வேதாளம் - தெறி ஹிட்டா? மீடியம் ஹிட்டா? - த இந்து அலசல் - மக்கள் கருத்து

* 'மாஸ் ரசிகர்களுக்கான மாஸ் சினிமா' என்ற 'பழிவாங்கல்' கதைக்களம் கொண்ட தமிழ் சினிமா இலக்கணத்துக்குள் கச்சிதமாகப் பொருந்திருயிருக்கும் படம் 'வேதாளம்.'

* 'நாயகன்' ரேஞ்சில் தன் ரசிகர்களுக்கு ஒரு ட்ரீட் கொடுக்க 'தலைவா' மூலம் ஒரு முயற்சி செய்தார் விஜய். அந்த வகையில், 'பாட்ஷா' லெவலுக்கு ஒரு படத்தை தன் ரசிகர்களுக்குத் தர அஜித் விரும்பினார் போலும். அதற்காக, 'பாட்ஷா' திரைக்கதையை 'தைகக்ரைதி'யெல்லாம் பண்ணி பின்னியெடுத்திருக்கிறார் இயக்குநர் சிவா.

* அதிரடி, தெறிப்புகளைத் தாண்டி, சென்ட்டிமென்ட்ஸ் - எமோஷன்ஸ் என தன் ரசிகர்கள் மட்டுமின்றி, பொழுதுபோக்கு சினிமா ரசிகர்கள் அனைவரின் கவனத்தையுமே ஈர்க்க ஈடுபாட்டுடன் நடித்திருக்கிறார் அஜித்.

* அஜித்தைத் தவிர படத்தில் வலுவான கதாபாத்திரத்தில் முழுமையாக வலம் வந்திருப்பவர், தங்கை கதாபாத்திரத்தை ஏற்றுள்ள லஷ்மி மேனன் மட்டுமே. இந்த தீபாவளி ரிலீஸின் புஸ்வானம் ஸ்ருதி ஹாசன்தான். மற்ற அனைவரும் தவுசன் வாலாவில் பங்கு வகித்த உதிரி வெடிகளாகவே வந்து போயிருக்கிறார்கள்.

* விறுவிறுப்பான தெறிப்புச் சண்டைக்காட்சிகள்தான் படத்துக்கு பலம். அதிரடித் திரைப்படத்தில் சண்டைக்காட்சிகளில் புதிய அம்சங்களைப் புகுத்த முயற்சித்து, அதில் ரசிகர்களின் வரவேற்பால் வெற்றியும் பெற்றிருக்கிறது வேதாளம் டீம்.

* 'வீர விநாயக', 'ஆலூமா டோலுமா' ஆகிய இரண்டு பாடல்கள் அமர்க்களம். மற்றவை ரசிகர்கள் தியேட்டர் வாசலுக்கு வந்து வெடிகளைப் பற்றவைத்து கொஞ்சம் குதூகலித்துவிட்டு அரங்குக்குத் திரும்ப துணைபுரிகின்றன.

* மாஸ் மசாலா திரைப்படத்துக்கு முதுகெலும்பே ஒளிப்பதிவும் எடிட்டிங்கும்தான். இவை இரண்டுமே வேதாளத்தில் பக்கா. ஹிட்டான ஹரி படங்களை நினைவூட்டினாலும், வேதாளம் தரும் வேகம் - அஜித் ரசிகர்களுக்கு அட்டகாச அனுபவத்தைத் தருகிறது.

* வழக்கமான பழிவாங்கல் - தாதா சார்ந்த கதைதான் என்றாலும், சுறு சுறு திரைக்கதையிலும், அசத்தல் திருப்பங்களிலும் பிசுபிசுப்பிக்காமல் தெறித்து வெடிக்கவைத்த வகையில், இயக்குநர் சிவாவின் பங்களிப்பு சிறப்பு.

* லாஜிக் பார்க்கும் சீரியஸ் சினிமா ஆர்வலர்களைத் தாண்டி, இயல்பு மீறாத பொழுதுபோக்கு ரசிகர்களுக்கு நல்ல விருந்து படைத்திருக்கும் வகையில், வேதாளம் - அஜித் ரசிகர்களுக்கானது மட்டும் அல்ல என்ற எல்லையைத் தாண்டி விடுகிறது.

