ரேஸ் குர்ரம்' vs புறம்போக்கு'

தெலுங்கில் வெளியாகியுள்ள 'ரேஸ் குர்ரம்' படத்திற்கு கிடைத்திருக்கும் வரவேற்பால் பெரும் சந்தோஷத்தில் இருக்கிறார் ஷாம். அதுமட்டுமன்றி, தமிழில் ஆர்யா, விஜய் சேதுபதியுடன் இணைந்து ஜனநாதன் இயக்கத்தில் 'புறம்போக்கு' படத்தில் போலீஸ் அதிகாரியாக நடித்து வருகிறார்.

இந்நிலையில் ஷாமுடன் பேசிய போது.. 

தெலுங்கில் வெற்றி அனுபவம் எப்படி உணர முடிகிறது?

 

" தெலுங்கில் என்னை 'கிக்' படத்தில் அறிமுகம் படுத்தியவர் சுரேந்தர் ரெட்டி. வெற்றிப் பட டைரக்டர். அந்த'கிக்' படம் சூப்பர் ஹிட். டைரக்டர் சுரேந்தர் என் மீது அன்பு கொண்டவர். அவரது அடுத்த படமான 'ஊசுற வல்லி' படத்தில் எனக்கு ஒரு சிறு ரோல் கொடுத்திருந்தார். அது என் மேல் வைத்துள்ள அன்புக்காகக் கொடுத்த வாய்ப்பு. அடுத்து அவர் கொடுத்த அர்த்தமுள்ள வாய்ப்புதான் 'ரேஸ் குர்ரம்'. அப்படி என்றால் ’வேகமாக ஓடும் குதிரை’ என்று அர்த்தம். இன்று பாக்ஸ் ஆபிஸில் வேகம்' எடுத்து ஓடிக் கொண்டிருக்கிறது."

பொதுவாக தெலுங்கு திரையுலக அனுபவம் எப்படி உள்ளது?

''தெலுங்கில் எனக்கு இது 3 வது படம். இரண்டாவது ஹிட்படம். அங்கு தமிழ் நடிகர்களுக்கு நல்ல மரியாதை இருக்கிறது. அதற்கான அடித்தளம் கமல்சார், விக்ரம்சார் ஆகியோரால் போடப்பட்டு இருக்கிறது. அவர்கள் போட்டுக் கொடுத்துள்ள பாதையில் என்னைப் போன்றவர்கள் சுலபமாக நடக்க முடிகிறது. இரண்டு கதாநாயகர்கள் நடிக்கும் பாணி அங்கும் தொடங்கியுள்ளது. இது ஆரோக்யமான அறிகுறி. ரவி தேஜாவும் சரி அல்லு அர்ஜுனும் சரி இணைந்து நடித்த போது ஈகோ பார்க்காமல் பேசிப் பழகி அன்பு காட்டினார்கள்.

தமிழில் கூட ஆர்யா, விஜய் சேதுபதியுடன் இணைந்துள்ளீர்களே?

''ஆம். 'புறம்போக்கு' படத்தில் அவர்களுடன் இணைந்து நடிக்கிறேன். எனக்கு புதிய பாதையை போட்டுக் கொடுத்த படம் 'இயற்கை'. அதை இயக்கிய எஸ். பி. ஜனநாதன் என்கிற திறமைசாலியின் படம்தான் 'புறம்போக்கு'. இதில் நாங்கள் மூன்று பேரும் இணைந்திருக்கிறோம். ''

"புறம்போக்கில் உங்கள் பாத்திரம் எப்படி?"

''புறம்போக்கில் என் பாத்திரத்தின் பெயர் மெக்காலே. பெயர் வரும்போதே 'மெக்காலே; சட்டத்தின் ஆட்சி 'என்று வரும். அந்த அளவுக்கு சட்டத்தை மதிக்கும் போலீஸ் அதிகாரி.சட்டத்திலிருந்து யாரும் தப்பிக்க முடியாது என்று நம்புகிறவர். அதன்படி நடக்கிறவர். ஒரு வெளிநாட்டுப் பெண் தான் எனக்கு ஜோடி.

போலீஸ் கனவில் மெக்காலே லண்டன் போய் படித்து வந்தவர். எல்லாம் சட்டப்படி நடக்க வேண்டும் என்று விரும்புகிற பிடிவாதம் உள்ளவர். எத்தனையோ போலீஸ் அதிகாரிகளைப் பார்த்திருப்போம்.இதுவழக்கம் போலில்லை. இதை புதிய பரிமாணத்தில் ஜனநாதன் உருவாக்கியிருக்கிறார். ஸ்டைலிஷாக இருக்கும்.

