கேரளா - கோட்டயம் - சங்கணாச்சேரி தன்யா வில் இந்தப்படம் போன மாசம் ரிலீஸ் ஆன போது நான் போய் இருந்தேன். ஆனா 8 பேர்தான் ஆடியன்ஸ். மினிமம் 15 பேர் வந்தாதான் கரண்ட் சார்ஜ்ஜூக்காவது கட்டுபடி ஆகும்னு சொல்லிட்டதால ர்ட்டர்ன் வ்ந்துட்டேன். தியேட்டர் ரிலீஸ்ல கமர்ஷியலா சரியா ஹிட் ஆகாத படம் ஓடி டி ரிலீஸ்ல பலரும் பாராட்டும் படமாகவும் பரிந்துரைக்கும் படமாகவும் ஆனது கண்டு மகிழ்ச்சி . ரெண்டு நிலைப்பாட்டுக்கும் என்ன காரணம்?னு கடைசில சொல்றேன்
பொதுவா ஹீரோ போலீஸ் ஆஃபீசர்னாலே நம்ம கண் முன் வந்து போவது சிங்கம் சூர்யா , சத்ரியன் விஜயகாந்த் , வால்டர் வெற்றிவேல் சத்யராஜ். படங்கள் ஹிட் ஆனாலும் சில இடங்களில் ஹீரோவின் ஓவர் ஆக்டிங் அல்லது ஹீரோ பில்டப் தனியா தெரியும்., ஆனா ஓப்பனிங் சீன்ல இருந்து கடைசி வரை இந்தப்பட ஹீரோவின் மிடுக்கான ஆனால் அண்டர்ப்ளே ஆக்டிங் மிகவும் கவர்ந்தது
ஸ்பாய்லர் அலெர்ட்
சம்பவம் 1
ஸ்கூல் என் சி சி ஸ்டூடண்ட்ஸ் டூர் போறாங்க . போன இடத்துல ஒரு ஜோடி அங்கே கொலை செய்யப்பட்ட டெட்பாடியைப்பார்த்து போலீஸ்க்கு தகவல் சொல்றாங்க. போலீஸ் சம்பவ இடத்துக்கு வருது . அந்தக்கொலை நடந்து 4 நாட்கள் இருக்கலாம். என தடயவியல் நிபுணர்கள் சொல்றாங்க . கிடைச்ச தடயங்களை வெச்சு அந்தக்கொலையை செஞ்சது ஒரு போலீஸ் ஆஃபீசர்தான்னு முடிவுக்கு வர்றாங்க
சம்பவம் 2 - ஒரு கொள்ளை சம்பவம் நடக்குது/ ஸ்பாட்க்கு போலீஸ் அண்ட் டீம் வருது அங்கே ஹவுஸ் ஓனர் சம்சாரம் , மகள் அவளோட க்ளாஸ் மேட் நாலு பேரும் கொலை செய்யப்பட்டுக்கிடக்கறாங்க. இன்வெஸ்டிகேஷன் ஸ்டார்ட் ஆகுது
சம்பவம் 3 - வைரங்களை புதிய முறையில் கடத்தும் கும்பல் ஒண்ணு இருக்கு . அதன் தலைவன் ஐடியாப்படி கர்ப்பிணியா இருக்கற லேடி விமானம் கிளம்பற டைம்ல ஒரு மாத்திரை சாப்பிடும் அப்போ க்ரிட்டிக்கலான சூழ்நிலை நிலவும் ஃபிளைட்டை தரை இறக்குவாங்க . டாக்டர் கிட்டே கூட்டிட்டு போவாங்க . அவரு அந்த லேடி உடம்பில் இருக்கும் வைரத்தை ஆபரேஷன் பண்ணி எடுத்துடுவார் ( கமல் நடிச்ச டிக் டிக் டிக் படம் பார்க்க)
மேலே சொன்ன 3 சம்பவங்களுக்கும் என்ன தொடர்பு என்பதே திரைக்கதை
ஹீரோவா சுராஜ் . இவரது பாடி லேங்க்வேஜ் டிரஸ்சிங் சென்ஸ் எல்லாம் பிரமாதம்.. போலீஸ் யூனிஃபார்ம்ல வரும்போதும் சரி மஃப்டில வரும்போதும் சரி பக்காவான காஸ்ட்யூம்ஸ்
நிமிஷா சஞ்சயன் கோர்ட் சீன்ல வர்றார் ஓக்கே தனிப்பட்ட முறையில் இவரை எனக்குப்பிடிக்காது சிரிப்பே வராத முகம் எப்பவும் சிடுசிடுனு இருக்கற மாதிரி தோணும்
ஐ ஜி கேரக்டரில் வரும் லேடி கம்பீரம் .
