ஹீரோ நம்ம அழகிரி அண்ணன் மாதிரி பெரிய தாதா இல்லை. ஓரளவு ரவு
டி,நம்ம காடு வெட்டி குரு மாதிரி.இவரு திருவல்லிக்கேணி ஏரியாவில் மாமூல் வசூல் பண்ணிட்டு ரவுடியா பொழப்பை ஓட்டிட்டு இருக்காரு.புறா பந்தயம் வேற நடத்தறாரு.செம்மரக்கடத்தல் நடத்தும் ஆள் கிட்டே அடியாளா இருக்கார். அவர் மாதிரியே இருக்கும் இன்னொரு அடியாள் சதி செஞ்சு ஹீரோவை ஜெயிலுக்கு அனுப்பிடறார். வெளியே வ்ந்த ஹீரோ தன் பழைய தாதா/ரவுடி பதவியை எப்படி தக்க வெச்சுக்கறார்? என்பதே கதை
வேலை இல்லா பட்டதாரி , அனேகன் செம ஹிட்சுக்குப்பின் ஹாட்ரிக் அடிக்கும் உற்சாகத்தில் தனுஷ்,கலக்கலான பர்ஃபார்மென்ஸ், ஒரு மாமூல் மசாலா ஹீரோ எப்படி திரையில் அப்ளாஸ் அள்ளும் அளவு மாஸ் சீன்களுடன் வரனுமோ அதே போல் வர்றார். ஆனா கதை , திரைக்கதை தான் பெரிய அளவில் கை கொடுக்கலை.ஒல்லியான தேக அமைப்புள்ள இவர் புதுப்பேட்டையில் தாதாவாக வந்ததை ஏற்றுக்கொள்ள முடிந்த அளவு இதில் ஏற்றுக்கொள்ள முடியவில்லை, இது இயக்குநர் மிஸ்டேக்.இவர் போடும் ஓப்பனிங் சீன் தர லோக்கல் ட்டத்துக்கு தியேட்டரில் செம அப்ளாஸ். நாயகியை கலாய்த்து பொதுவாக பெண்களை நக்கல் அடிக்கும் காட்சிகளில் கைத்ட்டலை அள்ளறார்.இது தனுஷ்க்கு ஹிட் படம்னும் சொல்லிட முடியாது ,அட்டர் ஃபிளாப்பும்னும் சொல்லிட முடியாது. மீடியமா இருக்கும்.
நாயகியா கா ஜில் ஜில் அகர் வாவ் வால்.இதுவரை இவர் நடிச்ச படங்கள்லயே இதுல தான் மேக்கப் மகா மட்டம் .பல கோணங்களில் சகிக்கலை. ஆனா பல படங்களில் இவர் நல்ல ஃபிகரா காட்டி இருந்தாங்க . ஒளிப்பதிவாளரை கவனிக்கலை போல.அல்லது இயக்குநர் சரியா கேமரா கோணங்களை ரீ செக் செய்யலை.அதிகமான காட்சிகள் இவருக்கு இல்லை . 2 பாட்டு சீன் , அது போக 15 சீன் , அவ்வளவு தான் ( சாதா சீன் )
படத்தின் ஆகப்பெரிய பிளஸே ரோபோ சங்கர் தான் , கேப்டனின் பாடி லேங்குவேஜில் இவர் அடிக்கும் கவுண்ட்டர் டயலாக்ஸுக்கு செம ரெஸ் பான்ஸ். சந்தானம் , வடிவேல் தவற விட்ட காமெடி இன்சார்ஜ் போஸ்ட்க்கு இவர் சீக்கிரமே ரெடி ஆகி மொக்கை சூரியை ஓவர்டேக்க வாழ்த்துகள். ஹீரோவுக்கு இணையான பாத்திரம். ஸ்க்ரீன் பிரசன்ஸ் , பாடி லெங்குவேஜ் , டயலாக் டெலிவரி , டைமிங் சென்ஸ் எல்லாமே கலக்கல் ரகம் அள்ளுது .
வில்லனாக வரும் விஜய் ஏசுதாஸ் போலீஸ் கெட்டப் குட் .காளி , கோபி எல்லாரும் ஓக்கே ரகம் . அனிரூத் ஒரு சீனில் வந்து கை தட்ட்டல் வாங்கறார். படத்தில் ஹீரோ -ஹீரோயின் கெமிஸ்ட்ரி எடுபடலை. தனுஷ் -அனிரூத் காம்போ அருமை.
புறா பந்தயம் பற்றிய டீட்டெய்லிங் குட் . ஹீரோ வில்லனிடம் பஞ்ச் பேசி ஸ்டைலாக நடக்கும் காட்சிகளில் பிஜிஎம் அள்ளுது.பாடல்காட்சிகளும் ஓக்கே ரகம்
மனதைக் கவர்ந்த வசனங்கள்
1 தனுஷ் பஞ்ச் = புள்ளப்பூச்சிக்கெல்லாம் ஐடியா வருது.வெச்சு செஞ்சிருவேன்
2 உன் ஆள் மேல கை வெச்சா நீ சும்மா விட்ருவியா?