நான் சட்டத்தை மதிக்கிற பாத்திரம் என்றால் ஆர்யா சட்டத்தை மிதிக்கிறவர். விஜய் சேதுபதி இன்னொரு பக்கம். எங்கள் இரண்டு பேருடனும் அவர்தொடர்பில் இருப்பவர் .படத்தில் எங்கள் 3பேரின் பாத்திரங்களும் 3 மாதிரியாக இருக்கும். ஒன்றுக்கொன்று பொருந்தாத தனியான குணம் கொண்டவை. இதில் என்ன வேடிக்கை என்றால் மூன்று பாத்திரங்களுமே தனித்தனி ஐடியாலஜி கொண்டவை. தான் நினைப்பதே சரி,செய்வதே சரி என்று இருப்பவர்கள் ''

உங்களில் யாருக்கு முக்கியத்துவம் இருக்கும்?

''மூவருக்கும் பேலன்ஸ் செய்துதான் காட்சிகள் வைத்திருக்கிறார்.''

ஆர்யா, விஜய்சேதுபதியுடன் நடித்த அனுபவம் பற்றி..?

'உள்ளம் கேட்குமே' படம் முதல் ஆர்யா எனக்கு பழக்கம். ஆர்யா என் தம்பி மாதிரி, அவன் வீட்டில் இல்லை என்றாலும் அவன் அம்மாவிடம் உரிமையுடன் சாப்பிடும் அளவுக்கு குடும்ப நண்பன்.

ஆர்யாவின் வளர்ச்சி எனக்குப் பெருமையாக இருக்கிறது. பாலா படத்துக்கு காட்டிய 3 வருட உழைப்பு சாதாரணமல்ல. 'மதராசபட்டினம்' 'பாஸ் என்கிற பாஸ்கரன்' 'ராஜாராணி' என அவனது வளர்ச்சிகள்,வெற்றிகள் சந்தோஷமாக இருக்கிறது.

விஜய் சேதுபதியின் வளர்ச்சியும் பிரகாசமாக இருக்கிறது. அவரும் பலவருடம் போராடி இருக்கிறார். தனக்கென ஒரு இடத்தை 'பீட்சா' 'சூதுகவ்வும்' படங்கள் மூலம் பிடித்துள்ளார். எப்போதும் அவர் ஜாலி சந்தோஷ மூடில் இருப்பவர். இப்போது இனிய நண்பராகி விட்டார். எங்களுக்குள் எவ்வித ஈகோவும் கிடையாது. ஆரோக்கியமான நட்பு மட்டுமே இருக்கிறது. எங்களுக்குள் எவ்வித போட்டி பொறாமை.. எதுவுமே இல்லை. இயல்பாக சௌகரியமாகப் போய்க் கொண்டு இருக்கிறது

.'புறம்போக்கு’ படத்தில் ஆர்யாவும் நானும் நடித்த காட்சிகள் பெங்களூரில் படமானது. ஏப்ரல் 16 முதல் விஜய் சேதுபதியுடன் சென்னையில் நடிக்கப் போகிறேன். ஜூன் மாதம் முதல் நாங்கள் மூன்று பேரும் 44 நாட்கள் இணைந்து நடிக்க இருக்கிறோம். புறம்போக்கு ஒரு பொலிடிக்கல் த்ரில்லராக இருக்கும்.''

'6 மெழுகுவர்த்திகள்' படத்தில் நடித்ததில் உழைப்புக்கேற்ற பலன் கிடைத்ததா?

''சில சூழ்நிலைகளால் தப்பான மாதிரி சில படங்கள் அமைந்தன. '6' படத்துக்கு முன் என்னைப்பற்றி மாறுபட்ட அபிப்ராயங்கள் இருந்தன. ஆனால் இப் படத்துக்குப் பிறகு ஷாம் அர்ப்பணிப்புள்ள நடிகர் என்கிற பெயர் வந்திருக்கிறது.

