INCEPTION - சினிமா விமர்சனம்

நம்ம ஊர் கே பாக்யராஜ்க்கும் ஹாலிவுட் கிறிஸ்டோபர் நோலனுக்கும் ஒரே வித்தியாசம் தான். அவர் திரைக்கதை மன்னன். சாமான்ய ஜனங்களுக்கும் எளிமையா கதை சொல்லி  ரசிக்க வைப்பவர். இவர் குழப்பி அடிக்கும் திரைக்கதையில் தன் மேதா விலாசம் காட்டும் திறமைசாலி. மெத்தப்படித்தவர்களுக்கான படங்களை எடுப்பவர் .

படத்தோட கதை என்ன? 2 போட்டி கம்ப்பெனிகள் . நம்ம தமிழ் நாட்டில் ஜெ , கலைஞர் மாதிரின்னு வெச்சுக்கலாம். கம்பேனி ஜெ என்ன நினைக்குதுன்னா கலைஞர் கம்பெனிதான் நமக்கு போட்டி . அங்கே மு க ஸ்டாலின் கலைஞர் கூட கொஞ்சம் மனஸ்தாபமா இருக்கார் , அவரை தூண்டி விட்டு குடும்பத்துல குழப்பத்தை ஏற்படுத்தி  வாரிசு உரிமைப்பிரச்சனை அல்லது கம்பெனிக்கு நான் தான் ஓனர் அப்டினு ஒரு போட்டி மனப்பான்மையை ஏற்படுத்தி பலவீனப்படுத்தினா தான் நெம்பர் ஒன் ஆகிடலாம்னு நினைக்கறவர் ஜெ கம்பெனி .

அதுக்காக ஹீரோவை நியமிக்கறாங்க . நம்ம ஹீரோ யாரு? அவர் ஒரு ஆர்க்கிடெக். அது போக கனவுகளை கண்ட்ரோல் பண்ணுபவர்.அதாவது ஒரு ஆள் தூக்கத்துல இருக்கும்போது கனவு காண்பார் இல்லையா? அப்போ அவர் சிந்தனைல போய் அவர் ஐடியாக்களை திருடுபவர் , சில ஐடியாக்களை எதிரியின் மூளையில் விதைத்து ஆட்டுவிப்பவர். ஹிபனாடிசம் மாதிரி

இப்போ இவர் வேலை என்னான்னா ஸ்டாலின் கனவுல போய் இவர் நினைக்கும் சில நினைவுகளை விதைச்சுட்டு குடும்பத்துல குழப்பத்தை ஏற்படுத்தனும்.

இதை ஏன் இவர் பண்றார்னு நியாயக் கற்பிக்க ஒரு ஃபிளாஸ்பேக். ஹீரோவோட இரு குழந்தைகளை வில்லன் கடத்தி வெச்சு மிரட்றான். குழந்தைகளை காப்பாத்தனும்னா இந்த பிராஜக்ட்டை அவன் பண்ணியே ஆகனும்

ஹீரோவுக்கு ஒரு சம்சாரம். அவரு ஹீரோவோட கனவு வேட்டை பிராஜக்ட்டால மன நிலை பாதிக்கப்பட்டு ஒரு குழப்பமான சூழல்ல தற்கொலை செஞ்சவரு.

இப்படியே விட்டா கதை ட்ரையா இருக்குமேன்னு இந்த பிராஜக்ட் செய்ய ஹீரோவுக்கு உதவியா ஒரு 75 மார்க் ஃபிகரு உதவிக்கு, அதுதான் ஹீரோயின்.

எம் ஜி ஆர் பட ரேஞ்சுக்கு 3 மணி நேரத்தையும் தாண்டி படம் ஓடிட்டே இருக்கு

பொறுமையா பார்க்கனும். குறுக்கே ஃபோன் வந்துச்சுனு எந்திரிச்சுப்போய்ட்டு வந்தா படம் புரியாது 

இயக்குநர் பாராட்டு பெறும் இடங்கள்

1. ஹீரோ ஹீரோயின் 2 பேரும் கனவு தேசத்துல வாக்கிங்க் போகும்போது கட்டிடங்கள் எல்லாம் என்னமோ பேப்பர் கட்டு மாதிரி மடங்கும் சீன் கிராஃபிக்ஸ் கலக்கல்

2. படத்துல யாரும் குறை சொல்ல முடியாதபடி திரைக்கதை அமைத்த சாமார்த்தியம் ( நல்லா ஃபுல்லா புரிஞ்சாத்தானே குறை சொல்ல முடியும் ?)

3. ரசிகர்களுக்கு இது முற்றிலும் புதிய களம். சைக்காலஜி , சைக்கோ சம்பந்தப்பட்ட படங்கள் நிறைய பார்த்திருந்தாலும் கனவு சமப்ந்தப்பட்ட வித்தியாசமான கோணம் அனுபவம் புதுமை

4. ஹீரோ அவர் சம்சாரம் , ஹீரோயின் 3 பேர் சமப்ந்தப்பட்ட காட்சிகள் பொழுது போக்குக்கு . நல்லாருக்கு

5. ஒளிப்பதிவு , லொக்கேஷன் செலக்சன், வசனங்கள் நீட் 

 

இயக்குநரிடம் சில கேள்விகள்

1. ஹீரோயின் தற்கொலை பண்ணிக்க கட்டிடத்தின் விளிம்பில் நிற்கிறார். அப்போ ஒரு வசனம் “ நீங்களும் என் கூடவே வந்துடுங்க”ன்னு மனைவி சொல்றா. ஹீரோ “ குதிக்காதே”ன்னு பதட்டமா சொல்றார். இந்த சீன்ல ஈசியா ஹீரோ ஹீரோயினை காப்பாத்தி இருக்க முடியும். அங்கேயே இரு, இதோ நானும் அங்கே வந்துடறேன், 2 பேரும் சேர்ந்தே குதிப்போம் அப்டினு சொல்லி பிரெயின் வாஷ் பண்ணி கிட்டே போய் காப்பாத்தி இருக்கலாம், சரி தொலையுது , புது ஜோடி கிடைக்கட்டும்னு விட்ட மாதிரி இருக்கு . அந்த சீன்ல ஹீரோயின் தற்கொலை பண்ணும்போது தனிமையில் இருந்தா அப்டினு காட்டி இருக்கலாம். ஏன்னா ஹீரோ முன்னால ஹீரோயின்  தற்கொலை பண்ணும் காட்சி வெச்சுடா ஆடியன்ஸ் மனசுல எப்பவும் ஹீரோ மேல ஒரு குற்ற உணர்ச்சி வந்துட்டே இருக்கும்

2.  ஹீரோவுக்கு உதவியா வர்ற பொண்ணு நாசர் மாதிரி எதுக்கு தேவை இல்லாம ஹீரோவோட பர்சனல் மேட்டர்ல தலையிடுது. சரி  ஹீரோ மேல லவ் போலன்னு நினைச்சா அதுவும் இல்லை . சும்மா டெம்ப்போ ஏத்தவா? 

