இந்தப்படம் ரிலீஸ் ஆவதற்கு முன் நிகழ்ந்த ப்ரமோ விழாவில் சந்தானம் கொடுத்த பில்டப் தான் ஓவர் . ஆனந்தராஜ் பெண் வேடத்தில் கலக்கி இருக்கிறார், சிரித்து சிரித்து யூனிட்டில் எல்லோருக்கும் பேச வேண்டிய டயலாக்சே மறந்து விட்டது என்றார். அப்பேர்ப்பட்ட படம் எப்படி இருக்கும் என்ற எதிர்பார்ப்போடுதான் படம் பார்த்தேன். சந்தானம் காமெடியனாகவே இனி நடிக்கலாம் என எண்ண வைத்த மற்றும் ஒரு டப்பாப்படம் இது
ஸ்பாய்லர் அலெர்ட்
நாயகனின் தாத்தா திடீர் என இறந்து விடுகிறார். துக்க வீட்டுக்கு எல்லா சொந்தக்காரர்களும் வருகிறார்கள் . நாயகனின் முறைப்பெண்ணும் அதில் அடக்கம். நாயகனுக்கு ஒரு தங்கை உண்டு . அவள் நாயகனிடம் ஒரு சவால் விடுகிறாள் . இவளை உன்னால் ஐ லவ் யூ சொல்ல வைக்க முடியுமா? என்கிறாள். அந்த சவாலில் நாயகன் ஜெயித்தானா? இல்லையா? என்பதுதான் மீதி திரைக்கதை
நாயகன் ஆக சந்தானம். கமல் ரசிகர் என சொல்லிக்கொள்ளும் அவர் படம் முழுக்க ரஜினி மேனரிசங்களைக்காப்பி செய்கிறார்.அவருக்கு என்று அடையாளமாக இருக்கும் காமெடி கவுண்ட் டவுன்களை மறந்து விட்டார்
நாயகி ஆக ராதிகா ப்ரீத்தி நடித்திருக்கிறார். சிட்டி கேர்ள் என்று சொல்லப்பட்டாலும் படம் முழுக்க தாவணி , சேலை காஸ்ட்யுமில்தான் வருகிறார். சுமார் ரகம் தான்
படம் முழுக்க மஞ்சக்கிளி என ஒரு பெயர் ஓவர் பில்டப் கொடுத்து டெம்ப்போ ஏற்றுகிறார்கள் , க்ளைமாக்சில் அவரைக்காட்டும்போது சப்பென்று இருக்கிறது
தாத்தாவாக ஆர் சுந்தர்ராஜன். அதிக வாய்ப்பில்லை .சிரிப்பும் வரவில்லை
எமதர்மராஜாவாக கே எஸ் ரவிக்குமார் , முனீஸ்காந்த் படம் முழுக்க வந்தாலும் ஒரு சீன் கூட அவர்களால் சிரிப்புக்காட்ட முடியவில்லை ,சித்திர குப்தனாக ரெடின் கிங்க்ஸ்லீ போலீஸ் யூனிஃபார்மில் கொடுமை கொடுமை
பெண் வேடத்தில் ஆனந்த்ராஜ் ரண கொடூரம். காமெடி இல்லை , கடுப்பு தான் வருகிறது
ஆடுகளம் நரேன் நாயகனின் அப்பாவாக வருகிறார். பெண் வேடத்தில் இருக்கும் ஆனந்த்ராஜ் மடியில் படுத்துக்கொள்கிறார். படம் படுத்து விடும் என்ப்தை சிம்பாலிக்கா சொல்றார் போல
வைரங்களை எடுக்க வரும் கும்பலாக மொட்டை ராஜேந்திரன் , மன்சூர் அலிகான், ப்ழைய ஜோக் தங்கதுரை மூவரும் வந்தாலும் ஸ்க்ரிப்டில் காமெடி இல்லாததால் வீண் தான்
ஜிப்ரானின் இசையில் 3 பாடல்கள் தேறுகின்றன . பின்னணி இசைக்கு பெரிதாக அவர் அலட்டிக்கொள்ளவில்லை
ஜேக்கப் ரத்தின ராஜின் ஒளிப்பதிவில் நாயகனின் தங்கையின் தோழி ஒருவர் அழகாக இருப்பதை குளுமையாகப்படம் பிடித்து இருக்கிறார்
திரைக்கதை எழுதி இயக்கி இருப்பவர் கல்யாண். ஒன் லைன் கதை ஓக்கே , தற்கு ஸ்க்ரிப்ட் ரெடி செய்ய வேண்டாமா?
