விஜய வருடம் - 12 ராசிபலன்கள்- பரிகாரம் PART 2 , PART 1

விஜய வருடம் - ராசிபலன்கள் PART 2

---

மனதில் உதித்ததை மறைக்காமல் பேசுபவர் நீங்கள். உங்களது ராசிக்கு 3-ஆம் வீட்டில் சனியும் ராகுவும் முகாமிட்டிருக்கும் நேரத்தில் விஜய வருடம் பிறக்கிறது. முடங்கிக் கிடந்த நீங்கள் விஸ்வரூபம் எடுப்பீர்கள். எதிர்பார்த்த தொகை வந்துசேரும். பிரபலமாவீர்கள். தாழ்வு மனப்பான்மை நீங்கும்.

புறநகரில் வீடு-மனை வாங்கும் யோகம் உண்டாகும். நல்லவர்- கெட்டவர்களை அடையாளம் காண்பீர்கள். வெளிநாடு- வெளி மாநிலத்தில் இருக்கும் நண்பர்களால் திடீர் திருப்பங்கள் உண்டாகும். தள்ளி நின்ற உறவுகள் தேடி வருவர். கடன்கள் அடைபடும் அளவுக்கு பணவரவு உண்டு. இளைய சகோதரர்கள் உதவுவர். வழக்கில் நல்ல தீர்ப்பு வரும். ஷேர் மூலம் பணம் வரும். அரசு சம்பந்தப்பட்ட விஷயங்கள் நல்ல விதத்தில் முடியும்.  

உங்களது 10-வது ராசியில் விஜய வருடம் பிறப்பதால், உங்களின் நிர்வாகத் திறன், ஆளுமைத் திறன் அதிகரிக்கும். உழைப்புக்கு ஏற்ற பலன் கிடைக்கும். வேலைக்காக விண்ணப்பித்தவர்களுக்கு நல்ல பதில் கிடைக்கும். அயல்நாடு செல்லும் வாய்ப்பு வரும். 27.5.13 வரை குரு 10-ஆம் வீட்டில் தொடர்வதால், வேலைச்சுமையால் பதற்றம் அதிகரிக்கும். ஆபரணங்களை இரவல் தருவதோ, வாங்குவதோ வேண்டாம். வீண்பழி வந்து சேரும். யாருக்கும் வாக்குறுதி தர வேண்டாம். பிள்ளைகளிடம் உங்கள் எண்ணங்களை திணிக்க வேண்டாம்.

28.5.13 முதல் வருடம் முடியும் வரை, குரு உங்கள் ராசிக்கு லாப வீட்டில் அமர்வதால் திடீர் யோகம், அதிர்ஷ்டம் உண்டாகும். அடுத்தடுத்த சுப நிகழ்ச்சிகளால் வீடு களைகட்டும். நல்லவர்களின் நட்பால் புதிய பாதையில் பயணிப்பீர்கள். தம்பதிக்குள் அந்நியோன்யம் அதிகரிக்கும். இருவரும் கலந்தாலோசித்து செலவுகளைக் குறைக்கத் திட்டமிடுவீர்கள். குழந்தை பாக்கியம் கிடைக்கும். பிள்ளைகள், இனி பொறுப்பு உணர்ந்து செயல்படுவர். மகளின் கல்யாணம் சிறப்பாக நடந்தேறும். வீண் பழி, வதந்தியிலிருந்து விடுபடுவீர்கள். வீடு மராமத்து பணிகள் பூர்த்தியாகும். இயக்கம், சங்கம் ஆகியவற்றில் பதவிகள் தேடி வரும். பூர்வீகச் சொத்துப் பிரச்னை தீரும்.

ஐப்பசி மாதம் முழுக்க உங்கள் ராசிநாதன் பாவ கிரகங் களுடன் சேர்ந்து பலவீனமடைவதால் விபத்து, ஏமாற்றம், மனஇறுக்கம், உடல் நலக்குறைவு வந்துபோகும். வருடம் முழுக்க கேது ராசிக்கு 9-ஆம் வீட்டிலேயே தொடர்வதால் செலவு அதிகரிக்கும். பிதுர்வழிச் சொத்தில் சிக்கல்கள் எழலாம். தந்தையுடன் கருத்து மோதல், அவருக்கு கால் வலி வந்து செல்லும்.

வியாபாரத்தில் சித்திரை, வைகாசி, ஆனி மாதங்களில் புது ஒப்பந்தங்கள் கையெழுத்தாகும். விளம்பர யுக்திகளால் லாபம் பெருகும். சந்தை நுணுக்கங்களை கற்றுக்கொண்டு பெரிய முதலீடுகள் செய்வீர்கள். கார்த்திகை, தை, மாசி மாதங்களில் கடையை நவீனமாக்குவீர்கள். ஹார்டுவேர், ஹோட்டல், லாட்ஜ், டிரான்ஸ்போர்ட் வகைகளால் ஆதாயம் உண்டு. புகழ்பெற்ற நிறுவனங்களுடன் கூட்டு சேர்ந்து அதிக லாபம் ஈட்டுவீர்கள். பங்குதாரர்கள் உங்களுக்கு முக்கியத்துவம் தருவர்.    

உத்தியோகத்தில், உங்கள் கை ஓங்கும். அலுவலக ரகசியங்களை மூத்த அதிகாரி உங்களிடம் பகிர்ந்துகொள்வார். வைகாசி, ஆனி மாதங்களில் சம்பளம், பதவி உயர்வு உண்டு. புது வாய்ப்புகளும் வரும். இழந்த சலுகைகள், பதவிகளை மீண்டும் பெறுவீர்கள். வேறு சில வாய்ப்புகளும் தேடி வரும். வழக்கிலிருந்து விடுபடுவீர்கள். தை, மாசி மாதங்களில் பெரிய பொறுப்புகள், பதவிகள் தேடி வரும்.  

கன்னிப்பெண்களுக்கு நினைத்தது நிறைவேறும். திருமண முயற்சி கூடி வரும். மாணவர்களுக்கு மதிப்பெண் உயரும். கவிதை, கட்டுரைப் போட்டிகளில் வெற்றி பெறுவீர்கள். பள்ளி மாற வேண்டியது இருக்கும்.  கலைஞர்கள் புது வாய்ப்புகளால் அதிகம் சம்பாதிப்பீர்கள். அரசியல்வாதிகளின் செயல்பாடுகளை மேலிடம் கூர்ந்து கவனிக்கும். தொகுதியில் புகழ் கூடும்.

மொத்தத்தில் இந்த விஜய வருடம், சமூகத்தில் பெரிய அந்தஸ்தையும், திடீர் யோகங்களையும் வாரி வழங்குவதாக அமையும்.

பரிகாரம்: ஸ்ரீலட்சுமி நரசிம்மரை வழிபடுவது விசேஷம். சென்னை- செங்கல்பட்டு மார்க்கத்தில் உள்ள சிங்கபெருமாள் கோயிலுக்குச் சென்று ஸ்ரீபானக நரசிம்மரை வழிபட, சகலமும் நலமாகும்.

---

மன்னிக்கும் மனப்பக்குவம் கொண்டவர் நீங்கள். உங்கள் ராசிக்கு 9-ஆம் வீட்டில் விஜய வருடம் பிறக்கிறது. சவாலான காரியங்களையும் சாமர்த்தியமாகச் செய்து முடிப்பீர்கள். செலவுகள் துரத்தினாலும் வருமானமும் உண்டு. வீடு வாங்கும் கனவு நனவாகும். குறைந்த வட்டிக்குக் கடன் பெற்று, அதிக வட்டிக் கடனை அடைப்பீர்கள்.

27.5.13 வரை சுக - சப்தமாதிபதியான குரு 9-ஆம் வீட்டில் நிற்பதால், அடிப்படைத் தேவைகள் பூர்த்தியடையும். சுப நிகழ்வுகளால் வீடு களைகட்டும். வராது என்றிருந்த பணம் வந்து சேரும். வேலைப்பளு குறையும். தாம்பத்தியம் இனிக்கும். மழலை பாக்கியம் கிடைக்கும். குலதெய்வப் பிரார்த்தனையை நிறைவேற்றுவீர்கள். மனைவி வழியில் ஒத்துழைப்பு அதிகரிக்கும். சொந்த ஊரில் மரியாதை கூடும்.

28.5.13 முதல் குரு உங்கள் ராசிக்கு 10-ஆம் வீட்டுக்கு வருவதால், அதுமுதல் சிறு சிறு அவமானங்களும், வீண்பழியும் அதிகரிக்கும். எவருக்காகவும் சாட்சிக் கையெழுத்திட வேண்டாம். வங்கிக் கணக்கை சரிபார்த்து விட்டு, காசோலை வழங்கவும். மனைவியின் குற்றம் குறைகளைக் குத்திக்காட்ட வேண்டாம். தாயாருக்கு கை- கால் வலி, சிறு சிறு அறுவை சிகிச்சைகள் வந்து செல்லும். தாய்வழி சொத்துப் பிரச்னை தலைதூக்கும். வி.ஐ.பி-களைப் பகைக்க வேண்டாம்.

முக்கிய கிரகங்கள் 8-ஆம் வீட்டில் மறைந்திருக்கும்போது விஜய வருடம் பிறப்பதால் வீண் அலைச்சல், மன உளைச்சல் வந்துபோகும். வழக்குகளில் வழக்கறிஞரை மாற்ற நேரிடும். வாகனத்தை இயக்கும்போது கவனம் தேவை. அரசு விவகாரங்களில் அலட்சியம் வேண்டாம். எந்தப் பிரச்னையாக இருந்தாலும், பேசி சுமுகமாக முடிக்கப்பாருங்கள். 

 இந்த ஆண்டு முழுவதும் சனி 2-ல் அமர்ந்து, ஏழரைச்சனியின் ஒரு பகுதியான பாதச் சனியாக இருப்பதால், குடும்பத்தில் வாக்குவாதங்களைத் தவிருங்கள். பிள்ளைகளை அன்பால் திருத்துங்கள். கர்ப்பிணிகள் கவனமாக செயல்பட வேண்டும். கண், காது வலி வந்து செல்லும். பூர்வீகச் சொத்துப் பிரச்னையை அறிவுபூர்வமாக அணுகவும். அந்தரங்க விஷயங்களை வெளியிடாமல் தேக்கி வைப்பது நல்லது.

விஜய வருடம் முழுக்க ராகு 2-ஆம் வீட்டிலும், கேது 8-ஆம் வீட்டிலும் இருப்பதால், பேச்சில் கடுமை வேண்டாம். இடைத்தரகர்களை நம்பி பணம் கொடுத்து ஏமாற வேண்டாம். கணவன்- மனைவிக்குள் வீண் சந்தேகம், ஈகோ பிரச்னை வந்து போகும். இரவில் தொலைதூர பயணமாக தனியே வாகனத்தில் செல்ல வேண்டாம்.

வியாபாரத்தில், அதிகம் உழைக்க வேண்டியது இருக்கும். தீர விசாரிக்காமல் முதலீடு செய்ய வேண்டாம். வைகாசி, ஆனி, ஆடி மாதங்களில் லாபம் அதிகரிக்கும். பழைய பங்குதாரர் விலகுவார். எலெக்ட்ரானிக்ஸ் சாதனங்கள், கெமிக்கல், எண்டர்பிரைசஸ் வகைகளால் ஆதாயம் பெறுவீர்கள். கார்த்திகை, மார்கழி, மாசி மாதங்களில் புது ஒப்பந்தங்கள் கையெழுத்தாகும்.

உத்தியோகத்தில், 28.5.13 முதல் குரு 10-ஆம் வீட்டில் அமர்வதால் வேலை அதிகரிக்கும். நேரங்காலம் பார்க்காமல் உழைத்தும் எந்த பயனும் இல்லையே என்று அவ்வப்போது ஆதங்கப்படுவீர்கள். ஆனி, ஆடி மாதங்களில் சூழ்ச்சிகளைத் தாண்டி அதிகாரியின் ஆதரவைப் பெறுவீர்கள். அலுவலக ரகசியங்களை பாதுகாப்பது நல்லது. உங்களின் உரிமையையும், சலுகையையும் தக்கவைக்க வழக்குத் தொடுக்க வேண்டி வரும். கார்த்திகை, மாசி மாதங்களில் அலுவலகத்தில் உங்கள் கை ஓங்கும்.  

கன்னிப்பெண்களுக்கு கனவுத் தொல்லை உண்டு. முக்கிய முடிவுகளை எடுக்கும்போது, பெற்றோரை கலந்து ஆலோசியுங்கள். புதிய நட்பு மகிழ்ச்சி தரும். மாணவர்கள் கடுமையாக உழைத்தால், சாதிக்கலாம். கலைத் துறையினர், விமர்சனங்களையும் தாண்டி முன்னேறுவார்கள். அரசியல்வாதிகள், வீண் பேச்சைத் தவிர்க்கவும். ஜெயிக்கும் அணியில் இடம்பெறுவீர்கள்.

மொத்தத்தில் இந்த விஜய வருடம், அலைச்சல் தந்தாலும், அனுபவத்தின் மூலம் வளர்ச்சியைத் தருவதாக அமையும்.

பரிகாரம்: தேய்பிறை அஷ்டமி நாட்களில், அருகிலிருக்கும் சிவாலயத்துக்குச் சென்று ஸ்ரீபைரவ மூர்த்திக்கு வடைமாலை சார்த்தி வழிபட்டு வாருங்கள். வினைகள் யாவும் தீரும்.

---

மனித நேயம் மிகுந்தவர் நீங்கள். உங்கள் ராசிநாதனான சுக்கிரன் உங்களைப் பார்த்துக் கொண்டிருக்கும் நேரத்தில், விஜய வருடம் பிறக்கிறது. எதிர்பார்ப்புகள் தடையின்றி நிறைவேறும். பிரபலங்களின் உதவியுடன் சில விஷயங்களைச் சாதிப்பீர்கள். குடும்பத்தில் மகிழ்ச்சி தங்கும். வீடு கட்டுவது, வாங்குவது போன்ற முயற்சிகள் நல்ல விதத்தில் முடியும். எதிர்பார்த்த வங்கிக் கடன் கிடைக்கும்.