3. ஹீரோவோட மனைவியின் தற்கொலைக்கு ஹீரோ தான் காரணம். தற்கொலைக்கு தூண்டிய வழக்குல அவருக்கு ஏன் தண்டனை கிடைக்கலை? 2 வதா வர்ற ஹீரோயின்  அது பற்றிக்கண்டுக்கவே இல்லை , போதாததுக்கு அடிக்கடி “ உன் மனைவி டெத்துக்கு நீ காரணம் இல்லை”ன்னு ஆறுதல் வசனம் வேற 

 

மனம் கவர்ந்த வசனங்கள்

1. கனவுகள் இவன் பேரைக்கேட்டாலே  கதி கலங்கி நிக்கும், கனவுகளை வேட்டையாடுபவன், தன் கட்டுக்குள் கொண்டு வருபவன்

2. உலகத்துலயே அபாயகரமான விஷயம் எது?

 வைரஸ்? எய்ட்ஸ்? பாக்டீரியா?  ட்யூமர்?

 நோ.. ஐடியா. ஒரு ஐடியா  உங்க வாழ்க்கையையே மாத்திடும் , உள்ளுக்குள்ளேயே  இருந்து கொல்ற சக்தி ஐடியாவுக்கு உண்டு

3. கனவு காணும்போது  ஒருவனோட சுய நினைவு கம்மியா இருக்கும்

4. பிஸ்னெஸ்மேனோட இலக்கணம் என்னான்னா கணக்கற்ற அளவில் சொத்து சேர்த்து தன் எல்லா ரகசியங்களையும்  வைப்பாட்டி கிட்டே சொல்றதுதான்

5.  என் கனவுல நான் வெச்சதுதான் சட்டம்

 ஆனா இது உங்க கனவு இல்லை, என் கனவு

6.  நீ அவனை போட்டுத்த்ள்ளப்போறியா?

 செத்த பாம்பை அடிச்சு எனக்குப்பழக்கம் இல்லை

7.  ஒருத்தரோட ஆழ்மனசுல இருந்து ஒரு ஐடியாவை நமக்கு பிடிச்ச மாதிரி  உருவாக்கனும், அதான் என் பிளான்

 புரியலையே?

 யானையை மனசுல நினைக்காதீங்கன்னு உங்க கிட்டே நான் சொன்னா நீங்க என்ன செய்வீங்க?

 யானையையே நினைச்சுட்டு இருப்பேன்

 அப்போ நான் ஜெயிச்சேன்னுதான் அர்த்தம், உங்க நினைவு இப்போ என் கட்டுப்பாட்டில்

8.  ஒருத்தனோட ஐடியாவைத்தூக்கி  இன்னொருத்தன் மூளைல வைப்பது சாதா விஷயம் இல்லை

9.  எனக்கு ஆபஹ்ட்து எல்லா இடத்துலயும் இருக்கும், போற பக்கம் எல்லாம்

10. பொம்மையும் , ஆசைப்பட்ட பொருலை மட்டும் வாங்கித்தா மட்டும் குழந்தைங்க ஒரு போதும் அப்பாவை உணர முடியாது , சமீபம் வேணும்.

11. எனக்கு உங்க கிட்டே ஒரு உதவி வேணும்

 என் கிட்டே இருக்கும்  ஒரே ஒரு  பி ஏ வை உனக்கு தரச்சொல்றே..

12 . பெரிய  பெரிய ஆராய்ச்சியாளர்கள்  என்ன சொல்றாங்கன்னா ஒருத்தரோட  மூளை அவர் விழித்திருக்கும்போது  வேலை செய்வதை விட  தூங்கிட்டு இருக்கும்போதுய்தான் நல்லா வேலை செய்யுமாம்

13.  என்னைக்குமே ஒரு கனவோட நடுப்பகுதிதான்  எல்லாருக்கும் நினைவுக்கு வரும் ஓப்பனிங்க் நோ படி நோ

14.  என் ட்ரீம் ஷேர் பண்ணிக்கறியா?

15. ஆர்க்கிடெக்க்கு இதுல என்ன வேலை?

 கனவை டிசைன் பண்ண ஒரு ஆள் வேணாமா? 

16. நிஜ வாழ்வுல  5 நிமிஷம் = கனவுல  1 மணி நேரம்

17. என் உள்ளுணர்வுகளை எப்பவும் என்னால கட்டுப்படுத்த முடியாது

18. களவாடுனா மட்டும் போதாது , நடிச்சு ஏமாத்தவும் தெரியனும்

19.  உலகத்துலயே நெம்பர் ஒன் கம்ப்பெனி என்னுதாத்தான் இருக்கனும், என் எதிரியை நான் குழப்பனும்

20. அவர் பாலிசி என்ன தெரியுமா? “ எந்தப்பிரச்சனையிலும் மாட்டாம இருப்பது “

இதை அவர் வாயால சொல்ல வைக்க முடியுமா?

21. நான் என்ன நினைக்கறேனோ அதை அவனுக்கே தெரியாம  அவன் நினைவில் விதைக்கனும்

22. சுய நினைவில் எந்தப்பையனும் தன் சொந்த அப்பாவுக்கு எதிரா  எதுவும் செய்ய மாட்டான்

23. நல்ல உணர்ச்சி எப்பவும் கெட்ட உணர்ச்சியை  பின்னுக்குத்தள்ளும்

24. நீ ஏன் எப்பவும் கனவுல அவளை நினைக்கறே?

 ஏன்னா அவ கனவுல மட்டும் தான் வருவா , என் காதலை எப்படி என்னால அழிக்க முடியாதோ அதே மாதிரி  என் ஞாபகங்கள் பூரா  அவ மட்டும் தான் ஆக்ரமிச்சுட்டு இருக்கா

25. இங்கே என்ன பண்றே?

 என் பேரு.......

உன் பேரைக்கேட்கலை.. நீ இங்கே என்ன பண்றே? ன்னு கேட்டேன்

26. நீ என்ன தெரிஞ்சுக்கனும்?

 எனக்கு சொந்தமானதை உனக்கு சொந்தமாக்கிக்க ட்ரை பண்றியா?ன்னு தெரிஞ்சுக்கனும்

27. உங்களைப்புரிஞ்சவங்க  உன் கூட இருப்பது நல்லது

28. ஓ சி ல கிடைச்சா லிட்டர் கணக்குல சரக்கு அடிப்பியோ?