/
சபாஷ் டைரக்டர்
1 இழவு வீட்டில் எப்போதும் ஒரு நல்ல காரியம், சுபகாரியம் பேச வேண்டும் என்பார்கள் , அதை வைத்து சாவு வீட்டில் காதல் என்ற ஒன் லைன் ஓக்கே ரகம்
2 காமெடி பட்டாளம் அத்தனை பேரை புக் செய்து அவர்களை வைத்து பிரமோசன் செய்த சாமார்த்தியம்
3 இரண்டு மணி நேரத்தில் படத்தை முடித்து நம்மைக்காப்பாற்றியது
செம ஹிட் சாங்க்ஸ்
1 ஒய்யாரி ஒய்யாரி , கொல்லாதே கைகாரி
2 ஒட்டி வாரேனே, எட்டிப்போகாதே , செக்கு மாடா நான் சுத்தி வாரேனே?
3 கனவைத்தந்தவ கை காரி , எங்கே நீ போனே ஒய்யாரி
ரசித்த வசனங்கள்
1 அவனே அவனோட அக்கா சுடிதாரைப்போட்டுட்டு வந்து சேட்டுனு உக்காந்திருக்கான், அவனை இன்னும் வேற அசிங்கப்படுத்தனுமா?
2 சேத்துல நாம விழுந்தா சோப் போட்டுக்கழுவலாம், ஆனா அந்த சோப்பே சேத்துல விழுந்தா?
வெரிகுட் , இந்த மாதிரி கண்ணீர்ப்புகைக்காமெடி மொக்கை போட்டு கூட்டத்தைக்கலைச்சு விடு , அப்போதான் நான் அடி வாங்கறதை யாரும் பார்க்க மாட்டாங்க
3 ரஜினி ரசிகர் ஆன என்னை சிவாஜி ரசிகர்னு தப்பா சொல்லிட்டியே?
ரஜினியோட நிஜப்பேரே சிவாஜி ராவ் தான், ராவோட ராவா அவர் பேரை ரஜினி மாத்திட்டாங்க
4 அப்போ அவர் வயிற்றில் இருக்கும் வைரம் ?
என்னது ? வைரமா?
அதாவது வைரம் பாய்ந்த கட்டைனு சொல்ல வந்தோம்
5 உன் தாத்தா டிக்கெட் வாங்கிக்கினாருபா
ஹவுஸ்ஃபுல் ஆகிடுச்சே? பிளாக்ல வாங்குனாரா?
ஹய்யோ , அவர் மேலே டிக்கெட் வாங்கிட்டாரு
இந்த தியேட்டர்ல தான் பால்கனியே இல்லையே?
6 ஷோக்காலியா இருந்தவரை சீக்காளினு சொல்றியே? பிக்காலி
7 அவளை லவ் பண்ண வைக்கறியா? அது முடியாது , அவ மெட்ராஸ்காரி
வெள்ளைக்காரியையே லவ் பண்ண வைப்பான்
8 சாவு வீட்டை டாவு வீடாக்கிட்டானுங்களே?
9 அவனுக்கு ரெண்டு வருசம் கூட்டிக்குடுடா
ஓ, இப்போ இதை வேற செய்ய ஆரம்பிச்சாச்சா?
ஆயுசைச்சொன்னேன்
10 உன்னை முறைச்சுப்பார்க்கும்போதே நினைச்சேன், அந்தப்பொண்ணு உன் முறைப்பொண்ணாதான் இருக்கனும்னு
11 மிஸ்! உங்களுக்கு கதிர் யார்?னு தெரியுமா?
தெரியாதே?
அதோ, அங்கே நிக்கறானே அவன் தான் கதிர்
12 இந்த கண்ட்ரிலயே இவன் தான் நன்றி உள்ளவன்
கண்ட்ரி - நன்றி , ஒருத்தனுக்குக்கூட சிரிப்பு வராத அளவுக்கு ரைமிங் காமெடி
13 யார் இவன் ? விசித்திரமா இருக்கான் ?
இவன் தான் விசித்திர குப்தன்
14 அவனுக்குக்கவிதை எல்லாம் எழுத வருமா?
