‘மாதொருபாகன்’-பெருமாள்முருகன் - பிரபல எழுத்தாளர்கள் கருத்துக்கள், சர்ச்சைகள்

பெருமாள்முருகன் எழுதிய ‘மாதொருபாகன்’ நாவல் தொடர்பான சர்ச்சை குறித்த எதிர்வினைகள்

தலைகுனியும் நேரம்

வாஸந்தி, எழுத்தாளர் மற்றும் பத்திரிகையாளர்

பாரத நாட்டில் வேறு எந்த மாநிலத்திலும் நிகழ்ந்திராத பகுத்தறிவு / சுயமரியாதை இயக்கம் மலர்ந்த தமிழ் நாட்டில் எழுத்தாளர்கள் ஜாதி அமைப்புகளின் மிரட்டலுக்குப் பயந்து பேனாவை மூடி வைக்க ஆரம்பித்துவிட்டார்கள். தமக்குத் தாமே இரங்கற்பா எழுதுகிறார்கள். நான் எழுதுவது எழுதியது எல்லாமே நெருப்பில் போடப்பட வேண்டியவை; ஒப்புக்கொள்கிறேன். ஆனால் என்னை வாழ மட்டும் விடுங்கள். நான் சொன்னது தவறு. மறந்துவிடுங்கள் ஐயா, என்னையும் என் குடும்பத்தையும் வாழ மட்டும் விடுங்கள்.

இது பராசக்தி நாடகமல்ல. ஓட ஓட விரட்டப்பட்ட ஓர் எளிய எழுத்தாளனின் புலம்பல். இந்த விஷயம் நாடெங்கிலும் பரவிவிட்டது. டெல்லி, மும்பை ஆகிய நகரங்களிலிருந்து வரும் ஆங்கில நாளிதழ்கள் தலையங்கம் எழுதுகின்றன.

பெரியாரை யாருக்குமே இன்று நினைவில்லை. அவர் சொன்ன சேதியும் எவருக்கும் தேவை இல்லை. ஏனென்றால் அவர்கள் தங்களது சுய மரியாதை வேறு எதிலோ இருப்பதாக நினைக்கிறார்கள். குல கௌரவம் தமது ஜாதியில் இருப்பதாக நம்புகிறார்கள். ஆனால் வேடிக்கை. ஒரு புத்தகம் வந்து நான்கு ஆண்டுகளுக்குப் பின் நெருப்பைக் கக்குகிறார்கள் அதில் தங்கள் இனத்தையும் தெய்வத்தையும் கொச்சைப்படுத்திவிட்டார் என்று ஒருமித்துக் குரலெழுப்புகிறார்கள். இந்த ரோஷம் இப்போது எப்படி வந்தது? யார் அவர்களுக்கு ஊக்கம் அளிப்பது?

அங்குதான் இருக்கிறது விஷயம். இன்று நாட்டில் வெகு வேகமாக, மூர்க்கமாக ஓர் அலை திடீரென்று வேகம் கண்டதுபோல் சகட்டு மேனிக்கு வீசிவருகிறது. இங்கொரு கல் அங்கொரு கல் வீசிப் பார்க்கிறது. இந்துத்துவ சக்திகள் தன்னிச்சையாக, சுதந்திரமாகச் செயல்படுகின்றன. புத்தகங்களுக்குத் தீ வைக்கிறார்கள். இந்து அல்லாதவரை முறை தவறிப் பிறந்தவர்கள் என்கிறார் ஓர் அமைச்சர், முஸ்லிம்களே வீடு திரும்புங்கள் என்கிறார் இன்னொருவர். அமைச்சர்கள், முதலமைச்சர்கள் இப்படிப் பேசும்போது பிரதமர் வாயை மூடிக்கொண்டு இருக்கிறார். ஜாதிப் பெருமையும், மூட நம்பிக்கைகளும் துவேஷமும் புதுப் பலம் பெற்றிருக்கின்றன. அவர்களது முதல் வெற்றி பெருமாள்முருகனின் சரணாகதி.

புத்தகம் தடைபட்டால் அந்த எழுத்தாளரைக் கொலை செய்வதுபோல. அதைத்தான் பெருமாள்முருகன் சொல்லாமல் சொல்கிறார். அவரது செய்கை அதீதமானதுதான். அவர் பட்ட வேதனையும் அதீதமானது. எழுத்தாளர்களும், தமிழ்ச் சமூகமும் ஒட்டுமொத்தமாகத் தலை குனிய வேண்டிய நேரம் இது.

அரசியலமைப்புக்கு எதிரானது

ச. தமிழ்ச்செல்வன், எழுத்தாளர், தமுஎகச

பெருமாள் முருகனின் அறிக்கையை முதலில் வாசித்தபோது அதிர்ச்சியும் வேதனையும் உண்டானது. ஓர் எழுத்தாளனைச் சமூகம் இப்படி நிறுத்திவிட்டதே என நினைத்து வருந்தினேன். யோசித்துப் பார்த்தால் இது அவருடைய தவறு அல்ல. அரசு நிர்வாகத்தின் மீதுதான் கோபம் வந்தது. ஒரு நாவலை எப்படி வாசிக்க வேண்டும் என்ற பயிற்சி இல்லாத சமூகமாக இருக்கிறோம் என்பதைத்தான் இந்தச் சம்பவம் காட்டுகிறது.

மாவட்ட வருவாய் அதிகாரி தலைமையில் ஏற்பாடு செய்யப்பட்ட கூட்டம் பெருமாள் முருகனைக் காயப்படுத்தியிருக்கிறது. ‘என்ன எழுத்து’ என்ற நிலைக்குத் தள்ளப்பட்டிருக்கிறார். கொங்குநாடு மக்கள் தேசியக் கட்சியின் பொதுச்செயலாளர், அவரது மேலும் மூன்று நாவல்களையும் தடைசெய்யக் கோரினார். இது போன்ற செய்திகள் அவரை விரக்தியில் ஆழ்த்தியிருக்க வேண்டும். அதனால்தான் அவர் இந்த முடிவை எடுத்திருக்கிறார்.

இந்தச் சம்பவத்தில் மாவட்ட நிர்வாகம் நடந்துகொண்டது அரசியலமைப்புக்கு எதிரான செயல். இதை எதிர்த்து தமுஎகச சார்பில் உயர் நீதிமன்றத்தில் வழக்குத் தொடுக்கவிருக்கிறோம். இப்போது இந்தப் பிரச்சினை தேசியப் பிரச்சினையாக மாறியிருக்கிறது. கேரளத்தில் இருந்து ஆதரவு வந்துகொண்டிருக்கிறது.

அவசரமான முடிவு

நாஞ்சில் நாடன், எழுத்தாளர்

எழுத்தாளன் என்பவன் அடுத்த தலைமுறையைச் சிந்தித்து எழுதுபவன். அவனுடைய கருத்து நிகழ்காலத்தில் விமர்சிக்கப்படலாம். அவன் தவறுகளும் செய்யலாம். தன் எழுத்து தனிப்பட்ட முறையில் யாரையாவது புண்படுத்துவதாக இருந்தால் அவன் வருத்தம் தெரிவிக்கலாம். சம்பந்தப்பட்ட அந்தப் பகுதியை நீக்கலாம். ஆனால் அவன் முடங்கிப் போய்விடக் கூடாது. பெருமாள்முருகனின் இந்த முடிவு அவசரப்பட்டது என நினைக்கிறேன். ஊடகங்களில் பெருமாள்முருகனுக்கு எதிரான இந்தச் செயல்களைத் தொடர்ந்து கண்டித்து அவருக்கு ஆதரவாகக் கருத்துகள் தெரிவித்துவருகிறேன். ஆனால் அவரது இந்த அறிக்கையை என்னால் ஏற்றுக்கொள்ள முடியவில்லை.