விஜய வருடம் உங்கள் ராசிக்கு 8-ஆம் வீட்டில் பிறப்பதால், எளிதாக முடிய வேண்டிய விஷயங்களும் போராட்டத் துக்கு பிறகே முடிவடையும். செலவுகள் தொடரும். மற்றவர்களை நம்பி பெரிய முடிவுகள் எடுக்க வேண்டாம். வாகனத்தில் அதிக வேகம் வேண்டாம். உங்கள் ராசிக்கு சப்தம ஸ்தானமான 7-ஆம் வீட்டில் முக்கிய கிரகங்கள் அமர்ந்திருக்கும்போது விஜய வருடம் பிறப்பதால், உங்களின் பலம்-பலவீனம் அறிந்து செயல்படுங்கள்.  மனைவியுடன் பனிப்போர் வந்து செல்லும். அரசு காரியங்கள் தாமதமாகும். வீடு- மனை வாங்குவது, விற்பதில் சிக்கல்கள் எழும். உடன் பிறந்தவர்களை அனுசரித்துச் செல்லுங்கள்.

27.5.13 வரை உங்கள் ராசிக்கு 8-ஆம் வீட்டில் குரு இருப்பதால், வீண் கவலையும், நம்பிக்கையின்மையும், அலைச்சலும் வந்து போகும். மறைமுக எதிரிகள் முளைப்பர். வீடு, வாகன பராமரிப்புச் செலவுகள் அதிகரிக்கும். முன்கோபத்தால் நல்லவர்களது நட்பை இழக்க நேரிடும். 28.5.13 முதல் உங்களின் பாக்கிய ஸ்தானமான 9-ஆம் வீட்டில் குரு நுழைவதால் இடையூறுகளைக் கடந்து வெற்றி பெறுவீர்கள். சில இடங்களில், சில நேரங்களில் அமைதியாக இருந்து காரியம் சாதிப்பீர்கள். அரசால் அனுகூலம் உண்டு. குடும்பத்தில் சுப நிகழ்ச்சிகள் கூடிவரும். மகளுக்கு நல்ல வரனும், மகனுக்கு நல்ல வேலையும் அமையும்.

21.5.13 முதல் 6.7.13 வரை செவ்வாய் உங்கள் ராசிக்கு 8-ல் மறைவதால் சிறுசிறு விபத்துகள், பொருள் இழப்பு, ஏமாற்றங்கள் வந்து நீங்கும். விஜய வருடம் முழுக்க, உங்களின் பிரபல யோகாதிபதியான சனி ராசியிலேயே உச்சம் பெற்று அமர்ந்திருப்பதால், எதையும் சமாளிக்கும் மனப்பக்குவம் கிடைக்கும். சிலர், புது மனை புகுவீர்கள். எனினும் ஜென்மச் சனியாக தொடர்வதால், உடல் நலம் பாதிக்கும். உணவில் கவனம் தேவை. வழக்கை நினைத்து கவலை கொள்வீர்கள். சொத்துப் பிரச்னையைப் பேசித் தீர்க்கப் பாருங்கள். விஜய வருடம் முடியும் வரையிலும் உங்கள் ராசிக்கு உள்ளேயே ராகுவும், 7-ஆம் வீட்டில் கேதுவும் இருப்பதால் முன்கோபம், சஞ்சலம், ஹார்மோன் பிரச்னை, தலைச்சுற்றல் வந்து செல்லும். இரும்பு, நார், சுண்ணாம்பு சத்து அதிகமுள்ள காய்- கனிகளை உணவில் சேர்த்துக் கொள்ளுங்கள். தம்பதிக்குள் ஈகோ பிரச்னைகள், மனைவிக்கு மருத்துவச் செலவுகள் வந்து போகும்.

வியாபாரத்தில் ஆடி, ஆவணி மாதங்களில் வியாபாரம் சூடு பிடிக்கும். புது இடத்துக்கு கடையை மாற்றுவீர்கள். பங்குதாரர்களை அனுசரித்துச் செல்லவும். மார்கழி, தை மாதங்களில் பாக்கிகள் வசூலாகும். பங்குனி மாதத்தில் அயல்நாட்டு தொடர்புடைய புது பங்குதாரர் வர வாய்ப்பு உண்டு. கொடுக்கல் - வாங்கலில் நிம்மதி ஏற்படும். உணவு, ஷேர், ஸ்பெகுலேஷன், கல்வி வகைகளால் ஆதாயம் உண்டு.

உத்தியோகத்தில் 7.7.13 முதல் உங்கள் கை ஓங்கும். எதிர்பார்த்த இடமாற்றம் கிடைக்கும். ஆடி, ஆவணி மாதங்களில் புது வாய்ப்புகள் வரும். உங்கள் மீது வீண்பழி சுமத்திய உயரதிகாரி மாற்றப்படுவார். பங்குனி மாதத்தில் பதவி உயர்வு உண்டு. எதிர்பார்த்த சம்பள பாக்கியும் கைக்கு வரும்.

கன்னிப்பெண்களுக்கு தடைப்பட்ட கல்யாணம் இனி கூடிவரும். மாணவர்களுக்கு மதிப்பெண் உயரும். பெற்றோர் உங்களின் தேவைகளை நிறைவேற்றுவார்கள். கலைத் துறையினருக்கு பெரிய நிறுவனங்களில் இருந்து அழைப்பு தேடி வரும். அரசியல்வாதிகள், கட்சியில் இழந்த செல்வாக்கை மீண்டும் பெறுவீர்கள்.

மொத்தத்தில் இந்த விஜய வருடம், ஆனி மாதம் வரை கொஞ்சம் கஷ்டங்களைத் தந்தாலும், அதன் பிறகு உங்களின் அந்தஸ்தை உயர்த்துவதாக அமையும்.

பரிகாரம்: சிவவழிபாடு சிந்தை மகிழ்விக்கும். பிரதோஷ காலங்களில், வில்வம் சார்த்தி விரிசடைக் கடவுளை வழிபட்டு வாருங்கள். வாழ்வில் முன்னேற வழி பிறக்கும்.

---

காரியத்தில் கண்ணானவர் நீங்கள். இந்த விஜய வருடம் உங்கள் ராசிக்கு 7ஆம் வீட்டில் பிறப்பதால் புதிய திட்டங்கள் நிறைவேறும். மதிப்பு உயரும். எதிர்பாராத பண வரவு உண்டு. அதிகாரப் பதவியில் இருப்பவரின் அறிமுகம் கிடைக்கும். சொத்து வாங்க முன்பணம் தருவீர்கள். தள்ளிப் போன திருமணப் பேச்சுவார்த்தை கூடி வரும். தம்பதிக்குள் அந்நியோன்யம் அதிகரிக்கும்.

உங்கள் ராசிநாதன் செவ்வாயும், உங்களின் ஜீவனாதிபதி சூரியனும் வலுவாக 6-ல் நிற்கும்போது, விஜய வருடம் பிறப்பதால், அமைதியாக சாதிப்பீர்கள். அரசாங்க விஷயம் சாதகமாகும். வழக்கில் வெற்றி பெறுவீர்கள். பணப்புழக்கம் அதிகரிக்கும். வெளிநாடு செல்ல விசா கிடைக்கும். வீட்டு ப்ளான் அப்ரூவலாகும். புது வேலைக்கான முயற்சிக்கு நல்ல பலன் கிடைக்கும்.

வருடம் பிறக்கும்போது சுக்கிரனும் உங்கள் ராசிக்கு 6-ல் மறைந்து கிடப்பதால் வாகன விபத்துகள், பணப் பற்றாக்குறை, இருமல், கழுத்து வலி, மாதவிடாய்க் கோளாறு வந்துபோகும். மனைவிவழி உறவினருடன் மனக்கசப்பு வரும். ஆனால், உங்களின் பிரபல யோகாதிபதியான சூரியனின் நட்சத்திரத்தில் விஜய வருடம் பிறப்பதால் குடும்ப ஒற்றுமை பாதிக்காது 27.5.13 வரை உங்களின் தன-பூர்வ புண்ணியாதிபதியான குரு 7-வது வீட்டிலேயே தொடர்வதால், அடுத்தடுத்த சுப நிகழ்ச்சிகளால் வீடு களைகட்டும். கணவன் - மனைவிக்கு இடையே ஒற்றுமை பலப்படும். அவ்வப்போது, இருவருக்கும் இடையே எழும் சிறு சிறு பிரச்னைகளை பெரிதுபடுத்த வேண்டாம். சிலருக்கு மழலை பாக்கியம் உண்டு. மகளுக்கு நல்ல வரன் அமையும். மகனுக்கு வேலை கிடைக்கும். பூர்வீகச் சொத்தை உங்களுடைய ரசனைக்கேற்ப மாற்றி அமைப்பீர்கள்.

 

28.5.13 முதல் வருடம் முடியும் வரை ராசிக்கு 8-ல் சென்று குரு மறைவதால் வீண் அலைச்சல், கவலைகள் வந்து செல்லும். பிள்ளைகளிடம் கனிவாக நடத்துகொள்ளுங்கள். கர்ப்பிணிகள் நீண்ட தூர பயணங்களைத் தவிர்க்கவும்.

விஜய வருடம் முழுக்க சனி 12-ல் மறைந்து விரயச் சனியாகத் தொடர்வதாலும், ராகு 12-ல் நிற்பதாலும் வீண் பழி, பண இழப்பு, ஏமாற்றங்கள் வந்துபோகும். தூக்கம் குறையும். தன்னம்பிக்கை குறையும். தாயாரின் உடல் நலம் பாதிக்கும். இளைய சகோதரர்கள் உங்களை தவறாகப் புரிந்துகொள்வர். சந்தேகப் புத்தியால் நல்லவர்களை இழக்க வேண்டி வரும்.

விஜய வருடம் முழுக்க கேது 6-ஆம் வீட்டிலேயே தொடர்வதால், வி.ஐ.பி-களுக்கு நெருக்கமாவீர்கள். ஏமாற்றுக் காரர்களை இனம் கண்டு ஒதுக்குவீர்கள். அயல்நாட்டில் இருப்பவர்களால் ஆதாயம் உண்டு.  

வியாபாரத்தில், வாடிக்கையாளர்களின் ரசனைக்கு ஏற்ற பொருட்களை கொள்முதல் செய்து லாபம் ஈட்டுவீர்கள். சித்திரை, வைகாசியில் சிலர் புதிய துறையில் கால் பதிப்பார்கள். மார்கழி, தை மாதங்களில் புது கிளை தொடங்கும் வாய்ப்பு உண்டு. பங்குதாரர்களிடம் கனிவு தேவை. புரோக்கரேஜ், சினிமா, சிமெண்ட், பெட்ரோ- கெமிக்கல், மருந்து மற்றும் மர வகைகளால் ஆதாயம் அடைவீர்கள்.

உத்தியோகத்தில், உங்கள் மீது விமர்சனங்களும் அவதூறுகளும் எழும். புதிய அதிகாரிகளால் நெருக்கடிகளைச் சந்திக்கலாம். எனினும் சித்திரை, வைகாசி, ஆவணி மற்றும் தை மாதங்களில் அதிரடி முன்னேற்றம் உண்டு. பெரிய பொறுப்புகள் தேடி வரும். சம்பளம் உயரும்.

கன்னிப் பெண்களே, பெற்றோரின் கனவை நனவாக்க முயற்சியுங்கள். மாணவர்கள் கணிதம், வேதியியல் பாடங்களில் கூடுதல் கவனம் செலுத்தவும்.

கலைத் துறையினர், விமர்சனங்கள் எழுந்தாலும் திறமையால் சாதிப்பர். அரசியல்வாதிகளே, உங்களின் பெயரை சிலர் தவறாகப் பயன்படுத்தலாம்; கவனம் தேவை. போராட்டங்களுக்கான தலைமை பொறுப்பு கிடைக்கும்.

மொத்தத்தில் இந்த விஜய வருடம் தொலைநோக்கு சிந்தனையால் உங்களை வெற்றிபெற வைக்கும்.

பரிகாரம்: சரபேஸ்வரர் வழிபாடு சங்கடங்களை அகற்றும்.  தினமும் சிவபுராணம் படியுங்கள். மனக்குழப்பங்கள் நீங்கி, மகிழ்ச்சியான வாழ்வைப் பெறுவீர்கள்.

---

தகுதி அறிந்து பழகுபவர் நீங்கள். உங்கள் ராசிக்கு லாப வீட்டில் ராகுவும் சனியும் பலம்பெற்று அமர்ந்திருக்கும்போது, விஜய வருடம் பிறக்கிறது. செயலில் வேகம் கூடும். வருமானம் உயரும். பெரிய பதவிகள் தேடி வரும். வீட்டுப் பணி முழுமை பெறும். சேமிக்கத் தொடங்குவீர்கள். வழக்கு சாதகமாகும். அரசு விஷயங்களும் நல்லவிதத்தில் முடிவடையும். கடன் தீரும். அயல்நாடு செல்ல விசா கிடைக்கும். சுயதொழில் தொடங்கும் முயற்சியில் இறங்குவீர்கள்.

புகழ், கௌரவம் வளரும். அயல்நாடு தொடர்புடைய நிறுவனத்தில் புது வேலை கிடைக்கும். இளைய சகோதரர் ஆதரவாக இருப்பார். காணாமல் போன முக்கிய ஆவணங்கள் கிடைக்கும்.

உங்கள் ராசிக்கு 5-ஆம் வீட்டில் சூரியனும் செவ்வாயும் நிற்கும்போது விஜய வருடம் பிறப்பதால், பிள்ளைகளின் எதிர்காலம் குறித்த கவலைகள் வந்துபோகும். அவர்களை விட்டுப்பிடிப்பது நல்லது. பூர்வீகச் சொத்துப் பிரச்னையை அறிவுபூர்வமாக அணுகவும். அரசு விவகாரங்களில் அலட்சியம் வேண்டாம்.  

7.5.13 வரை குரு 6-ஆம் வீட்டிலேயே மறைந்திருப்பதால், குடும்பத்தாரை அனுசரித்துப் போகவும். எவரையும் எவரிடமும் பரிந்துரைக்க வேண்டாம். வெளியூர் செல்லும்போது கேஸ் சிலிண்டர், மின்சார சாதனங்களை ஒருமுறை சரிபார்த்த பிறகு வெளியே புறப்படுங்கள். தங்க நகைகளை இரவல் தருவதோ வாங்குவதோ வேண்டாம். ஜாமீன் போடுவதைத் தவிர்க்கவும்.