நானா இருந்தா என் ஆள் பக்கம் போகவே விட்டிருக்க மாட்டேன் #,மாரி
3 கட்டிக்கப்போற பொண்ணைப்பக்கத்துல வெச்சுக்கிட்டு மெஹந்தியை எதுக்கு வெச்சிருக்கே?
அய்யோ .மெஹந்தின்னா மருதாணி # மாரி
4 பொண்ணுங்க எப்போ லவ்வரைக்கழட்டிவிடுவாங்கனு யாருக்குமே தெரியாது #,விசில் பறக்கும் வசனம்
5 தனுஷ் டூ கா ஜில் = ஏம்மா எதை மறைக்க துப்பட்டா போடச்சொன்னா எங்கே போட்டிருக்கே?கழுத்தொண்ட? சரியாப்போடம்மா
6 ரோபோசங்கர் = பாத்தாலே பிடிக்காதுங்கறா.பாக்க பாக்க எப்டி பிடிக்கும்?
7 எத்தனையோ பொண்ணுங்க தப்பானவனை லவ் பண்ணி காலம் பூரா கஷ்டப்படறாங்க # அப்ளாஸ் டயலாக்
8 நான் எவ்ளவோ தப்பு பண்ணி இருக்கேன்.அப்ப எல்லாம் எனக்கு எதுவுமே ஆகலை.ஆனா லவ் பண்ணேன்.இப்போ போலீஸ்.ல மாட்டிக்கிட்டேன் #,மாரி
9 ஒருத்தரை நம்ப வெச்சு ஏமாத்தறது எந்த சூழ்நிலையா இருந்தாலும் தப்பு #,மா
10 எனக்கு பெயின்ட் அடிக்கத்தெரியாதே?
போற வர்ற ஆளுங்களை அடிக்கறே!,பெயிண்ட் அடிக்க மாட்டியா? #,மா
11 ஒரு எதிரியோட பலத்தை ஒத்துக்கறவன் தான் பின் அவன் கூட மோதி ஜெயிக்க முடியும் # மா
12 கலப்படமான கெட்டவனை நம்பும் பெண்கள் சுத்தமான நல்லவனை நம்பமாட்டாங்க.#,மா
படம் பார்க்கும்போது அப்டேட்டட் ட்வீட்ஸ்
1 மதுரைல தனுஷ் ரசிகர்கள் ஜாஸ்தி போல.சினிப்ரியா ,மினிப்ரியா ,மெகாப்ரியா .மீடியம் ப்ரியா எல்லாதியேட்டர்லயும் 3 நாளுக்கு எல்லா ஷோவும் புல்லாம்
2 மதுரையில் செகன்ட் ஷோ பெரும்பாலும் நைட் 10 30 தான்.மாரி ஓடும் 8 தியேட்டர்ல எதுல 9 30 pm?
3 மதுரை ராகவேந்திரா ஹாஸ்பிடல் அருகே அபிராமி தியேட்டரில் மாரி #,2 1/2 மணி நேரம் தனுஷ் ரசிகரா மாறப்போறேன்
4 நமீதா ரேஞ்ச்க்கு அகலத்திரை.திரையை அகற்றியதும் வெண் திரை இலியானா மாதிரி பொசுக்னு இருக்கு # அபிராமி தியேட்டர் மதுரை
5 தனுஷ் ஓப்பனிங் சீன்ல 4,பசங்க ஸ்க்ரீன் மேல ஏறி முத்தம் குடுக்கறாங்க.அவ்வ்வ்வ்வ்
6 ரோபோ சங்கர் பேரு படத்துல சனிக்கிழமை.பேரே சனிக்கிழமை.குறியீடு.சனி !
7 தர லோக்கல் மெட்டில் கலக்கல் ஓப்பனிங் டான்ஸ். தனுஷ் ராக்கிங் பர்பார்மென்ஸ்
8 ஆண்ட்ரியா ஓனர் அனிரூத் உடன் ஐஸ்வர்யா ஓனர் தனுஷ் கலக்கல் காம்போ டான்ஸ்
9 ரோபோ சங்கர் தம் ஒரு பப் இழுத்துட்டு டக்னு பணிவா.தனுஷ்க்கு அதே சிகரெட்டை தரும் சீன் செம அப்ளாஸ்
10 ரோபோ சங்கர் பாடி லேங்க்வேஜ் டயலாக்.டெலிவரி கலக்கல்.தனுஷ் க்கு இணையான காட்சிகள் .கலகலப்புக்கு கேரண்டி
11 ஹீரோ பில்டப்க்கு பிஜிஎம் போடுவதில் அனிரூத் விற்பன்னர்
12 கா ஜில் அகர்வால்க்கு மேக்கப்விமன் யாரு?,சொதப்பல் ஒப்பனை
13 ரோபோசங்கர் காமெடி ,அனிரூத் ன் கலக்கல் பிஜிஎம் ,தனுஷ் ன் நேர்த்தியான நடிப்புடன் முன் பாதி ஓக்கே.#,மாரி சராசரி மசாலா @ இடைவேளை
14 தனுஷ் மைன்ட்.வாய்ஸ் = புதுப்பேட்டை ரேஞ்ச்க்கு படம் எடுய்யான்னா சுள்ளான் ரேஞ்ச்க்கு எடுத்து வெச்ட்டாரே?