படைப்புகளைத் திரும்பப் பெற்றுக்கொள்கிறேன் எனச் சொல்லியிருக்கக் கூடாது. உறுதியாக இருந்திருக்க வேண்டும். எழுத்தாளனை மிரட்டிக் கையெழுத்து வாங்குவதற்கு அவர்கள் யார்? பெருமாள்முருகன் அதற்குச் சம்மதித்திருக்கக் கூடாது. இது அவரது தனிப்பட்ட முடிவுதான். என்றாலும் எழுத்தாள நண்பர்களுடன் கலந்து ஆலோசித்திருக்க வேண்டும்.

பாதுகாப்பு அச்சுறுத்தல் இருக்கும்பட்சத்தில் அவர் நீதிமன்றத்தை நாடியிருக்கலாம். மாறாகக் கையெழுத்துப் போட்டதில் எனக்கு உடன்பாடில்லை. ஆனால், அந்தச் சூழ்நிலையில் அவர் எந்த நெருக்கடியில் இருந்தார் எனத் தெரியவில்லை. இந்தச் சம்பவம், எழுத்தாளர்கள் அனைவரும் ஒரு குடையின் கீழ் கூட வேண்டும் என்பதை உணர்த்துகிறது.

திரும்பப் பெற்றுக்கொள்ளக்கூடியதல்ல

இரா. காமராசு, கலை இலக்கியப் பெருமன்றம்

ஓர் எழுத்தாளனின் உயிர் மூச்சு அவன் பிறந்து, வளர்ந்து, வாழ்ந்துவரும் மண். நீரைக் குடித்து, காற்றை சுவாசித்து உயிர் வாழ்வதைப் போல்தான் எழுத்தாளனுக்கும் அவன் மண்ணுக்குமான உறவு. மீனைத் தண்ணீரிலிருந்து எடுத்து வெளியே போட்டதுதான் பெருமாள் முருகன் விஷயத்தில் நடந்தது. தான் நேசித்த மண்ணையும் மக்களையும் பிரிவது, விலக்கிப் பார்ப்பது அவரால் முடியாத ஒன்று. இந்த ஆற்றாமைத் துயர்தான் தன்னைப் பொதுவெளியிலிருந்து அகற்றிக்கொள்ள அவரைத் தள்ளியிருக்கிறது. என்றாலும் இது தனியொரு பெருமாள்முருகனுக்கு நேர்ந்தல்ல. அவர் ஒரு குறியீடுதான்.

சாதீயத்தின் கொடூர முகத்தை இந்தச் சிக்கலும் உணர்த்திவிட்டது. தனியதிகாரமாக உருவெடுக்கும் மதமும் இணைந்துகொண்டதில் வியப்பில்லை. இன்று திருச்சங்கோடு. நாளை திருநெல்வேலியாக, தர்மபுரியாக, மதுரையாக மாற அதிக நேரம் பிடிக்காது. அது மட்டுமல்ல; இனி கதைகளில் வரும் எந்தவொரு தனிக் கதாபாத்திரத்தையும் யாரேனும் ஒருவர் உரிமை கொண்டாடலாம். தன் முகத்தைப் பொருத்தி, இழிவுபடுத்திவிட்டதாக அரிவாள் தூக்கலாம்.

எழுத்துக்கும், கருத்துக்கும் அரணாக இருக்க வேண்டிய அரசு, கட்டப் பஞ்சாயத்தில் இறங்குகிறது. இடதுசாரிக் கட்சிகள், இலக்கியவாதிகள், ஒரு சில தலைவர்கள், ஊடகங்கள் தவிர்த்துத் தமிழ்ச் சமூகம் வழக்கம்போல வாய்மூடி வேடிக்கை பார்க்கிறது. என்றாலும் நாள்தோறும் தமிழ்நாட்டின் பல இடங்களிலும் பெருமாள்முருகனுக்கு ஆதரவாகப் போராட்டங்கள் நடப்பது நம்பிக்கை தருகிறது.

பெருமாள்முருகனுக்கு ஒரு வேண்டுகோள். விலகும் முடிவை விலக்கிக்கொள்ளுங்கள். உங்களுக்காகக் குரல் கொடுக்கும் ஆயிரக்கணக்கான தமிழ் மக்களின் உணர்வில் கலந்து உறவாடுங்கள். உங்கள் எழுத்து திரும்பப் பெற்றுக்கொள்கிற, எரித்து அழித்துவிடுகிற எழுத்து அல்ல.

மனித உரிமை மீறல்

ச. பாலமுருகன், எழுத்தாளர், மக்கள் சிவில் உரிமைக் கழகம்

விரக்தி, பாதுகாப்பின்மை, அச்சுறுத்தல் போன்ற காரணங்களால்தான் பெருமாள் முருகன் இந்த முடிவை எடுத்திருக்கிறார் என்பதை உணர்ந்துகொள்ள முடிகிறது. ஆனால் இது சமூகம் மிக மோசமான பிற்போக்காக மாறிவருகிறது என்பதற்கான சாட்சி. சகிப்புத்தன்மையே இல்லாமல் ஆகிவிட்டது.

எல்லாமும் புனிதமாக மாற்றப்பட்டுவருகின்றன. சாதி, மத ஆதிக்கத்தால் பெருமாள் முருகனுக்கு இந்நிலை ஏற்பட்டுள்ளது. இதில் மோசமான விஷயம் என்னவென்றால் அரசும் இவர்களுடன் கூட்டுச் சேர்ந்துகொண்டுள்ளது என்பதுதான். இதில் பெருமாள் முருகன் என்பவர் ஒரு குறியீடுதான். அவர் எழுதுவதை நிறுத்திவிட்டால் திருச்செங்கோடு மக்களுக்குத்தான் பாதிப்பு. தன் எழுத்துகளின் மூலம் அவர் அந்தப் பகுதி மக்களின் வாழ்க்கையை வெளிப்படுத்திவருகிறார். இதை அந்த மக்கள் உணர வேண்டும்.

அரசியல் அமைப்புச் சட்டத்தைப் பாதுகாக்க வேண்டும் என்ற எண்ணம் ஆட்சியாளர்களுக்கு இல்லை என்பதையும் இந்தச் சம்பவம் வெளிப்படுத்துகிறது. மாவட்ட நிர்வாகத்தால் ஏற்பாடுசெய்யப்பட்ட அமைதிப் பேச்சுவார்த்தை என்பது கட்டாயப் பஞ்சாயத்துதான். அமைதிப் பேச்சுவார்த்தை என்ற பெயரில் எழுத்தாளரை மன்னிப்புக் கேட்கவைக்கும் அதிகாரத்தை மாவட்ட வருவாய் அதிகாரிக்குச் சட்டம் வழங்கவில்லை. இது 1948-ம் ஆண்டின் உலகளாவிய மனித உரிமைச் சட்டதை மீறக்கூடிய செயல்.

சாதி மறுப்புத் திருமணம் செய்துகொண்டவர் பெருமாள் முருகன். மேலும் கல்விக் கொள்ளை பற்றித் தொடர்ந்து எழுதிவருகிறார். இந்திய ஆட்சிப் பணித் துறை அதிகாரி சகாயத்தை ஆதரித்துப் புத்தகம் எழுதியுள்ளார். இந்து மத அவதூறுக்கு அப்பாற்பட்டு இந்த மூன்றும் பெருமாள் முருகன் மீதான எதிர்ப்புக்குப் பின்னாலுள்ள முக்கியக் காரணங்கள் என நினைக்கிறேன். பெருமாள்முருகன் விஷயத்தில் மாவட்ட நிர்வாகமும், காவல் துறையும் நடந்துகொண்டது முழுக்க முழுக்கச் சட்ட விரோதமானது.

சமூகத்தின் இழப்பு

ஜோதிமணி, எழுத்தாளர்

பெருமாள்முருகனுக்கு நேர்ந்த இந்தச் சம்பவம் மிகத் துரதிர்ஷ்டவசமானது. தமிழ்நாட்டில் பாசிசம் நுழைவதற்கான அறிகுறியாக இதைப் பார்க்கிறேன். அரசியல் உள்நோக்கத்துடன் முன்னெடுக்கப்பட்ட எதிர்ப்பு இது.

