.  டேய்.. மச்சி.. ஃபிகரு ஃபிகரு.. பாருடா...

அவ அப்பா அந்தப்பக்கம் போன பிறகு சொல்லு.. திரும்பறேன்.. 

அடேய்.. எமகாதகண்டா நீ.. 

2.  எப்பவும் போடறதை விட ஒருத்தன் அதிகமா பவுடர் போடறான்னா அதுக்கு என்ன அர்த்தம்?

ஓ சி ல பவுடர் கிடைச்சதுன்னு அர்த்தமா?

டேய் லூசு.. அவன் காதல்ல சிக்கிட்டான்னு அர்த்தம்..

3.  மிஸ்.. உனக்கு மேரேஜ் ஆகிடுச்சா..?

நீ  எப்படி என்னைப்பார்த்து அப்படி ஒரு கேள்வி கேட்கலாம்.. ?

பின்னே.?. உனக்கு குழந்தை குட்டி இருக்கா?னா கேட்க முடியும்?

4.  மிஸ்.. இந்த CAP எவ்வளவு?  (என்ன விலை..?)

நமக்குள்ள நோ GAP .. இது உனக்கு ஃப்ரீ.. 

5.  மாப்ளை.. உங்களுக்கு தம் அடிக்கற பழக்கமும் இல்லைங்கறீங்க. தண்ணி அடிக்கற பழக்கமும் இல்லைங்கறீங்க.. அப்போ வேற ஏதோ கெட்ட பழக்கம் பெரிசா இருக்குமோ..?

6. டியர்.. இப்போ உனக்கு என்ன தோணுது....?

ம் ம் ஐ ஆம் எஞ்சாயிங்க்.. அப்புறம் சொல்றேன்..

இயக்குநர் சபாஷ் பெறும் இடங்கள்

1. ஹீரோயின், ஹீரோவின் தங்கை, ஹீரோவை ஒரு தலையாய் லவ்வும் இன்னொரு மினி ஹீரோயின் ( அதுக்காக எல்லாம் மினின்னு நினைச்சுடக்கூடாது.. எல்லாம் மெனி.. ஹி ஹி டேலண்ட் டேலண்ட்.. ) என படம் பூரா கண்ணுக்கு குளிர்ச்சியா 3 ஜிகிர்தண்டா ஃபிகர்ஸ்.. இது போதாதுன்னு குரூப் டான்ஸர்ஸ் கூட 16 வயசு டூ 18 வயசு சில்பான்ஸ்.. செம....

2. ஹீரோயின் தங்கை சாதாரணமாக ஹீரோயினுடன் பேசிக்கொண்டிருப்பவர் தன் காதலனிடம் இருந்து ஃபோன் வந்ததும் பம்முவதும், அவரது குரல் மருகுவதும் , கன்னங்கள் மருதாணிச்சிவப்பு ஆவதும்..  செம பாடிலேங்குவேஜ்.. & நடிப்பு./.......

3. ஹீரோ , ஹீரோயின் உரையாடலில் பரஸ்பரம் யார் யாருக்கு எதிர்பாலிடம் என்னென்ன பிடிச்சிருக்கு என லிஸ்ட் போடுவதும் அப்புறம்? அப்புறம்? என கேட்பதும் கவித கவித..



இயக்குநரிடம் சில கேள்விகள், சில சந்தேகங்கள், சில ஆலோசனைகள்


1. ஹீரோயிசத்தை காட்ட ஆயிரத்தி எட்டு அபத்தமான யோசனைகள் இருக்கும்போது ரயில் வரும்போது ஒரு செகண்ட் முன்னே காரில் ரயில்வே கிராஸை ஹீரோ கிராஸ் பண்ணுவது போல் காட்சி வைத்தால் ரசிகர்கள் சில பேர் அதை ட்ரை பண்ணி பார்க்க மாட்டாங்களா? ஆபத்து வராதா? சமுதாய அக்கறையோ, பொறுப்புணர்வோ உங்களுக்கு இல்லையா?