29. கனவுல யாராவது செத்துட்டா  மறுபடியும்  நினைவு உலகத்துக்கு போக முடியாது , மீளா மாயச்சுழல்ல சிக்கிக்க வேண்டியதுதான்

30. கொஞ்சம் ஜாக்கிரதையா இரு , சிரிச்சு சிரிச்சே அவ ஆளை மயக்கிடுவா 

சி.பி கமெண்ட் - வித்தியாசமான KNOT  என்பதால் எல்லாரும் பார்க்கலாம்.நோல்னின் மைல் கல் படங்களில் இது முக்கியமான படம்  .ஈரோடு ஸ்ரீ கிருஷ்ணாவில் 2 வருஷம் முன் பார்த்தேன்.

THE DARK KNIGHT -நோலனின் ஆக்‌ஷன் கலக்கல் - சினிமா விமர்சனம்

ஓப்பனிங்க்லயே வில்லனின் அதிரடி ஆக்‌ஷன்.. பேங்க்கை பிரமாதமா கொள்ளை அடிக்கறாரு.. ஆ ராசா எல்லாம் தோத்துப்போகனும். இவரோட கேரக்டர் புரட்சித்தலைவி மாதிரி, காரியம் ஆகிற வரை நட்பு, கூட்டணி , காரியம் முடிஞ்சதும் கழட்டி விட்டுடனும்.. அம்மா கட்சிக்கூட்டணில இருந்து கழட்டி விடுவாங்க.. இந்த வில்லன் உலகத்தை விட்டே கூட்டாளிங்களை அனுப்பிடுவார்.. பேங்க் கொள்ளை நடக்கறவரை கூட்டாளிங்க கூடவே இருக்கறவர் கொள்ளை நடந்ததும் எல்லாரையும் போட்டுத்தள்ளிட்டு பணத்தோட எஸ் ஆகறார்.. 

இவர் ஏன் ஜோக்கர் மாதிரி, ருத்ரா படத்துல பபூன் கே பாக்யராஜ் மாதிரி, அபூர்வ சகோதரர்கள்  குள்ள அப்பு மாதிரி மேக்கப் போட்டிருக்காரு? அதுக்கு ஒரு குட்டி ஃபிளாஸ் பேக்.  போர் அடிக்காது,.,. காரணம் அது ஒரு குட்டியோட ஃபிளாஸ்பேக்.

வில்லன் ஒரு ஃபிகரை லவ் பண்றாரு.. அதும் தான்.. எவனோ ஒரு பொறம்போக்கு வில்லன் காதலி மேல ஆசிட் ஊத்தினதால ஃபிகர் முகம் அகோரம் ஆகிடுது.. வில்லன் ஏழை.. பிளாஸ்டிக் சர்ஜரி பண்ண பணம் இல்லை.. காதலி முகம் இப்படி இருக்கே? நாம மட்டும் அழகா இருந்தா எப்படி?ன்னு தன் வாயை கிழிச்சு விட்டுக்கறாரு.. சொல்லாமலே படத்துல லிவிங்க்ஸ்டன் நாக்கை கட் பண்ணிக்கற மாதிரி.

இதனால அந்த காதலி வில்லன் மேல இரக்கப்படும்னு பார்த்தா அது நயன் தாராவை விட பெரிய கே டி போல.. தானா வந்து கூப்பிட்டா தி முக.. வெளீல போன்னு துரத்துனாலும் அதிமுக என கூட்டணிக்காக தன் கொள்கைகளை, மானம், மரியாதை ரோஷத்தை எல்லாம் கவனிக்காத டாக்டர் ராம் தாஸ் அய்யா மாதிரி வேற ஒருத்தன் கூட காதல் கூட்டணி போட்டுடுது.. அதனால வில்லனுக்கு செம கோபம்.. தளபதி படத்துல ரஜினி சொல்றாரே? வெறும் பணம்.. அந்த பணத்துக்காகத்தானே  அவ உதறினா? பணம் சம்பாதிக்கனும்கற வெறில இருக்கறவன் தான் வில்லன்.. 

இப்போ ஹீரோவை பார்ப்போம்.. பேட்மேன்.. நகரத்துல இருக்கற ரவுடிங்க, கேடிங்க, திருட்டுப்பசங்க, மொள்ளமாரிகளை ஒழிக்கறதுதான் இவர் லட்சியம்.. போலீஸ் இவருக்கு உதவி செய்யுது,.. சரி நம்மாலதான் முடியல.. அவருக்கு உதவி செஞ்சா  அந்த புண்ணியம், பேரு நமக்கும் கொஞ்சம் கிடைக்கட்டும்னு தான்.. அதனால நகர மேயர் பேட்மேனுக்கு நிறைய ஹெல்ப் பண்றார்.. 

மாஃபியா கேங்க் உடைய மீட்டிங்க் நடக்குது.. அங்கே வில்லன் அழையா விருந்தாளியா போறாரு..  உங்க எல்லா பிரச்சனைக்கும் பேட்மேன் தான் காரணம்.. நான் அவனை போட்டுத்தள்ளிடறேன்.. அப்டினு அதுக்கு ஒரு ரேட் பேசறான்.. 

 பேங்க்ல இருந்து கொள்ளை அடிக்கப்பட்ட 16 மில்லியன் டாலரையும் 5 வெவ்வேற பேங்க்ல போட்டு வெச்சிருக்காங்க,.,. அந்த 5 பேங்க்கையும் சீஸ் பண்ண மேயர் உத்தரவு போடறார்.. 

வில்லனுக்கு செம கோபம்.. பேட்மேனை சரண்டர் ஆக சொல்லுங்க.. இல்லைன்னா வி ஐ பி களை கொலை பண்ணுவேன்னு மிரட்டறான்.ஹீரோவுக்கும், வில்லனுக்கும் நடந்த மோதல்ல யார் ஜெயிக்கறாங்க என்பதை ஒரு நிமிடம் கூட போர் அடிக்காம பர பர ஆக்‌ஷன் ஜால வித்தை காட்டி இருக்காரு,.. 

 இந்த படத்தை தமிழ்ல எடுத்தா வில்லன் கேரக்டர்க்கு ரெண்டே சாய்ஸ் தான் 1. கமல் 2 சத்யராஜ்

படத்துல ஓவர் டாமினேஷன் வில்லனுக்குத்தான்.. பல காட்சிகளில் அப்ளாஸ் அள்ளறார் . இவர் தான் ஹீரோ மாதிரி.. எந்த இடத்துலயும் இவரை ஹீரோவால ஓவர்டேக் பண்ணவே முடியல.. திரைக்கதை அமைப்பு அப்படி..ஆனா முக பாவனைகள் சரியா தெரியல. மேக்கப் அப்படி.. 

பேட்மேனா வர்ற ஹீரோவும், மேயரா வர்ற செகண்ட் ஹீரோவும் கனகச்சித நடிப்பு. ஹீரோயின் சராசரி ஃபிகர் தான்.. நோலன் பொதுவா ஹீரோயின் செலக்சன்ல அதிக ஆர்வம் காட்டுவதில்லை போல. 

