அயோக்யா - சினிமா விமர்சனம்

புதிய பாதை எனும் சூப்பர் டூப்பர் ஹிட் கொடுத்த ஆர் பார்த்திபன்  பொண்டாட்டி தேவை  யில் சறுக்கினார் , பிறகு சுகமான சுமைகள் படத்தில்  செம லாஸ் , ஆர்ட் ஃபிலிம் டைப்பே வேணாம் என  இறங்கி அடிக்க ஒரு போலீஸ்  ஃபார்முலா படம் எடுத்தார் அதுதான் உள்ளே வெளியே , 16/4/1993   அப்போ  ரிலீஸ் ஆச்சு படம் செம ஹிட் வசூலை அள்ளிக்குவிச்சுது. ஐஸ்வர்யா வின்   கில்லி லோ கட் சீன் செம அப்ளாஸ் , படம்  பூரா டபுள் மீனிங் வசனம் தான்

அந்தப்படத்தின் கதையை அட்லீ வேலை ( திருட்டு வேலை) செஞ்சு  தெலுங்குல  ஜூனியர் என் டி ஆரை வெச்சு  டெம்ப்பர்-னு ஒரு படம் எடுத்தாங்க, படம் ஹிட் . அந்தப்பட தெலுங்கு  ரீமேக்கை  உரிமை வாங்கி எடுத்த மடத்தனமான படம் தான்  அயோக்யா. இதுக்கு ஆர் பார்த்திபன்கிட்டேயே 50,000  ரூபா தந்தா  ரீமேக்  உரைமை தந்திருப்பார் , மடத்தனமா 4 கோடி கொடுத்து தெலுங்கு  ரீமேக்  உரிமை தண்டச்செலவு

 இதுல இன்னொரு கொடுமை என்னான்னா உள்ளே வெளியே ஹீரோ பார்த்திபனையே  இந்தப்படத்துல வில்லனாப்போட்டதுதான் ( கதை கேட்டிருந்தா அவருக்காவது தெரிஞ்சிருக்கும்

ஹீரோவா புரட்சித்தளபதி விஷால் , சிங்கம்  சூர்யா  மாதிரி 6 மடங்கு சவுண்ட் , சாமி விக்ரம் மாதிரி போலீஸ்  கெத்து , சிலம்பாட்டம் , வல்லவன் ல சிம்பு போட்ட டான்ஸ் ஸ்டெப்ஸ்  இவ்ளோதான் விஷால் , அவரோட ஹேர்ஸ்டைல் படு கண்றாவின்னா  அவரோட மீசை இல்லா கெட்டப்   ரொம்ப கேவலம், அவன் இவன் படத்துல திருநந்கை கேரக்டர் பண்ணார், அதே  கெட்டப் 

ஹீரோயினா ராசி கண்ணா , பாவம்  ராசி இல்லா கன்னி போல  கேனம் மாதிரி  சிரிக்குது  , சம்பந்தமே இல்லாம ஹீரோவை லவ்வுது, 2 டூயட்  அவ்ளோதான்

வில்லனா  ஆர்  பார்த்திபன்.. நானெல்லாம் சொர்ணமுகி படத்துல அவரோட வசனத்துக்கு கை தட்டுன ஆளு , இதுல பாவமா வந்து போறாரு 

க்:ளைமாக்ஸ்  ரமணா வில் இருந்து    உருவி இருக்காங்க 

 டெக்னிக்கல் மேட்டர்ஸ் எல்லாம் சராசரி தரம் 

 பாராட்ட வேண்டிய ஒரே நடிகர்  கே எஸ் ரவிக்குமார் தான் . கச்சிதமான நடிப்பு 

 அவரு ஓப்பனிங் சீன்ல ஹீரோவுக்கு சல்யூட் அடிக்க மாட்டேன்னு வீராப்பா சொல்லும்போது தியேட்டர்ல ஒரு 5 வயசுப்பொடியன் க்ளைமாக்ஸ்க்குள்ளே இவரு சல்யூட் அடிப்பார் பாருங்க அப்டிங்கறான் நடந்துச்சு 