2. ஹீரோவை ஏர்ஃபோர்ஸ் கேரக்டர் மிலிட்ரி ஓரியண்ட்டட் என்பதால் நிஜமான மீசை வளர்த்தச்சொல்லி இருக்கலாம்..  ஏன் ஒட்டு மீசை.. அதுவும் 2 டைப்.. காதல் காட்சிகளுக்கு, டூயட் சீன்களுக்கு 1, போர் சம்பந்தப்பட்ட காட்சிகளுக்கு இன்னொண்ணு.. அதில் ஒரு மீசை வலது புறம் அடர்த்தி கம்மி.. இடது புறம் அடர்த்தி அதிகம்.. அகலமும் அதிகம்.. க்ளோசப் காட்சிகளில் தெளிவாகத்தெரிகிறது..

3. இடைவேளைக்குப்பிறகு ஹீரோ ஹீரோயினைத்தேடுவது, ஹீரோயின் ஹீரோவைத்தேடுவது என ஒரே தேடல் படலமாவே இருப்பதால் திரைக்கதை படுத்து விடுகிறது..  ஏற்கனவே பொக்கிஷம் படம் ஓடாமல் போனதற்கு இது ஒரு முக்கிய மைனஸ்.. காதல் படங்களில் இப்படி தேடுவது பார்க்கும் ஆடியன்ஸூக்கு சலிப்பையே தரும்.. காதலர்கள் மட்டுமே ரசிப்பார்கள்..

4. கதைக்கு சம்பந்தமே இல்லாமல் ஹீரோயினுக்கு ஏற்கனவே திருமணம் ஆகி இருக்குமோ என்று ஹீரோ சந்தேகப்படுவது போல் ஒரு ட்விஸ்ட் எதற்கு?

5. கதை பஞ்சாப், ஜோத்பூர், ஸ்காட்லாந்த் என பயணிக்கும்போதெல்லாம் சொல்லி வைத்தது போல் ஹீரோயின் அங்கே ஆஜர் ஆவது எப்படி?



பாடல்களில்

1. ஜரா ஸே முஜே லகா லோ ( கொஞ்சம் என்னை கட்டிக்கொள்)

2. அபி ந ஜாவோ ஜி சோட்கர் ( உன் உயிரை விட்டு விட்டு எங்கும் போகாதே )

இரண்டும் செம ஹிட்ஸ் மெலோடி..

இந்தப்படம் மும்பையில் ஓடும் அளவு இங்கே ஓடுவது சிரமம்.. ஈரோடு ஸ்ரீலட்சுமியில் படம் பார்த்தேன்...

ஆனந்த விகடனில் விமர்சனம் போடமாட்டாங்க..

எதிர்பார்க்கப்படும் குமுதம் ரேங்கிங்க் - ஓக்கே

சி.பி கமெண்ட் - காதலர்கள் , ஒளிப்பதிவை ரசிப்பவர்கள் பார்க்கலாம்

 

ரொமான்ஸ் ரகசியங்கள் -காதல் வேறு .. ரொமான்ஸ் வேறா? ஒரு அலசல்

உங்கள் தாம்பத்ய வாழ்வில் இறுக்கத்தை இளக்கி, நெருக்கத்தை கூட்டும் 'ரொமான்ஸ் ரகசியங்களை’ எழுத்தாளர் அகிலன் சித்தார்த். ''இன்பத் தேன் எடுக்கும் வழி சொல்ல நான் ரெடி, பருக பி ரெடி!'' என்றபடி...அகிலன் இனி உங்களுடன்..! 

'காதலிப்பதும், காதலிக்கப்படுவதும்தான் மனித வாழ்க்கை இருத்தலின் ஆதார ரகசியங்கள்' என்று சொல்வதுண்டு. காதலும் ரொமான்ஸும் இல்லை என்றால், மனித வரலாறே ரத்தக் களறியாகத்தான் இருந்திருக்கும். சரி, காதலும் ரொமான்ஸும் வேறு வேறா... ஒன்றானது இல்லையா?!