ஒரு நாவலின் இரண்டே இரண்டு பக்கங்களைப் பிரதி எடுத்துக்கொண்டு தெருத் தெருவாகப் பிரச்சாரம் செய்திருக்கிறார்கள். மொத்த நாவலும் குழந்தை இல்லாத பெண்ணின், ஒரு குடும்பத்தின் வலியைப் பேசுகிறது. ஆனால் இந்த நாவலைப் பெண்களுக்கு எதிரானதாகச் சொல்கிறார்கள்.

எழுத்தாளர் என்ற முறையில் பெருமாள்முருகன் திரும்ப எழுத வேண்டும் என்றுதான் நினைக்கிறேன். பெருமாள் முருகனுக்குத் தமிழக அளவில் மிகப் பெரிய ஆதரவு திரண்டது உண்மைதான். ஆனால் அவை எல்லாமும் கருத்து ரீதியான ஆதரவுதான். களத்தில் வந்த மிரட்டல்களை அவர் தனியாகத்தான் எதிர்கொண்டார். கண்டன அறிக்கைகள் மட்டும் அவரைக் காப்பாற்றாது. கள ஆதரவு வேண்டும்.

இது தமிழ் எழுத்தாளர்கள் மட்டும் முன்னெடுக்க வேண்டிய போராட்டம் அல்ல. அரசியல் கட்சிகள் அனைத்தும் ஒன்றிணைந்து போராட வேண்டும்.

இன்றைய தமிழ்ச் சூழலில் எழுத்தாளனாக இயங்குவதே ஒரு பெரிய சமூகச் செயல்பாடுதான். எந்த அங்கீகாரமும் இல்லாமல் இயங்க வேண்டிய சூழலில்தான் எழுத வேண்டியதுள்ளது. அந்த வகையில் இந்த இழப்பு பெருமாள் முருகனுக்கானதுதல்ல; சமூகத்துக்கானது. குறிப்பாக கொங்கு மண்ணுக்கானது. ஏனெனில் பெருமாள்முருகன், கொங்கு நாட்டுச் சொல்லகராதி, கொங்கு நாட்டு வரலாறு, கொங்குச் சிறுகதைகள் எனப் பல பங்களிப்புகளைக் கொங்குப் பகுதிக்காகத் தந்துள்ளார்.

நியாயங்களின் வலிமைதான் என்ன?

ப்ரேமா ரேவதி, எழுத்தாளர்

நியாயங்களைப் பேசுவதற்கான களம் அல்ல இது. திரை மறைவில் யாரோ தூண்டிவிட, சில நபர்கள் தொடங்க, ஊர் பிரச்சினை என்ற பெயரால் பலர் ஆதரிக்க, பழுதுற்ற அரசு இயந்திரத்தால் சட்டம் ஒழுங்குப் பிரச்சினை எனப் பெயரிடப்பட்டு, ஊதி ஊதிப் பெரிதாக்கப்பட்ட பிரச்சினை இது. கற்பனையின் குதிரையில் ஏறி தான் பிறந்த சாதி, தான் வாழ்ந்த தெரு, தான் உண்ட உணவு என்பவற்றை மட்டுமே வலம் வரும் பல எழுத்தாளர்களைப் போலல்லாமல் தன் பிறப்பு தனக்கு அளித்த வட்டங்களைத் தாண்ட முயன்றவர் பெருமாள்முருகன்.

அதற்கான பயணத்தைத் தொடர்ந்து மேற்கொண்டவர். அவரைச் சுயகொலை செய்துகொள்ள வைத்து, அதையும் அவரையே அறிவிக்கச் செய்துள்ளது இந்தப் பொல்லாமை. சாதியின் தூய்மையை மதம் காப்பாற்றும், மதத்தின் குடையின் கீழ் சாதிப் புத்தி புனிதம்பெறும் படுகளம் இது.

எழுதுகோலும் சொற்களுமே சொத்தென்று வாழ்வோர் அறத்தின் பக்கம் நின்று நியாயங்களை மட்டுமே பேச முடியும். நாவலை வாசிக்காமல் பெண்களின் மானத்தை நிலுவையில் வைத்து வன்முறைகளை ஏவிவிடுவோம் எனப் போரிடும்போது நியாயங்களின் வலிமைதான் என்ன?

ஒரு நாவல் வாய்மொழி வழக்காறுகளின் ஊடாய் ஒரு கற்பனையான கதையை முன்வைத்தால் தம் பெண்களின் மானம் கலைந்துவிடும் எனக் களம் காண்கின்றனர், சாதித் தலைவர்களும், மதப் புனிதர்களும், இவர்களுடன் இணைக்கப்பட்ட சாமானிய பக்தர்களும். முச்சந்தியில் நிற்கவைக்கப்பட்டிருப்பது எழுத்துச் சுதந்திரமும் கருத்துச் சுதந்திரமும் மட்டுமல்ல. பெண்களின் உடல் மீது ஆண்டாண்டு காலமாய் வன்முறையாய்த் தன் அதிகாரத்தை நிலைநாட்டிவரும் ஒரு சமூகத்தின் கோர முகமும்தான்.

வாசக எதிர்வினைகள்

எழுத்துச் சுதந்திரம் கேலிக்கூத்தாகிவிட்டது..

கருத்துரிமை எழுத்தாளர்களுக்கு மட்டும் தானா? அந்த கருத்துரிமை அடுத்தவங்க உரிமை அல்லது நம்பிக்கையை கீழ்த்தரமாக நினைக்க கூடாது. இந்தமாதிரி எழுத்தாளர்களை சப்போர்ட் செய்வதற்கும் ஒரு கூட்டம் இருக்கிறது. எழுத்து சுதந்திரம் ஒரு கேலிக் கூத்தாகி விட்டது.

கணேசன்.வி - இணையம் வழியாக

போராடித்தான் ஆக வேண்டும்

ஒரு நாவல் என்பது முழுமையாகப் படைப்பாளனின் கற்பனை சார்ந்தது. அதில் வரலாற்றின் சாரல்களும் பண்பாட்டின் துளிகளும் கலப்பது என்பது அப்படைப்பின் தேவையையும் படைப்பாளியின் திறமையையும் பொறுத்தது. ஒரு படைப்பாளன் தனக்குள்ள கருத்துச் சுதந்திரத்தின் எல்லைக்குள் இருந்துதான் செயல்படுகிறான், செயல்பட வேண்டும். இந்தக் கருத்துச் சுதந்திரம் என்பது இந்திய தண்டனைச் சட்டம் பிரிவு 499, 500 மற்றும் 501க்குள் வரையறுக்கப்பட்டபடி பிற மனிதனின் சுதந்திரத்தை, உணர்வுகளை, நற்பெயரைப் பாதிக்காதவாறு இருக்க வேண்டும்.

அப்படிப் பாதிக்காத பட்சத்தில், தனது எழுத்து ஒரு பிரச்சினையாக உருமாறும்போது அது தனக்குள்ள கருத்துச் சுதந்திரத்தின் எல்லையை மீறவில்லை என்பதை அவ்வெழுத்தாளன்தான் நிலைநிறுத்த வேண்டும். அதற்காகப் போராடித்தான் ஆக வேண்டும் என்றால் போராடித்தான் ஆக வேண்டும். அதை விடுத்து, எழுதுவதை விட்டு, ஊரை விட்டு, விலகிச் செல்வது என்பது வருந்தத் தக்கது.

அவரது படைப்பு, அது ஏற்படுத்திய எதிர்ப்புணர்வுகள், அதன் பின்விளைவுகள் இவையெல்லாம் சட்டத்துக்கு உட்பட்டதுதானா என்பது அனைவருக்கும் தெரிய வேண்டும்.

- எம்.எஸ். சௌந்தரராஜன், கோவை.