நச் டயலாக்ஸ்

1  வர்றவன் பேருதான் கர்ணன்,ஆனா குடுக்க மட்டான்,காசு ,பணம்னு எடுத்துக்குவான்,சுருக்கமா சொல்லனும்னா கரப்ஷனுக்கே செல்லப்பிள்ளை. #ayogya

2 சோறும் ,வயசும் சூடா இருக்கும்போதே சாப்பிட்டுடனும் #ayogya

3 என் ego என்னைச்சுத்தி ஒரு பைப்லைன் மாதிரி ஓடிட்டிருக்கு. #ayogya

4 எப்படிப்பிழைக்கனும்னு பாக்கக்கூடாது

எப்படி வாழனும்னு பாக்கனும் #Ayogya

5  இந்த பூமில பிறந்த ஒவ்வொரு வருக்கும் ஒரு கடமை இருக்கு,அந்தக்கடமை யை செய்துமுடிக்காம யாரும் சாகமாட்டாங்க #ayogya

தியேட்டரிக்கல் அப்டேட்டட் ட்வீட்ஸ்

1  சிலம்பாட்டம் ல சிம்பு போட்ட ஸ்டெப்பை இன்னும் எத்தன பேரு தான் அட்லீ வேலை பார்ப்பாங்களோ? #ayogya

2 புரட்சித்தளபதியோட ஓவர் ஆக்டிங்,கேரக்டர் ்ரொம்ப இரிடேட்டிங்கா இருக்கே? நமக்கும் தளபதிகளுக்கும் செட் ஆகறதில்ல #ayogya

3 ஜூனியர் NTR ன் டெம்பர் தெலுங்குப்பட அதிகாரப்பூர்வ ரீமேக்கான அயோக்யா @ கேரளா பத்தணம்திட்டா செங்கன்னூர் சிர்ரி 1 pm ஷோ #ayogya

சபாஷ் டைரக்டர்

சொல்லிக்க ஒண்ணுமில்ல

லாஜிக் மிஸ்டேக்ஸ் ( இயக்குநர் பல்பு வாங்கிய இடங்கள்)

1   லாஜிக் மிஸ்டேக் 1 −− ஒரு பொண்ணைக்கடத்த பிராஜெக்ட் போடறவங்க பொண்ணோட போட்டோவை அடியாளுங்க கிட்டத்தராம குறிப்பிட்ட பைக் ல வருவா னு சொல்றது மடத்தனம்.ஆள்மாறாட்டம் நடக்கறதுக்கு ஒரு சால்ஜாப்பு #ayogya

2 லாஜிக் மிஸ்டேக் 2 −− ரேப் கேசின் முக்கிய சாட்சியான வீடியோ டேப்பை கோர்ட்டில் சப்மிட் பண்ணும் முன் ஒரு செட் காபி பண்ணி வெச்சுக்க மாட்டாங்களா? #Ayogya

3 லாஜிக் மிஸ்டேக் 3− அந்த வீடியோவை காபி பண்ண முடியாதுனு ஒரு சமாளிபிகேஷன் டயலாக் வருது.அப்போ அந்த வீடியோவை முக்கிய ஆபீசர்கள் 4 பேருக்கு போட்டுக்காட்டி அதை ஒரு வீடியோவாக எடுத்து அதை ஒரு சாட்சியாக வைக்கக்கூடாதா? #Ayogya

4    போலீசின் சாட்சி கோர்ட்டில் செல்லாது , இந்த சட்ட நுணுக்கம் கூடத்தெரியாம திரைக்கதை எழுதி இருக்காரு 