நிச்சயம் இரண்டும் ஒன்றானது அல்ல! ரொமான்ஸுக்கும் காதலுக்கும் நிறைய வித்தியாசங்கள் உண்டு என்பது ஆச்சர்யமான செய்தி. காதல் உணர்ச்சிமயமானது. ஆனால், ரொமான்ஸ் ரொம்ப ஜாலியானது; கொஞ்சம் 'பிளேபாய்’தனமானது என்றும் சொல்லலாம். பேசாமலே மவுன மொழியில்கூட காதல் செய்துவிடலாம். 'ப்ளடானிக் லவ்' (Platonic love) என்று சொல்வார்கள். 

ஆனால், ரொமான்டிக் விஷயம் அப்படி அல்ல. அதற்கு இனிமையான உரையாடல், நகைச்சுவை உணர்ச்சி, செக்ஸ், நடனம், இசை, கலை,இலக்கியம், எதிர்பாராத சர்ப்ரைஸ்களைக் கொடுத்தல் என்று எத்தனையோ பரிமாற்றங்கள் தேவைப்படும். 

 

இரண்டு ஜோடிகளைப் பற்றி இப்போது பார்க்கலாம்.

செல்வகுமார் - சமிக்ஷா... காதல் திருமணம் செய்து நான்கு ஆண்டுகள்தான் ஆகின்றன. ஓர் ஆண் குழந்தை. இப்போது விவாகரத்து கேட்டு கோர்ட் படி ஏறியிருக்கிறார்கள். என்ன ஆச்சு?

குழந்தை பிறக்கும் வரை ரொமான்டிக்கான விஷயங்களுக்கு இருவருக்குமே நிறைய நேரம் இருந்தது. அடிக்கடி கிளம்பி எங்காவது ரிஸார்ட்டுக்குப் போய்விடுவார்கள். செக்ஸ் என்பதை வீட்டில் நான்கு சுவர்களுக்குள் மட்டும் அனுபவிக்காமல்... வெவ்வேறு லொகேஷன்களில் ருசித்தார்கள். 'முத்தம்’ என்பதில் கிடைக்கும் எனர்ஜியும், எலெக்ட்ரி சிட்டியும் உற்சாகத்தைத் தரக்கூடியது என்பதை உணர்ந்திருந்தார்கள். ஒரு நாளைக்கு பத்து முத்தங்களாவது கொடுத்துக் கொள்வார்கள்.

செல்வகுமார் சர்ப்ரைஸ் கிஃப்ட்டுகள் கொடுப்பதில் வல்லவன். முக்கியமாக வகை வகையான வண்ணங்களைக் கொண்ட உள்ளாடை களைப் பரிசாகக் கொடுத்து, மனைவியைச் அணியச் சொல்லி ரசிப்பான். அந்த இரவு உடைகள் எல்லாம் 'ஸீ த்ரூ’ பாணியில் மிகவும் செக்ஸியாக இருக்கும்.

 

முதலில் சமிக்ஷா வெட்கப்பட்டாலும், உள்ளூர அதில் மிகவும் மகிழ்ந்தாள். பதிலுக்கு அவளும் செல்வ  குமாருக்கு நிறைய பரிசுகளை வழங்குவாள். அவனைக் குளிக்க வைத்து, தானும் நனைவாள். செக்ஸில் முழு ஈடுபாடு காட்டுவாள். காதலர்கள் போல் சினிமா தியேட்டர் இருட்டறைகளில் அவன் கொடுக்கும் முத்தங்களை வாங்கிக் கொள்வாள்.

ஆனால், தொடர்ந்த மாதங்களில் அவரவர் அலுவலகங்களில் புரமோஷன் பெற்று, ஹவுஸிங் லோன், பிரசவ நெருக்கடிகள், குழந்தை பறித்துக் கொண்ட நேரம் போன்றவற்றால் அந்நியோன்யத்துக்கான நேரம் மெள்ள குறைந்து போனது- பேச்சும்கூட! 