மனம் கவர்ந்த வசனங்கள்

1. கொலை, கொள்ளைன்னு நாம இருந்தாலும் அதுலயும் நேர்மை, நியாயம் எல்லாம் வேணும்.

2.  விக்கறது டிரக்ஸ். அதுல மேனுஃபேக்சரிங்க் டேட், எக்ஸ்பயரி டேட் எல்லாம் போட்டா விக்க முடியும்?என் கிட்டேயே கம்ப்ளைண்ட் பண்றீயா?

3. ஃபேக் ஐ டி ஆஃப் பேட் மேன் - (FAKE ID OF THE BAT MAN ) உங்களுக்கும், எங்களுக்கும் என்ன வித்தியாசம்? எல்லாரும் நியாயத்துக்காக போராடுறோம்?

ம்.. பாலுக்கும், கள்ளுக்கும் உள்ள வித்தியாசம் தான்

4. ஒவ்வொரு தப்பும் ஒவ்வொரு அனுபவம் தரும்

 அப்போ உங்க உடம்பு பூரா அனுபவமா?

5. கூட இருக்கற என்னாலயே உங்களை புரிஞ்சுக்க முடியலையே?

புரிஞ்சுக்காம இருக்கறதுதான் நல்லது

6. சின்ன மீனை வெளீயே விடுவோம், திமிங்கிலம் மாட்டாமயா போயிடும்?

7. ஃபேஷன் முக்கியம் இல்லை, ஃபங்க்‌ஷன் தான் முக்கியம்

8. செத்தா ஹீரோவாத்தான் சாகனும்.. ரொம்ப நாள் வாழ்ந்தா வில்லனாதான் நம்மை நாமே பார்க்க வேண்டி வரும்

9. வில்லன் - BAT MAN  - இந்த சிட்டியை உஜாலாவுக்கு மாற்ற நினைக்கும் BAD MAN

10 . இந்த உலகத்துல எதுவுமே ஃப்ரீயா கிடைக்காது

 

11. என்னை அரெஸ்ட் பண்ணா என் ஃபிரண்ட்ஸ் உன்னை சும்மா விடமாட்டாங்க.. 

அதுக்கு அவசியமே இல்லை, உன் எல்லா ஃபிரண்ட்ஸ்சும்  உன் கூட ஜெயில்ல களி சாப்பிட வர்றாங்க. 

12.  பெரிய தலைவர்கள்னா போலீஸ் அரெஸ்ட் பண்ணுனதும் நெஞ்சு வலின்னு சொல்லிக்கிட்டு எஸ் ஆகிடலாம்.. இந்த இடைல இருக்கற ஆள்ங்களுக்குத்தான் கஷ்டம்.. பெயில் எல்லாம் கிடைக்காது

13. உங்களுக்கு தெரிஞ்சு அவளுக்கு எக்ஸ் பாய் ஃபிரண்ட்ஸ் இருக்காங்களா?

 என்னைகேட்டா எப்படி? அவளையே கேளுங்க.

14.  மனுஷனா பிறந்தா சாவு நிச்சயம்.. இப்போ நான் செத்துட்டா நீ யார் கூட வாழ்வே?

 வேற ஏதாவது பேசலாம்.  ஐ வாண்ட் டூ ஸ்கிப்

15.  அடப்பாவிகளா? கதவைத்தட்டிட்டு வர மாட்டீங்க? நல்ல வேளை , ஏதும் பார்க்கலை.. 

16. நீங்க என் அப்பா மாதிரியே இருக்கீங்க... ஆனா எனக்கு எங்கப்பாவை பிடிக்காது.

17. சில பேருக்கு எதுவுமே பெருசா தெரியாது.. பணம், புகழ், பேரு, மரியாதை.. இப்படி. எதையும் சட்டை பண்ணிக்க மாட்டாங்க..ஆனா சிலருக்கு இந்த உலகம் தீப்புடிச்சு எரியனும்.. நான் 2 வது கேட்டகிரி ( விருதகிரியை விட மோசமான ஆள் போல )

`18.  சில விஷயங்கள் சிலருக்கு தெரியாம இருக்கறதே நல்லது

19. உனக்குன்னு சில ரூல்ஸ் இருக்கு.. ஆனா இந்த ஜோக்கருக்கு ரூல்ஸே இல்லை.. 

20.  உன் முகமூடியை கழட்டு, அவளே தேடி வருவா.. 

21. தலை விழுந்தா உன் தலை தப்பும், பூ விழுந்தா சங்குதாண்டி.. 

22. மனுஷனோட உயிரை எடுக்க  நமக்கு உரிமை இல்லை.. 

 ம், ஆனா இவன் மனுஷனே கிடையாது

23. இந்த வண்டி புல்லட் புரீஃப் தானே?

 ஆமா. ஆனா ராக்கெட் லான்ச்சர்க்கு எல்லாம் தாங்காது

 அடடா..  நான் வேற வீட்ல சொல்லாம வந்துட்டேனே?

24. பேட்மேன் தான் உங்களை காப்பாத்துனாரா டாடி?

 சொல்லப்போனா இந்த தடவை நான்தான் பேட்மேனை காப்பாத்துனேன்

25. தகுதியானவன் கூடத்தான் விளையாடனும்.. நான் உன் ரேஞ்சுக்கு திங்க் பண்றேன், நீ என் ரேஞ்சுக்கு திங்க் பண்ணு

26. இந்த ஜனங்க அட்டை மாதிரி, தேவைப்படும்வரை நம்ம கூடவே இருந்து நம்ம ரத்தத்தை உறிஞ்சிக்குவாங்க

27. இந்த உலகத்துல வாழனும்னு நினைச்சா  எந்த ரூல்ஸும்  வெச்சுக்கக்கூடாது

28. சாகறதுக்கு முன்னால தான் ஒவ்வொரு மனுஷனும் தன் உண்மையான சொரூபத்தை காட்டுவான்

29. காரைத்துரத்தும் நாய் மாதிரிதான் நான்./. துரத்தும் வரை துரத்துவேன், ஆளை பிடிச்சுட்டா அப்புறம் என்ன பண்றதுன்னு தெரியாது எனக்கு  

30. எல்லாமே போட்டு வெச்ச பிளான் பிரகாரம் செஞ்சா பயம் போயிடும்

31. மனுஷன் புத்தி குரங்கு புத்தி, அடிக்கடி மாறிட்டே இருக்கும்

32. இந்த உலகம் மோசமானது, நம்மால நல்லவனா வாழ முடியாது, வாழ விட மாட்டாங்க.. 

33. சில நேரங்கள்ல உண்மை வெளில வராம இருக்கறதே நல்லது,உண்மையை விட கற்பனைக்கு பவர் ஜாஸ்தி..  மக்களோட நம்பிக்கைக்கு பலன் கிடைச்சே ஆகனும்

34. அவர் ஏன் ஓடறார்?