15 மசாலாப்படம் எடுத்து சொதப்புவது எப்படி?# மாரி
இயக்குநர் பாராட்டுப்பெறும் இடங்கள்
1 படத்தைப்பற்றிய எதிர்பார்ப்பை எகிற வைக்கும் அளவில் டீசர் , ட்ரெய்லர் பக்கா எடிட்டிங்கில் வெளியிட்டது
2 அனிரூத் இன் இசை பிஜிஎம் படத்தின் பிளஸ்
3 ரோபோ சங்கரின் கலக்கல் காமெடி படத்தின் உயிர் நாடி
4 போர் அடிக்காமல் முன் பாதி திரைக்கதையை அசால்ட்டாக நகர்த்தியது
5 சண்டைக்காட்சிகள் அருமையான படமாக்கம்.ஸ்டண்ட் மாஸ்டர் ராக்கிங்
இயக்குநரிடம் சில கேள்விகள்
1 ஹீரோ அடிக்கடி செஞ்சுடுவேன் செஞ்சுடுவேன் அப்டிங்கறார். ஆனா கடைசி வரை அவர் எதுவுமே செய்யலை. மோடி அதைச்செய்வேன் இதைச்செய்வேன்னு சொல்லி ஃபாரீன் டூர் அடிக்கற மாதிரி இவர் பாட்டுக்கு ஹீரோயின் பின்னால தான் சுத்திட்டு இருக்கார்
2 படத்தின் முக்கிய திருப்பம் ஆன சீனில் லாஜிக் ஓட்டை. நைட் 10 மணிக்கு ஹீரோ மப்பில் ஹீரோயினிடம் தன் ஒப்புதல் வாக்குமூலம் ஆஃப் மர்டர் தந்துடறார். அதை செல்லில் பதிவு பண்ணி நாயகி போலீஸ் வில்லனிடம் தர்றார்.இதுக்கே டைம் மிட் நைட் 12 ஆகி இருக்கும். எப்படி அடுத்த நாள் காலைல 7 மணிக்கு அந்த வீடியோ சாட்சியை ஆதாரமா வெச்சு அரெஸ்ட் வாரண்ட்டோட போலீஸ் வருது? ஜட்ஜ் என்ன குமாரசாமியா?
3 புதுப்பேட்டையில் தனுஷ் ஷை தாதாவாகக்காட்டியதில் நம்பகத்தன்மை இருந்தது. இதில் ரோபோ சங்கர் காமெடி தான் மனசில்நிக்குது. ஹீரோ ஒரு ரவுடி என்பதை சொல்லும் அழுத்தமான காட்சியே இல்லை.
4 ஹீரோயின் கேரக்ட்ரைசேஷன் சரி இல்லை. அவர் அழகு வீணடிக்கபட்டிருக்கு. லட்சக்கணக்கில் சம்பளம் கொடுத்து இப்டித்தான் வேஸ்ட் பண்றதா?
5 முன் பாதி திரைக்கதையில் இருந்த சுவராஸ்யம் பின் பாதியில் இல்லை.
6 ஹீரோ தம் அடிக்கும் காட்சிகள் ஓவர். ரஜினியை எதில் ஃபாலோ பண்ணாலும் , இதில் ஃபாலோ பண்ணக்கூடாது. இவரைப்பார்த்து இவர் ரசிகர்களில் 50% பேர் தம் அடிச்சா அது சமுதாயத்துக்கு இவர் செய்யும் தீங்குதானே?
சி பி கமெண்ட் =மாரி = சி சென்ட்டர் ரசிகர்களுக்கான சராசரி மசாலாப்படம்.ரோபோசங்கருக்கு வாழ்வு.விகடன் மார்க் 39 ,ரேட்டிங் =2.25 / 5
தனுஷ் ரசிகர்களுக்குக்கொண்டாட்டமான படமாகத்தான் இருக்கும். ஜனரஞ்சகமாத்தான் இருக்கு. ஆனா பொது ஜனங்களை பெருமளவில் கவராது. ஏ , பி செண்ட்டர்களில் சுமாராத்தான் போகும். சி செண்ட்டர்கள்ல் நல்லா ஓடிடும் . போட்ட முதலீட்டை எடுத்துடுவாங்க
ஆனந்த விகடன் மார்க் ( கணிப்பு) - 39
குமுதம் ரேங்க் ( கணிப்பு) = சுமார்
ரேட்டிங் 2.25 / 5
மதுரை அபிராமியில் படம் பார்த்தேன்