* திரையரங்கில் ரசிகர்களின் கொண்டாட்டத்தைப் பார்த்தால், ஒட்டுமொத்தமாக அஜித்... அஜித்... அஜித்... இந்த ஒரு நட்சத்திரத்துக்காக மட்டுமே விரும்பி வேதாளம் பார்க்கச் செல்வோருக்கு நிச்சயம் இது தல தீபாவளிதான். மற்றபடி, அதிரடி - மசாலா - மாஸ் பட விரும்பிகளுக்கும் சுவையான விருந்துதான்.

சரி... அடுத்த கட்டம் நோக்கிய தமிழ் சினிமாவுக்காக ஏங்கிவரும் திரைக் கலை ரசிகர்களுக்கு... அதான் தெறிக்க விட்டாச்சே!

• Karthik  from India

  இது மாதிரி படம் தான் ஒவ்வொரு ரசிகனும் எதிர் பார்க்கறது ... செம கலக்கல்...

  about an hour ago

   (1) ·  (0)

   

  reply (0) 

  mahendrakumar Up Voted
• M

  Makthum  from India

  Mass movie

  about 2 hours ago

   (0) ·  (0)

   

  reply (0) 
• P

  Pravin  from United States

  வழக்கமா பல படத்துல பார்த்த கதைதான் ஆனா நீங்க இப்படி விமர்சனம் பன்றிங்க ஆனா புதுசா எதாச்சும் முயற்சி பன்னுனா அது நல்லா இல்லனு விமர்சனம் பன்றிங்க

  about 3 hours ago

   (0) ·  (0)

   

  reply (0) 
• S

  Srinivasan  from United States

  Blockbustermovie

  about 4 hours ago

   (0) ·  (0)

   

  reply (0) 
• M

  Manichan  from India

  படம் ரொம்ப சுமார் ராக இர்ருக்கிறது ...ஆனால் அஜித் alaga இர்றிக்கிறார்

  about 4 hours ago

   (0) ·  (0)

   

  reply (0) 
• V

  Vendhan  from Sri Lanka

  வேதாளம் படத்துல அப்படி என்ன இருக்கு. காத கிளிகுற சத்தம் ஹீரோவ தூக்கி பிடிக்குற visual காட்சி அமைப்பு. சுத்தம்மா வேஸ்ட்

  about 5 hours ago

   (4) ·  (5)

   

  reply (0) 

  Rajagopal · manichan · prasad · sathish Up Voted

  Thangam · mahendrakumar · parthi · inbarasan · Govardhanan Down Voted
• N

  N.Govind  from India

  Centiment action &ajith

-thanx - the hindu

தீபாவளிபடங்கள்-சிறப்புக் கண்ணோட்டம்/முன்னோட்டம்|

அவ்வப்போது முழுநீள நகைச்சுவைப் படங்களை எழுதி நடித்தாலும், ரசிகர்கள் சற்றும் எதிர்பாராத வகையில் புதிய புதிய கதைக் களங்களில் விறுவிறுப்பான டெஸ்ட் மேட்ச் ஆடுவது கமலின் தனித்துவம். தீபாவளிப் பரிசாக கமல் தனது ரசிகர்களுக்குத் தரும் ‘தூங்காவனம்' படமும் அந்த வரிசையில்தான் வருகிறது. 2011-ல் வெளியான ‘ஸ்லீப்லஸ் நைட்' என்ற பிரெஞ்சு படத்தின் மறு ஆக்கம் என்று படக் குழு வட்டாரத்தில் சொல்லப்பட்டாலும் இது அந்தப் படத்தின் அதிகாரபூர்வமான ரீமேக்கா என்பது இதுவரை தெரியவில்லை.