அவனுக்கு ஒழுங்கா அட்ரசே எழுத வராது
15 மிஸ் , இந்த சுடிதாரைப்போட்டுக்குங்க
‘ சுடியா? இது தாவணி
ஓ, அதாவது நான் மெட்டீரியலா வாங்கித்தந்தேன், என் தங்கச்சி அதை தாவணியா தெச்சுக்கிட்டா போல்
16 நான் டிரஸ் சேஞ்ச் பண்ணனும், நீங்க வெளில போனீங்கன்னா...
ஓக்கே , நான் வெளில இருந்து பார்த்துக்கறேன்
வாட்?
17 ஒரு நிமிஷம், நான் உள்ளே போய் சாவியை எடுத்துட்டு வரட்டுமா?
உன் சாவையே எடுக்கப்போறாங்க , உனக்கு எதுக்கு சாவி ?
18 சித்தி அழுவறதை ஒரு நிமிசம் பாருடா
சித்தியையே பார்க்க முடியல. , சகிக்க முடியல, இதுல சித்தி அழுவறதை வேற பார்க்கனுமா?
19 யார்றா நீங்க எல்லாம்?
பெங்காலில இருந்து வந்திருக்கும் பங்காளிங்க
20 மஞ்சக்கிளி , எங்கே போய்ட்டு வர்றே?
அவங்க என் தூரத்து சொந்தக்காரங்க , அவங்க கூட பாத்ரூம் போய்ட்டு வர்றேன்
தூரத்து சொந்தம்னா தூரமா வைக்கனும்
21 மஞ்சக்கிளி , பயப்படாத ‘
நான் அவனைப்பார்த்து பயப்படலை , உன்னைப்பார்த்துத்தான் பயப்படறேன்
22 இங்க்லீஷ் தெரியலைன்னா பரவாயில்லை , ஆனா இது இங்க்லீஷ்னே தெரியாம இருக்கீங்களேடா?
லாஜிக் மிஸ்டேக்ஸ் , திரைக்கதையில் சில நெருடல்கள்
1 வில்லன் க்ரூப் வைரங்களை எடுக்க டெட் பாடியைத்தூக்கிட்டு காட்டில் ஓடும்போது இரவு என காட்டுகிறார்கள் . மீண்டும் டெட் பாடி வீட்டுக்குக்கொண்டு வரப்பட்ட போது ஹாலில் இருக்கும் சுவர் கடிகாரம் மாலை ஆறரை மணி காட்டுகிறது
2 திருப்பதி ஏழுமலை வெங்கடேசா பாட்டு தீம் மியூசிக்கை சுட்டு பல இடங்களில் தீம் இசையாக பயன்படுத்தி இருக்காங்க
3 நாயகி நாயகனைக்காதலிப்பாரா? என்ற எதிர்பார்ப்பில் தான் திரைக்க்தை பயணிக்க வேண்டும், ஆனால் முதல் காட்சியிலேயே நாயகி நாயகனிடம் ஜொள் விடுகிறார்.ஒரு சவாலே இல்லையே?
அடல்ட் கண்ட்டெண்ட் வார்னிங் - படத்தில் கண்ட்டெண்ட்டும் இல்லை , அடல்ட் கண்ட்டெண்ட்டும் இல்லை
சி பி எஸ் ஃபைனல் கமெண்ட் - இது ஒரு குப்பைப்படம் , சந்தானம் படம் , காமெடி இருக்கும் என நம்பி யாரும் பர்த்து டைம் வேஸ்ட் பண்ண வேண்டாம். ரேட்டிங் 1 / 5
| 80களின் பில்டப் | |
|---|---|
 தியேட்டர் ரிலீஸ் போஸ்டர் | |
| இயக்கம் | கல்யாண் |
| எழுதியவர் | கல்யாண் |
| உற்பத்தி | கே.இ.ஞானவேல்ராஜா |
| நடித்துள்ளார் |
|
| ஒளிப்பதிவு | ஜேக்கப் ரத்தினராஜ் |
| திருத்தியவர் | எம்.எஸ்.பாரதி |
| இசை | ஜிப்ரான் |
தயாரிப்பு நிறுவனம் | |
வெளிவரும் தேதி |
|
| நாடு | இந்தியா |
| மொழி | தமிழ் |