28.5.13 முதல் வருடம் முடியும் வரை, உங்களின் ராசிநாதனும், சுகாதிபதியுமான குரு 7-ஆம் வீட்டில் நுழைவதால் போட்டி, பொறாமைகள் நீங்கும். திருமணம் கூடிவரும். தம்பதிக்குள் அந்நியோன்யம் அதிகரிக்கும். மனைவியின் ஆரோக்கியம் சீராகும். சிலருக்கு குழந்தை பாக்கியம் கிடைக்கும். சுப நிகழ்வுகளால் வீடு களைகட்டும். புறநகரில் மனை வாங்குவீர்கள். தாயாரின் உடல் நலம் சீராகும். அவர் வழி சொத்துக்களைப் பெறுவதில் தடைகள் நீங்கும். ஆடை, ஆபரணச் சேர்க்கை உண்டு.

19.8.13 முதல் 10.10.13 வரை உங்கள் பூர்வ புண்ணியாதிபதி செவ்வாய் பலவீனம் அடைவதால், இந்த காலகட்டத்தில் பிள்ளைகளால் அலைச்சல், பண விஷயத்தில் ஏமாற்றங்கள் வந்து நீங்கும். விஜய வருடம் முழுக்க கேது உங்கள் ராசிக்கு 5-ஆம் வீட்டிலேயே நீடிப்பதால், மன இறுக்கம் வந்து நீங்கும். மகள் திருமணத்துக்காக கடன் வாங்க வேண்டி வரும். மகனின் படிப்பு, உத்தியோகத்துக் காக சிலரது சிபாரிசை நாடுவீர்கள். கர்ப்பிணிகள் அதிக எடையுள்ள பொருட்களை தூக்க வேண்டாம்; படிகளில் ஏறும்போது கவனம் தேவை. பூர்வீகச் சொத்து பாகப் பிரிவினையில் மனக் கசப்பு வந்து நீங்கும்.

வியாபாரம் தழைக்கும். வைகாசி, ஆனி, ஆவணி, புரட்டாசி, ஐப்பசி மாதங்களில் இரட்டிப்பு லாபம் உண்டு. பெரிய நிறுவனங்களுடனான ஒப்பந்தத்தால், உங்கள் நிறுவனம் புகழ் பெறும். வாடிக்கையாளர்களின் நம்பிக்கையைப் பெறுவீர்கள். பங்குதாரரால் ஏற்பட்ட நஷ்டத்தை ஈடு செய்வீர்கள். ஹார்டுவேர், ஹோட்டல், ஸ்பெகுலேஷன், ரியல் எஸ்டேட் வகைகளால் லாபம் உண்டு. உத்தியோகத்தில், உங்களின் நிர்வாகத் திறமை அதிகரிக்கும். ஆவணி, புரட்டாசி, ஐப்பசி மாதங்களில் பதவி உயர்வுக்காக உங்களுடைய பெயர் பரிசீலிக்கப்படும்.

கன்னிப் பெண்களின் நீண்ட நாள் கனவு நனவாகும். கல்யாணம் நல்ல விதத்தில் முடியும். அதிக சம்பளத்துடன் வேலை கிடைக்கும். சிலருக்கு அயல்நாட்டில் உயர்கல்வி அமையும். மாணவர்களின் பொது அறிவுத் திறன் வளரும். எதிர்பார்த்த கல்வி நிறுவனத்தில் உயர்கல்வியைத் தொடர்வீர்கள்.

அரசியல்வாதிகளின் கோரிக்கைகளை மேலிடம் ஏற்கும். மாநில அளவில் பெரிய பதவியும் கிடைக்கும். கலைத் துறையினருக்கு வருமானம் உயர வழி பிறக்கும். மூத்த கலைஞர்கள் சிலரிடம் சில நுணுக்கங்களைக் கற்றுத் தெளிவீர்கள்.

மொத்தத்தில் இந்த விஜய வருடம் உங்கள் நீண்டகால கனவுகளை நனவாக்குவதுடன், உங்களை சாதிக்கவைப்பதாக அமையும்.

பரிகாரம்: ஞாயிறுதோறும் சூரிய ஸ்தோத்திரங்களைச் சொல்லி தியானியுங்கள். சூரியனார் கோயிலுக்குச் சென்று வழிபட்டு வாருங்கள், நினைத்தது யாவும் தடையின்றி நடந்தேறும்.

---

மனசாட்சிக்கு மதிப்பு தருபவர் நீங்கள். உங்கள் ராசிக்கு 5-ஆம் வீட்டில் சந்திரன் நிற்கும்போது, விஜய வருடம் பிறக்கிறது. வருங்காலத் திட்டங்கள் நிறைவேறும். சாதுர்யமாகப் பேசி பிரச்னைகளைத் தீர்ப்பீர்கள். சிலருக்கு குழந்தை பாக்கியம் கிடைக்கும். பிள்ளைகளால் அந்தஸ்து உயரும். கடன் பிரச்னையில் ஒரு பகுதி தீரும். வருமானம் உயரும். சுற்றியிருப்பவர்களின் சுயரூபத்தை அறிந்து, அதற்கேற்ப செயல்படத் துவங்குவீர்கள்.

27.5.13 வரை உங்களின் சேவகாதிபதியும்- விரயாதிபதி யுமான குரு 5-ஆம் வீட்டில் நிற்பதால் கல்வியாளர்கள், அறிஞர்களின் நட்பால் சில விஷயங்களை சாதிப்பீர்கள். மகனின் அலட்சியப் போக்கு நீங்கும். மகளின் திருமணத்தை சிறப்பாக நடத்துவீர்கள். குலதெய்வக் கோயிலைப் புதுப்பிப்பீர்கள். பூர்வீகச் சொத்தை சீர் செய்வீர்கள்.

 வாகன வசதி பெருகும். 28.5.13 முதல் விஜய  வருடம் முடியும் வரை குரு 6-ல் மறைகிறார். அதுமுதல் செலவுகள், அலைச்சல், எதிர்ப்புகள் வந்து நீங்கும். தம்பதிக்குள் வீண் சந்தேகம் வந்து நீங்கும். மற்றவர்களுடன் உங்களை ஒப்பிடாதீர்கள். உங்களின் தனித்தன்மையை இழந்துவிட வேண்டாம். ஃபைனான்ஸ் தொழில் செய்பவர்கள், தகுந்த ஆதாரம் இல்லாமல் யாருக்கும் பணம் தரவேண்டாம். திடீர் பயணங்கள் அதிகரிக்கும். அரசு வரிகளை தாமதமின்றி செலுத்துங்கள். சிலர், உங்கள் மீது வழக்கு தொடுப்பார்கள். விலையுயர்ந்த பொருட்கள், பணத்தை இழக்க நேரிடும்.      

விஜய வருடம் முழுக்க உங்கள் ராசிநாதன் சனி 10-ஆம் வீட்டில் உச்சம் பெற்று தொடர்வதால், எதையும் சாதிக்கும் துணிச்சல் வரும். உடல் ஆரோக்கியம் சீராகும். வெளிவட்டாரத்தில் செல்வாக்கு கூடும். அயல்நாடு செல்லும் வாய்ப்பு வரும். எனினும் வேலைச்சுமை அதிகரிக்கும். உத்தியோகத்தில் அடிக்கடி இடமாற்றம் வந்து போகும். மேலதிகாரி உங்கள் திறமையை குறைத்து மதிப்பிடுவார். மறைமுக அவமானம் ஏற்படக்கூடும்.

விஜய வருடம் முழுக்க ராகு 10-ஆம் வீட்டிலும், கேது ராசிக்கு 5-ஆம் வீட்டிலும் இருப்பதால் மனதில் இனம் புரியாத பயம், தடுமாற்றம் வந்து செல்லும். பிள்ளைகளின் உயர்கல்வி, உத்தியோகத்தின் பொருட்டு பிரிய நேரிடலாம். பூர்வீகச் சொத்தை பெறுவதில் பிரச்னைகள் எழலாம். யாருக்காகவும் ஜாமீன், கேரண்டர் கையெழுத்து போடாதீர்கள்.

புதியவர்களை நம்பி ஏமாற வேண்டாம். 30.11.13 முதல் விஜய வருடம் முடியும் வரை, உங்கள் ராசிக்கு 9-ல் செவ்வாய் தொடர்வதால், இந்த காலகட்டத்தில் சேமிப்புகள் கரையும். வீடு- மனை வாங்குவது, விற்பதில் தாமதம் ஏற்படும். தந்தையின் உடல் நிலை பாதிக்கும். சகோதரர்களால் அலைச்சல் இருந்தாலும் ஆதாயமும் உண்டு.

வியாபாரத்தில், நெளிவு சுளிவுகளை கற்றுக் கொள்வீர்கள்.  வைகாசி மாதத்தின் முற்பகுதி வரை பற்று-வரவு உயரும். எதிர்பார்த்த ஒப்பந்தங்கள் கைக்கு வரும். ஆனி மாதம் சங்கத்தில் பெரிய பதவிக்கு தேர்ந்தெடுக்கப்படுவீர்கள். ஐப்பசி, கார்த்திகை மாதங்களில் வராது என்றிருந்த பாக்கித் தொகை வந்து சேரும். புது முதலீடுகள் குறித்து நம்பிக்கைக்கு உரியவர்களிடம் ஆலோசிப்பீர்கள். ஏற்றமதி - இறக்குமதி, மருந்து, பிளாஸ்டிக், ஊதுவத்தி, உணவு, லாட்ஜிங் வகைகளால் ஆதாயம் பெருகும்.

உத்தியோகத்தில், நீங்கள் பொறுப்பாக நடந்தாலும், மேலதிகாரி குறை கூறிக்கொண்டிருப்பார். கூடுதல் நேரம் ஒதுக்கி வேலை பார்க்க வேண்டியது வரும். முக்கிய ஆவணங்களில் கையெழுத்திடும் முன் படித்துப் பாருங்கள். ஆனி, ஐப்பசி, கார்த்திகை மாதங்களில் புது வேலை வாய்ப்புகள், பொறுப்புகள் தேடி வரும். வெளிநாட்டுத் தொடர்புடைய நிறுவனங்களிலிருந்தும் வாய்ப்புகள் வரும்.

கன்னிப்பெண்கள், போட்டித் தேர்வுகளில் வெற்றி பெறுவர். வெளி மாநிலத்தில் வேலை அமையும். மாணவர்களுக்கு, விரும்பிய கல்வி நிறுவனத்தில் இடம் கிடைக்கும். கலைத் துறையினர் பிரபலம் ஆவார்கள். அரசியல்வாதிகள், தலைமையுடன் வீண் விவாதங்களைத் தவிர்க்கவும். கௌரவப் பதவி உண்டு.

மொத்தத்தில் இந்த விஜய வருடம் பிரச்னைகளை தந்தாலும், பெரிய மனிதர்களின் நட்பால் உங்களை சாதிக்கவைக்கும்.

பரிகாரம்: அனுதினமும் அனந்தனை வழிபடுங்கள்; ஆனந்தம் பெருகும். ஸ்ரீரங்கத்துக்குச் சென்று திருவரங்கனை வழிபட்டு வாருங்கள். இல்லத்தில் சுபிட்சம் பெருகும்.

---

கூடி வாழ்ந்தால் கோடி நன்மை என்பதை உணர்ந்து வாழ்பவர் நீங்கள். முக்கிய கிரகங்கள் 3-ஆம் வீட்டில் வலுவாக அமர்ந்திருக்கும் நேரத்தில் விஜய வருடம் பிறக்கிறது. உங்களின் புதிய முயற்சிகள் யாவும் வெற்றி பெறும். நினைத்த காரியங்கள் பலிதமாகும். சவால்களில் வெற்றி பெறுவீர்கள். பண வரவு அதிகரிக்கும்.

உங்களின் ரசனைக்கு ஏற்ப வீடு-வாகனம் அமையும். அரசு காரியங்கள் அனைத்தும் நல்லவிதமாக முடியும். வழக்குகள் சாதகமாகும். நீண்ட நாட்களாக நீங்கள் எதிர்பார்த்திருந்த அயல்நாட்டு பயணம் சாதகமாக அமையும். வேலைக்கான முயற்சியில் இருந்தவர்களுக்கு எதிர்பார்த்தபடி நல்ல வேலை கிடைக்கும்.

27.5.13 வரை குரு ராசிக்கு 4-ஆம் வீட்டில் தொடர்வதால் வேலை அதிகரிக்கும். தாயாருக்கு மூட்டுவலி, ரத்த அழுத்தம் வந்துபோகும். தாய்வழி சொத்துப் பிரச்னைகளைப் பேசி தீர்க்கப் பாருங்கள். வாகனத்தில் பயணிக்கும்போது அதீத கவனம் தேவை.  

28.5.13 முதல் வருடம் முடியும் வரை, 5-ஆம் வீட்டுக்கு குரு செல்வதால், உங்களது எதிர்பார்ப்புகள் யாவும் தடையின்றி முடியும். அடுத்தடுத்து தொடரும் சுப நிகழ்ச்சிகளால் வீடு களைகட்டும். வி.ஐ.பி-களின் நட்பு கிடைக்கும். சிலருக்கு, குழந்தை பாக்கியம் கிடைக்கும். மகளின் திருமணம், மகனின் உத்தியோகம் நல்லவிதமாக அமையும். ஆடை- ஆபரணம் சேரும்.

விஜய வருடம் முழுவதும் உங்கள் ராசிநாதன் சனி உச்சம் பெற்று, 9-ஆம் வீட்டிலேயே இருப்பதால் தன்னம்பிக்கை பிறக்கும். குறைந்த வட்டிக்குக் கடன் பெற்று, அதிக வட்டிக் கடனை அடைப்பீர்கள்.

விஜய வருடம் முழுக்க ராகுவும் 9-ல் நீடிப்பதால், சேமிக்க முடியாதபடி செலவுகள் அதிகரிக்கும். அவ்வப்போது, கடந்த கால இழப்புகளை நினைத்து மனம் வருந்துவீர்கள். தந்தையின் உடல்நலம் பாதிக்கும். வழக்குகளில், வழக்கறிஞரை கலந்து ஆலோசித்து முடிவெடுக்கவும்.