பலவிதங்களில் திறமைகாட்ட முடிகிற நடிகர் என்கிற பெயரை'6' படம் எனக்குப் பெற்றுக் கொடுத்திருக்கிறது. முன்பெல்லாம் கண்ணில் படும் 10 பேரில் 2 பேர் என்னைக் கண்டு கொள்வார்கள். இப்போது 8 பேர் பேசுகிறார்கள். ஊக்கம் தருகிறார்கள். மரியாதை தருகிறார்கள் எனக்கு புது உற்சாகம் தருகிறார்கள். கௌரவம் கூடி இருப்பதாக உணர முடிகிறது. ஷாம் விளையாட்டுத்தனமான நடிகரல்ல. அவருக்கும் முயற்சி செய்கிற ஆர்வம் இருக்கிறது வாய்ப்பு கொடுத்தால் வெளிப்படுத்தும் திறமை இருக்கிறது என்று '6' படம் பேச வைத்திருக்கிறது. அதற்கான வணிகரீதியிலான பலனை இனிதான் அடைய வேண்டும்.''

சொந்தமாக '6' படம் தயாரித்ததில் சிரமங்களை உணர்ந்தீர்களா?

''படம் பெரிதாக வசூல் இல்லை என்றாலும் திட்டமிட்டு எடுத்ததால் அனாவசிய செலவுகள் இல்லை. எனவே கையைக் கடிக்கவில்லை என்கிற அளவுக்கு வசூல் செய்தது. இழப்புகள் இல்லை.''

சரியான வாய்ப்புகள் அமையாத போது நடிகர்கள் சொந்தமாக படமெடுக்கத் தொடங்குவது பற்றி...?

''அப்படி ஒரு சூழல் வரும் போது நிச்சயம் செய்துதான் ஆகவேண்டும். சரியான படங்கள் கதைகள் அமையாத போது நம்மை நாமே நிரூபித்துதான் ஆகவேண்டும்.''

மீண்டும் சொந்தப் படம் எடுப்பீர்களா?

''தேவைப்பட்டால் எடுக்கத்தான் செய்வேன். சரியான திரைக்கதை, படப்பிடிப்பு செலவுத் திட்டத்துடன் வந்தால் செய்வேன். ராம் கோபால் வர்மாவிடம் இருந்த சுரேஷ் நல்ல கதை ஒன்று சொல்லியிருக்கிறார். அதை தயாரிக்கும் எண்ணம் உள்ளது.''

இயற்கை 2, கிக். 2. எடுக்கப் படவுள்ளதாமே?

''எஸ். பி. ஜனநாதன் சமீபத்தில் நார்வே போய் வந்திருக்கிறார். அங்குள்ள துறைமுகம் அத்தனை அழகாக இருந்ததாகக் கூறினார். நிச்சயம்'இயற்கை 2ம் பாகம்'.. மட்டுமல்ல 'கிக். 2' ம் பாகமும் எடுக்கப்படும் என்று நம்புகிறேன்.''

நீங்கள் எப்படிப்பட்ட நடிகராக இருக்க விருப்பம்?

''இது ஸ்கிரிட் வெற்றி பெறும் காலம். ஸ்கிரிட்தான் கதாநாயகன் என்று கடந்த 2 ஆண்டுகளாக அழுத்தமாக நிரூபிக்கப்பட்டுள்ளது. நான் என்றும் ஒரு டைரக்டரின் நடிகராகவே இருக்க விரும்புகிறேன். 

thanx - the hindu 

6 மெழுகுவர்த்திகள் - சினிமா விமர்சனம்

ஐ டி ல ஒர்க் பண்ற  ஹீரோ  தன்  மனைவி , மகனோட  பீச்சுக்குப்போறாரு. அன்னைக்குத்தான் பையனோட 6 வது பர்த்டே .( டைட்டில் க்கு காரணம் ) அந்த  கூட்டத்துல  பையன் எப்படியோ மிஸ் ஆகிடறான். அம்மா , அப்பா 2 பேரும் பதறி பீச் பூரா தேடறாங்க , பையன்  கிடைக்கலை . போலீஸ் ஸ்டேஷன் போய் புகார்  தர்றாங்க


 குழந்தைகளைக்கடத்தறதையே  தொழிலா வெச்சிருக்கும் கும்பல் நெட் ஒர்க் பற்றி தெரிஞ்சு தேடுதல் வேட்டை நடக்குது . ஹீரோ  எப்படியோ  பையனைக்கடத்தின  ஆளைக்கண்டு பிடிச்சடறார். ஆனா அவன் ஒரு கோடி பணம் கேட்கறான். பேரம் பேசி  50 லட்சம்  ரூபாவுக்கு ஓக்கே சொல்ல வைக்கறார்.