 அப்போதானே நாம அவரை துரத்திட்டு போக முடியும் ?

இயக்குநர் பாராட்டு  பெறும் இடங்கள்

1. டெட் பாடியில் செல் ஃபோன் இருப்பதும் அந்த ஃபோனுக்கு கால் பண்ண வில்லன் ஜெயில் அதிகாரிகளிடம் அனுமதி வாங்கி ஃபோன் பண்ணுவதும், பாம் பிளாஸ்ட்டிங்கும்

2. சிறைக்கைதிகள் ஒரு போட்ல , பொது மக்கள் ஒரு போட்ல  2 போட்டையும் வெடிக்க வைக்கும் ரிமோட் பரஸ்பரம் ஆப்போசிட் கேங்க்ல.. யார் முதல்ல அமுக்கறாங்களோ அவங்க உயிர் பிழைக்கலாம்.. இந்த KNOT செம.. திரையில் ஆடியண்ஸிடம் டெம்ப்போ ஏற்றும் நல்ல உத்தி

3. பேட்மேனாக சரண்டர் ஆகும் போலீஸ் ஆஃபீசர் பொலீஸின் திட்டத்தை தன் காதலியிடம் சொல்லாமல் மறைத்து பின் பதறும் காதலியை சமாதானபப்டுத்தும் சீன்.. 

4. படம்முழுக்க விரவி நிற்கும் பிரமாண்டம்.. காட்சி அமைப்புகள், பிரமிக்க வைக்கும்  நுணுக்கமான திரைக்கதை அமைப்பு.. ஒளிப்பதிவு, பின்னணி இசை.. வில்லனுக்கு அளிக்கப்பட்ட அபரித முக்கியத்துவம்

5. க்ளைமேக்ஸ் ட்விஸ்ட்.. 

இயக்குநர் கிறிஸ்டோபர் நோலனிடம் சில கேள்விகள், லாஜிக் மிஸ்டேக்ஸ்..

1.  தான் தான் பேட் மேன்னு நாடகம் ஆடி போலீஸ் ஆஃபீசர் சரண்டர் ஆகறார்.. அவரை யாரும் எந்த கேள்வியும் கேட்க மாட்டாங்களா? என்ன புரூஃப்னு கேட்க மாட்டாங்களா? அட்லீஸ்ட் பேட் மேன் டிரஸ் போட்டுட்டு பறந்து காட்டுன்னு சொல்ல மாட்டாங்களா? நிருபர்ங்க அத்தனை பேர் கூடி நின்னும் எந்த கேள்வியும்  கேட்கப்படலையே?

2. ஓப்பனிங்க் ஷாட்ல கொள்ளை அடிக்கபட்ட பேங்க்லயே எல்லா கூட்டாளிகளையும் ஏன் போட்டுத்தள்ளனும்? பாதுகாப்பா வண்டி வில்லன் இடத்துக்கு வந்த பின் போட்டிருக்கலாமே? வில்லன் இன்னொரு வண்டில வழில வந்து வழி மறிச்சு  கொள்ளை அடிகப்பட்ட வேனை ஆக்சிடெண்ட் மாதிரி செட் பண்ணி இருக்கலாமே?

3. ஒரு சீன்ல பேட் மேன் கண்ணாடி ஜன்னலை உடைச்சுட்டு உள்ளே குதிக்கறார். அப்போ ஒருத்தன் கைல கன்னோட வேடிக்கை பார்த்துட்டு இருக்கான்.. அப்பவே சுட்டு இருக்கலாம்..  பேட்மேன் ரூமுக்குள்ள எண்ட்டர் ஆகி திரும்பும் வரை வேடிக்கை பார்த்துட்டு அவர் சுதாரிச்சு எழுந்த பின் சுட முயற்சிப்பது அபத்தம். நம்ம ஊர்ல 40 அடியாளுங்க டோக்கன் சிஸ்டம் மாதிரி ஒவ்வொரு ஆளா ஹீரோவைமுறை வெச்சு அடிக்கற மாதிரிதான் இதுவும்

4. வில்லனோட கை ரேகை துப்பாக்கிக்குண்டோட ஒரு பகுதில போலீஸ்க்கு கிடைக்குது.. கிளவுஸ் போட்டிருந்தும் எப்படி ரேகை மாட்டுச்சு? 

5. வில்லன் தன் சுய சரிதையை எதுக்கு ஒரு ஆள் பாக்கி விடாம சொல்லிட்டே இருக்காரு? 

 

சி.பி கமெண்ட் - ஆக்‌ஷன், அதிரடி பிரியர்கள், குழந்தைகள், பெண்கள் என அனைவரும் பார்க்க்லாம்,., செம ஸ்பீடு படம்..  சன் டி வில சண்டே அன்னைக்கு பார்த்தேன், இதன்  அடுத்த பாக விமர்சனம் படிக்க http://www.adrasaka.com/2012/07/tthe-dark-knight-rises.html

ட்ரெய்லர் -

 தொழில் நுட்பகலைஞர்கள்

Directed by	Christopher Nolan
Produced by	Christopher Nolan Emma Thomas Charles Roven
Screenplay by	Jonathan Nolan Christopher Nolan
Story by	Christopher Nolan David S. Goyer
Based on	Characters by Bob Kane
Starring	Christian Bale Michael Caine Heath Ledger Gary Oldman Aaron Eckhart Maggie Gyllenhaal Morgan Freeman
Music by	Hans Zimmer James Newton Howard
Cinematography	Wally Pfister
Editing by	Lee Smith
Studio	Legendary Pictures Syncopy Films DC Comics
Distributed by	Warner Bros. Pictures
Release date(s)	July 14, 2008 (New York City) July 18, 2008 (United States)
Running time	152 minutes[1]
Country	United States United Kingdom[2]
Language	English
Budget	$185 million[3]
Box office	$1,001,921,825[3]

THE DARK KNIGHT RISES - ஹாலிவுட் சினிமா விமர்சனம்

 

பேட் மேன் பிகின்ஸ் (2005) ,  த டார்க் நைட் ( 2008)  ஆகிய 2 படங்களின் தொடர்ச்சியா இந்தப்படம் வருது.. த இன்செப்ஷன் பட டைரக்டர் கிறிஸ்டோபர் நோலன் தான் இதன் டைரக்டர்.. அதனால ஏகப்பட்ட எதிர்பார்ப்புகள்.. உலகமே கடுமையாக கூச்சல்போட்டுக்கொண்டிருக்கும்போது, அந்தக் கூச்சலின் நடுவே அமர்ந்து ஒரு நாவல் எழுதற ஆள் தான்  நோலன்,  செல்ஃபோனோ அல்லது மின்னஞ்சலோ இல்லாதவர், அது எல்லாம் தேவை இல்லாத தொந்தரவுன்னு சொல்றவர், இவர் கம்ப்யூட்டர் கிராஃபிக்ஸ் அதிகமா யூஸ் பண்ணாதவர்.. நம்ம ஊர்ல எப்படி மணிரத்னம், ஷங்கரோ அந்த மாதிரி ஹாலிவுட்ல இவர் ஃபேமஸ்.. 