படத்தில் மற்ற கேரக்டர்கள் எல்லாம் சரியா டிசைன் செய்யப்படலை
வினோத் இளம்பிள்ளையின் ஒளிப்பதிவு கேரளா- இடுக்கி மாவட்டத்தை கண் முன் நிறுத்துது . எடிட்டிங் இசை எல்லாம் தரம் . பாடல் காட்சிகள் இல்லாதது பலம்
சபாஷ் டைரக்டர்
1 ஒரு சிறுகதையின் தொடக்கம் அவனை கதைக்குள் உள்ளிழுத்து வந்துடனும் என மேஜிக் ரைட்டர் சுஜாதா சொல்லி இருக்கார் அதன்படி இந்தப்படத்தின் முதல் 15 நிமிடங்கள் செம சுவராஸ்யம் . அப்படியே நம்மைக்கதைக்குள் இழுத்துச்செல்லுது
2 ஒரு டெட் பாடி இருந்தா அதுல புழு ஃபார்ம் ஆகும் அதன் ஆயுளை வெச்சு எத்தனை நாள் ஆச்சு கொலை நடந்து என கண்டு பிடிக்கலாம் என்ற டீட்டெய்லிங்
3 கொலை நட்ந்த பாடி இருக்கும் இடத்தைத்தோண்டும் போது ஒரு ஒரு பைப் லைன் வரும் அதை உடைச்சா மீத்தேன் கேஸ் வரும் . தீ பற்றும், அதை வெச்சு அங்கே டெட் பாடி இருக்கும்னு தெரிஞ்சுக்கலாம் என்ற விப்ரம் புதுசா இருந்தது
லாஜிக் மிஸ்டேக்ஸ்
1 ரிவஞ்ச் த்ரில்லர்களில் ஹீரோ அல்லது வில்லன் ஒரு கொலையை செஞ்சா அதுக்கு பிராப்பரான ரீசன் வேணும். . உதாரண்மா மோகன் நடிச்ச டிசம்பர் பூக்கள் படத்துல கார் ஆக்சிடெண்ட்ல சிக்கி சீரியசா இருக்கும் தன் மனைவிக்கு பிளட் டொனேசன் தர மறுத்த 4 பேரை போட்டுத்தள்ளுவது ஏத்துக்கவே முடியாத சீன்.. தண்ணியைப்போட்டுட்டு மப்புல விபத்து ஏற்படுத்துனது ஹீரோ நியாயமா அவரு அவரையே கொலை பண்ணனும் அதை விட்டுட்டு பிளட் டொனேட் பண்ண மறுத்தவங்களை கொலை பண்ணிட்டு இருப்பாரு
2 வில்லன் கொலை பண்ண ஒரு வீட்டுக்குப்போறாரு. அதுல குறிப்பிட்ட அந்த ஆளைக்கொலை செய்வதும் கொலையைப்பார்த்த சாட்சியான மனைவியைக்கொலை செய்வதும் ஓக்கே ஆனா வீட்டில் வேற ஒரு இடத்துல விளையாடிட்டு இருக்கற மக இன்னொரு இடத்துல இருக்கற மகளோட க்ளாஸ்மேட் அப்டினு கொலையைப்பார்க்காத ஆட்களை அதுவும் சிறுவர்களைக்கொலை செய்வது எதுக்கு ? மடத்தனமா இருக்கு
3 ஹீரோ போலிஸ் என்பதால் வழக்கமா தமிழ்ப்படங்களில் ஒரு ஓப்பனிங் ஃபைட் சீன் வைப்பாங்க மலையாளப்படத்துல் ஒரு கேஸ் விசாரணை வைப்பாங்க , ஆனா இந்தப்படத்துல ஹீரோ 3 வெவ்வேற கேசை டீல் பண்ணிட்டு இருக்காரு . மெயின் க்தைக்கும் அந்த கேஸ்களுக்கும் சம்பந்தமே இல்லை . அந்த சம்பவங்களில் ஒன்று ஆல்ரெடி ஹிட் ஆன ஆக்சன் ஹீரோ பைஜூ ல இருக்குது
சி பி எஸ் ஃபைனல் கமெண்ட் = மேக்கிங் ஸ்டைல் ஆக்டிங் பர்ஃபார்மென்ஸ் இவற்ரை மட்டும் கவனிச்சா இது தரமான படம் லாஜிக் மிஸ்டேக்சை கவனிச்சா இது சுமாரான படம் மீதி உங்கள் கைல டிஸ்னி ஹாட் ஸ்டார்ல படம் கிடைக்குது ரேட்டிங் 2.5 / 5
டிஸ்கி - இப்டியே போய்க்கிட்டு இருந்தா இனி வரும் காலங்களில் எனக்கு இவன் டீ வாங்கித்தர்லை , ஃபேஸ்புக்ல என் போஸ்ட்ட்க்கு லைக் போடலை அதனால கொலை பண்ணிட்டேன்னு வில்லன் சொல்லும் ரிவஞ்ச் த்ரில்லர் படங்கள் வர்லாம்