ஆனா பணம்  கொடுத்த பின்னும் தகராறு  நடந்ததுல  அந்த  குரூப் எஸ் ஆகிடுது. எப்படி  ஹீரோ பையனைக்கண்டு பிடிக்கறாரு என்பதுதான்   ஆக்‌ஷன் பரபர காட்சிகள் கொண்ட திரைக்கதை .


 இயக்குநர் சாதாரண ஆள்  இல்லை . அஜித் -ன் வித்தியாசமான படமான  முகவரி , பரத் -ன் ஆக்‌ஷன் த்ரில்லர் நேபாளி ஆகிய படங்களின் இயக்குநர் . பாடல்களும் எழுதி  இருக்கார் . அவர்  தான் படத்தின்  முதல் ஹீரோ . எடுத்துக்கொண்ட கதையை விட்டு விலகாம  எந்த விதமான கமர்ஷியல் காம்ப்ரமைஸ்ம் பண்ணிக்காம   அழுத்தமான  திரைக்கதை  கொடுத்திருக்கார். மேக்கிங்க் ஸ்டைலும்  ஓக்கே


ஷாம்  தான்  ஹீரோ . இவருக்கு இது சொந்தப்படம் . தூங்காம  பல நாட்கள் விழிச்சிருக்காரு என்பதைக்காட்ட   கண்-ண்ணுக்கு கீழே  கட்டி வந்த  கெட்டப் , ஆள் இளைக்கும்  காட்சி  விக்ரம் மாதிரி சிரத்தையா பண்ணி  இருக்கார் . வெல்டன் ஷாம் .


பூனம்  கவுர் தான்  நாயகி . இவருக்கு  பெரிதாக வேலை இல்லை என்றாலும்  வந்த வரை நல்ல நடிப்பு . உனக்கு எத்தனை குழந்தை வேணும் ? நான் பெத்து தர்றேன் , நம்ம பையன்  கிடைக்காட்டி பரவால்லை , நீயாவது  திரும்பி வா என கதறும் டெலிபோன் காட்சியில் அவர் நடிப்பு  அருமை .

படத்துக்கு வசனம்  ஜெய மோகன் . குறிப்பிட்டு சொல்லும்படி 6 இடங்களில் தான் வசனம் பிரமாதம் .பட டைட்டிலை நினைவுல வெச்சுக்கிட்டார் போல . ஆனால்  தேவை இல்லாமல் வழ வழா கொழா கொழா வசனம் ஏதும் இல்லை , எல்லாம் நறுக்குத்தெறித்தாற் போல  . குட் ஒர்க்

இயக்குநர் பாராட்டு பெறும் இடங்கள் 


1. எதிர் பாராத நேரத்தில்  ஒரு பிச்சைக்காரன் காலில் விழுந்து  ஹீரோயின்  கதறும் காட்சி பகீர் . குழந்தையைப்பறி கொடுக்கும் பெற்றோர் மனம் எப்படி பரிதவிக்கும் என்பதற்கு நல்ல உதாரணம் 


2. குழந்தையைத்தேடி ரோட்டில் இரவில்  ஓடும்  ஹீரோ  தனியாக நிற்கும் ஒரு குழந்தையை  அதன்  குடிசை வீட்டில் ஒப்படைக்க  முயல  அங்கே  தொழில் நடத்தும் கில்மா லேடி “ எல்லாம் என் குழந்தை தான் , தெரியும் , நாங்க பார்த்துக்குவொம் “ என அசால்ட்டாக சொல்லும் காட்சி சமூக அவலத்தை சொல்லும்  சுருக் காட்சி 


3.  அரிசி வியாபாரி  தன் பேரன் மேல்  பொய் சத்தியம் செய்வதும்  , அதை  ஷாம் கண்டு பிடிப்பதும்  நல்ல சஸ்பென்ஸ் காட்சி 


4. அரவாணி  போல் வந்து எடுபுடி மாதிரி நடப்பவர் தான்  உண்மையில்  அந்த கூட்டத்துக்கே  பாஸ் என்பதும்  சரியான   திருப்பு முனைக்காட்சி . அவரின் வில்லத்தன நடிப்பு தமிழுக்கு  புதுசு 


5. ஹீரோயின்   கோதுமை அல்வா மாதிரி  இருந்தாலும் , அவர் தாராள ம்னம் கொண்டவர் என்ற பிளஸ் பாயிண்ட்  இருந்தும்  ஒரு டூயட் கூட வைக்காமல் திரைக்கதையை க்ரிஸ்ப் ஆக நகர்த்திய  இயக்குநரின் சாமார்த்தியம் 