படத்தோட கதை என்ன?

இதுக்கு முந்தைய பாகத்தில் வந்த வில்லன் அந்த நகரத்துல ஒரு பாம் போட ட்ரை பண்றான்.. அதை நகர மக்களும் பேட்மேனும் சேர்ந்து முறியடிச்சு அவனை முடிச்சுக்கட்டிடறாங்க.அவனோட வாரிசு ஒண்ணு பெருசு ஆகி அப்பனுக்கு பிள்ளை தப்பாம பிறந்திருக்குன்னு காட்ட அதே மாதிரி பிளான் பண்ணி நியூக்ளியர் பாம் செட் பண்ணி வெடிக்க  ட்ரை பண்ணுது.. அதை எப்படி ஹீரோ முறியடிக்கறார் என்ற சாதாரண கதைதான்.. நாம எல்லாம் எத்தனை அர்ஜூன் படம், கேப்டன் படம் ,ஜேம்ஸ் பாண்ட் படங்களில் பார்த்தாச்சு.. ஆனா கிறிஸ்டோபர் நோலன் பிரமாதமான திரைக்கதையால ரெண்டே  முக்கால் மணி நேரம் நம்மை உக்கார வெச்சுடறாரு.. வில்லன் யாருங்கறதுல ஒரு ட்விஸ்ட் இருக்கு.. அதை சொன்னா சுவராஸ்யம் போயிடும்..

இந்த மாதிரி படத்துல என்ன ஒரு பாசிட்டிவான அம்சம்னா ஹீரோவுக்கு முகபாவனை சரியாவே வர்லைன்னு குறை சொல்ல முடியாது,, ஏன்னா  படத்துல பாதி நேரம் ஹீரோ  மாஸ்க்கோட தானே வர்றார்? ஆனா ஆள் ஜைஜாண்டிக்கான உருவம்..  மகாநதி கமல் மாதிரி இவர் அடி வாங்கற சீன் தான் அதிகம்.. படத்துல வர்ற 70 மார்க் ஃபிகர் கிட்டே 2 லிப் கிஸ் பண்றார்.. ரொமான்ஸ்க்கு ட்ரை பண்றார்.. ஆனா டைரக்டர் விடலை..ரொம்ப வயசான பேட் மேன்

வில்லன் படம் பூரா அவர் பங்குக்கு ஒரு முகமூடி மாதிரி கேட்டா ஆக்சிஜன் சிலிண்டராம்.. மூச்சு விடவே கஷ்டப்படற ஆள் போல..முகம் எல்லாம் சிதைஞ்சதால அப்படி ஒரு மாஸ்க்னு க்ளைமாக்ஸ்ல சொல்றாங்க, ஏன் பிளாஸ்டிக் சர்ஜரி பண்ணிக்கலாமே?லோ பட்ஜெட் படமா என்ன?ஆனா ஆள் ஆளவந்தான் கமல் மாதிரி ஆஜானுபாகவமான தோற்றம் ( ஏன்னா இங்க்லீஷ்ல ஜைஜாண்டிக்னு ஆல்ரெடி ஹீரோவை சொல்லியாச்சு

லேடி ராபின் ஹூட்டா வர்ற ஃபிகருதான் ஹீரோயின்  70 மார்க் போடலாம்.. ரொம்ப டைட்டா டிரஸ் போட்டுட்டு வந்து பாவம் அவங்களும் கஷ்டப்பட்டு நம்மையும் இன்ப அவஸ்தைல மூழ்க வைக்குது.. அது போட்டுட்டு வர்ற லிப்ஸ்டிக் கண்ணை பறிக்குது.. ஹை ஹீல்ஸ் செப்பல் உயரம் மட்டும் 6  இஞ்ச்..  32 பல்லுல ஒரு பல் கூட கடைசி வரைக்கும் தெரியலை  அவ்ளவ் அமுக்கி போல.. 

 படத்துல இன்னொரு ஃபிகரு வருது. அது இதை விட நல்ல ஹோம்லி ஃபிகரு.. ஆனா அது எப்பவும் சிடு மூஞ்சியாவே இருக்கு.. நோ யூஸ்..மிராண்டா 4 சீன் வந்தாலும் நச்சுன்னு இருக்கு, நான் டைரக்டரா இருந்தா படம் பூரா வர்ற மாதிரி சீன்ஸ் வெச்சிருப்பேன், ஏன்னே கோடிக்கணக்குல சம்பளம் கொடுத்துட்டு தொட்டுக்கோ தொடைச்சுக்கோன்னா எப்டி?

மனம் கவர்ந்த வசனங்கள்

1. நம்ம 2 பேர்ல  ஒருத்தராவது உயிரோட இருக்கனும்..

அப்போ சாவு பயம் வந்துடுச்சுன்னு சொல்லு.. 

2. ஹாய் ஸ்வீட் ஹார்ட்.. நான் அதை டேஸ்ட் பண்ணவா?  ( எதை?)

3. அந்தப்பொண்ணு உங்களைப்பார்க்க ஆசைப்படுது..

அவ ரொம்ப அடமண்ட்டான கேரக்டர் ஆச்சே?

எல்லா அழகிகளும் அடமன்ட் தான்.. ( சி பி - ஆனா எல்லா அடமண்ட் கேர்ள்சும் அழகிகளா இருக்க மாட்டங்க )

4. கை ரேகையை வெச்சு ஆளை அடையாளம் கண்டு பிடிக்கலாம்னு நினைச்சேன், ஆனா வந்தவ புத்திசாலி.. வேற ஒருவரோட ஃபிங்கர் பிரிண்ட்ஸை வெச்சு திருடி இருக்கா..

5.  அப்போ அவ நல்ல டெக்னிக்கல் திருடிதான்..

 இப்போ அவளை கண்டுபிடிக்கனுமா? பாராட்டு விழா நடத்தனுமா?

6. உலகத்துல இருக்கற எல்லா லவர்ஸூம் ஒண்ணு சேர்றதில்லை.. அப்படி சேர்ந்தாலும் கடைசி வரை ஒத்துமையா வாழ்ந்துடறதும் இல்லை

7. அவன் கண்டிப்பா செத்து இருப்பான்.. 

 அப்போ டெட் பாடியை என் கண்ல காட்டு.. அப்போத்தான் நம்புவேன்..

இந்த தண்ணி 4 திசைல போகுது.. அதை எங்கேன்னு போய்த்தேட?