விஜய வருடம் முழுவதும், கேது 3-ல் தொடர்வதால், உங்களின் மனோபலம் அதிகரிக்கும். வராது என்றிருந்த பணம் கைக்கு வரும். மகான்களின் ஆசி கிட்டும். பழைய நண்பர்கள் கருத்து வேறுபாடுகளை மறந்து, வலிய வந்து உறவாடுவார்கள்.

30.11.13 முதல் வருடம் முடியும் வரை செவ்வாய் 8-ல் தொடர்வதால், இந்த காலகட்டத்தில் நெருப்பு, மின் சாதனங்களைக் கையாளும்போது மிக கவனமுடன் செயல்படுங்கள். சகோதர வகையில் சில சங்கடங்கள் வந்து சேரலாம். சொத்து வாங்கும்போது தாய்ப் பத்திரத்தை சரிபார்க்கவும்.

வியாபாரத்தில், புதிய முதலீடுகள் செய்து போட்டி யாளர்களைத் திணறவைப்பீர்கள். சித்திரை, வைகாசி, ஆடி ஆகிய மாதங்களில் புதிய ஒப்பந்தங்கள் கையெழுத்தாகும்; லாபம் கூடும். ஆவணி, கார்த்திகை, மார்கழி ஆகிய மாதங்களில் புதிய பங்குதாரர்கள் அமைய வாய்ப்பு உண்டு. வி.ஐ.பி-களும் உங்களுக்கு வாடிக்கையாளர்கள் ஆவார்கள். வாகன உதிரி பாகங்கள், ஷேர் மற்றும் ஸ்பெகுலேஷன் வகைகளால் ஆதாயம் உண்டு.

உத்தியோகத்தில், இதுவரை நீங்கள் சந்தித்த அவமானங்கள் யாவும் நீங்கும். உயரதிகாரிகள் உங்களுக்கு ஆதரவாக செயல்படுவார்கள். சித்திரை, வைகாசி, ஆடி மாதங்களில் சில முக்கியமான பொறுப்புகள் உங்களுக்குக் கிடைக்கும். கார்த்திகை, மார்கழி மாதங்களில் சம்பளம் உயரும்.

கலைத் துறையினர், மூத்த கலைஞர்களின் நட்பால் சாதிப்பார்கள். அரசியல்வாதிகள், வீண் சச்சரவுகளில் சிக்கிக்கொள்ள வேண்டாம். கோஷ்டிப் பூசலிலும் சிக்கிக் கொள்ள வேண்டாம். பெரிய பதவி கிடைக்கும். கன்னிப் பெண்கள், விடுபட்ட பாடத்தில் மீண்டும் தேர்வு எழுதி வெற்றி பெறுவார்கள். சிலருக்கு நல்ல வேலை கிடைக்கும். மாணவர்கள் தனித் திறமைகளை வளர்த்துக்கொள்வர்.

மொத்தத்தில் இந்த விஜய வருடம், சிறு சிறு பிரச்னைகளைத் தந்தாலும், நீங்கள் தொட்டதை எல்லாம் துலங்க வைப்பதாக அமையும்.

 பரிகாரம்: தினமும் பாசுரங்கள் படித்து, பெருமாளை பூஜிப்பது சிறப்பு. திருச்சிக்கு அருகில் குணசீலத்தில் அருளும் பெருமாளுக்கு துளசி சமர்ப்பித்து வழிபட்டு வாருங்கள். நினைத்தது நடக்கும்.

---

யோசித்து செயல்படுபவர் நீங்கள். உங்கள் ராசிக்கு 3-ஆம் வீட்டில் விஜய வருடம் பிறக்கிறது. எதிலும் போராடி வெற்றி பெறுவீர்கள். கேட்ட இடத்தில் பணம் கிடைக்கும். வி.ஐ.பி-கள் உதவுவர். தைரியமாக சில முடிவுகள் எடுப்பீர்கள். தள்ளிப்போன திருமணப் பேச்சுவார்த்தை கூடி வரும். வீட்டு ப்ளான் அப்ரூவல் ஆகும். சுபநிகழ்ச்சிகளால் குடும்பம் களைகட்டும். பழைய கடனில் ஒருபகுதியை பைசல் செய்வீர்கள்.

27.5.13 வரை உங்கள் ராசிநாதன் குரு 3-ல் மறைந்திருப்பதால் சில காரியங்கள் இழுபறியாகும். 28.5.13 முதல் விஜய வருடம் முடியும் வரை, குரு உங்கள் ராசிக்கு 4-ல் அமர்வதால் வீடு- வாகனப் பராமரிப்புச் செலவுகள் அதிகரிக்கும். வீடு கட்டும் பணி தாமதமாகும். தாயாரை தவறாகப் புரிந்துகொள்ளாதீர்கள். அவருக்கு ரத்த அழுத்தம், செரிமானக் கோளாறு, கை, கால் வலி வந்து போகும். பழைய பிரச்னைகள் எழுமோ என்று அஞ்சுவீர்கள். தாய்வழி உறவினர்களுடன் விரிசல்கள் வரக்கூடும். சொத்து வாங்கும்போது வில்லங்கம் சரிபார்க்கவும்.

விஜய வருடம் முழுக்க உங்கள் ராசிக்கு 2-ல் கேது தொடர்கிறார். ராகு 8-ல் நீடிக்கிறார். எதிலும் நாட்டமின்மை, பிடிப்பற்ற போக்கு வந்துசெல்லும். கறார் பேச்சால் பிறரது மனதைப் புண்படுத்துவீர்கள். எவருக்காகவும் சாட்சிக் கையெழுத்திட வேண்டாம். கண் பரிசோதனை அவசியம். பல்- காது வலியும் வந்துபோகும். பணம் வந்தாலும் பற்றாக்குறை நீடிக்கும். குடும்பத்தாரை அனுசரித்து செல்லவும். வாகன லைசன்ஸ், இன்சூரன்ஸை குறிப்பிட்ட காலத்துக்குள் புதுப்பித்துக்கொள்ளுங்கள். தாழ்வுமனப்பான்மை தலைதூக்கும். பழைய கசப்பான சம்பவங்கள் அவ்வப்போது நினைவுக்கு வரும்.  

விஜய வருடம் முழுக்க அஷ்டமத்துச் சனி தொடர்வதால், ஒருவித படபடப்பு, தூக்கமின்மை, மறைமுக எதிர்ப்புகள் வந்துபோகும். தம்பதிக்குள் விட்டுக்கொடுத்துப் போகவும்.  மனைவி வழி உறவினருடன் கருத்துவேறுபாடுகள் வரக்கூடும். வழக்கில் இழுபறி நீடிக்கும். நீங்கள் நம்பிக்கொண்டிருந்தவர்கள் எல்லாம் உங்களுக்கு துரோகம் செய்ய வாய்ப்பு உண்டு. அந்தரங்க விஷயங்களை வெளியிடாமல் இருப்பது நல்லது. திடீர் பயணங்களால் அலைச்சல் அதிகரிக்கும். உணவில் கவனம் தேவை. உப்பு, வாயு பதார்த்தங்களைத் தவிர்க்கவும். சொத்து வாங்கும்போது அவசரம் வேண்டாம். பணம், நகை களவு போக வாய்ப்ப்பு உண்டு. கூடாப் பழக்கவழக்கங்களைத் தவிர்க்கவும்.

வியாபாரத்தில் ஏற்ற-இறக்கங்கள் இருக்கும். சித்திரை, வைகாசி, ஆனி மாதங்களில் லாபம் கூடும். வாடிக்கையாளர்களிடம் கனிவு தேவை. பங்குதாரர்களுடன் சச்சரவு வரக்கூடும். புது ஏஜென்ஸியை யோசித்து எடுங்கள். அவ்வப்போது சந்தை நிலவரங்களை தெரிந்துகொள்ளுங்கள். கடன் வாங்கி, கடையை நவீனமாக்குவீர்கள். ஆவணி, மார்கழி, தை மாதங்களில் புது ஒப்பந்தம் வரும். பற்று- வரவு உயரும்.  

உத்தியோகத்தில் அலட்சியம் வேண்டாம். எந்த வேலையை முதலில் பார்ப்பது என்ற டென்ஷன் எழும். மூத்த அதிகாரிகளிடம் அதிக உரிமை எடுத்துக் கொள்ளாதீர்கள். அலுவலக ரகசியங்கள் கசியாமல் பார்த்துக் கொள்ளுங்கள். எவர் நிர்பந்தித்தாலும் நேர்வழியில் இருந்து தடம்புரள வேண்டாம். வைகாசி, ஆவணி, மார்கழி, தை மாதங்களில் சம்பளம் கூடும். புது பொறுப்புகள் வரும். புது வேலையும் அமையும்.  

கன்னிப்பெண்கள் ஆசை வார்த்தைகளை நம்பவேண்டாம். தடைப்பட்ட கல்வியை போராடி முடிப்பீர்கள். திருமணம் சற்று தாமதமாகி முடியும். மாணவர்கள் படிப்பில் அதீத கவனம் செலுத்த வேண்டும். பள்ளி மாற வேண்டிய நிர்பந்தம் உண்டாகும். அரசியல்வாதிகள் வீண் செலவுகள், விமர்சனத்தைத் தவிர்க்கவும். கட்சித் தலைமையின் நம்பிக்கையைப் பெறுவீர்கள்.  

மொத்தத்தில் இந்த விஜய வருடம், தைரியத்தைத் தந்து, பல வகையிலும் உங்களை முன்னேற வைப்பதாக அமையும்.

 பரிகாரம்: அனுதினமும் அபிராமி அந்தாதி பாடி, அம்பாளை துதியுங்கள். அருகில் இருக்கும் ஆலயங்களில், அம்பாளுக்கு நெய் விளக்கு ஏற்றி வழிபட்டு வாருங்கள். நல்லதே நடக்கும்.

---

 

விஜய என்பதற்கு வெற்றி, பயணம் என்று பல பொருள் உண்டு. நம் வாழ்க்கைப் பயணத்தில் அதிமுக்கியமான பல வெற்றிகளைப் பெற்றுத் தருவதாக இந்த விஜய வருடம் அமைய, இறையருளை வேண்டுவோம். அதற்கு உறுதுணை செய்யும் சில தெய்வ ஸ்லோகங்கள் உங்களுக்காக...

அதிகாலை எழுந்ததும் சொல்லவேண்டிய ஸ்லோகம்:

கார்கோடகஸ்ய நாகஸ்ய தமயந்த்யா நளஸ்ய ச
ருதுபர்ணஸ்ய ராஜர்ஷே: கீர்த்தனம் கலிநாஸனம்

கார்க்கோடகன் என்ற நாகராஜனையும், தமயந்தியையும், நள சக்ரவர்த்தியையும், ராஜ ரிஷியான ரிதுபர்ண மகாராஜனையும் போற்றும் இந்த ஸ்லோகத்தை, தினமும் அதிகாலை எழுந்ததும் சொல்லி வர மனக்கவலைகள் நீங்கும். ஆரோக்கியமும் சந்தோஷமும் பெருகும்.

உணவருந்தும்போது சொல்லவேண்டிய ஸ்லோகம்:

அன்னம் த்ருஷ்ட்வா ப்ரணம்யாதௌ
ப்ராஞ்சலி: கதயேத்தத:
அஸ்மாகம் நித்யமஸ்த்வேதத்
இதி பக்த்யாத வந்தயேத

உண்ணத் துவங்கும்போது அன்னத்தைக் கண்டதும், முதலில் அஞ்சலி செய்து தலை வணங்கி, இந்த ஸ்லோகத்தைச் சொல்லி பிரார்த்தித்து, 'எங்களுக்கு நித்யம் இந்த அன்னம் இருக்கட்டும்’ என்று தலைவணங்க வேண்டும்.

கருட மந்திரம்:

குங்குமாங்கிதவர்ணாய குந்தேந்து தவளாய ச
விஷ்ணுவாஹந நமஸ்துப்யம் க்ஷேமம் குரு ஸதா மம

கருத்து: விஷ்ணுவை சுமக்கும் கருடாழ்வாரே, குங்குமம் போன்று சிவந்த நிறம் கொண்டவரும், தும்பைப்பூ போன்றும், சந்திரன் போன்றும் வெண்நிறம் பெற்றவருமான உமக்கு நமஸ்காரம். எப்போதும் எனக்கு க்ஷேமத்தைச் செய்வீர்.

வானில் கருடனைத் தரிசிக்கும்போது இந்த ஸ்லோகத்தைச் சொல்லி வணங்க, சத்ரு பயம் நீங்கும்; சகல நலன்களும் உண்டாகும்.

எம பயம் நீக்கும் ஸ்லோகம்:

அதிபீஷண சுடுபாஷண யம கிங்கரபடலீ
க்ருததாடன பரிபீடன மரணாகம ஸமயே
உமயாஸஹ மம சேதஸி யம ஸாஸன நிவஸன்
சிவஸங்கர சிவஸங்கர ஹர மே ஹர துரிதம்

கருத்து: எமதருமனை அடக்கிய இறைவா! மிகுந்த பயம் கொடுப்பவர்களும், கொடூர சொற்களை உடையவர்களுமான எமதூதர்கள் துன்புறுத்தும் நேரத்தில், சிவ சிவ சங்கரா... நீங்கள் அம்பாளுடன் சேர்ந்து எங்கள் மனத்தில் குடியிருந்து, எங்களது கஷ்டத்தைப் போக்க வேண்டும்!

நவக்கிரக ஸ்தோத்திரம்

ஆரோக்யம் ப்ரதாது நோ தினகர:
சந்த்ரோ யஸோ நிர்மலம்
பூதிம் பூமிஸுத: ஸுதாம்ஸுதனய:
ப்ரஜ்ஞாம் குருர்கௌரவம்
கான்ய: கோமளவாக்விலாஸமதுலம்
மந்தோ முதம் ஸர்வதா
ராஹுர் பாஹுபலம் விரோதஸமனம்
கேது: குலஸ்யோன்னதிம்

கருத்து: ஆரோக்கியத்தை சூரியனும், சுத்தமான கீர்த்தியை சந்திரனும், ஐஸ்வர்யத்தை அங்காரகனும், நல்ல புத்தியை புதனும், நல்ல மதிப்பை குருபகவானும், பேசும் திறனை சுக்கிரனும், சந்தோஷத்தை சனி பகவானும், புஜ பலம் மற்றும் சத்ரு நிக்ரஹத்தை ராகுவும், குல அபிவிருத்தியை கேதுவும் அருள வேண்டும்.