போதைப்பொருள் தடுப்புப் பிரிவில் ‘திவாகர்’ என்ற காவல் அதிகாரி கதாபாத்திரத்தில் நடித்திருக்கிறார் கமல். மனைவியைப் பிரிந்து தனது 14 வயது மகனுடன் வாழ்கிறார். எதிர்பாராமல் அவரிடம் சிக்குகிறது பல கோடி மதிப்புள்ள போதைப்பொருள் பை ஒன்று. அதைத் தனது அலுவலகத்துக்கு எடுத்துச் சென்று முதல் தகவல் அறிக்கையைத் தயார்செய்யத் தனது இருக்கையில் அமரும்போது ஒரு போன். போதை மருந்துப் பையைக் கொடுத்துவிட்டு மகனை அழைத்துச் செல்லும்படி நட்சத்திர ஹோட்டலும் நைட் கிளப்பும் நடத்தும் ஊரின் மாஃபியா மனிதர் சொல்ல, போதை மருந்துப் பையை எடுத்துக்கொண்டு கிளம்புகிறார்.

இதற்கிடையில் கமலின் டிபார்ட்மெண்டிலிருந்து அவரது நடவடிக்கையைக் கண்காணிக்கக் கிளம்புகிறது ஒரு குழு. கமல் போதை மருந்துப் பையைக் கொடுத்து மகனை மீட்டாரா, இல்லையா? தன்னை மோப்பம் பிடிக்கக் கிளம்பிய தனது துறையின் சகாக்களிடம் கையும் களவுமாகச் சிக்கினாரா ஆகிய கேள்விகளுக்குப் பதில் சொல்லும் அதிரடி ஆக்‌ஷன் த்ரில்லராக விரிந்து ரசிகர்களை ஆச்சரியப்படுத்த இருக்கிறது படம்.

கமல் நடித்த ஆக்‌ஷன் படங்களில் இதுவரை இல்லாத வண்ணம் இந்தப் படத்தின் ஆக்‌ஷன் காட்சிகள், சேஸிங்குகள் ஆகியவற்றை ஹாலிவுட்டுக்குக் கொஞ்சமும் குறைவில்லாத வகையில் படமாக்கியிருக்கிறார்களாம். காரணம் 'ஸ்லீப்லஸ் நைட்' படத்தின் பணியாற்றிய கில்லஸ் கோன்செய், சில்வியன் கேபட், வெர்ஜின் அர்னாட் ஆகிய சண்டை இயக்குநர்கள் ‘தூங்காவனம்' படத்திலும் பணியாற்றியிருக்கிறார்கள்.

நீண்டகாலமாகத் தன்னுடன் பணியாற்றிய தன் இணை இயக்குநர் ராஜேஷை இந்தப் படத்தின் மூலம் இயக்குநர் ஆக்கி அழகுபார்த்திருக்கிறார் கமல். த்ரிஷா, மதுஷாலினி, ஆரண்யகாண்டம் சோமசுந்தரம், த்ரிஷயம் ஆஷா சரத், உமா ரியாஸ் கான் உள்ளிட்ட பலர் நடித்திருந்தாலும் ஒவ்வொருவருக்கும் போதிய முக்கியத்துவம் கதையில் இருக்கிறதாம். வில்லன்கள் குழு படத்தின் முக்கியமான ஆச்சிரியங்களில் ஒன்று. பிரகாஷ்ராஜ், சம்பத்ராஜ், கிஷோர், யூகிசேது என்று மாஃபியா வலைப்பின்னலில் ஒவ்வொருவரும் ஒரு ரகமாக மிரட்டியிருக்கிறார்கள் என்கிறது படக் குழு.

வேதாளம் முருங்கை மரம் ஏறினால்!?

கடந்த ஆண்டு பொங்கலுக்கு வெளியாகி வெற்றிபெற்ற ‘வீரம்’ படத்தின் மூலம் இணைந்த அஜித் - இயக்குநர் சிவா - தயாரிப்பாளர் ஏ.எம். ரத்னம் கூட்டணி இரண்டாவது முறையாக இணைந்திருக்கும் படம் ‘வேதாளம்’. முதல்முறையாக அஜித்துடன் ஸ்ருதி ஹாசன் ஜோடி சேர்ந்திருக்கிறார். மற்றொரு முன்னணிக் கதாநாயகியான லட்சுமி மேனன் அஜித்தின் தங்கையாக நடித்திருக்கிறார். அனிருத் அஜித் படத்துக்கு இசையமைத்திருக்கிறார் என்கிற பரபரப்புகளைத் தாண்டி இந்தப் படத்தின் கதை மீது ஏகப்பட்ட ஊகங்கள்.