6.  தன் மகன் ஆபத்தில் இருக்கான் என்ற உணர்வு இருந்தும்   இன்னொரு  பொண்ணைக்காப்பாற்ற   ஹீரோ  துடிப்பது சபாஷ்  இயக்கம் 

7. பாதிக்கப்பட்ட  ஒவ்வொரு அப்பாவும்  இந்த மாதிரி  கும்பல் ல 4 பேரையாவது வெட்டிப்பொட்டாதான் இவனுங்களுக்கு எல்லாம் பயம் வரும் என  ஹீரோ பேசும் காட்சியில் அரங்கம் அதிர்ந்தது . பிரமாதமான  ல் காட்சி 


8. படத்தில்  வரும் அனைத்து  வில்லன்கள் நடிப்பும்  அருமை , நல்ல தேர்வு , எல்லாரும் பொறுக்கிப்பசங்க போல 

இயக்குநரிடம்  சில  கேள்விகள் 

1. போலீஸ் ஸ்டேஷனில்  புகார் கொடுக்க ஹீரோ எண்ட்டர் ஆகும்போது  வலது கையில் வாட்ச் கட்டி இருப்பவர் அடுத்த  ஷாட்டில்  ஏட்டய்யா முன் நிற்கும்போது  இடது கையில் வாட்ச் கட்டி இருப்பது ( கண்ட்டிநியூட்டி மிஸ்சிங்க் ) 


2.  சம்பவம் நடந்த  36 மணி நேரத்தில்  அதாவது ஒன்றரை நாளில்  ஹீரோவுக்கு மழு மழு கன்னம்  டூ 20 நாட்கள்  தாடி வந்து விடுவது , 


3. குழந்தையைப்பறி  கொடுத்த பதட்டத்தில்  இருக்கும்  ஹீரோ , பின் யாரோ   ஒரு வழித்துணை என காரில்  நெடும் பயணம்  மேற்கொள்வது  ஏன் ?  வசதி ஆனவர்கள் தானே , டாக்சி வைத்திருக்கலாமே? அவங்க  2 பேருமே  1000 கிமீ மாறி மாறி ட்ரைவிங்க் செய்வது  ரிஸ்க் ஆச்சே? 


4. கடத்திய கும்பல் தலைவன்  பையனை காட்ட மாட்டேன் , பணத்தை என் அக்கவுண்ட் ல போடு , காட்டறேன்  , முதல்லியே காட்டுனா நீ தகறாரு செஞ்சு பையனை கூட்டிட்டுப்போயிடுவே என்கிறார் , ஓக்கே நேரில் காட்ட வேண்டாம் , செல் ஃபோன் வீடியோவிலோ, ஃபோட்டோவிலோ பையனை காட்டு , அப்போ தான் பையன் உன் கிட்டே இருக்கானா? என்பதை உறுதி செய்ய முடியும்னு ஹீரோ ஏன் வாதாடலை ? 




5. ஹீரோ வுக்கும்  , கடத்தல் கும்பல் தலைவனுக்கு,ம் தகறாரு , டக்னு  ஹீரோ மனைவிக்கு   ஃபோன் பண்ணி பேசுனப்டி அந்த அக்கவுண்ட் ல பணம் போட வேண்டாம் அப்டினு ஏன் சொல்லலை?   அதே  போல்  மனைவி பணம் ரெடி பண்ணியதும்,   ஏங்க  பணம்  ரெடி  போட்டுடலாமா? என ஏன் கணவனிடம் கேட்கலை ?   பொதுவா  பொண்டாட்டிங்களூக்கு புருஷன் பேச்சை கேட்க்கும் பழக்கம் இல்லை என்றாலும்  பணம் விஷயம் , தொகை அதிகம் என்பதால் கண்டிப்பா கேட்பாங்களே ? 


6.  எல்லாம்  முடிஞ்சு   மீண்டும் தேடுதல் பயணத்தில்   இருக்கும்  ஹீரோ ஏன் மனைவிக்கு  தொடர்ந்து  கால் பண்ணவே இல்லை ?   ஹீரோயின்   ஃபோன் பண்ணி  ஏன் ஃபொன் பண்ணலை? என கேட்கும்போது கூட எந்த  ரீசனும் சொல்லலையே ஏன் ? 


7 . வீட்டை வித்து  இருவர்  வேலை செய்யும் ஆஃபீசில்  லோன் வாங்கி  50 லட்சம்  ரூபா  புரட்டிய  பின்  அதுவும் பறி போன பின்   ஹீரோ வுக்கு  மீண்டும் செலவுக்கு ஏது அத்தனை பணம் ?