கலைஞனைச் சிதைத்த குற்றவாளிகள்

ஒட்டுமொத்த தமிழ்ச் சமூகமும் வெட்கப்பட வேண்டிய, விரக்தியடையக்கூடிய ஒரு சமூக, கலாசார, அரசியல் சூழலில் இருப்பது கோபத்தையும் பதற்றத்தையும் ஏற்படுத்துகிறது. ஒரு கலைஞனைச் சிதைத்த குற்றவாளிகளாக எண்ண வைக்கிறது. பெருமாள் முருகனை மறுபடியும் உயிர்த்தெழச் செய்வது நாம் அவருக்குத் தெரிவிக்கும் ஒட்டுமொத்த ஆதரவால் மட்டுமே சாத்தியம்.

- எம். நாராயணன், மதுரை.

முற்போக்குத்தனமா? பிற்போக்குத்தனமா?

இன்றளவும் பெயர், இடம் மாறாமல் உள்ள, மிகப் பிரபலமான ஒரு கோவில். அதில் இன்றளவும் தொடரும் ஒரு பண்டிகை. அதில் காலம் காலமாய், இன்றளவும் பங்கெடுக்கும் ஒரு முக்கிய சாதியினர்.. இவ்வளவையும் தெளிவாக விவரித்து.. படிக்கும் வாசகர்.. இடம் மற்றும் நிகழ்வுகளோடு வெகு சுலபமாக தன்னை ஐக்கியப்படுத்திக் கொண்ட பிறகு.. ஒரு அடிப்படை ஆதாரமற்ற செய்தியை இந்து பெண்களின் கற்புடன் சம்பந்தப்படுத்தி அல்லது களங்கப்படுத்தி எழுதினால் எப்படி ஏற்றுக்கொள்ள முடியும். தவிர முற்போக்கு எழுத்தாளர்கள் என்கின்ற போர்வையில் சிலர் இப்படிப்பட்ட கருத்துக்களை சமூகத்தில் விதைக்க முற்படுவது முற்போக்குத்தனமா? பிற்போக்குத்தனமா?

ராமகிருஷ்ணன் - இணையம் வழியாக

துன்பியல் முடிவு

பெருமாள் முருகன் ‘இலக்கியத் துறவை’த் தெரிவு செய்தது, ஒரு துன்பியல் முடிவு. விவாதத்துக்குரிய பிரச்சினைகளைத் தொடும்போது, எழுத்தாளன், விமர்சனங்களை எதிர்கொள்ளும் தார்மிக ஆளுமையையும் தற்சார்பையும் பெற்றிருக்க வேண்டியது அவசியம் என்பது புலப்படுகிறது.

பக்க பலமும் பாதுகாப்பும் இல்லாத சூழலில், தனிமனிதனாக, குடும்ப மனிதனாக, அவர் எடுத்துள்ள நிலைப்பாடு, அவரைப் பொறுத்தமட்டில் தவிர்க்க முடியாததாக இருக்கலாம். தன்னைத் தனிமைப்படுத்திக் கொள்ளும் முடிவுகளை அறிவிக்கும் அவரின் ஒவ்வொரு எழுத்திலும் விவரிக்க முடியாத வலியும் ஆற்ற முடியாத வெறுமையும் அமைதியாகக் குமுறுகின்றன. கருத்துச் சுதந்தரத்தை வன்முறை மூலம் தனது கட்டுப்பாட்டுக்குள் கொண்டுவர எண்ணும் ஒரு கூட்டம், திட்டமிட்டு முன்னோட்டம் பார்த்திருக்கிறது.

- நந்தா, போடிநாயக்கனூர்.

செத்தது எழுத்துரிமை

எழுத்தாளன் செத்துவிட்டான் என்பதைவிட எழுத்துரிமை, பேச்சுரிமையும் செத்துவிட்டதாக, மன்னிக்கவும் கொலை செய்யப்பட்டுவிட்டதாகவே உணர்கிறேன். நாவல் வெளிவந்து நான்கு ஆண்டுகள் ஆகிவிட்டன. இரண்டு பதிப்புகள் வெளிவந்து ஆயிரக் கணக்கானவர்கள் படித்துப் பாராட்டியது மட்டுமின்றி ஆங்கிலத்திலும் மொழிபெயர்க்கப்பட்டு உலகம் முழுவதும் செல்லத் தொடங்கிய பிறகு இப்போது அதைக் கொலை செய்து பிரேதப் பரிசோதனை இல்லாமல் சவ அடக்கம் செய்யத் துடிக்கிறார்கள். இதை அனுமதித்தால் இன்னும் பல ஆண்டுகளுக்கு முன்பு வந்த கவிதைகள், கட்டுரைகள், நாவல்கள், சிறுதைகள் அனைத்தையும் தேடி எடுத்து அவற்றையும் அதனை ஆக்கியவர்களையும் இல்லாமல் செய்துவிட முனைவார்கள்.

- லட்சுமிராயன், திருப்பூர்.

மீண்டும் வருக

பெருமாள்முருகன் எடுத்துள்ள இறுதியான முடிவு மிகவும் வேதனையளிக்கிறது. நமது ஜனநாயக நாட்டில் கருத்துச் சுதந்திரத்துக்கு இடமில்லை எனில் நாம் பெருமைப்பட என்ன இருக்கிறது. அவருக்கு எதிரான வன்முறைப் போராட்டங்களுக்குத் தமிழகத்தின் அரசியல் தலைவர்கள் வாய் மூடி மௌனம் சாதித்தது ஏன்? பெருமாள்முருகன் இதுபோன்ற சலசலப்புகளுக்கு அஞ்சாமல் தொடர்ந்து தனது எழுத்துப் பணியினைச் செய்ய வேண்டும்.

- என்.கே. ராஜா, சென்னை.

உசுப்பேற்றக் கூடாது

எழுத்தாளனின் ஒவ்வொரு எழுத்தும் ஒரு சமூகத்தை உருவாக்க வேண்டுமே தவிர உசுப்பேற்றும் வகையில் அமைந்து விடக்கூடாது. ‘தி இந்து’ கருத்து களத்தில் எனது எத்தனையோ பதிவுகள் இடம் பெறவில்லை.. காரணம் எனக்கே தெரியும்.. பிறர் மனது துன்புறும் என்பதனால் தானே? காரணம் தெரிந்ததால் அதற்காக நான் வருந்தவில்லை. இந்த அளவுகோல் எழுத்தாளருக்கும் பொருந்தும் என நினைக்கிறேன்.

கீழை ஜஹாங்கீர் - இணையம் வழியாகthanks  -the  hindu

திருச்செங்கோடு-தேவதாசி முறை-சர்ச்சையில் பெருமாள்முருகன். -ன் ‘மாதொருபாகன்’ நாவல்

• 
• 

தமிழ் அறிவுலகின் வருடாந்திரக் கொண்டாட்டம் சென்னையில் தொடங்கிய அதே நாளில், தமிழ் அறிவுலகில் அந்தக் கொடுமை நிகழ்ந்திருக்கிறது: தான் நேசித்த சொந்த ஊரான திருச்செங்கோட்டிலிருந்து தொடர் நிர்ப்பந்தங்களின் விளைவாக வெளியேற்றப்பட்டிருக்கிறார் எழுத்தாளர் பெருமாள்முருகன்.

திருச்செங்கோட்டில் நேற்று முழுக் கடையடைப்பு நடத்தப்பட்டிருக்கிறது. நீதிமன்றப் புறக்கணிப்பும் நடந்திருக்கிறது. ஆனால், இவற்றுக்கெல்லாம் காவல் துறையினரின் அனுமதி அல்ல; அவர்களுக்குத் தகவல் அளிக்கப்பட்டதாகக்கூடத் தெரியவில்லை. இன்னும் ஆச்சரியம் என்னவென்றால், இதை முன்னின்று ‘வெற்றி கரமாக’ நடத்திய அமைப்பு எதுவென்றுகூட ‘யாருக்கும்’ தெரியாது. ஆனால், ‘அந்த அமைப்பு’ ஒவ்வொரு நாளும் கூடுகிறது. மண்டபங்களில் பகிரங்கமாகக் கூடி ஆலோசனைக் கூட்டம் நடத்துகிறது.