நவக்கிரகங்களின் பரிபூரண அருளைப் பெற்றுத் தரும் ஸ்லோகம் இது. இந்த ஸ்லோகத்தை ஒன்பது முறை படித்து நவக்கிரக மூர்த்திகளை வழிபட, ஜாதகத்தில் உள்ள கிரகதோஷ பாதிப்புகள் குறையும். அதேபோன்று குறிப்பிட்ட கிரகங்களால் கிடைக்க வேண்டிய நன்மைகளும் பரிபூரணமாகக் கிடைத்து, நம் வாழ்வு செழிப்படையும்.

DISKI - PART 1 -

புதிய தமிழ் வருடமான விஜய வருடம் - ராசிபலன்கள்

http://www.adrasaka.com/2013/03/blog-post_6658.html

THANX - VIKATAN 

12 ராசிகளுக்கும் 2013 புது வருஷ பலன்கள் , பரிகாரங்கள்

பெண்களுக்கு ஏற்றம் தரப்போகும் புத்தாண்டு!

செவ்வாய்க்கிழமை, தேய்பிறையில் கீழ்நோக்கு கொண்ட ஆயில்யம் நட்சத்திரம், கடக ராசி, சதுர்த்தி திதி, விஷ்கம்பம் நாமயோகம், பவம் நாமகரணம், நேத்திரம், ஜீவனம் கூடிய சித்தயோக நன்னாளில்... சூரிய உதயத்தை அடிப்படையாக கொண்ட நேரம்- நள்ளிரவு 12:34 மணிக்கு 2013 புத்தாண்டு பிறக்கிறது.  எண் ஜோதிடப்படி கற்பனை, காவிய கிரகமான சுக்கிரனின் ஆதிக்கத்தில் (2 0 1 3=6) இந்த ஆண்டு பிறப்பதால், மக்களிடையே வீடு- மனை மற்றும் வாகனம் வாங்க வேண்டும் எனும் எண்ணம் மேலோங்கும்.

எதிலும் பெண்களின் ஆதிக்கம் பெருகும். சுரங்கங்கள், காற்றாலைகள், இரும்பு தொழிற்சாலைகள் ஆகியன பாதிப்பை சந்திக்கும்.  காலம் தவறி மழை பொழியும். புயல் மற்றும் வெள்ளப்பெருக்கால் விளை நிலங்கள் சேதம் அடையும். மக்களிடையே ஆடம்பரமாக வாழும் எண்ணம், போட்டி- பொறாமை மேலோங்கும். பாலியல் சம்பந்தமான புதிய நோய்கள் உண்டாகும். இதயம் மற்றும் புற்றுநோய் அறுவை சிகிச்சைகளுக்கான நவீன கருவிகள் கண்டறியப்படும்.

தங்கம் விலையில் ஏற்ற - இறக்கம் இருக்கும். சமையல் எரிவாயு, பெட்ரோல் மற்றும் டீசல் விலை உயரும். அரிய வகை கடல் வாழ் உயிரினங் கள் கண்டறியப்படும். மனவளம் குன்றிய, மாறுபட்ட முக அமைப்பு கொண்ட, தோல் நோயால் பாதிக்கப்பட்ட குழந்தைகளின் பிறப்பு அதிகரிக்கும்.

பால் பொருட்களின் உற்பத்தி அதிகரிக்கும். விலையும் உயரும். வங்கிகளில் வாராக் கடனை வசூலிக்க கடுமையான சட்டங்கள் வரும். சில வங்கிகள் தனது கிளைகளைக் குறைத்துக்கொள்ளும் நிலை உருவாகும்.

இந்தியாவின் ராசிக்கு சுக ஸ்தானத்தில், இந்த வருடம் முழுவதும் சனியும் ராகுவும் தொடர்வதால், அரசு நிறுவனங்களின் பங்குகள் தனியாருக்கு தாரை வார்க்கப்படும். அந்நிய நாட்டு நிறுவனங்களின் படையெடுப்பால், இந்திய பொருளாதாரம் வீழ்ச்சியடையும். இந்திய வர்த்தகர்களும் பெரிதும் பாதிப்படைவர். உழைப்பாளி கிரகம் சனியுடன், ஏமாற்று கிரகம் ராகு சேர்ந்து காணப்படுவதால், ஒருபக்கம் வேலை வாய்ப்பு பெருகினாலும் மற்றொரு பக்கம் கட்டாய ஓய்வால் பலரும் வேலையிழக்கும் நிலை ஏற்படும். 

எண் ஜோதிடப்படி இந்த ஆண்டின் (1 1 2 0 1 3) விதி எண்ணாக, ஊழ்வினை கிரகமான சனியின் ஆதிக்க எண்ணான 8 வருவதால், உலகெங்கும் உயிர்ச்சேதங்கள் அதிகரிக்கும். சக்தி வாய்ந்த மருந்துகளுக்கும் கட்டுப்படாத- நோய் பரப்பும் பாக்டீரியா மற்றும் வைரஸ் கிருமிகள் உருவாகும். உணவுக் கலப்படம் அதிகரிக்கும். வாய் சுத்தம்- கை சுத்தமானவர்களைச் சந்திப்பதும் கடினமாகும். மன இறுக்கத்தால் மக்கள் நிம்மதி இழப்பார்கள். கணினி, லேப்-டாப் போன்ற சாதனங்களின் விலை வீழும். அத்தியாவசியப் பொருட்களின் விலை உயரும். சுக்கிரன் வீட்டில் சனி நிற்பதால், சினிமா துறையில் சின்ன பட்ஜெட் படங்கள் ஹிட்டாகும். அறிமுகக் கலைஞர்கள் அதிகம் சம்பாதிப்பார்கள். மணல், கம்பி, சிமென்ட் ஆகிய கட்டுமானப் பொருட்களின் விலை அதிகரிக்கும். வெளிநாடுகளில் இருந்து மணல் இறக்குமதி ஆகும்.

தீவிரவாதிகள் நவீன தாக்குதல் நடத்துவர். ஓட்டுநர்களை நெறிப்படுத்த புது விதிகள் பிறப்பிக்கப்படும். 4, 6, 8-ஆம் எண்கள் வலிமையடையும்.  பூமிக்காரகன் செவ்வாயின் வீடான மேஷத்தில் கேது நிற்கும்போது புத்தாண்டு பிறப்பதால், இயற்கை சீற்றத்தின் மூலம் பூமியில் நிலப்பரப்பு குறையும். நிலத்தடி நீரில் உவர்ப்புத்தன்மை அதிகரிக்கும். பூமியில் அதிசயப் பள்ளங்கள் உருவாகும். எரி நட்சத்திரங்கள் விழும். செவ்வாய், சந்திரன், சனி, சுக்கிரன் ஆகிய கோள்கள் காந்தப் புயல், புழுதிப் புயலால் பாதிப்படையும். பெண்களுக்கு... பூப்பெய்துவது மற்றும் மாதவிலக்கு குறைபாடுகள் அதிகரிக்கும். செயற்கை கருத்தரிப்பை நாடுவோரின் எண்ணிக்கை அதிகரிக்கும். ரியல் எஸ்டேட் பாதிப்படையும். அரசு நிர்வாகத்தில், அதிகாரிகளின் கை ஓங்கும். ராணுவ ரகசியங்கள் கசியும் வாய்ப்பு உண்டு. பொறுப்புமிக்க பதவி வகிப்பவர்கள் சுய நலத்துடன் செயல்படுவர். நீதித் துறையிலும் சலசலப்புகள் வரும்.

நீதி கிரகமான சனியின் ஆதிக்கத்தில் புத்தாண்டு பிறப்பதால், இயன்றவரையிலும் சொல்லிலும் செயலிலும் நேர்மையைப் பின்பற்றுவோம். 'நெல் விதைத்தால் கரும்பு முளைக்காது’ என்பதை  உணர்ந்து, பிறருக்கு நல்லதே செய்து நாமும் நன்மை பெறுவோம்.

1.

மேஷம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

a

எதிலும் முதலிடத்தைப் பிடிக்க நினைப்பவர் நீங்கள். உங்களது ராசிக்கு 4-ஆம் வீடான சுக வீட்டில் புத்தாண்டு பிறக்கிறது. இழுபறியாக நின்ற வேலைகள் பூர்த்தியாகும். மனக்குழப்பம் நீங்கும். சந்தோஷம் நிலைக்கும். கல்யாணம், சீமந்தம், காதுகுத்து என வீடு களைகட்டும். கனிவான பேச்சால் காரியம் சாதிப்பீர்கள். சுக்கிரன் சாதகமாக இருப்பதால், பணப்புழக்கம் அதிகரிக்கும். ஷேர் மூலம் பணம் வரும். விலை உயர்ந்த ஆடை- ஆபரணங்கள் வாங்குவீர்கள்.

வீடு கட்ட வங்கி லோன் கிடைக்கும். மகனுக்கு அயல்நாட்டில் வேலை கிடைக்கும்.

புது வருடம் ஆரம்பிக்கும்போது உங்களின் ராசிநாதன் செவ்வாய் 10-ஆம் வீட்டில் அமர்ந்திருப்பதால் புது பொறுப்பும், பதவியும் தேடி வரும். வேலை இல்லாதவர்களுக்கு வேலை கிடைக்கும். அரசு அதிகாரிகளின் நட்புறவு கிட்டும். சொத்து ஒன்றை விற்று, பழைய சிக்கலைத் தீர்ப்பீர்கள்.

1.1.13 முதல் 2.2.13 வரை கார்த்திகை நட்சத்திரத்தில் கேது செல்வதால், இந்த காலகட்டத்தில் கவனம் தேவை. 3.2.13 முதல் 11.10.13 வரை பரணி நட்சத்திரத்தில் கேது செல்வதால், இந்த காலகட்டத்தில் பரணி நட்சத்திரக்காரர்கள் மனஉளைச்சல், ஆரோக்கிய குறைபாடுகளைச் சந்திப்பர். 12.10.13 முதல் டிசம்பர் வரையிலும் கேது அசுவினியில் செல்வதால், இந்த காலகட்டத்தில் அசுவினி நட்சத்திரக்காரர் களுக்கு, பயணங்களில் கவனம் தேவை. சிறு சிறு ஏமாற்றங்கள் வந்துபோகும்.

10.4.13 முதல் 26.5.13 வரையிலும் உங்களின் ராசிநாதன் செவ்வாய், பாபக் கிரகங்களின் பார்வை சேர்க்கையால் பலவீனம் அடைவதால், வீடு- மனை வாங்குவது, பண விஷயத்தில் உஷாராக இருக்க வேண்டும்.  வருடம் முடியும் வரை ராகு உங்கள் ராசிக்கு 7-ஆம் வீட்டில் தொடர்வதால் சாதிக்கும் எண்ணம் பிறக்கும். 

ஆனால், எதையும் முழுமையாக முடிக்க முடியாமல் அவதிப்படுவீர்கள். குடும்பத்தில் சச்சரவுகள், மனைவிக்கு மாதவிடாய்க் கோளாறு, கர்ப்பப்பையில் கட்டி வரக்கூடும். சிலர், உங்களைப் பயன்படுத்தி முன்னேறுவர். ஆடம்பரம் வேண்டாம். ராசிக்குள் கேது நிற்பதால், எதிலும் ஒரு சலிப்பு, சோர்வு, தலைச்சுற்றல், காய்ச்சல், தூக்கமின்மை வந்துபோகும். பெரிய நோய் இருப்பது போன்ற பிரமை வந்து நீங்கும். பண விஷயத்தில் கறாராக இருங்கள்.

மே 28-ஆம் தேதி வரை உங்கள் ராசிக்கு 2-ஆம் வீட்டில் குரு தொடர்வதால் எதிர்பாராத வகையில் பணவரவும், உதவிகளும் கிடைக்கும். செலவுகளும் தொடரும். வி.ஐ.பி-கள் அறிமுகமாவர். குடும்பத்தில் மதிப்பு கூடும். குழந்தை இல்லாத தம்பதிக்கு குழந்தை பாக்கியம் உண்டாகும். மகனின் திருமணத்தை சிறப்பாக நடத்துவீர்கள். அதிக வட்டிக் கடனைபைசல் செய்வீர்கள். 

வழக்கு சாதகமாகும். ஆனால், மே 29-ஆம் தேதி முதல் உங்கள் ராசிக்கு 3-ஆம் வீட்டில் குரு அமர்வதால், சில காரியங்களை போராடி முடிப்பீர்கள். தைரியம் கூடும். எதிர்ப்புகள் அடங்கும். கடுமையாக உழைக்க வேண்டியிருக்கும். உதவி செய்வதாக வாக்குக் கொடுத்த சிலர் இழுத்தடிப்பர். வீடு, வாகனப் பராமரிப்புச் செலவுகள் அதிகரிக்கும். இளைய சகோதரருடனான மனத் தாங்கல் நீங்கும். வருடம் முழுக்க ராசிக்கு 7-ஆம் வீட்டில் சனி நிற்பதால், எதிலும் திட்டமிடல் தேவை. எவருக்கும் ஜாமீன், கேரண்டர் கையெழுத்திட வேண்டாம். பூர்வீகச் சொத்துப் பிரச்னைக்காக நீதிமன்றம் செல்ல நேரிடும். தம்பதிக்குள் விட்டுக்கொடுத்துப் போகவும்.

வியாபாரிகள், பெரிய முதலீடுகளையும் கடன் கொடுப் பதையும் தவிர்க்கவும். பங்குதாரர்களிடம் மனஸ்தாபம் ஏற்பட்டாலும் லாபம் உண்டு. ஹோட்டல், கட்டட பொருட்கள், இரும்பு வகைகளால் ஆதாயம் உண்டு. உத்தியோகஸ் தர்களுக்கு, உழைப்புக்கு ஏற்ற அங்கீகாரம் இல்லையே என்ற வருத்தம் மேலிடும். மேலதிகாரியை அனுசரித்து செல்லுங்கள். திடீர் இடமாற்றம் உண்டு. கன்னிப்பெண்கள், தடைப்பட்ட கல்வியை போராடி முடிப்பர். மாணவர்கள், கல்வியில் அதீத கவனம் செலுத்துவது அவசியம். அரசியல்வாதிகளுக்கு கூடுதல் பொறுப்புகள் கிடைக்கும். கலைஞர்களுக்கு, புதிய நிறுவனங்கள் வாய்ப்பளிக்கும். உங்கள் வெற்றி தொடரும்.