சி.பி கமெண்ட் -அயோக்யா − ரேப்பிஸ்ட்களுக்கு சட்டப்படி தண்டனை வாங்கித்தரப்போராடும் இன்ஸ்பெக்டரின் ஆக்சன் மசாலா.க்ளைமாக்ஸ் ரமணா சாயல் , படம் பூரா சவுண்ட் விட்டுட்டே இருக்காரு ஹீரோ,காது ஜவ்வுக்கு ஆபத்து,விகடன் 40 , ரேட்டிங் 2.25 / 5 #Ayogya

வித்தகன் - வின்னர் - சினிமா விமர்சனம்

 

அசிஸ்டெண்ட் கமிஷனராக பகலில் வேலை பார்க்கும் குண்டக்க மண்டக்க ஆர். பார்த்திபன் இரவில் ராபின் ஹூட்டாக மாறி ரவுடிகளை போட்டுத்தள்ளுகிறார்.. அப்போ அவர் எப்போ தூங்குவார்? எப்போ ரெஸ்ட் எடுப்பார்னு எல்லாம் யாரும் கேக்காதீங்க.. ஏன்னா நானும் கேட்கலை.. புரொடியூசரும் கேட்டிருக்க மாட்டார்னு நம்பறேன்... இது பார்த்திபனோட 50 வது படம்கறதால கொஞ்சம் விளையாண்டு பார்க்கலாம்னு ஆசைப்பட்டிருக்கார்.. 

படத்தோட விமர்சனத்துக்குள்ள போறதுக்கு முன்னால பார்த்திபனுக்கும் கமலுக்கும் உள்ள ஒரு சைக்காலஜிக்கல் ஒற்றுமையை பார்க்கலாம்..  குணா படத்தில் இருந்து கமலுக்கு ஒரு எண்ணம்.. ஸ்க்ரீன்ல தான் வர்ற ஒவ்வொரு சீனும் தான் மட்டுமே கவனிக்கப்பட வேண்டும்.. தன் நடிப்பு பிரத்யேக கவனத்தை பெற வேண்டும்னு நினைப்பாரு.. லேசா செயற்கை தட்டி நடிப்பாரு.. அதே போல பார்த்திபன்க்கும் ஒரு ஆசை.. தான் தான் செம பிரில்லியண்ட்.. மத்தவங்க எல்லாம் கேனை. அவன் இண்ட்டர் நேஷனல் கிரிமினல் ஆக இருந்தாலும் சரி மாக்கான் தான்னு நினைக்கறார்..

அவரோட எண்ணம் ரொம்ப தப்பு.. வில்லன் கேப்டன் பிரபாகரன்ல வர்ற மன்சூர் அலிகான் மாதிரி பலசாலியா, காக்கிசட்டை சத்யராஜ் மாதிரி புத்திசாலியா, ஏழாம் அறிவு வில்லன் போல் பிரமிக்க வைக்கும் அளவு காட்டிட்டு, அதுக்குப்பிறகு ஹீரோ வில்லனை வெல்வது போல் காட்னாத்தான் செம இண்ட்ரஸ்ட்டா இருக்கும்..

சரி படத்தோட கதைக்கு போலாம்.. ஹீரோவோட அப்பா ஒரு போலீஸ்காரர்.. அவர் ரவுடிகளை, சமூக விரோதிகளை ஒடுக்கறதால அதுல ஒருத்தன் அவரோட மகளை கொலை பண்ணிடறான்.. அதாவது ஹீரோவோட தங்கை.யை மர்டர்டு..வெறுத்துப்போன ஹீரோவோட அப்பா  வேலையை ரிசைன் பண்ணிட்டு வேற ஊர் போயிடறார்.. 