இரவு வீட்டுக்கு வந்ததும் கொஞ்ச நேரம் டி.வி. பார்த்துவிட்டு உடனே தூங்குவதற்குத்தான் மனமும் உடலும் அவர்களுக்கு இடம் தந்தன. இருவருக்கும் உள்ளுக்குள்ளே காதல் இருந்தாலும், தினசரி வாழ்க்கையை சுவாரஸ்யமாக எடுத்துக் கொள்ள தேவைப்பட்ட ரொமான்ஸ் இல்லாமல் போனதால், அலுப்புத் தட்ட ஆரம்பித்தது. முக்கிய மான பிரச்னையே, இருவரும் பேசிக் கொள்ளாமல் போனதுதான்.

பிரபல செக்ஸாலஜி டாக்டர் கோத்தாரி, 'முக்கால்வாசி ஆண்-பெண் உறவுகளுக்கான அடிப்படைப் பிரச்னையே பேசிக் கொள்ளாமல் இருப்பதுதான். ஓபனாகப் பேசிக் கொள்வதன் மூலமே பல பிரச்னைகளைத் தீர்த்துக் கொள்ளலாம்!' என்கிறார்.

 

மற்றொரு தம்பதி, பிருந்தா - சரவணன். இவர்களுக்கு ஆரம்பத்திலேயே காதலும் இல்லை, ரொமான்ஸும் இல்லை. அரேஞ்சுடு மேரேஜ். இயந்திர மயமாக உடலுறவில் ஈடுபட்டு இரண்டு குழந்தைகளையும் பெற்று விட்டார்கள். ஆனால், பரஸ்பர வெறுப்பும், மனதில் வெறுமையும் இருவரை யும் பாதித்துக் கொண்டே இருந்தது. கோர்ட் படி ஏறாமலே தனித்தனி யாகப் பிரிந்துவிட்டனர். குழந்தைகளையும் பிரித்துக் கொண்டார்கள்.

'ஓர் உண்மையான பாராட்டு என்னைப் பல மாதங்களுக்கு உற்சாகமாக வைத்திருக்கும்' என்றார் எழுத்தாளர் மார்க் ட்வைன். இது கணவன் - மனைவி உறவுக்கும் மிகவும் பொருந்தும். மனைவி புதிதாக சமைத்தால், அதைக் கணவன் பாராட்ட வேண்டும். கணவன் ஒரு பரிசு வாங்கி வந்து கொடுத்தால், இனிய முத்தங்கள் கொடுத்து மனைவி பாராட்ட வேண்டும். இந்தப் பாராட்டு என்பது காதலையும், ரொமான்ஸையும் உயிர்ப்போடு வைத்திருக்கும்.

மனிதர்களில் மூன்று வகைப்பட்டவர்கள் இருக்கிறார்கள். முதல் வகை, ‘I am ok, your are also ok’.. அதாவது, 'நானும் சரியாக இருக்கிறேன். நீயும் சரியாக இருக்கிறாய்' என்று நினைப்பவர்கள்.

இரண்டாவது வகை ‘I am not ok, but you are ok’.. அதாவது, 'நான் சரியாவன்/ள் இல்லை. நீ சரியாக இருக்கிறாய்' என்று நினைப்பவர்கள்.

மூன்றாவது வகை, ‘I am ok, but you are not ok’. இவர்கள், 'நான் சரியாகத்தான் இருக்கிறேன். நீ சரியில்லை' என்று நினைப்பவர்கள்.

இந்த மூன்று வகை மனிதர்களில் பிரச்னைகள் அதிகம் இல்லாமல் நிம்மதியாக வாழ்பவர்கள்... முதல் வகைதான். 'நானும் சரி, நீயும் சரி. பேசித் தீர்ப்போம் வா' என்று நினைக்கிற ஜனநாயகவாதிகள். வாழ்க்கையில் ஜெயிப்பவர்கள்.

இரண்டாவதும், மூன்றாவதும் டேஞ்சர் வகையைச் சேர்ந்தது. இந்த இரு வகையினரின் மனநிலையும் சரியானதல்ல. இவர்களின் காதல் மற்றும் ரொமான்ஸ் வாழ்க்கை எப்போதும் ஏடாகூடமாகத்தான் இருக்கும்

. -தொடரும்


நன்றி - அவள் விகடன்