முன்கோபத்தைத் தவிர்த்து, ஆரோக்கியத்தில் அக்கறை காட்ட வேண்டிய வருடம் இது.

 a

2

ரிஷபம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

a

நாட்டு நடப்பை நன்கு அறிந்தவர் நீங்கள். உங்கள் ராசிக்கு 3-வது வீட்டில் இந்த புத்தாண்டு பிறப்பதால், தைரியமாக முக்கிய முடிவுகள் எடுப்பீர்கள். வரவேண்டிய பணமெல்லாம் வந்து சேரும். சேமிக்கத் துவங்குவீர்கள். புதியவர்கள் அறிமுகமாவர். வழக்குகள் சாதகமாகும்.

புத்தாண்டு பிறக்கும்போது சந்திரன் வலுவாக இருப்பதால் தொட்டது துலங்கும். புதிய முயற்சிகள் வெற்றி அடையும். குடும்பத்தில் உள்ளவர்களின் உணர்வுகளுக்கு மதிப்பளிப்பீர்கள். மகளுக்கு நல்ல மணமகன் அமைவார். பாதி பணம்

தந்து முடிக்காமல் இருந்த சொத்துக்கு, மீதிப் பணம் தந்து பத்திரப்பதிவு செய்வீர்கள்.

இந்த வருடம் முழுக்க சனி உங்கள் ராசிக்கு 6-ஆம் வீட்டிலேயே பலம் பெற்று நீடிப்பதால், முன்னேற்றப்பாதையை நோக்கி பயணிப்பீர்கள். பிரச்னைகளை சமாளிக்கக் கூடிய மனோபலம் உங்களுக்குக் கிடைக்கும். கணவன்- மனைவிக்குள் அந்நியோன்யம் பிறக்கும். வருமானம் உயரும். விலை உயர்ந்த ஆபரணங்கள் வீடு வந்து சேரும். கடனில் ஒரு பகுதியை பைசல் செய்வீர்கள்.

10.5.13 முதல் 6.7.13 வரை உடல் உஷ்ணம் அதிகமாகும். கார உணவுகளைத் தவிர்க்கவும். மே மாதம்

வரை ஜென்ம குரு நீடிப்பதால் அடிக்கடி கோபம் எழும். சில நேரங்களில் நிம்மதியின்றி தவிப்பீர்கள். உங்களைப் பற்றி எல்லோரும் தவறாக நினைப்பதாக நீங்களே முடிவு செய்யாதீர்கள். 

நெருங்கிய நண்பர்களிடம் அதிக உரிமை எடுத்துக்கொள்ள வேண்டாம். 29.5.13 முதல் குரு உங்கள் ராசியை விட்டு விலகி 2-ல் அமர்வதால், கனிவு பிறக்கும். இங்கிதமாகப் பேசி காரியம் சாதிப்பீர்கள்.

பிரிந்திருந்த தம்பதி ஒன்றுசேர்வீர்கள். உங்களுக்குள் கலகமூட்டியவர்களை ஒதுக்கித் தள்ளுவீர்கள். குழந்தை பாக்கியம் கிடைக்கும். கைமாற்று கடனையும் அடைப்பீர்கள்.பிள்ளைகளை நல்ல பள்ளி, கல்லூரிகளில் சேர்ப்பீர்கள்.

இந்த ஆண்டு முழுக்க உங்கள் ராசிக்கு 6-ஆம் வீட்டில் ராகு வலுவாக அமர்ந்திருப்பதால், சமூகத்தில் பெரிய அந்தஸ்தில் இருப்பவர்கள் உதவுவர். எதிர்ப்புகள் அடங்கும். உங்களைப் புறக்கணித்த உறவினரும் தேடி வருவர். வெளிவட்டாரத்தில் மதிப்பு கூடும். அரசு தொடர்பான

காரியங்கள் முழுமையடையும். 12-ஆம் வீட்டில் கேது தொடர்வதால், சுபச் செலவுகள் அதிகமாகும். கல்யாணம், காதுகுத்து, சீமந்தம், கிரகப்பிரவேசம் என வீடு களைகட்டும்.

சில காரியங்களில் அலைச்சல் உண்டு. எவ்வளவு பணம் வந்தாலும் செலவுகளும் துரத்தும். எவருக்கும் ஃபைனான்ஸ் மூலம் பணம் வாங்கித் தரவோ, பொறுப்பேற்கவோ வேண்டாம்.

வியாபாரிகள், தங்களின் அணுகுமுறையை மாற்றி லாபம் ஈட்டுவார்கள். பெரிய நிறுவனங்களுடன் புது ஒப்பந்தங்கள் கூடிவரும். கெமிக்கல், ஹோட்டல், ரியல் எஸ்டேட் வகைகளால் லாபம் உண்டு. கூட்டுத்தொழிலில் பங்குதாரர்கள் பணிந்து போவார்கள். உத்தியோகஸ்தர்களுக்கு, பணிகளில் இருந்த தேக்கநிலை மாறும். மேலதிகாரி உங்களை நம்பி முக்கிய பொறுப்புகளை ஒப்படைப்பார். வருட தொடக்கத்திலேயே பதவி- சம்பள உயர்வு உண்டு. புதிய வாய்ப்புகளை எதிர்பார்க்கலாம். 

வெளிநாட்டுத்தொடர்புள்ள நிறுவனங் களிலிருந்து உங்களுக்கு அழைப்பு வரும். கன்னிப்பெண்கள், உற்சாகத்துடன் காணப்படுவார்கள். தடைப்பட்ட திருமணம் கூடிவரும்; கண்ணுக்கு அழகான கணவர் அமைவார். தடைப்பட்ட உயர்கல்வியை மீண்டும் தொடர்வீர்கள். மாணவர்கள், அதிகாலையில் எழுந்து படிக்கும் பழக்கத்தை வழக்கப்படுத்திக் கொள்ளுங்கள். கவிதை- கட்டுரை, இலக்கியப் போட்டிகளில் திறமையை வெளிப்படுத்தி பரிசு- பாராட்டுகளை பெறுவீர்கள்.

அரசியல்வாதிகளுக்கு, புதிய பொறுப்புகளை கட்சித் தலைமை ஒப்படைக்கும். சகாக்களுக்கு மத்தியில் மதிக்கப்படுவீர்கள். ஆதாரம் இல்லாமல் எதிர்க்கட்சியினரை விமர்சிக்காதீர்கள். கலைத் துறையினர், இழந்த செல்வாக்கை மீண்டும் பெறுவர். அரசால் ஆதாயம் உண்டு. மொத்தத்தில் இந்தப் புத்தாண்டு அடிப்படை வசதிகளை உங்களுக்கு அமைத்துக் கொடுப்பதுடன், உங்களை சாதிக்க வைப்பதாகவும் அமையும்.

மிதுனம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

நன்கு யோசித்து முடிவெடுப்பவர் நீங்கள். உங்களுக்கு 2-வது ராசியில் புத்தாண்டு பிறப்பதால், எதிர்பார்த்த தொகை வந்து சேரும். குடும்பத்தில் நிம்மதி பிறக்கும். குழப்பம் ஏற்படுத்திய உறவினர்- நண்பர்களின் சுயரூபத்தை கண்டறிந்து ஒதுக்குவீர்கள். வருடம் பிறக்கும்போது ராகு 5-ஆம் வீட்டில் நிற்பதால், பிள்ளைகளின் பிடிவாதம் அதிகரிக்கும். மகளுக்கு வரன்

தேடும்போது, மணமகனின் பழக்கவழக்கங்களை நன்கு விசாரித்து முடிவெடுக்கவும். பணம்  கொடுக்கல்- வாங்கலில் கவனம் தேவை. ஒற்றை தலைவலி, ரத்தசோகை, மூட்டுவலி வரக்கூடும். எல்லோரையும் சந்தேகக் கண்ணுடன் பார்ப்பீர்கள்.

தெளிவான முடிவெடுக்க முடியாமல் திணறுவீர்கள். பூர்வீகச் சொத்து விஷயத்தில் கவனம் தேவை. கேது 11-ஆம் வீட்டில் தொடர்வதால், வற்றிய பணப்பை நிரம்பும். கைமாற்று கடனையும் அடைப்பீர்கள். ஷேர் மூலம் பணம் வரும். அயல்நாட்டிலிருக்கும் உறவினர்கள், நண்பர்களால் உதவிகள் கிடைக்கும். வி.ஐ.பி-களின்  நட்பை  சரியாகப் பயன்படுத்திக் கொள்வீர்கள்.

வீட்டில் தடைப்பட்ட சுப காரியங்கள் ஏற்பாடு ஆகும். ராசிக்கு 5-ஆம் வீட்டில் சனி தொடர்வதால், பிள்ளைகள் உங்களைப் புரிந்து கொள்ளாமல் பேசுவர். அவர்களின் அடிமனதில் இருப்பதை அறிந்து நிறைவேற்றப் பாருங்கள். பிள்ளைகளின் உயர்கல்வி, உத்தியோகத்தின் பொருட்டு அவர்களைப் பிரிய நேரிடும். மே 28-ஆம் தேதி வரை குருபகவான் உங்கள் ராசிக்கு 12-ல் நிற்பதால், வீண் செலவுகள் அதிகமாகும். ஆக்கப்பூர்வமான காரியங்களுக்காக கொஞ்சம் கடன் வாங்க நேரிடும். பூர்வீகச் சொத்தில் பாகப்பிரிவினை நல்ல விதத்தில் முடியும். மே 29-ஆம் தேதி முதல் வருடம் முழுவதும் ஜென்ம குரு நீடிப்பதால் உடல் நலனில் கவனம் தேவை. எவர் மீதும் அதீத நம்பிக்கை வைக்க வேண்டாம். அடிக்கடி கோபம் எழும். உணவில் உப்பு, காரத்தை குறைத்துக் கொள்ளுங்கள். மஞ்சள் காமாலை வரக்கூடும். 

குடிநீரை கொதிக்க வைத்து குடியுங்கள். தம்பதிக்கு இடையே விட்டுக்கொடுத்து போகவும். பிள்ளைகள் சில நேரங்களில் உங்களை புரிந்துகொள்ளாமல் பேசுவர். எதிலும் உணர்ச்சிவசப்படாமல் முடிவெடுப்பது நல்லது. வீட்டு லோனில் சில தவணைகளை குறிப்பிட்ட நேரத்தில் செலுத்த முடியாத அளவுக்கு தர்மசங்கடத்தில் மூழ்கக்கூடும். விலை உயர்ந்த ஆபரணங்களை இரவல் தர வேண்டாம். எவருக்கும் சாட்சி கையெழுத்திட வேண்டாம்.  

ராசிக்கு 6-ஆம் வீட்டில் சுக்கிரன் நிற்கும்போது புத்தாண்டு பிறப்பதால், சிறுசிறு விபத்துகள் வரக்கூடும். பழைய கடனைத் தீர்க்க முயற்சி செய்வீர்கள். வீண் செலவுகளைத் தவிர்க்கப் பாருங்கள். செவ்வாய் 8-ல் நிற்கும்போது, புத்தாண்டு பிறப்பதால் சகோதரர்களுடன் கருத்து வேறுபாடுகள் ஏற்படலாம். பூர்வீகச் சொத்து விஷயங்களை சுமுகமாகப் பேசித் தீர்க்கப் பாருங்கள். மனைவிக்கு சிறுசிறு அறுவை சிகிச்சை, அவருடன் கருத்துமோதல்கள் எழலாம். அரசு அதிகாரிகளை பகைத்துக்கொள்ளாதீர்கள்.

வியாபாரிகளே!  மற்றவர்கள் பேச்சை நம்பி பெரிய முதலீடுகள் செய்ய வேண்டாம். பழைய சரக்குகள் விற்றுத் தீரும். அனுபவசாலிகளை பணியில் அமர்த்துவீர்கள். உணவு, எலெக்ட்ரிக்கல்ஸ், டிராவல்ஸ், ஸ்டேஷனரி, பப்ளிகேஷன், கட்டட உதிரிபாகங்களால் ஆதாயம் அடைவீர்கள். புதிய பங்கு

தாரர்களை சேர்ப்பீர்கள். புது ஏஜென்ஸி எடுப்பீர்கள். உத்தியோகஸ்தர்களுக்கு, வருட முற்பகுதியில் வேலை அதிகரிக்கும். சிலருக்கு திடீர் இடமாற்றமும் உண்டு. வருடத்தின் பிற்பகுதியில் மன நிம்மதி உண்டு. எதிர்பார்த்த சலுகைகள் தாமதமாக கிடைக்கும்.

கன்னிப்பெண்கள், பெற்றோரின் பேச்சுக்கு முக்கியத்துவம் தருவது அவசியம். உடல் உஷ்ணத்தால் வயிற்றுவலி, வேனல்கட்டி வந்து நீங்கும். மாணவர்கள், படிப்பில் கூடுதல் கவனம் செலுத்துங்கள். நல்ல நட்புச் சூழலை ஏற்படுத்திக் கொள்ளுங்கள். அரசியல்வாதிகள், உட்கட்சிப் பூசலில் தலையிட வேண்டாம். பதவியைத் தக்கவைத்துக் கொள்ள போராட வேண்டியிருக்கும். கலைத் துறையினருக்கு, தடைப்பட்டிருந்த வாய்ப்பு இனி தேடி வரும். உங்களின் படைப்புகள் குறித்த கிசுகிசுக்கள் வரத்தான் செய்யும்.மொத்தத்தில் இந்தப் புத்தாண்டு அவ்வப்போது உங்களை அலைக்கழித்தாலும், புதிய அணுகுமுறையால் வெற்றிபெற வைக்கும்.

 a

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

 கள்ளம் கபடமற்றவர் நீங்கள். உங்கள் ராசிக்கு 5-ஆம் வீட்டில் சுக்கிரன் நிற்கும்போது, இந்தப் புத்தாண்டு பிறப்ப தால், எதையும் சாதிக்கும் வல்லமை பிறக்கும். எதிர்பார்த்த தொகை வந்து சேரும். வி.ஐ.பி-களின் நட்பு கிடைக்கும். பூர்வீகச் சொத்து பங்கை கேட்டு வாங்குவீர்கள். பிள்ளைகளின் எதிர்காலத்துக்காக சேமிக்கத் துவங்குவீர்கள். மகனுக்கு அயல்நாடு தொடர்புடைய நிறுவனத்தில் வேலை கிடைக்கும். மகளுக்கு நல்ல வரன் அமையும். உங்களைப் புறக்கணித்த உறவினரும்

இனி வலிய வந்து பேசுவர். தடைப்பட்டிருந்த வீட்டுப் பணியை தொடர, வங்கி லோன் கிடைக்கும். விலை உயர்ந்த ஆடை- ஆபரணம் சேரும். எனினும், உங்கள் ராசியிலேயே இந்தப் புத்தாண்டு பிறப்பதால் வேலைச்சுமை அதிகரிக்கும்.அவ்வப் போது உடல்நிலை லேசாக பாதிக்கும். மே 28-ஆம் தேதி வரை குரு பகவான் லாப வீட்டில் நிற்பதால் பிரபலங்கள், நாடாளுபவர்களின் அறிமுகம் கிடைக்கும். தொடங்கிய பணிகள் உடனே முடியும். வீட்டில் மகிழ்ச்சி தங்கும்.