நமக்குக் கிடைத்த நம்பகமான தகவலின்படி அஜித் இந்தப் படத்தில் ஆவியாகவோ பேயாகவோ நடிக்கவில்லை. அதேபோல இந்தப் படத்தில் அஜித் இரட்டை வேடங்களிலும் நடிக்கவில்லை.

இது பாட்ஷா படத்தைத் தொட்டுக்கொண்டு அஜித்துக்கு ஏற்ப ஆல்டர் செய்யப்பட்ட ஒரு கதை என்று சொல்கிறார்கள். தன் தங்கை லட்சுமி மேனனுடன் கொல்கத்தாவில் வசிக்கிறார் அமைதியான அஜித். ஆனால் பழைய எதிரிகள் அஜித்தின் தங்கையைக் கடத்தி அவரைச் சீண்டுகிறார்கள். பொறுமை இழக்கும் அஜித் தனது பழைய முகத்தைக் காட்டுகிறார். இறுதியில் தனது எதிரிகளை எப்படி அழிக்கிறார் என்பதுதான் வேதாளம்.

இந்தப் படத்தில் தனக்குத் தங்கையாக நடித்த லட்சுமி மேனனின் நடிப்பை டப்பிங் பணியின்போது பார்த்த அஜித் வியந்துபோய் தயாரிப்பாளருக்கு போன் செய்து கூறி, கூடுதலாகச் சம்பளம் தரும்படிக் கூறினாராம்.

அஜித்தின் உயிருக்கு உயிரான நண்பராகவும் பிறகு அவரைக் காட்டிக்கொடுக்கும் துரோகியாகவும் மங்காத்தா படத்தில் போலீஸ் இன்ஸ்பெக்டர் வேடமேற்ற அஷ்வின் இதில் நடித்திருக்கிறார். இவர்களோடு சூரி, தம்பி ராமையா, மொட்டை ராஜேந்திரன், பாலசரவணன், லொள்ளுசபா சாமிநாதன், தாபா என்று முதல் பாதிப் படம் முழுக்க இவர்களது காமெடியில் படம் குலுங்கப்போகிறதாம்.

அனிருத் இசையில் ‘ஆளுமா டோலுமா’ குத்துப்பாடலும் ஸ்ருதி ஹாசன் பாடியிருக்கும் டூயட் பாடலும் ரசிகர்கள் மத்தியில் சூப்பர் ஹிட்.

செரிமானத்துக்கு இஞ்சி முரப்பா!

இந்த இரண்டு படங்களையும் பார்த்து செரிமானம் ஆகாவிட்டால் எப்படி? அதற்காகவே புதுமுகங்கள் நடிப்பில் ‘இஞ்சி முரப்பா’ என்ற படமும் துணிச்சலுடன் ரிலீஸ் ஆகிறது. எஸ். ஏ. சந்திரசேகரின் உதவியாளரான எஸ். சகா இயக்கியிருக்கும் இந்தப் படத்தில் ஸ்ரீபாலாஜி என்ற புதுமுகம் கதாநாயகனாக அறிமுகமாகிறார். அவருக்கு ஜோடி சோனி சிறிஷ்டா என்ற மற்றொரு புதுமுகம்.

தங்கை மேல் அதிக பாசம் கொண்ட ஒரு அண்ணன், அவளது அனுமதியில்லால் காதலில் விழுந்தால் அந்தக் காதலுக்கு வரும் புது மாதிரியான சோதனையை நகைச்சுவையுடன் சித்தரிக்கும் ‘கமர்ஷியல் இஞ்சிமுரப்பா’வாம் இந்தப் படம்.

இந்த மூன்று நேரடித் தமிழ்ப் படங்களுக்கு மத்தியில் சல்மான் கான் - சோனம் கபூர் நடிப்பில் உருவாகியிருக்கும் ‘பிரேம் ரதன் தாங் பயோ’ என்ற இந்திப் படம் தமிழில் மொழிமாற்றம் செய்யப்பட்டு ‘ மெய் மறந்தேன் பாராயோ’ என்ற தலைப்புடன் வெளியாகிறது.