 சரி ஃபாலோ பண்ணு ( புடுச்சு தள்ளி விட்டுடறான்)

8.  அவரை இப்போ நேர்ல பார்க்கனும்

ஆனா அவர் யாரையும் சந்திக்க விரும்பலை

அரெஸ்ட் வாரண்ட் இருந்தாக்கூடவா?

9. பர்ஸ்ல ஜஸ்ட் 10 ரூபா தான் வெச்சிருக்கான்.. வேற யாரும் உனக்கு சிக்கலையா?

10  பார்ட்டிங்கறது பகட்டை வெளீல காட்டிக்கறதுக்கும், பணக்காரங்க எல்லாம் ஒண்ணா சேர்ந்து கூத்தடிக்கவும் தான்

11.. ஊரை ஏமாத்தும் சாகசக்காரி நீ.. உனக்கு ஏழை கிடைச்சாலும் சரி, பணக்காரன் கிடைச்சாலும் சரி, அவனை ஏமாத்தி பணம் பறிப்பே..

 ச்சே ச்சே இருக்கறவங்க கிட்டே இருந்து பறிச்சு  இல்லாதவங்க கிட்டே கொடுக்கப்போறேன்

 அப்போ நீ லேடி ராபின் ஹூட்டா?

12.  என் கார் கீ மிஸ் ஆகிடுச்சு..

 ஜஸ்ட் நவ் உங்க ஒயிஃப் காரை ஓட்டிட்டு போனாங்க

 சுத்தம், காரை சுட்டுட்டுப்போய்ட்டாளா?

13. உங்க கிட்டே இருக்கற நரை முடி குறைஞ்சாலும் அந்த நக்கல் இன்னும் குறையவே இல்லை..

14. ஆஆஆ

என்ன? வலிக்குதா?

பின்னே? பொழுது போகாம கத்தறேன்னு நினைக்கிறியா?

15. கண்ணா,.. இது ஸ்டாக் ஏஜென்சி.. இங்கே நீ நினைக்கற  மாதிரி பணம் ஏதும் கிடையாது..

 அப்படியா?அப்போ உனக்கு இங்கே என்ன வேலை? கிளம்பு!

16. அங்கே எல்லார் பணமும் மாட்டிக்கிச்சு.. மக்கள் எல்லாரும் தங்களோட பணத்தை அங்கே தான் இன்வெஸ்ட் பண்ணி வெச்சிருக்காங்க..

 உஷ் அப்பாடா.. நல்ல வேளை, நான் ஏதும் பணம் போடலை..

17.  எத்தனை ஆஃபீசர்ஸ் லீவ்ல போய் இருக்காங்களோ எல்லாரையும் இப்போ வரவழை.. சீரியஸ் ஆர்டர்..

18. நான் விரிச்ச வலைல பேட்மேன் மாட்டிக்குவான்னு நினைக்கறென், பாரு.

 மாட்டிக்க அவன் எலி இல்லை சார் , புலி; பாருங்க,  உங்க கண் முன்னால தப்பிச்சுட்டான்.. இதுக்கு நீங்க தூக்குல தொங்கலாம்

19. அடடா.. இப்போ இருக்கற சிச்சுவேஷனுக்கு கூட ஒரு ஃபிகர் இருந்தா எவ்ளவ் நல்லா இருக்கும்?

 ஏன்? என்னைப்பார்த்தா ஃபிகரா தெரியலையா?

20.ச்சே.. நீ யாரையும் கொல்ல மாட்டியா?

 என் வழி தனி  வழி

 வெத்து வேட்டுன்னு சொல்லு

21.  முகம் தெரியாத ஆள் கூட கார்ல போகக்கூடாதுன்னு மம்மி சொல்லி இருக்காங்க..

நோ பிராப்ளம், இது கார் இல்லை

22. நான் இருக்கற வரை என் பேச்சை கேட்க மாட்டே.. நான் செத்துட்டா அதுக்குப்பின் என் பேச்சைக்கேட்காம போய்ட்டோமேன்னு வருத்தப்படுவே

23. நீ எதுக்காக பேட்மேனா மாறுனே?

 எனக்கு நெருக்கமான வங்களை ஆபத்துல இருந்து காப்பாத்த

உனக்குத்தான் சொந்த பந்தம் யாரும் இல்லைன்னியே?

இந்த உலகத்துல இருக்கற  எல்லா நல்லவர்களும் என் சொந்தம் தான்

24.  எனக்கு வர்ற கோபத்துக்கு... நற நற..

 கூல்.. பேசாம நீ செத்துடேன்

25.  என்ன அங்கே இருட்டா இருக்கு?

 டோட்டல் ஃபியூசும் போயிடுச்சுன்னு நினைக்கறேன் ( ஃபிகர் அருகில், இரவில், முன் கூட்டிய உறவில்)

26.  அவன் ஒண்ணும் நீ நினைக்கறது மாதிரி சாதாரண ஆள் இல்லை.. 

 நான் கூட அப்படித்தான்...

27. இருட்டை பார்த்து நான் பயப்பட்டதே இல்லை, ஏன்னா நான் பொறந்ததே இருட்டுல தான் ( டெண்ட் கொட்டாய்ல படம் ஓடிட்டு இருக்கும்போது பொறந்த  பயல் போல )
28. நீயும் நிறைய தப்பு பண்ணி இருக்கே..

நானும் வாழனும் இல்லை?

இவ்ளவ் கேவலமாவா?மோசமான ரெக்கார்ட்சை கைல வெச்சுக்கிட்டு எங்க கிட்டே இருந்து தப்பிச்சு போய்ட்டு இருக்கியே?

28
28. நீ இங்கே இருந்து தப்பிச்சு போகவே முடியாது

ஜஸ்ட் ஒரு குழந்தையே இங்கே இருந்து தப்பிப்போச்சுன்னு சொன்னியே?குழந்தையே தப்பிக்கும்போது  நான் தப்பிக்க மாட்டேனா?

அது சாதாரண குழந்தை இல்லை.. வலியிலேயே பிறந்து வலியிலேயே வளர்ந்த குழந்தை ( ராமராஜன், பவர் ஸ்டார் படம் பார்த்துட்டே இருந்திருக்குமோ? )

29.   எது உன் பலம்னு நினைக்கறியோ அதுதான் உன் பலவீனம்.. எதை நீ பலவீனம்னு நினைக்கறியோ அதையே உன் பலமா மாத்து

 புரியலையே?