வருமானத்தை உயர்த்த புதுவழிகளில் முயற்சிப்பீர்கள். திடீர்யோகம், பணவரவு உண்டு. பழைய கடனில் ஒரு பகுதியை அடைக்க வழி பிறக்கும். உங்களின் தாழ்வு மனப்பான்மை நீங்கும். மதிப்பு கூடும். பெரிய பதவிகள் தேடி வரும். மே 29-ஆம் தேதி முதல் குரு உங்கள் ராசிக்கு 12-ஆம் வீட்டில் சென்று மறைவதால் திடீர் பயணங்கள், செலவுகள், வேலைகள் அதிகரிக்கும். வீண் செலவுகள் வேண்டாம். அறிமுகம் இல்லாதவர்களை வீட்டில் சேர்க்க வேண்டாம். கோயில் கும்பாபிஷேகம் மற்றும் சகோதரர் வீட்டு விசேஷங்களை முன்னின்று நடத்துவீர்கள். பிள்ளைகளின் உயர் கல்வியில் கூடுதல் அக்கறை செலுத்துவீர்கள். 7-ல் செவ்வாய் நிற்பதால் மனைவியுடன் விவாதங்கள், சந்தேகம், பிரிவு வரும். முன்கோபத்தைக் குறையுங்கள். உடன்பிறந்த வர்களால் மனஸ்தாபங்கள் வெடிக்கும். பூர்வீகச் சொத்து விஷயங்களில் கவனம் தேவை.

இந்த வருடம் முழுக்க ராசிக்கு 4-ஆம் வீட்டில் சனியும் ராகுவும் அமர்ந்திருப்பதால், தாயாருக்கு நரம்புக் கோளாறு, ரத்த அழுத்தம் வரும். தாய்வழி உறவினர்களால் அலைச் சலும், மனக்கசப்பும் வந்து நீங்கும். தாய்வழிச் சொத்தை விற்றுவிட்டு புது சொத்து வாங்குவீர்கள். எவருக்கும் ஜாமீன் கையெழுத்துப் போட வேண்டாம். நெடுந்தூர, இரவு நேர பயணங்களைத் தவிர்க்கவும்.

6-ஆம் வீட்டில் சூரியன் நிற்கும்போது, புத்தாண்டு பிறப்பதால் எதிரிகளும் நண்பர்களாவர். அரசு விஷயங்கள் சாதகமாகும். சொத்து சேரும். தடைப்பட்ட காரியங்களை முழு வேகத்துடன் முடித்துக் காட்டுவீர்கள். சிலருக்கு வேலை கிடைக்கும். தகப்பனாருடனான கருத்து மோதல்கள் நீங்கும். அவர் வழி சொத்தை அடைவதில் இருந்த தடைகளும் நீங்கும். ஜூன் மாதத்திலிருந்து குரு 12-ஆம் வீட்டுக்கு வருவதால், சுபச் செலவுகள் அதிகரிக்கும். பண வரவு உண்டு. மனைவிக்கு அவ்வப்போது மருத்துவச் செலவு வந்துபோகும்.   வியாபாரிகளே... வியாபாரத்தைப் பெருக்க விளம்பரங் களுக்கு செலவு செய்வீர்கள். பக்கத்து கடைக்காரருடனான கருத்து மோதல்கள் விலகும். கெமிக்கல், கமிஷன், வாகன உதிரி பாகங்களால் லாபம் உண்டு. அரசு கெடுபிடிகள் தளரும். பங்குதாரர்களின் துரோகங்களை மறந்து, மன்னிப்பீர்கள். பாக்கிகள் வசூலாகும்.

 புது ஒப்பந்தங்கள் கையெழுத்தாகும். புதிய தொழிலில் கால் பதிக்கும் முன் அனுபவசாலிகளிடம் ஆலோசித்து செயல்படுங்கள். உத்தி யோகஸ்தர்களுக்கு, பதவி - சம்பளம் உயரும். மேலதிகாரி சிலநேரம் உங்களிடம் கோபப்பட்டாலும் உங்களை நம்பி முக்கிய பொறுப்புகளை ஒப்படைப்பார். கேட்ட இடத்துக்கு டிரான்ஸ்ஃபர் கிடைக்கும். மறுக்கப்பட்ட உரிமைகளைப் பெறுவதற்காக சிலர் நீதிமன்றம் செல்ல வேண்டி வரும்.

கன்னிப் பெண்களுக்கு தடைப்பட்ட திருமணம் கைகூடி வரும். மாணவர்களுக்கு படிப்பில் கூடுதல் கவனம் தேவை.  

நண்பர்களுடன் கருத்து மோதல், விளையாட்டில் சிறுசிறு காயங்கள் ஏற்படலாம். அரசியல்வாதிகள், தலைமையின் சொந்த விஷயங்களில் தலையிடாமல் இருப்பது நல்லது. கலைத் துறையினர், வீண் வதந்திகளிலிருந்து விடுபடுவர்.பழைய நிறுவனங்கள் உங்களை அழைத்துப் பேசும். மொத்தத்தில் இந்தப் புத்தாண்டு அனுபவம், சகிப்புத் தன்மையால் உங்களை சாதிக்க வைப்பதாக அமையும்.

a

சிம்மம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

a

புதுமை விரும்பி நீங்கள். தைரிய ஸ்தானமான 3-ஆம் வீட்டில் சனி வலுவாக அமர்ந்திருக்கும் நேரத்தில் புத்தாண்டு பிறப்பதால் திடீர் யோகம், பண வரவு உண்டு. 

பழைய பிரச்னைகள் ஓயும். சவாலான விஷயங்களையும்சாதாரண்மாக முடிக்கும் வல்லமை பிறக்கும். குடும்பத்தில் மதிப்பு கூடும். பழைய சொத்து ஒன்றை எதிர்பார்த்த விலைக்கே விற்பீர்கள். வி.ஐ.பி-களின் நட்பு கிடைக்கும். வெளிநாடு மற்றும் வெளி மாநிலத்தவர்களுடன் சேர்ந்து தொழில் செய்யும் யோகம் உண்டாகும். புத்தாண்டு பிறக்கும்போது செவ்வாய் ராசிக்கு 6-ஆம் வீட்டில் நிற்பதால், தொட்டது துலங்கும். பூர்வீகச் சொத்துப் பிரச்னைக்கு நல்ல தீர்வு கிடைக்கும். சொந்த வீட்டு கனவு நிறைவேறும். உங்களுக்கு 12-வது ராசியில் புத்தாண்டு பிறப்பதால் வீண் அலைச்சலும் திடீர் பயணங்களும் அதிகரிக்கும்.


அத்தியாவசியச் செலவுகளால் கையிருப்பு கரையும்.     வருடம் முடியும் வரை உங்கள் ராசிக்கு 3-ல் ராகு தொடர்வதால் புதிய முயற்சிகள் வெற்றியடையும். பெரிய பதவியில் அமருவீர்கள். பேச்சில் தடுமாற்றம் நீங்கும். வழக்கு சாதகமாகும். போட்டி- பந்தயங்களில் வெற்றி பெறுவீர்கள். இளைய சகோதரருடனான மனஸ்தாபம் விலகும். அவர் மூலம் உதவிகளும் உண்டு. 9-ஆம் வீட்டில் கேது நிற்பதால் சேமிப்புகள் கரையும். அப்பாவுக்கு நெஞ்சுவலி, மூட்டுவலி வந்துபோகும். அவருடன் வீண் விவாதங்கள் வெடிக்கும். வாகனத்தை இயக்கும்போது கவனம் தேவை. சொந்த ஊர் கோயில் திருவிழாவை சொந்த செலவில் நடத்துவீர்கள். அடிக்கடி வெளியூர் பயணம் செல்ல வேண்டி வரும்.


28.5.13 வரை குரு உங்கள் ராசிக்கு 10-ல் தொடர்கிறார். அதுவரையிலும் பல வேலைகளை இழுத்துப் போட்டு செய்ய நேரிடும். உத்தியோகத்திலும் மறைமுக எதிர்ப்புகள், இடமாற்றங்கள் வரக்கூடும். வீடு- வாகனப் பராமரிப்புச் செலவுகள் அதிகரிக்கும். பிரபலங்களை பகைக்க வேண்டாம். எவருக்கும் எந்த உறுதிமொழியும் தரவேண்டாம். புதிய நபர்களை வீட்டுக்கு அழைத்து வராதீர்கள். விலை உயர்ந்த பொருட்களை கவனமாகக் கையாளுங்கள். அவ்வப்போது, பழைய கடன் பிரச்னைகள் மனதை வாட்டும்.


மே 29-ஆம் தேதி முதல் குரு உங்கள் ராசிக்கு 11-ல் அமர்வதால் புகழ், கௌரவம் உயரும். பண வரவு அதிகரிக்கும். மூத்த சகோதரர் பகையை மறந்து வலிய வந்து பேசுவார். சுப நிகழ்ச்சிகளை முன்னின்று நடத்துவீர்கள். பிள்ளைகளின் உயர்கல்வி, உத்தியோகம், திருமணம் சம்பந்தப்பட்ட முயற்சிகள் நல்லவிதமாக முடியும். தடைப் பட்டிருந்த வீடு கட்டும் பணியை இனி தொடங்குவீர்கள். வங்கி லோன் கிடைக்கும். வேலை தேடுபவர்களுக்கு நல்ல வேலை கிடைக்கும். அடகிலிருந்த நகையை மீட்பீர்கள். மகான்களின் ஆசி கிட்டும். சிலருக்கு, குழந்தை பாக்கியம் கிடைக்கும். மகனின் திருமணம் சிறப்புற நடக்கும். பழைய மனையை எதிர்பார்த்த விலைக்கு விற்பீர்கள்.


வியாபாரிகளுக்கு, பற்று - வரவு உயரும். சனி 3-ல் சாதகமாக இருப்பதால், பிரபலங்களின் உதவியோடு கடையை விரிவுபடுத்துவீர்கள். கெமிக்கல், துணிக் கடை, ஹோட்டல் வகைகளால் லாபம் உண்டு. பங்குதாரர்கள் ஒத்துழைப்பர். புது ஒப்பந்தங்கள் கூடிவரும்.


உத்தியோகஸ்தர்களுக்கு நல்ல பெயர் கிடைக்கும். ஜுன் மாதத்திலிருந்து பதவி-சம்பள உயர்வு உண்டு. சக ஊழியர்களின் ஆதரவுடன் தேங்கிக் கிடந்த பணிகளை விரைந்து முடிப்பீர்கள். கன்னிப்பெண்கள், போலியான நண்பர்களை விலக்குவீர்கள். நல்ல வேலை கிடைக்கும். உங்களுக்கு நல்ல  குணம் கொண்ட கணவர் அமைவார். மாணவர்களுக்கு, விளையாட்டில் பதக்கம் கிடைக்கும். அரசியல்வாதிகள், எதிர்க்கட்சியினரின் விமர்சனங்களைக் கண்டுகொள்ள வேண்டாம்.


கலைத் துறையினருக்கு, எதிர்பார்த்திருந்த வாய்ப்புகள் தள்ளிப்போனது அல்லவா? இனி, பெரிய நிறுவனங்கள் உங்களை அழைத்துப் பேசும். உங்களின் படைப்புத் திறன் வளரும்.


மொத்தத்தில் இந்தப் புத்தாண்டு உங்களுக்கு வசதி- வாய்ப்புகளையும், பதவி மற்றும் பணவரவையும் பெற்றுத் தருவதாக அமையும்.

 a

கன்னி

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

 மன்னிக்கும் குணம் கொண்டவர் நீங்கள். குரு பகவான், உங்கள் ராசிக்கு 9-ஆம் வீட்டில் அமர்ந்திருக்கும் நேரத்தில் புத்தாண்டு பிறப்பதால், இலக்கை நோக்கி முன்னேறுவீர்கள்.பணப்புழக்கம் அதிகரிக்கும். எதிர்பார்த்த உதவிகளும் கிடைக்கும். கைமாற்று கடனை அடைப்பீர்கள்.குடும்பத்தில்   சந்தோஷம் நிலைக்கும். பிரிந்திருந்தவர்கள் ஒன்றுசேர்வீர்கள். சிலருக்கு, பிள்ளை பாக்கியம் உண்டு. தடைப்பட்டிருந்த கல்யாணம், கிரகப்பிரவேசம் நல்லவிதமாக நடந்தேறும். 

மனைவி வழி உறவினர்களால் ஆதாயம் உண்டு. மகளுக்கு நல்ல வரன் அமையும். நெஞ்சு வலியால் சோர்ந்திருந்த தந்தையின் உடல்நிலை சீராகும். வங்கிக் கடனை அடைப்பீர்கள். உங்கள் ராசிக்கு லாப வீட்டில் சந்திரன் நிற்கும்போது புத்தாண்டு பிறப்பதால், வருமானம் உயரும். பதவிகள் தேடி வரும். மூத்த சகோதர- சகோதரிகளுடனான மனத் தாங்கல் நீங்கும். ஷேர், கமிஷன் வகைகளால் பணம் வரும். பாதியிலேயே நின்றுபோன வீடு கட்டும் வேலையை, இனி விரைந்து முடிப்பீர்கள். சிலர், இருக்கும் வீட்டை விரிவுபடுத்திக் கட்டுவார்கள்.