பொது இடங்களில் சுவரொட்டிகள் அடித்து ஒட்டுகிறது. வீதி வீதியாக வீடுகளில், கடைகளில், அலுவலகங்களில் துண்டுப் பிரசுரங்களை விநியோகிக்கிறது. சமூக வலைதளங்களில் ‘பெருமாள்முருகன் எதிர்ப்பு இயக்கம்’ (https://www.facebook.com/protestperumalmugan) நடத்துகிறது. எந்தக் கோரிக்கையையும் முன்வைக்காமல், ஓர் எழுத்தாளரை அவருடைய எழுத்துகளை முன்வைத்து ஓட ஓடத் துரத்துகிறது. வெறுப்பைக் கக்கி வேட்டையாடத் துடிக்கிறது.

எங்கே இருக்கிறோம்?

நாம் தமிழ்நாட்டில்தான் இருக்கிறோமா? ஆம், தமிழ்நாட்டில்தான் இருக்கிறோம். இதெல்லாம் திருச்செங் கோட்டில்தான் நடக்கிறதா? ஆம். திருச்செங்கோட்டில்தான் நடக்கிறது. ஈரோட்டிலிருந்து கூப்பிடு தொலைவில் உள்ள திருச்செங்கோட்டில்தான் நடக்கிறது. இந்தியாவின் பெருமைக்குரிய சுதந்திரக் கருத்தாளர்களில் ஒருவரான பெரியாரின் களங்களில் ஒன்றான திருச்செங்கோட்டில்தான் நடக்கிறது. திராவிட இயக்கத் தளகர்த்தர்கள்

என்.பி. நடேசனும் சங்கரலிங்கமும் ‘பெரியார் நகர்’ அமைத்த தி.ரா.சு. மணியனும் இருந்த திருச்செங்கோட்டில்தான் நடக்கிறது. இந்தி ஆதிக்கத்தை எதிர்த்து, தாய்மொழி காக்க மொழிப் போராட்டத்தில் மாணவர்களை உயிர் பலி கொடுத்த திருச்செங்கோட்டில்தான் நடக்கிறது. ஆம், இன்றைக்குத் தமிழகத்தில் பாசிஸத்தின் பரிசோதனைக் களமாகியிருக்கிறது திருச்செங்கோடு.

முகமற்றவர்களின் அதிகாரம்

யார் இந்தப் பரிசோதனையை நடத்துகிறார்கள்? வெளியே பெயரை அறிவித்துக்கொள்ளத் துணிவில்லாத ‘அடிப்படை வாத சக்திகள்’ இதன் பின்னே கைகோத்திருப்பதாகச் சொல்கிறார்கள் திருச்செங்கோடு மக்கள். இதைத் தாண்டி கவனிக்க வேண்டிய இன்னொரு அபாயகரமான விஷயத்தையும் அவர்கள் சுட்டிக்காட்டுகிறார்கள்: இங்கே ‘அடிப்படைவாத சக்தி’யாக உருவெடுத்திருப்பது இந்துத்துவ-சாதிய சக்திகளின் கலவை. மிக நுட்பமாக, முதலில் ஒவ்வொருவரிடமும் இயல்பாக சொந்த ஊர் மீது இருக்கும் நேசத்தைக் குறிவைத்துப் பேச ஆரம்பிக்கிறார்கள். பிறகு, மத உணர்வைத் தூண்டுகிறார்கள். கடைசியாக, சாதிய உணர்வைக் கைப்பற்றுகிறார்கள் என்கிறார்கள் திருச்செங்கோட்டு மக்கள்.

ஒரு படைப்பாளியின் வேலை சமூகம் நம்பிக் கொண்டிருக்கும்/ மெச்சிக்கொண்டிருக்கும் ஆகிவந்த பெருமிதங்களுக்கும் நம்பிக்கைகளுக்கும் சந்தனம் பூசுவது அல்ல. அடிப்படையிலேயே, இயல்பிலேயே படைப்பாளி என்பவர் ஒரு கலகக்காரர். ஒரு சமூகம் எழுப்பி யிருக்கும் அதிகார / புனிதப் பிம்பங்கள் மீது அவர் தன் கருத்துகள் மூலம் உருவாக்கும் மோதல்களினாலேயே அவர் படைப்பாளி ஆகிறார். அந்தச் சமூகத்தை அவர் அடுத்த தளத்துக்குத் தள்ளுகிறார். அதனால்தான் அவரைப் படைப்பாளி என்று கொண்டாடுகிறோம்.

இதுதான் நம் எதிர்வினையா?

பெருமாள்முருகனின் சர்ச்சைக்குரிய ‘மாதொருபாகன்’ நாவல் ஒரு சிறந்த இலக்கியப் படைப்பா, இல்லையா; அதில் அவர் வரலாற்றையும் புனைவையும் கையாண்டிருக்கும் விதம் சரியானதா, தவறானதா எனும் விவாதங்களெல்லாம் ஒருபுறம் இருக்கட்டும். தமிழகத்தில் ஒரு எழுத்தாளர் ஒரு நாவல் எழுதுகிறார்; அவர் எழுதியிருக்கும் சில விஷயங்கள் நமக்கு உடன்பாடானதாக இல்லை; அதற்கு நாம் வெளிப்படுத்தும் எதிர்வினை என்ன? அந்தப் புத்தகத்தை எரித்து, அந்த எழுத்தாளருக்கு எதிராக வெறுப்பை உமிழ்ந்து, துவேஷப் பிரச்சாரங்களில் ஈடுபட்டு, மிரட்டி ஊரை விட்டுத் துரத்துவதா?

இங்கே கவனிக்க வேண்டிய மிக நுட்பமான விஷயம், எதிர்ப்பாளர்கள் தங்கள் நோக்கம்/ கோரிக்கை என்ன வென்று இதுவரை எங்கும் வெளிப்படுத்தவில்லை என்பது தான். “பேச்சுவார்த்தைக்கு அழைத்தோம், அவர்கள் வரவில்லை” என்று கூறுகிறார் நாமக்கல் மாவட்டக் காவல் கண்காணிப்பாளர்.

ஒரு தவறான முன்னுதாரணம் என்றாலும்கூட, எழுத்தாளர் பெருமாள்முருகன் தானாக முன்வந்து, செய்யாத தவறுக்கு வருத்தம் தெரிவித்திருப்பதோடு, அடுத்த பதிப்பில் எதிர்ப்பாளர்களுக்குச் சங்கடம் தரும் விஷயங்களைத் தவிர்ப்பதாகத் தெரிவித்திருக்கிறார். அப்படியும் ஆத்திரம் அடங்கவில்லை என்றால், அவர்களுடைய நோக்கம்தான் என்ன?

தமிழக வரலாற்றிலேயே இதுவரை நடந்திராத ஒரு அக்கிரமம் இப்போது நடக்கிறது. ஒரு வாரம் தாண்டி இந்த விவகாரம் தீப்பற்றி எரிகிறது. ஊடகங்கள் தொடர்ந்து எழுதுகின்றன. ஆனால், தமிழகத்தின் அரசியல் இயக்கங்கள் இதுபற்றி அணுவளவும் கவலைப்பட்டதாகத் தெரியவில்லை. நாம் இருப்பது தமிழகத்தில். இந்த தேசத்தின் மதிப்புமிக்க ஜனநாயகக் களமான தமிழகத்தில்... உணர்கிறோமா?

- சமஸ், தொடர்புக்கு: [email protected]

Keywords: திருச்செங்கோடு, மாதொரு பாகன், பெருமாள் முருகன் எதிர்ப்பு, நாவல் எதிர்ப்பு

 

 

thanx - the hindi

 

• K.Palanivel  

  அக்காலத்தில் திருசெங்கோட்டிலே தேவதாசி முறை அமுலில் ஈ.வே.ரா காலத்தில் இருந்தபோது அக்கொடிய சமூகசீர்கேட்டை அவர் எப்போதாவது எதிர்த்து பேசியோ போராடியோ இருக்கிறாரா?