-தஹிந்து

வாட்ஸ்ஆப்-பில் 'வேதாளம்' காட்சிகள்: படக்குழு அதிர்ச்சி

'வேதாளம்' படத்தில் அஜித் | கோப்பு படம்

வாட்ஸ்ஆப் மூலமாக 'வேதாளம்' படத்தின் காட்சிகள் வெளியாகி வருவதால் படக்குழுவினர் பெரும் அதிர்ச்சியில் இருக்கிறார்கள்.

சிவா இயக்கத்தில் அஜித், லட்சுமி மேனன், ஸ்ருதிஹாசன், கபீர்கான் உள்ளிட்ட பலர் நடிப்பில் உருவாகி இருக்கும் படம் 'வேதாளம்'. அனிருத் இசையமைப்பில் உருவாகி இருக்கும் இப்படத்தை ஏ.எம்.ரத்னம் தயாரித்திருக்கிறார். நவம்பர் 10ம் தேதி தீபாவளி தினத்தன்று இப்படம் வெளியாக இருக்கிறது.

இறுதிகட்டப் பணிகள் அனைத்து முடிந்து நேற்றிரவு (நவம்பர் 5) மாலை இயக்குநர் சிவா, அஜித் மற்றும் இசையமைப்பாளர் அனிருத் ஆகியோர் பிரத்யேக காட்சியைப் பார்த்தார்கள். அதனைத் தொடர்ந்து அஜித்தின் குடும்பத்தினர் மற்றும் நண்பர்களுக்கு இப்படம் திரையிடப்பட்டது.

இந்நிலையில், இன்று (நவம்பர் 6) காலை முதலே அஜித்தின் முதல் காட்சி என 4 விநாடிகள், 'ஆலுமா டோலுமா' பாடல் காட்சிகள் என 8 விநாடிகள் ஆகிய இரண்டு வீடியோக்கள் வாட்ஸ்-அப் மூலமாக வெளியாகி இருக்கிறது. இந்த வீடியோக்களை திரையரங்குகளில் படம் ஒடும் போது எடுத்திருக்கிறார்கள்.

படம் வெளியாக இன்னும் 3 நாட்களே இருக்கும் நிலையில், வெளியாகி இருக்கும் இந்த வீடியோக்களால் படக்குழுவினர் பெரும் அதிர்ச்சியில் இருக்கிறார்கள்.

-தஹிந்து

அஜித்தின் 'வேதாளம்' - அதிரும் 20 தெறிப்புகள்!

இயக்குநர் சிவா இயக்கத்தில் அஜித், லட்சுமி மேனன், ஸ்ருதிஹாசன், கபீர்கான் உள்ளிட்ட பலர் நடிப்பில் உருவாகி இருக்கும் படம் 'வேதாளம்'. அனிருத் இசையமைப்பில் உருவாகி இருக்கும் படத்தை ஏ.எம்.ரத்னம் தயாரித்திருக்கிறார்.

தீபாவளி அன்று பிரம்மாண்டமாக வெளியாக இருக்கிறது 'வேதாளம்'. அப்படத்தைப் பற்றிய தகவல்கள்:

* இரண்டு கெட்டப்களில் நடித்திருக்கிறார் அஜித். படத்தின் தற்போதைய காலகட்டத்தில் 'விநாயகா' என்ற பாத்திரத்திலும், ஃப்ளாஷ்பேக் காட்சிகளில் 'வேதாளம்' என்ற பாத்திரத்திலும் நடித்திருக்கிறார். ஃப்ளாஷ்பேக் பாத்திரத்தின் பெயரைப் படத்தின் பெயராக வைக்கலாம் என்று சிவாவிடம் சிபாரிசு செய்திருக்கிறார் அஜித்.