அப்பாவுக்கு தெரியாமயே ஹீரோ போலீஸ் வேலைக்கு படிச்சு அசிஸ்டெண்ட் கமிஷனர் ஆகி சமூக விரோதிகளை போட்டுத்தள்ளறார்.. தன் தங்கையை கொலை செஞ்ச வில்லன் இப்போ தாய்லாந்து நாட்டுல ... படம் லோ பட்ஜெட் என்பதால் ஹீரோ தாய்லாந்து போக முடியல.. தன்னோட சாணக்கியத்தனத்தால வில்லனை இங்கே வரவழைக்கறார்.. 

சாதாரண எக்ஸிக்கியூட்டிவ் முடிக்க வேண்டிய வேலையை கம்பெனி பாஸே செஞ்சா எப்படி இருக்கும்? அப்டி இருக்கு அந்த வில்லன் தமிழ் நாடு வர்றது..

சரி.. ஹீரோ ஆடும் ஆடுபுலி ஆட்டத்துல ஹீரோயினுக்கு என்ன வேலை? அவரை எப்படி கதைக்குள்ள கொண்டு வர்றது? ரொம்ப ஈசி.. ஹீரோ செய்யற ஒரு கொலையை அவர் நேர்ல பார்த்துடறார்.. என்ன ஏது? எதுக்காக அவர் கொலை செஞ்சார்ங்கற ஃபிளாஸ்பேக் எல்லாம் அவர் தெரிஞ்சுக்காததுக்கு முன்னேயே அவர் ஒரு போலீஸ் ஆஃபீசர்னு தெரிஞ்சதும் லவ்வ ஆரம்பிச்சடரார்.. ( நல்ல லவ்வுய்யா)

இடைவேளை ட்விஸ்ட் வேணுமே , அதுக்காக ஹீரோ போலீஸ்ல மாட்டிக்கறார்.. இடைவேளைக்குப்பிறகுதான் டர்னிங்க் பாயிண்ட்.. தண்டனை முடிஞ்சு ஹீரோ வெளீல வந்து தாதா முன்னேற்றக்கழகம்னு எதும் ஆரம்பிக்காமயே தாதா ஆகிடறார்.. 

இப்போ ஊர்ல 3 தாதா.. ஒண்ணு ஹீரோ தாதா..  2 வில்லன் தாதா.. 3 சைடு வில்லன் தாதா.. 2வது வில்லன் தாதா ஹீரோ கிட்டே கெஞ்சறாரு.. நீங்க 3வது வில்லனை போட்டுடுங்க...அப்போ நான் முதல் இடத்துக்குப்போயிடுவேன்.... நீங்க 2வது இடத்துக்கு வந்துடலாம்னு.. 

ஹீரோ தன்னோட அதி புத்திசாலித்தனத்தால என்ன செய்யறார்.. எப்படி ஜெயிக்கறார்? பழி வாங்கறார்ங்கறதுதான் மிச்ச மீதி திரைக்கதை..

பார்த்திபன் சும்மா சொல்லக்கூடாது மிடுக்கான அசிஸ்டெண்ட் கமிஷனர் ரோல்லயும் சரி.. தெனாவெட்டான தாதா ரோல்லயும் சரி. அசால்ட்டான நடிப்பு.. படம் முழுக்க அவரது எள்ளல்கள், நக்கல்கள், நையாண்டிகள் கொட்டிக்கிடக்கு.. ரசிக்கலாம்.. சில இடங்களில் மட்டும் ஓவர்..

பூரணி  சும்மா ரிலாக்‌சேஷனுக்கு , அதாவது ஆடியன்ஸூக்கு.. 2 டூயட் உண்டு.. ஆனால் மேற்படி ரசிகர்கள் எதிர்பார்க்கும் மேற்படிகள் இல்லை.. 

மெயின் வில்லன் நடிப்பு ஓக்கே.. டெபுடி கமிஷனராக, அரசியல்வாதியாக வருபவர் நடிப்பும் அருமை.. 

எடிட்டிங்க் செம ஷார்ப்.. ஒளிப்பதிவு கண்ணுக்கு உறுத்தல் இல்லாமல் இருக்கு,.. இசை ஓக்கே 2 பாடல்கள் ஆல்ரெடி ஹிட்.. 