  Points

  1545

  about 2 hours ago ·   (0) ·   (0) ·  reply (0) · 

     
• Pugazh  

  ஒவ்வொருவருக்கும் தங்கள் எதிர்ப்பை தெரிவிக்க உரிமை இருக்கு ..

  about 3 hours ago ·   (2) ·   (0) ·  reply (0) · 
• Thandapani  

  ஒருவன் நான் ஹிந்துன்னு சொன்ன மட்டும் தான் உங்களோட சகிப்பு தன்மை கெட்டுவிடும் என்று பேசுவது எந்த விடத்தில் நியாயமோ. மத்த மதத்துகாரன் பேசும் பொது எங்க போறீங்க நீங்கெல்லாம்

  Points

  215

  about 4 hours ago ·   (8) ·   (0) ·  reply (0) · 
• Dilli Babu  

  பாஜகவும் ,தாலிபனும் ஒரே குட்டையில் ஊறிய இரு மட்டைகள். இவர்கள் மேலும், மேலும் மக்களிடையே பிரிவினையை ஏற்படுத்தி கொண்டே இருப்பார்கள்.குழம்பிய குட்டையில் மீன் பிடிப்பதுதான் இவர்கள் தொழில்..

  Points

  3075

  about 4 hours ago ·   (1) ·   (5) ·  reply (0) · 
• bcd  

  ஒரு மிக கட்டுப்பாடான சமூகம், ஒரு இக்கட்டான பிரச்சனைக்காக தன்னை எவ்வளவு நாசூக்காக தளர்த்திக் கொள்கிறது என்று இந்த நாவலின் மூலம் வியந்தேன். இன்று நவீன மருத்துவத்தில் லட்சலட்சமாக பிடிங்கிக்கொண்டு கிட்டத்தட்ட இதே தானே நடக்கிறது. காசு பணம் இருந்தால் எல்லாமே நியாயம். தனது ஒரு பாகம் பெண்ணானவை அசிங்கமாக திட்டலாம், தெய்வமாக கொண்டாடலாம். அதுதானே திருச்செங்கோட்டின் பெருமை. இந்த திருச்செங்கோடு இருக்கும் நாமக்கல் மாவட்டம் இந்தியாவிலேயே அதிகமாக எயிடசால் பாதிக்க்ப்பட்ட மாவட்டமாக அறியப்பட்ட போது என்ன கடையடைப்பு நடந்தது? அப்போதெல்லாம் கெடாத பெயர், கல்வி என்ற பெயறில் தமிழ்நாட்டில் அதிகமாக கொள்ளை அடிக்கும் பள்ளிகள் என்பதில் கெடாத பெயர், இந்த யாரும் கண்டுகொள்ளாத புத்தகத்தால் கெட்டு விட்டதாம். மக்களே ஒரு அறிவார்ந்த சமூகமாக இருப்பதா இல்லை மூளையும், அன்பும் இல்லாத காட்டுமிராண்டிகளாக இந்த மத இன சக்திகளாக இருப்பதா என முடிவு செய்யுங்கள்

  about 5 hours ago ·   (6) ·   (0) ·  reply (0) · 
• uduman  

  மதவாதிகள் தங்கள் திட்டத்தை இது போன்ற முறையில் நடைமுறை படுத்துகிறார்கள். அதற்கு நாம் இடம் அளிக்க கூடாது.

  Points

  510

  about 5 hours ago ·   (1) ·   (0) ·  reply (0) · 
• Nathan  

  இப்ப தான் தமிழனத்தை ஒரு குரூப் மொழி , சினிமா ,சாதியை வைத்து கொள்ளை அடித்து கொண்டு இருக்கிறது..இப்ப புதுசா ஒரு குரூப் மதத்தின் பேரால் கொள்ளை அடிக்க முயற்சி செய்து வருகிறது போலும்..போதும்டா சாமி , நாங்க தாங்கமுடியல

  Points

  840

  about 10 hours ago ·   (2) ·   (0) ·  reply (0) · 
• tknithi  

  முப்பெரும் மதங்கள் தோற்றுவித்த இந்தியருக்கு அவ்வளவு எழிதாக மதம் இறங்கி விடுமா என்ன?

  Points

  10195

  about 11 hours ago ·   (0) ·   (0) ·  reply (0) · 
• Navaneethan rA The Idiot Prince 

  As Samas has rightly pointed out , Thiruchengode slowly turning into a breeding ground for Fascist forces in Tamilnadu :(

  about 13 hours ago ·   (0) ·   (0) ·  reply (0) · 
• Sevvel  

  கருத்துரிமை காவலர்கள் என்ற பேரில் பெருமாள் முருகனின் ஆபாச கருத்துகளுக்கு வக்காலத்து வாங்கும் முற்போக்கு கம்யூனிஸ்ட்கள் தான் அருண் ஷோரி எழுதிய "Worshipping False Gods" புத்தகத்தையும் எதிர்த்தார்கள். சாகித்ய அகாடமி விருதுபெற்ற எழுத்தாளர் ஜோ டீ குரூஸ் எழுதிய ஆழி சூழ் உலகு புத்தகம் ஆங்கிலத்தில் பதிவாவதை தடுத்தார்கள். அதேபோல ஹிந்துத்வ குரூப்பில் சிலரகளும் பெ.முருகனுக்கு வக்காலத்து வாங்குகின்றனர். இதே ஹிந்து அமைப்புகள் தான் வெண்டி தோனிங்கர் எழுதிய ஹிந்துயிசம் என்ற புஸ்தகத்தை தடை செய்ய போராடி வெற்றி பெற்றனர். அண்ணாதுரையின் ஆரிய மாயை, புலவர் குழந்தையின் ராவண காவியம், தெய்வநாயத்தின் விவிலியம் திருக்குறள் சைவ சித்தாந்தம் ஒரு ஒப்பாய்வு புஸ்தகம், ஆண்டாளை கேவலப்படுத்திய புஸ்தகம் போன்றவற்றை எதிர்த்தனர். இவர்களுக்கெல்லாம் ஒரு நியாயம் திருசெங்கோட்டு மக்களுக்கு ஒரு நியாயமா?? இன்னும் சிலர் குழந்தைத் தனமாக புத்தகத்தை எரிப்பது சரஸ்வதியை அவமதிப்பது என்கிறார்கள். அவர்களுக்கு சில செக்ஸ் புத்தகன்லை அனுப்பி வைக்க வேண்டும், பார்ப்போம் சரஸ்வதி பூஜையில் அவற்றை வைத்து பூஜிப்பார்களா என்று!

  about 14 hours ago ·   (3) ·   (2) ·  reply (0) · 
• Venkatesan  

  இவரு என்ன இதுக்கு முன்னாடி தமிழ் நாடு அப்பாடக்கரா இருந்த மாதிரி பேசறாரு? தருமபுரில குடியிருக்குற குடிசைகளை எரிச்ச நாடு தானே இது?

  Points

  140

  about 14 hours ago ·   (1) ·   (0) ·  reply (0) · 
• SAK  

  இந்த புத்தகம் வெளிவந்து நான்கு வருடங்கள் ஆகிறது. நான்கு ஆண்டுகளாக போகாத மானம் இப்போது போய்விட்டதாக சொல்லும் இந்த அதி புத்திசாலிகளை நினைத்தால் பெருமையாக இருக்கிறது!!!!!