* ஆக்‌ஷன் கதை என்றாலும் காமெடி அதகளம் அதிகமாக இருக்கும் என்கிறது படக்குழு. சூரி, மயில்சாமி, ‘லொள்ளு சபா’ சாமிநாதன், ‘நான் கடவுள்’ ராஜேந்திரன், பால சரவணன், ‘ஆதித்யா டி.வி.’ தாப்பா, மகேந்திரன் என ஒரு பெரிய காமெடி பட்டாளமே இப்படத்தில் இருக்கிறது. அஜீத் - சூரி இருவர் மட்டுமே நடித்த மிகப்பெரிய காமெடி சீனை மட்டும் இரண்டு நாட்களுக்குப் படமாக்கியிருக்கிறார்கள்.

* 'வேதாளம்' படத்தின் டீஸரைப் பார்த்து, இது பேய் படம் என்று அனைவருமே நினைத்தார்கள். ஆனால், இது பேய் படமல்ல என்று மறுப்பு தெரிவித்திருக்கிறது படக்குழு.

* அஜித்தைப் போன்று நமக்கு ஒரு அண்ணன் இல்லையே என்று பெண்கள் ஏங்கும் வகையில் அஜித் - லட்சுமி மேனன் காட்சிகளை இப்படத்தில் வைத்திருக்கிறார் இயக்குநர் சிவா.

* 'வீர விநாயகா' பாடல் தான் படத்தின் முதல் பாடலாக அமையவிருக்கிறது. கொல்கத்தாவில் படுவிமர்சையாக கொண்டாப்படும் விநாயகர் சதுர்த்தியின் போது இப்பாடலை அஜித் பாடி ஆடுவது போல காட்சிப்படுத்தி இருக்கிறார்கள். ஷோபி மாஸ்டர் இப்பாடலுக்கு நடனம் அமைத்திருக்கிறார். லட்சுமி மேனன், சூரி இருவரும் அஜித்துடன் இப்பாடலில் ஆடியிருக்கிறார்கள்.

* மொத்தம் 100 நாட்களில் படப்பிடிப்பு முடிப்பது என்று திட்டமிட்டார்கள். இடையே ஒரு சில தடங்கல்கள் ஏற்பட, இறுதிகட்டத்தில் இரவு, பகலாக பணிபுரிந்து மொத்த படத்தையும் முடித்திருக்கிறார்கள். சென்சார் அதிகாரிகள் இப்படத்துக்கு 'யு' சான்றிதழ் அளித்திருக்கிறார்கள்.

* சென்னை, கொல்கத்தா, இத்தாலி ஆகிய மூன்று இடங்களில் படப்பிடிப்பு நடைபெற்று இருக்கிறது. சென்னையில், பெரம்பூர் பின்னி மில், மீனம்பாக்கம் பின்னி மில், மோகன் ஸ்டுடியோ, கிண்டி ரேஸ் கோர்ஸ், வடபழனி மலர் ஹாஸ்பிட்டல், ஃபிலிம் சிட்டி, மணி மஹால், தரமணியில் உள்ள ஐடி நிறுவனம் ஆகிய இடங்களில் படப்பிடிப்பு நடைபெற்று இருக்கிறது.

* கொல்கத்தாவில் விக்டோரியா அரண்மனைக்கு அருகிலும், ஹவுரா பிரிட்ஜிலும் வெளிப்புறக் காட்சிகள் படமாக்கப்பட்டு இருக்கிறது. கொல்கத்தாவில் வீட்டிற்குள் நடக்கும் காட்சிகளை எல்லாம் சென்னையில் அரங்குகள் அமைத்து காட்சிப்படுத்தி இருக்கிறார்கள்.

* 'ஆதவன்' படத்தில் வரும் கப்பல் காட்சி படமாக்கப்பட்ட இடத்திலேயே இப்படத்தில் வரும் ஒரு கப்பல் காட்சியும் படமாக்கப்பட்டு இருக்கிறது. இத்தாலியில் உள்ள மிலான் நகரத்தில் ஒரு பாடல் மற்றும் சண்டைக்காட்சியைப் படமாக்கியிருக்கிறார்கள்.

* அஜித்தின் தங்கையாக நடித்திருக்கும் லட்சுமி மேனனின் கதாபாத்திரப் பெயர் 'தமிழ'். ஓவியம் வரைவதில் ஆர்வம் உள்ள பாத்திரத்தில் நடித்திருக்கிறார்.