அடுத்து என்ன நடக்கும்னு முடிவு தெரியாதவரை நீ பலசாலியா இருந்தே.. முடிவு தெரிஞ்சதும் உனக்கு சலிப்பு வந்துடுச்சு, ஆர்வம் போயிடுச்சு

30. மனோபலம் தான் ஒரு மனிதனின் முக்கியத்தேவை

31.  உன் கிட்டே வாக்கு மூலம் கேட்கறதுக்காக இங்கே நாம கூடலை. தண்டனை கொடுக்க.. கூடி இருக்கோம்.  உனக்கு என்ன தண்டனை வேணும்னு நீயே தீர்மானிச்சுக்கோ.. மரணமா?நாடு கடத்தலா? ஒன்லி ஒன் சாய்ஸ்

32.  கை வைக்கறது தப்பில்லை, ஆள் யார்னு பார்த்து கை வைக்கனும்

 அதை நீ சொல்றியா? எல்லாம் நேரம் தான்

33.  இது ஒழுங்கா பறக்குமா?

யா, ஆட்டோ பைலட்டே தேவை இல்லை..

 ஆட்டோ பைலட்டா? அது எதுக்கு? அப்புறம் அது இருந்தா நீ எதுக்கு?


34.  நீயும் என் கூட வந்துடு..
 நோ, நான் நாட்டை காப்பாத்தனும்
 முதல்ல உன்னை நீ காப்பாத்திக்கோ
 என் நாடு, என் மக்கள்

35.  கஷ்டத்துல இருக்கறவங்களுக்கு உதவறவங்க, பசில இருக்கறவங்களுக்கு சாப்பாடு போடறவங்க யார் வேணாலும் ஹீரோ ஆகலாம்

இயக்குநர் பாராட்டு பெறும் இடங்கள்

1.  லேடி ராபின் ஹூட் ஹீரோயின் அந்த பங்களாவுக்குள்ளே நுழைஞ்சு வைர மாலையை லபக்கும் சீன் செம விறு விறுப்பு 

2. போலீஸ் உள்ளே நுழைந்ததும் கொள்ளை அடிச்சவளே எதுவுமே தெரியாத மாதிரி அலறி ஆர்ப்பாட்ட்டம் செய்வது கலக்கல் காட்சி

3. அதே போல் வில்லன்குரூப்  எஸ் ஆகும்போது பைக்கில் முன் பின் பணயக்கைதியாக ஆட்களை வைத்து செல்லும் சீன்.. இனி தமிழ்ப்படங்களில் அதை சுட்டு சீன் வரும் என எதிர்பார்க்கலாம்

4. படத்தின் முக்கிய முடிச்சை யார் வில்லன் என்பதை யூகிக்க முடியாத புத்திசாலித்தனமான திரைக்கதை அமைப்பு, படத்தில்  எல்லாரும் அந்த மாஸ்க் ஆள் தான் மெயின் வில்லன் என நினைக்கையில் க்ளைமாக்சில் அந்த ட்விஸ்ட்

5. அட்டகாசமான இசை, அருமையான ஒளிப்பதிவு, ஆர்ப்பாட்டமான  லொக்கேஷன்ஸ், காட்சி அமைப்புகள் எல்லாம்  அசத்தல்.. தொழில் நுட்பத்தில் கரை கண்ட டீம் தான்.. 

 இயக்குநர் கிறிஸ்டோபர் நோலனிடம் சில கேள்விகள்

1.  ஆல்ரெடி சூப்பர் ஹிட் படங்கள் 7 கொடுத்த நீங்க சாதாரண பாம் பிளாஸ்ட் கதையை ஏன் செலக்ட் செஞ்சீங்க? அதே போல் படத்துல ஸ்பீடு கம்மி.. ஏ செண்டர் ரசிகர்கள் மட்டும் தான் பார்க்க முடியும்.. 

2. பொய்யான ஃபிங்கர் பிரிண்ட்டை யூஸ் பண்றது ஓக்கே ஆனா வர்றவ ஒரு லேடி.. அவ ஏன் ஒரு ஆணின் கை ரேகையை யூஸ் பண்ணனும்? போலீஸ்ல செக் பண்ணா கண்டு பிடிப்பாங்கன்னு தெரியாதா? ஒரு பெண்ணின் கை ரேகையை யூஸ்பண்ணி இருந்தா ட்விஸ்ட் பண்ணி இருக்கலாமே?

3.  ஒரு சீன்ல வீடு வீடா போய் பாம் வெடிக்கப்போகுதுன்னு சொல்லுங்கனு சின்னப்பசங்க கிட்டே சொல்ற மாதிரி சீன் வருது..  அந்த 7 பேர் எத்தனை வீட்ல போய் சொல்லி  எத்தனை பேரை உஷார் பண்ணி விட முடியும்? இதுக்கு டேம் 999 படத்துல வர்ற ஐடியாவே பெட்டர் ஆச்சே?

4. வில்லன் எதுக்காக அந்த ஆக்சிஜன் மாஸ்க் போட்டிருக்கான்கறதை கடைசி வரை சொல்லவே இல்லை.. லாஸ்ட்ல ஒரே ஒரு சீன்ல 2 செகண்ட் அது பற்றி வருது,, அதை எத்தன பேர் கவனிச்சாங்கன்னு  தெரில.. கதைக்கு வில்லன் மாஸ்க் அவசியமா? ஏன்னா பாதி நேரம் ஹீரோ, ஹீரோயின், வில்லன் எல்லாரும் மாஸ்க்கோட சுத்திட்டு இருந்தா மக்கள் எப்படி அவங்க முகத்தை  ரசிப்பாங்க?

5. வில்லன் கைல ஹீரோ சிக்கிடறான்.. அப்பவே அவனை போட்டுத்தள்ளாம  இந்த நகரம் அழியறதை நீ பார்த்துட்டு போன்னு தேவை இல்லாம எதுக்கு அவனுக்கு டைம் குடுக்கனும்?மாமூல் மசாலா டைரக்டர்ஸ் அந்த தப்பை பண்ணலாம்.. யூ டூ?

சி.பி. கமென்ட் - பி சி செண்ட்டர் ரசிகர்களுக்குப்பிடிக்காது.. ரெண்டே முக்கால் மணி நேரப்படத்துல ஒன்றரை மணி நேரம் பேசிட்டே இருக்காங்க.. மற்றபடி ஏ செண்ட்டர் ஆடியன்ஸ்,  கிறிஸ்டோபர்  ஃபேன்ஸ், பேட் மேன் ரசிகர்கள் பார்க்கலாம்.. லேடீஸ், குழந்தைகள் பார்க்கும் தரத்தில் தான் இருக்கு.. ஈரோடு ஸ்ரீ கிருஷ்ணாவில் படம் பார்த்தேன். டைம்ஸ் ஆஃப் இண்டியா எதிர்பார்க்கப்படும் ரேட்டிங்க்  - 3/5 , டெக்கான் க்ரானிக்கல்  7 /10


இதன் முதல் பாகம் படிக்க - THE DARK KNIGHT  -நோலனின் ஆக்‌ஷன் கலக்கல் - சினிமா விமர்சனம் http://www.adrasaka.com/2012/07/the-dark-knight.html