இயக்குநர் பாராட்டு பெறும் இடங்கள்

1. ஹீரோயின் அருகே ஹீரோ ஜீப்பில் போகும்போது ஹீரோயின் கண்களுக்கு வில்லனாகத்தெரியும் ஹீரோவின் 2 கண்கள் மட்டும் தனியாகப்போய் ஹீரோயின் ஜாக்கெட் விளிம்பில் எட்டிப்பார்க்கும் சீன் என்னதான்  ஜிம் கேரியின் மாஸ்க் பட உருவல் என்றாலும் ரசிக்கும்படி இருக்கிறது..

2.   டி வியில் நிருபர்களுக்கு பேட்டி அளிக்கும் போலீஸ் ஆஃபீசர் பார்த்திபன் ஹீரோயின் கண்களுக்கு மட்டும் அவரை எச்சரிப்பது போன்ற ஹீரோயின் கற்பனை செம காமெடி.. 

3. ஒரு பாடல் காட்சியில் பூரணாவின் சேலையில் இருக்கும் பூ டிசைன் அப்படியே பூவாக மலர்வது செம உத்தி.. கலக்கல் சீன் அது. 

4. இடைவேளைக்குப்பிறகு தாதா ஆகும் ஹீரோவின் ஆஃபீஸ்க்கு ஹீரோயின் வரும்போது அவரது ஆஃபீஸ் இண்ட்டீரியர் டெக்கரேஷன் செம.. ஆர் பார்த்திபன் ஆர்ட் டைரக்‌ஷனில் தனி கவனம் செலுத்துபவர் என்பதற்கான சான்று.. 

5. வசனகர்த்தா பார்த்திபனின் அபார உழைப்பு படத்தின் வெற்றிக்கு பக்க பலம் சேர்க்கிறது..  அவரது நக்கல் நையாண்டி வசனங்கள் மட்டும் 42 ஜோக்ஸ் தேறும்.. 

6. போர் அடிக்காமல் பர பர என காட்சிகளை நகர்த்திச்செல்லும் வேகம் அழகு..

7. ஒரு பாடல் காட்சியில் அதிகாலை செய்தித்தாள் போலே நீ வந்தாய் என்ற அழகு வரிகளுக்கு உயிர் ஊட்டும்படி ஒரு புறா கதவை திறந்து உள்ளேவருவது சோ க்யூட்.. 

8. வில்லன் கூட வரும் எடுபுடி கிழவன் செம காமெடி நடிப்பு டயலாக் டெலிவரி.. செம

இயக்குநர் ஆர் பார்த்திபனிடம் சில கேள்விகள், பல சந்தேகங்கள். சில ஆலோசனைகள்

1.  மகன் அப்பாவை டேய் என கூப்பிடுவது கவுண்டமணியின் காமெடிக்கு ஓக்கே.. வில்லனின் மகனுக்குமா? அது கூட தேவலை.. கொலை நடந்த அன்று நீ எங்கே போனே? என அப்பா கேட்கறப்ப ஒரு மகன் அப்படியா தன் தந்தையிடம்  நான் ஃபிகர்ட்ட ஜல்ஸா செய்ய போனேன்னு சொல்வான்?

2. ஒரு கொலை நடக்குது. அதை செஞ்ச ஹீரோ கொலை ஆன டெட் பாடி சர்ட் பாக்கெட்ல இருந்து செல் ஃபோனை எடுத்து எஸ் எம் எஸ் அனுப்பறார் வில்லனுக்கு.. அதை பார்த்து அங்கே வர்ற வில்லன் கொலை செஞ்சதா மாட்றதா சீன்.. மெசேஜ் பார்த்து அவன் கால் பண்ணீ கன்ஃபர்ம் பண்ண மாட்டானா? போஸ்ட் மார்ட்டம் ரிப்போர்ட்ட வெச்சு கொலை நடந்த ஒரு மணி நேரம் கழிச்சே வில்லன் வந்தான் கற உண்மை தெரியாம போகாதா? அந்த செல் ஃபோன்ல ஹீரோவோட கை ரேகை இருக்கே?