8. குழந்தையை பறி கொடுத்த  ஹீரோ   பிச்சைக்காரன்  போல்  மேக்கப்பில்  இருக்க  ஹீரோயின் 13  ரீலிலும் முதல் இரவுக்குப்போகும்   முயல் குட்டி மாதிரி செம மேக்கப்பில்  இருப்பது எப்படி ? 


9 க்ளைமாக்சில்  பையன்  திரும்ப சந்திக்கும் காட்சியில் பின்னணி  இசை பிரமாதப்படுத்தி  இருக்க வேணாமா?  காதலுக்கு மரியாதை படத்தில்  இளைய ராஜா ஒரு பி ஜி எம் போட்டிருப்பாரே க்ளைமாக்சில் எல்லாரும் அந்த காதலுக்கு  சரி சொல்லும்போது அது போல் ஜீவனுடன் இருக்க வேண்டாமா  பின்னணி இசை ? 

10  வில்லனிடம்  மரண பயமே  இல்லையே , சாகும் நேரத்தில்  சிரிச்சு  ஹீரோ  கிட்டே பஞ்ச் பேசிட்டு  இருக்காரு . அவருக்கு மன்சுல இளைய தளபதி விஜய்னு நினைப்பா?  டக்னு எந்திரிச்சு  ஓடாம ... வெள்ளாட்டு புத்தி

மனம் கவர்ந்த வசனங்கள்


1. பிச்சைக்காரனுக்கு பிச்சை கிடைக்கும் நாள் எல்லாம் விசேஷ நாள் தான்


2. எனக்கு காசு ஏதும் வேண்டாம் , மேலே இருக்கறவன் கீழே இருப்பவனுக்கு ஒரு ரூபாயை சுண்டி பிச்சையா போடுவீங்களே அந்த மாதிரி கீழே இருப்பவன் மேலே இருப்பவனுக்கு பிச்சை போட்டதா இந்த உதவியை நினைச்சுக்கறேன்


3. இங்கே கிருஷ்ணராவ் இருக்காரா?

ஆந்திராவில் பாதிப்பேரு கிருஷ்ணராவ் தான் , உனக்கு எந்த கிருஷ்ணராவ் வேணும் ?


4. கடப்பாரை எடுத்து என்னை ஏத்தி இருந்தாக்கூட கவலைப்பட்டிருக்க மாட்டேன் , ஆனா கடப்பாரைலயே என்னை இறக்கிட்டயே


5. என்னைப்பார்த்தா உனக்கு என்ன தோணுது ?

நீ மாமாப்பையன் தானே? ( தியேட்டரில் அப்ளாஸ் )


6. நீ என்ன சொன்னாலும் நான் கேட்க்றேன்


நான் சொல்றதைக்கேட்க சம்பளம் வாங்கிட்டு வேலை செய்யும் 1000 பேர் எனக்கு இருக்காங்க

ஆனந்த விகடன்  எதிர்பார்ப்பு மார்க்-  43

 குமுதம் எதிர்பார்ப்பு ரேங்க்  ஓக்கே

ரேட்டிங் =   3  / 5 

சி பி கமெண்ட் - 6 மெழுகுவர்த்திகள் - குழந்தைக்கடத்தல் பற்றிய அழுத்தமான பதிவு , ஷாம்க்கு பிரேக் கொடுக்கும் படம் , ஆனால் கமர்ஷியலாய் பெரிய அளவில் ஹிட் ஆவது டவுட் . போட்ட முதலிட்டை எடுத்து விடும் , ஏ சென்ட்டரில் மட்டும் நல்லா ஓடும்

படம்  பெண்களும் பார்க்கலாம்


டிஸ்கி - சி பி யிடம் சில கேள்விகள் அப்டிங்கற பேர்ல யாரும் - இந்த ஸ்டில்ஸ் எல்லாம் படத்துல எங்கே எப்போ வருது?ன்னு கேட்கக்கூடாது , அது  ஏ டி எம் கேல சேரும்  மாற்றுக்கட்சி ஆட்களுக்கு அம்மா தரும் இன்னொவா கார் பரிசு மாதிரி . எக்ஸ்ட்ரா ஃபிட்டிங்க் , ஹி ஹி
a


டிஸ்கி 2  -

யா யா - சினிமா விமர்சனம்

http://www.adrasaka.com/2013/09/blog-post_2147.html