  Points

  2475

  about 16 hours ago ·   (0) ·   (0) ·  reply (0) · 
• T V  

  ஒரு காலத்தில் திருச்சி ராம்ஜி நகர் பகுதியில் வசிப்பவர்களுக்கு நன்கு தெரியும் . இந்தியாவில் எங்காவது பெரிய கொள்ளை நடந்தால் காவல் துறை இந்த பகுதிக்கு விரைவு என செய்திதாள்களில் செய்தி பதிவாகும் . அதற்காக எங்கள் ஊர் பெயர் கெடுகிறதே என்று எவரும் காவல் துறையை எதிர்த்து பந்து நடத்தவில்லை . பாரிசில் நடந்த தாக்குதலை விட கேவலாமான தாக்குதல் திருசெங்கோடு மீது நடத்தப்பட்டு இருக்கிறது . திருசெங்கோடு என்ன ஹிந்து மதத்தின் மெக்காவா அல்லது ஜெருசலமா. அல்லது ஒட்டுமொத்த ஹிந்து மதத்தின் மொத்த குத்தகை காரர்களா ? மதம் சொல்வதை கேட்பதற்கும் நடைமுறை படுத்துவதற்கும் எந்த ஏற்பாடும் கிடையாது இவர்கள் தான் மதத்தை காப்ற்ற கிளம்பி யுள்ளனர் . மிரட்டல் மூலம் கடையடைப்பு செய்து விட்டு ஊரின் கௌரவத்தை குறைத்துள்ளனர் . போஸ்டரில் பெயர் கூட போட துணிவிலாத இவர்கள் கோழைகள் .சாதி அரசியல் மூலம் மத அரசியலுக்கு விசா கொடுத்துள்ளார்கள் . கோழி பண்ணைகள் போல் கல்வி நிலையங்கள் திறக்கப்பட்டு கல்வி என்ற பெயரில் பெற்றோர்கள் கொள்ளை அடிக்கபடுகிறார்களே இதை பற்றி எல்லா ஊடகங்களும் செய்தி வெளியிட்டு உள்ளதே அது இவர்களுக்கு வலி ஏற்படுத்தாதா ?

  Points

  18305

  about 17 hours ago ·   (28) ·   (15) ·  reply (0) · 
• Bhagyalakshmisrinivasan  

  சமஸ், எந்த புறமும் சாயாமல் பொதுவான ஒரு கருத்தை நான் சொல்ல விழைகிறேன். இந்தக் கட்டுரையைப் படித்த என் வெளி நாட்டு நண்பர்கள் சிலர் அந்தப் புத்தகம், பெயர் என்ன..?'(மாதொரு பாகனா?) வாங்கிப் படிக்க விருப்பப்படுகிறார்கள்!

  Points

  1275

  about 17 hours ago ·   (13) ·   (2) ·  reply (0) · 
• கிரிஷ்  

  இந்திய தலிபான்களின் அராஜகம் நாளுக்கு நாள் பெறுகிறது. பெருமாள் முருகன் ஒரு கட்டுரை எழுதி கருத்துக்களை தெரிவித்திருந்தால் அதற்கு எதிர் கருத்துக்களை தெரிவிப்பது நியாயம். ஒரு புனைவிற்கு எதிர்ப்பு தெரிவிப்பது அறியாமை. இந்திர விழா போன்ற நிகழ்வுகள் மகாபாரதம் தொட்டு பல நூல்களில் இந்திய பேரு நிலத்தில் நடந்ததாக கூறபடுகிறது. எல்லா இலக்கியங்களையும் தடை செய்ய வேண்டுமா?

  Points

  350

  about 18 hours ago ·   (15) ·   (4) ·  reply (0) · 
• jay  

  whatever it is, it's good for Tamils to stay away from Hindutva groups...they would try to behave favors to local city or language or people, but they would show their real face after getting power....

  Points

  115

  about 19 hours ago ·   (16) ·   (5) ·  reply (0) · 
• s.leelavathy  

  முன்பொரு தொடர்கதைக்கு, "குமுதம்" பத்திரிகை இதுபோன்று நிலையில், அந்த கதையை நிறுத்திவிட்டது ஏன் ?

  Points

  1935

  about 20 hours ago ·   (4) ·   (0) ·  reply (0) · 
• Mohankumar.T  

  Is it possible for a writer to write anything apart from Hinduism also. Please justify about journalism and a term so called 'Nathigam' - against to what?

  about 20 hours ago ·   (12) ·   (10) ·  reply (0) · 
• venkatesan  

  நீங்கள் அந்த ஊரில் பிறந்து இருந்தால் வலி புரிந்து இருக்கும் .எதிர்ப்பாளர்களுக்கும் பேச்சுஉரிமை இருக்கு சார் .

  about 20 hours ago ·   (31) ·   (28) ·  reply (1) · 

  • விமலா  

    பேசட்டும்- பதில் எழுதட்டும்- அதோடு நிறுத்தி கொள்வது தானே அழகு-

    about 20 hours ago ·   (21) ·   (11) ·  reply (0) · 
• suresh pillai  

  ஹிந்துக்கள், நாங்க அமைதியான முறையில் பந்த் நடத்துறோம் .... சார்லி ஹெப்டோ பத்திரிகை ஆபீசில் கொலை பண்ணுறாங்களே ...அதுக்கு என்ன சொல்லுறீங்க ..ஹிந்துக்கள் மட்டும் இளிச்ச வாயர்களா

  Points

  1480

  about 21 hours ago ·   (258) ·   (28) ·  reply (2) · 

  • T V  

    நீங்கள் செய்வது தாலிபன்கள் செய்ததை விட கேவலமானது. பெயரை கூட மறைத்து அராஜகம் நடத்தும் கோழைகள் . நீங்கள் எந்த எல்லைக்கும் போக கூடியவர்கள் . ஹிந்துக்கள் ஹிந்துக்கள் என்று ஏலம் போடும் நீங்கள் அடிமட்டத்தில் கிடக்கும் ஹிந்துக்களை பற்றி என்றாவது கவலை பட்டது உண்டா ? சனா தானிகளுக்கு வால் பிடிக்கும் நீங்கள் காப்பாற்றும் நிலையில் ஹிந்து மதம் அவ்வளவு பலகீன்பட்டு இல்லை . முதலில் ஊர் வெறி பின்னர் சாதி வெறி பின்னர் மத வெறி என திட்டமிடும் நீங்கள் மனித குலத்திற்கு எதிரான தாலிபன் வகையை சேர்ந்தவர்கள் .சார்லி ஹெப்டே தாக்குதல் பற்றி பேச இன்னொரு தாலிபன்களுக்கு அருகதை மட்டும் அல்ல உரிமையும் கிடையாது

    about 18 hours ago ·   (37) ·   (100) ·  reply (0) · 
  • VelPandi  

    இப்படி பேசினால் நீங்கள் முத்திரை குத்தப்படுவீர்கள் ஹிந்து மத வெறியன், மத சார்புள்ளவன் என்று. ஏனென்றால் இது மத சார்பற்ற நாடு???!!!!

    about 20 hours ago ·   (18) ·   (12) ·  reply (0) · 
• susi  

  வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம். 1. நெறியாளர் பார்வைக்குப் பின்னரே தங்கள் கருத்து பதிவேற்றப்படும். இது இதே பக்கத்தில் கடைசியல் தங்களால் சொல்லப்பட்டிருக்கும் கருத்து. கருத்து தெரிவிக்க தணிக்கை உள்ளபோது, படைபாளிக்கு வேண்டாம்மா ....

  about 21 hours ago ·   (43) ·   (9) ·  reply (0) · 
• VelPandi  

  படைப்பாளியின் புத்தகத்தை எரிக்கிறார்கள் என்கிறீர்கள் கம்ப ராமாயணத்தை இயற்றிய கம்பர் படைப்பாளி இல்லையா? விஸ்வரூபம், துப்ப்பாக்கி திரைப் படங்களை படைத்தவர்கள் படைப்பாளிகள் இல்லையா? அப்போது நடைபெற்ற எரிப்புகளையும் எதிர்ப்புகளையும் என்னவென்று சொல்வது?

  Points

  1885

  about 22 hours ago ·   (25) ·   (9) ·  reply (0) · 
• srini rama  

  சமஸ் நீங்கள் சொல்வதை பார்த்தால் யாராவது கருத்து சுதந்திரம் என்ற பெயரில் எதையாவது எழுதினால் அதை யாரும் எதிர்க்க கூடாது என்பது போல உள்ளது. டா வின்சி code படத்தை ஏன் தடை செய்தார்கள், அப்படியானால் விஸ்வரூபம் படத்தை ஏன் எதிர்த்தார்கள். கமலஹாசன் கூடத்தான் நான் தமிழ் நாட்டை விட்டே போய்விடுவேன் என்று சொன்னார். அது நடந்தது தமிழகத்தில் இல்லையா. கமல்ஹாசனை துரத்தவில்லையா, படைப்பாளிக்கு அவர் கருத்தை சொல்ல அப்போது உரிமை இல்லையா. அப்போது உங்களுக்கு தமிழகத்தில் தான் இருக்கிறோமா என்ற எண்ணம் தோன்றவில்லையா.