* கால் டாக்ஸி நிறுவனம் நடத்தி வருவபவராக நடித்திருக்கிறார் சூரி. அவரிடம் டிரைவராக பணிபுரியும் பாத்திரத்தில் அஜித் நடித்திருக்கிறார்.

* 'வேதாளம்' பாத்திரக் காட்சிகளில் ஸ்ருதிஹாசன் மற்றும் சூரி இருவருமே கிடையாது. லட்சுமி மேனனும் ஒரு சில காட்சிகளில் தான் வருவார். 'வேதாளம்' பாத்திரத்தின் நண்பராக அப்புக்குட்டியும், தந்தையாக தம்பி ராமையாவும் நடித்திருக்கிறார்கள்.

* இப்படத்தில் ஏகப்பட்ட சண்டைக்காட்சிகள் இருக்கின்றன. கிண்டி ரேஸ் கோர்ஸில் ஒரு சண்டைக்காட்சி, பெரம்பூர் பின்னி மில்லில் இரண்டு சண்டைக்காட்சிகள், ஃபிலிம் சிட்டியில் ஒரு சண்டைக்காட்சி, மோகன் ஸ்டுடியோவில் இரண்டு சண்டைக்காட்சிகள், இத்தாலியில் ஒரு சண்டைக்காட்சி படமாக்கி இருக்கிறார்கள். அஜித்தின் நண்பரான சில்வா சண்டைக்காட்சிகளை வடிவமைத்திருக்கிறார்.

* அஜித்தும், லட்சுமி மேனனும் ஹவுரா ரயில் நிலையத்தில் வந்திறங்கும் காட்சி தான், அஜித்தின் முதல்காட்சியாக படத்தில் வரவிருக்கிறது.

* அஜித் - ஸ்ருதிஹாசன் இருவருக்கும் இடையே காதல் காட்சிகள் என்பதே கிடையாது. 'நீ நல்லவன், அதனால உன்னைப் பிடிச்சிருக்கு' என்ற வசனத்தை அடிக்கடி அஜித்தைப் பார்த்து கூறுவார் ஸ்ருதி ஹாசன். இப்படத்தில் வழக்கறிஞராக நடித்திருக்கிறார் ஸ்ருதிஹாசன். பால சரவணன், ‘லொள்ளு சபா’ சாமிநாதன் ஆகியோர் ஸ்ருதிஹாசனோடு வரும் நண்பர்களாக நடித்திருக்கிறார்கள்.

* கொல்கத்தா ரோட்டில் அஜித் - வில்லன்கள் துரத்தல் காட்சியிலும் மற்றும் இத்தாலி கப்பலில் எடுக்கப்பட்ட சண்டைக்காட்சியில் மிகவும் துணிச்சலுடன் ரிஸ்க் எடுத்து நடித்திருக்கிறார் அஜித்.

* உலகம் முழுவதும் இதுவரை 1000-க்கும் அதிகமான திரையரங்குகள் ஒப்பந்தம் செய்யப்பட்டு இருக்கிறது. படம் வெளியாவதற்கு முந்தைய நாள் தான் எத்தனை திரையரங்குகள் என்பதன் சரியான கணக்கு தெரியும்.

* டப்பிங்கின் போது காட்சிகளை எல்லாம் பார்த்துவிட்டு, "மீண்டும் நாம ஒரு படம் பண்ணலாம் சிவா" என்று கேட்டிருக்கிறார் அஜித். எப்போது என்பது விரைவில் தெரியவரும்.

* நவம்பர் 10ம் தேதி தீபாவளி அன்று வெளியாக இருக்கும் இப்படத்துக்கு இப்போதே அஜித் ரசிகர்கள் கட்-அவுட் எல்லாம் வைக்க தயாராகி வருகிறார்கள்.

* இதுவரை எந்த ஒரு தமிழ் படமும் போலந்து நாட்டில் வெளியானதில்லை. 'வேதாளம்' தான் முதன் முதலில் போலந்து நாட்டில் வெளியாகிறது.

-தஹிந்து