3.  ஹீரோயின் பூரணா முகம் உடம்புக்கு செமயா பவுடர் போடறாங்க பாராட்டறேன்.. ஆனா முதுக்குக்கு நோ மேக்கப்... இதனால டூயட் சீன்ல அவர் நேரா நிக்கறப்ப கலரா தெரியறார்.. திரும்பறப்ப கறுப்பா தெரியறார்.. ( அவர் முதுகை எல்லாம் உன்னை யார் நோட் பண்ண சொன்னது?ன்னு கேக்காதீங்க.. அதை நான் பார்க்கலை.. பக்கத்து சீட் ஆள் சொன்னார்.. )

4. எல்லா படத்துலயும் வில்லன்க ஏதாவது கெட்ட தகவலை சொல்ற தன் ஆளுங்களையே டபக் டபக்னு சுட்டுட்டே இருக்காங்களே.. ஆள் பற்றாக்குறை வராதா? இந்தப்படத்துல 4 பேர் அவுட்.. பாவம்..

5. டூயட் சீன்ல கூட ரிவால்வர் வெச்சுக்கிட்டே ஹீரோ அலையறாரே.. அது ஏன்? வித்தகன் வித் த கன்  என்பதாலா?

6. க்ளைமாக்ஸ்ல ஹீரோயினை போட்டுத்தள்ளும் வில்லன் அதே ஸ்பாட்க்கு ஹீரோவை ஏன் வரச்சொல்லனும்? கொஞ்சம் தள்ளி வர சொல்லக்கூடாதா? ஹீரோயின் செயின் , ரத்தம் எல்லாம் அங்கே இருக்கே.. அதை  ஹீரோ பார்த்துட்டா ஹீரோயினை பிணையக்கைதியா வெச்சு நாம பண்ற டிராமா ஹீரோவுக்கு தெரிஞ்சுடுமேன்னு கூட  யோசிக்காத மாங்கா மடையனா?

7. பார்த்திபன் சார்.. 1 சொன்னா கோவிச்சுக்க மாட்டீங்களே.. போலீஸ் யூனிஃபார்ம் கெட்டப் செம.. ஆனா தாதா கெட்டப் நல்லாவே இல்ல.. ஏதோ நோய் வந்து இளைச்ச ஆள் மாதிரி இருக்கு.. 

 எதிர்பார்க்கப்படும் ஆனந்த விகடன் மார்க் - 42

எதிர்பார்க்கப்படும் குமுதம் மார்க் - ஓக்கே 

சி.பி கமெண்ட் - ஆர் பார்த்திபனின் ரசிகர்கள், அவரது நக்கல் நையாண்டியை ரசிப்பவர்கள் பார்க்கலாம்.. ஃபேமிலியோட பார்க்கர மாதிரி டீசண்ட்டாதான் இருக்கு..

ஈரோடு ஆனூர் -ல் பார்த்தேன்

டிஸ்கி - வழக்கமாக போடும் ரசித்த வசனங்கள் போடாததற்கு காரணம்

. ஆல்ரெடி பதிவு நீளம்.. வசனங்கள் மட்டும் 45 டயலாக்ஸ் சேர்ந்துடுச்சு.. அதை தனி பதிவா போட்டுக்கலாம்-னு ஐடியா

அ

டிஸ்கி -

1911 - அட்டர் ஃபிளாப் ஆன ஜாக்கிசானின் 100வது படம் - சினிமா விமர்சனம்

 

வித்தகன் - எள்ளல் நிறைந்த ஆர் பார்த்திபன் வசனங்கள் - காமெடி கலாட்டா