  Points

  1300

  about 22 hours ago ·   (56) ·   (10) ·  reply (1) · 

  • T V  

    அதெல்லாம் சரி நீங்கள் ஏன் பாரதி படத்தை போட்டு இந்த கருத்தை பதிவு செய்கிறீர்கள் . பாரதி எந்த கருத்தையும் சுதந்திரமாக அழுத்தமாக சொன்னவன் . தயவு செய்து வள்ளலார் மட்டன் ஸ்டால் என்று போர்டு வைத்து விடாதீர்கள்

    about 17 hours ago ·   (24) ·   (24) ·  reply (0) · 
• அன்சாரி  

  இதயே முஸ்லிம்கள் செய்தால் கருத்து சுதந்திரம் அப்படினு சொல்வீங்க எ-க விஸ்வருபம்

  about 22 hours ago ·   (61) ·   (12) ·  reply (0) · 
• kavingarMagan@rasipuram  

  திரு சமஸ் அவர்களே. பெருமாள் முருகன் எப்படி தன் கருத்துக்களை எழுத்தில் சொன்னாரோ (எழுத்து சுதந்திரம் என்ற பெயரில்) அதே போல் அவர் கருத்தை ஏற்றுக்கொள்ளதவர்களும் தன் கருத்தை கடையடைப்பு மூலமாக தங்களின் எதிர்ப்பை தெரிவித்திருக்கிறார்கள். இதை எப்படி நீங்கள் தமிழ் அறிவுலகில் கொடுமை நிகழ்ந்திருக்கிறது என்கிறீர்கள் ? எந்த கருத்தையும் ஏற்றுக்கொள்வதும் மறுப்பு தெரிவிப்பதும் அவரவர்களின் சமூக, மத, இன உணர்வுசார்ந்தது. அதை எதிர்த்து பேசுவது, எழுதுவது தான் புரட்சி, சீர்திருத்தம் ஆகுமா ? சரியான விளக்கம் தேவை. அன்பன் க.சுப்பராயன். ராசிபுரம்.

  Points

  430

  about 23 hours ago ·   (149) ·   (15) ·  reply (1) · 

  • விமலா  

    உங்கள் ஊரில் 100 பேர் குட அதை படித்து பார்த்து இருக்க மாட்டார்கள்- rss /பிஜேபி /மதவாதிகள் கடையடைப்பு கட்டாய படுத்தி செய்தார்கள்

    about 20 hours ago ·   (19) ·   (19) ·  reply (0) · 
• Mannan Mannen  

  மற்ற பெரிய கட்சிகள் இதை பற்றி என் மவுனம் காக்கிறார்கள் துணிவு இருந்தால் இதை மற்ற கட்சிகள் கண்டிக்கிறோம் என்று சொல்ல வேண்டியது தானே சொல்ல மாட்டார்கள் காரணம் மேலும் அந்த கட்சி பலபடுத்த படும் என்று பயபடுகிரர்கள் முதலில் மவுனம் காப்பார்கள் அடுத்த தேர்தல்க்கு பிறகு இலக்கிய நடையோடு நான் அன்றே கோவில் கூடாது என்று சொல்லவில்லை மற்றவர்களோடு தனக்கு அதிக கரிசனம் இருக்கிறது என்று காட்டி கொள்வார்கள் அனைத்து தேர்தலில் நிற்கும் கட்சியும்

  Points

  16460

  about 23 hours ago ·   (12) ·   (4) ·  reply (1) · 

  • விமலா  

    இந்த காரியத்தை கண்டித்து , RSS /பிஜேபி காரியங்களை கண்டித்து , பேச்சு சுதந்திரத்தை உறுதி படுத்த வெளிபடையாக CPI -M கட்சி செய்தி அறிக்கை போட்டுஉள்ளது -

    about 20 hours ago ·   (7) ·   (13) ·  reply (0) · 
• SELVARAJU  

  திரு சம்ஸ் அவர்களுக்கு , எதனால் கடைஅடைப்பு நடந்தது என்பது உங்களுக்கு தெரியாதா ?, வேறு சமுகத்து பெயரில் இந்த புத்தகத்தை எழுதிருந்தால் என்ன நடந்திருக்கும் என்பதும் உங்களுக்கு தெரியும். மக்களின் மனநிலையை புரிந்து விமர்சனம் செய்யவும்.

  about 23 hours ago ·   (204) ·   (18) ·  reply (0) · 
• Vicky Alpha Business Analyst at Honey Traders 

  a எல்லாம் சரிதான்.. yenakku ஒரு விஷயம் மட்டும் புரியவே மாட்டேங்குது.யாராவது ஒருத்தர் லேசா இஸ்லாம் பத்தி பேசனாலே சிறுபான்மை மக்களோட மனச காயபடுத்தீட்டதா சண்டைக்கு வர்றீங்க. hhinஹிந்துவ பத்தி யாரவது அநாகரீகமா பேசறதுக்கு எதிர்ப்பு therivichchaa உடனே matha veriyargalnu solreenga. perumbaanmai makaloda manasellam kayame padatha? நியாயம் ந ரெண்டுக்கும் ore மாதிரிதானே குரல் குடுக்கணும் ? நான் ஏதும் தப்பா புரிஞ்சுகிட்டேனாஇல்ல தப்பாதான் thappa தான் நடக்குதான்னு யாரவது புரிய வைங்கப்பா ப்ளீஸ்.

  Points

  285

  about 23 hours ago ·   (261) ·   (9) ·  reply (2) · 

  • விமலா  

    பேச்சுக்கு பேச்சு- பதிலுக்கு பதில் கட்டுரை எழுதட்டுமே- யார் வேண்டாம் என்பது- அது தானே சரிக்க இருக்கும்

    about 19 hours ago ·   (10) ·   (7) ·  reply (0) · 
  • VelPandi  

    நீங்க சொல்வது சரி தான். அனால் சிலருக்கு கசக்கும்.

    about 22 hours ago ·   (13) ·   (0) ·  reply (0) · 
• ErodeNanban  

  உங்களுக்கு திருச்செங்கோடு ஒரு சிறிய ஊராக தெரியலாம். ஏனென்றால் நீங்கள் சென்னை வாசி. ஒரு முறை கோவையில் முழு அடைப்பு போராட்டம் வெற்றிகரமாக நடந்தது, ஆனால் அதை பத்தி எந்த ஒரு பத்திரிக்கையும் வெளி உலகத்திற்கு சொல்லவே இல்லை. மிகப்பெரிய கோவைக்கே அந்த நிலைமை என்றல், நாங்கள் எல்லாம் எம்மாத்திரம். சென்னை மட்டுமே உலகு என்று இருக்காதீர்கள். ஒரு முறை சென்னையில் ஒரு பேருந்து பலத்தில் இடித்து நின்று விட்டது, அந்த செய்தியை சுமார் 3 மணி நேரதிருக்கு மேஅல் கிட்டத்தட்ட 6 thalaippu seithigal pottu cover seitheergal. aanal engal oorgalil dinam dinam 10 vipathu nadakkiradhu. endravadhu அந்த mukkiyathuvam koduthu வெலியீடுகீரீர்கல?

  Points

  170

  about 23 hours ago ·   (127) ·   (6) ·  reply (0) · 
• பாலாஜி  

  எழுத்து சுதந்திரம் என்ற பெயரில் தனிப்பட்ட சமூகத்தையோ ,ஊரையோ குறிபிட்டு பேசுவது தவறு.இதே போன்று மற்ற மதத்தவரை இவர் சுட்டி காட்ட முடியுமா?இந்துக்கள் என்றால்இளிச்சவாயர்கள் .....