செவ்வாய் 5-ஆம் வீட்டில் நிற்கும்போது, புத்தாண்டு பிறப்பதால், பிள்ளைகளிடம் கெடுபிடி வேண்டாம். பிள்ளைகளை அவர்கள் விரும்பும் பாடப் பிரிவில் போராடி சேர்ப்பீர்கள். அரசு அங்கீகாரம் இல்லாத கல்வி நிறுவனங்களில் பிள்ளைகளை சேர்க்க வேண்டாம்.

கர்ப்பிணிகள் உணவு, மருந்து விஷயத்தில் கவனமாக இருப்பது நல்லது. குழந்தையின் வளர்ச்சியை அவ்வப்போது பரிசோதிக்கவும். பூர்வீகச் சொத்துப் பிரச்னையை பேசித் தீர்ப்பது நல்லது. சொத்து வாங்குவது-விற்பதில் வில்லங்கம் இல்லாமல் பார்த்துக்கொள்ளுங்கள். மே 29-ஆம் தேதி முதல், குரு உங்கள் ராசிக்கு 10-ல் அமர்வதால், வேலை அதிகரிக்கும். எதிலும் அலட்சியம் வேண்டாம். கௌரவக் குறைவான சம்பவங்கள் நிகழக்கூடும். அரசு அங்கீகாரம் இல்லாத வங்கிகளில் வைப்புத் தொகை வைக்க வேண்டாம். முக்கிய பணிகளை நீங்களே நேரடியாக முடிப்பது நல்லது.உத்தியோகத்தில் அடிக்கடி இடமாற்றம் வரும். தாயாருக்கு சிறுசிறு அறுவை சிகிச்சைகள் வரக்கூடும்.


புத்தாண்டு முழுக்க சனிபகவான் ராசிக்கு 2-ஆம் வீட்டில் அமர்ந்து பாதச் சனியாக தொடர்வதால், வீண் விவாதங்களைத் தவிருங்கள். காலில் அவ்வப்போது அடிபடும். கண் பரிசோதனையும் அவசியம். எவரையும் விமர்சிக்க வேண்டாம். திடீர் பண வரவு, செல்வாக்கு எல்லாம் உண்டு. எனினும், செலவுகளும் அதிகரிக்கும். உங்களின் நிதி நிலை தெரியாமல் உறவினர், நண்பர்களில் சிலர் பண உதவி கேட்டு தொந்தரவு தருவார்கள்.
வருடம் முடியும் வரை உங்கள் ராசிக்கு 2-ஆம் வீட்டி லேயே ராகுவும் தொடர்வதால், பேச்சில் கடுமை காட்டாதீர்கள்.


குடும்பத்தில் சிறுசிறு குழப்பங்கள் எழும். கேது 8-ஆம் வீட்டில் நிற்பதால் திடீர் பயணங்கள், செலவுகளால் திண்டாடுவீர்கள். கை- காலில் காயம், வயிற்றுக் கோளாறு, மூட்டுவலி மற்றும் நெஞ்சு எரிச்சல் வந்து நீங்கும். தம்பதிக்குள் பிரச்னை வந்தாலும் ஒற்றுமைக்குக் குறையிருக்காது.
வாகனத்தில் செல்லும்போது தலைக்கவசம் அவசியம்.
வியாபாரிகள், பெரிய முதலீடுகளைத் தவிருங்கள். வேலையாட்களை அனுசரித்து செல்லவும். கமிஷன், ரியல் எஸ்டேட், அரிசி - எண்ணெய் மண்டி மூலம் லாபம் உண்டு.

பங்குதாரர்களால் விரயம் வரும். உத்தியோகஸ்தர்களுக்கு, மே 29-ஆம் தேதி முதல் குரு 10-ல் நுழைவதால், பணியில் கூடுதல் கவனம் தேவை. வேலைச்சுமை, உயரதிகாரிகளால் அலைக்கழிப்பு ஏற்படலாம். முக்கிய கோப்புகளைக் கையாளும்போது அலட்சியம் வேண்டாம். வழக்கால் நெருக்கடிகள் நேரிடும். புது வாய்ப்புகளை யோசித்து ஏற்பது நல்லது. இடமாற்றம் இருக்கும்.


கன்னிப் பெண்களுக்கு, தகுதியான கணவன் அமைவார். மாணவர்களுக்கு கடின உழைப்பு தேவை. அரசியல்வாதிகள், தலைமையிடம் விட்டுக்கொடுத்து போகவும். கலைஞர்களுக்கு, அரசாங்கத்தின் பாராட்டு கிடைக்கும்.
மொத்தத்தில் இந்தப் புத்தாண்டு சிக்கனம் மற்றும் மௌனத்தின் அவசியத்தை உணர்த்துவதாக அமையும்.

 a

துலாம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

a

மற்றவர்களின் வருத்தங்களை புரிந்து உதவும் குணம்  கொண்டவர் நீங்கள். உங்களின் ராசிக்கு 10-வது வீட்டில் புத்தாண்டு பிறப்பதால், தடைகளைத் தாண்டி முன்னேறுவீர் கள். சாணக்கியத்தனத்துடன் பேசி காரியம் 

சாதிப்பீர்கள்.உங்களிடம் கடன் வாங்கி ஏமாற்றியவர்கள், பணத்தைத் திருப்பித் தருவார்கள். நீங்களும் கைமாற்றுக் கடனை அடைப்பீர்கள். மகனின் திருமணம் இனிதே நடந்தேறும்.

புத்தாண்டு பிறக்கும்போது செவ்வாய் 4-ஆம் வீட்டில் இருப்பதால், தன்னம்பிக்கை பிறக்கும். தாயாருக்கு ஆரோக்கியக் குறைவு, வீடு- வாகன பராமரிப்புச் செலவுகள் வந்துபோகும். வருடம் பிறக்கும்போது ராசிக்குள் ராகு நிற்பதால் எதிலும் ஒருவித தயக்கம், படபடப்பு, நெஞ்சு வலி வந்து நீங்கும். முன்கோபம் அதிகரிக்கும். யோகா, தியானம், எளிய உடற்பயிற்சிகள் அவசியம்.


7-ஆம் வீட்டில் கேது அமர்வதால் தம்பதிக்குள் ஈகோ பிரச்னை, வீண் சந்தேகத்தால் பிரிவு ஏற்படும். வாழ்க்கைத் துணை உங்களின் நிறை- குறைகளை எடுத்துச் சொன்னால் கோபப்படாதீர்கள். மே 28-ஆம் தேதி வரை உங்கள் ராசிக்கு 8-வது வீட்டில் குரு மறைந்திருப்பதால், மறைமுக பணவரவு உண்டு; செலவுகளும் இருக்கும். வீண் பழிச்சொல்லுக்கு ஆளாவீர்கள். வாகனத்தில் செல்லும்போது அதீத கவனம் தேவை.


மே 29 முதல் குருபகவான் உங்கள் ராசிக்கு 9-ஆம் வீட்டில் அமர்வதால் சாதிப்பீர்கள். போராட்டங்கள் ஓயும். கல்வியாளர்கள், தொழிலதிபர்களின் நட்பு கிடைக்கும். பதவிகள் தேடி வரும். வீட்டில் சுப நிகழ்ச்சிகள் நடக்கும். மனைவியுடனான பிணக்குகள் நீங்கும். குழந்தை பாக்கியம் கிடைக்கும். புது வீடு கட்டி குடிபுகுவீர்கள்.


புது வேலை கிடைக்கும். அரசு சம்பந்தப்பட்ட வேலைகள் விரைந்து முடியும். பூர்வீகச் சொத்தை சீரமைப்பீர்கள். வெளிநாடு செல்லும் வாய்ப்பு வரும். தந்தையின் உடல் நிலை சீராகும். அவருடனான கருத்து மோதல்களும் விலகும். வெளிவட்டாரத்தில் உங்களின் புகழ், கௌரவம், செல்வாக்கு உயரும். வழக்கு சாதகமாகும். முதுகுவலி, சர்க்கரை நோயின் தாக்கம் குறையும். நல்ல வேலை அமையும். அரசுக்கு செலுத்த வேண்டிய வரித்தொகைகளை உடனுக் குடன் செலுத்துவது நல்லது.


ஜென்மச்சனி தொடர்வதால், மெடிக்ளைம் எடுத்துக் கொள்ளுங்கள். ஜெனரல் செக்கப்பும் அவசியம். வெளி உணவுகளைத் தவிர்க்கவும். வாழ்க்கைத் துணையின் வழியில் அலைச்சலும் செலவும் இருக்கும். எவருக்காகவும் சாட்சி கையெழுத்திட வேண்டாம்.

வியாபாரிகள், சந்தை நிலவரங்களை அறிந்து புதிய சரக்குகளை கொள்முதல் செய்வீர்கள். ஃபர்னிச்சர், மருந்து, இரும்பு வகைகளால் ஆதாயம் உண்டு. அரசாங்க நெருக்கடி கள் நீங்கும். வேலையாட்களும்  பங்குதாரர்களும் பணிந்து போவார்கள். பழைய பங்குதாரர்களும் தேடி வருவர். வியாபாரம் செழிக்கும்.

உத்தியோகஸ்தர்களுக்கு, எவரும் குறை சொல்லமுடியாத நிலை உருவாகும். முக்கிய கோப்புகளை கவனமாகக் கையாளுங்கள். மேலதிகாரிகள் உங்களுக்கு முக்கியத்துவம் தருவர். சக ஊழியர்களால் மறைமுகமாக சில பிரச்னைகள் எழலாம். கன்னிப்பெண்களுக்கு, உயர்கல்வி சம்பந்தப்பட்ட குழப்பங்கள் நீங்கும். சுற்றி இருப்பவர்களின் சுயரூபத்தை உணர்வீர்கள். தாயாரின் ஆதரவு உண்டு. ஆடை- ஆபரணங்கள் சேரும். தள்ளிப்போன திருமணம் கூடி வரும்.  விட்ட பாடத்தை மீண்டும் எழுதி வெற்றி பெறுவீர்கள்.
மாணவர்களுக்கு அவ்வப்போது மறதி - மந்தம் ஏற்படலாம். படிப்பில் கூடுதல் அக்கறை தேவை.

அரசியல்வாதிகளுக்கு வேலை அதிகரிக்கும். கட்சி அறிவிக்கும் போராட்டங்களில் பங்கேற்று, தலைமையின் நன்மதிப்பை பெறுவீர்கள். கலைத் துறையினருக்கு, தடைப்பட்ட வாய்ப்புகள் எல்லாம் இனி வீடு தேடி வரும். மொத்தத்தில் இந்தப் புத்தாண்டு, அவ்வப்போது உங்களுக்கு சுகவீனங்களைத் தந்தாலும், தன்னம்பிக்கையால் வெற்றிபெற வைப்பதாக அமையும்!

 a

விருச்சிகம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

தன்மானம் மிகுந்தவர் நீங்கள். உங்களுக்கு 9-வது ராசியில் புத்தாண்டு பிறப்பதால், எதிர்பார்ப்புகள் நிறைவேறும். உங்களின் ஆளுமைத்திறனும் கையில் பணப் புழக்கமும் அதிகரிக்கும். குடும்பத்தில் சுப நிகழ்ச்சிகள் ஏற்பாடாகும். பூர்வீகச் சொத்தில் மாற்றம் செய்வீர்கள். ரசனைக்கேற்ற வீடு- வாகனம் அமையும். வருடம் ஆரம்பிக்கும்போது செவ்வாய் 3-ஆம் வீட்டிலேயே அமர்ந்திருப்பதால் வீடு- மனை வாங்குவது, விற்பது சுலபமாக முடியும். கைமாற்றுக் கடனை அடைப்பீர்கள். காணாமல் போன முக்கிய ஆவணங்கள் கிடைக்கும். மகளின் கல்யாணம் சிறப்புற நடக்கும். வி.ஐ.பி-களின் ஆதரவு உண்டு.

 சுக்கிரன் உங்கள் ராசிக்குள் நிற்கும்போது புத்தாண்டு பிறப்பதால் பேச்சில் இனிமை கூடும். செலவுகளைக் குறைக்க திட்டமிடுவீர்கள். கொடுத்த கடன் திரும்ப கிடைக்கும். மனைவி வழியில் ஒத்துழைப்பு அதிகரிக்கும். வீடு கட்டவும், வாங்கவும் வங்கி லோன் கிடைக்கும். புது வேலைக்கான முயற்சியில் நல்ல பலன் கிடைக்கும். பழைய கடன் பிரச்னை தீரும்.

ராசிக்கு 6-ஆம் வீட்டில் கேது சாதகமாக இருப்பதால், சூழ்ச்சிகளை முறியடித்து வெற்றி பெறுவீர்கள்.

புது பொறுப்புகளும், பதவிகளும் தேடி வரும். பழைய பிரச்னைகளுக்கு, மாறுபட்ட அணுகுமுறையால் தீர்வு காண்பீர்கள். சிலருக்கு, குழந்தை பாக்கியம் உண்டாகும். எதிர்பார்த்து காத்திருந்த விசா கிடைத்து, அயல்நாடு சென்று வருவீர்கள். ராகு 12-ஆம் வீட்டில் மறைந்திருப்பதால், மறைமுக எதிரிகளாலும் ஆதாயம் உண்டு.

திடீர் பயணங்களும், செலவுகளும் அதிகரிக்கும். யதார்த்தமாக நீங்கள் பேசுவதையும் சிலர் தவறாகப் புரிந்துகொள்வர். சொத்து வழக்கில் வழக்கறிஞரை மாற்றுங்கள். மே 28-ஆம் தேதி வரையிலும் உங்கள் ராசிக்கு 7-ஆம் வீட்டில் குரு அமர்ந்திருப்பதால், வரவேண்டிய பணம் வந்துசேரும். வி.ஐ.பி-களின் நட்பு கிடைக்கும். பொது விழாக்களில் முதல் மரியாதை கிடைக்கும்.


தம்பதிக்குள் மனம் விட்டுப் பேசி சில முக்கிய முடிவுகள் எடுப்பீர்கள். பிள்ளைகளால் சமூகத்தில் அந்தஸ்து உயரும். கல்யாண முயற்சிகள் பலிதமாகும். மூத்த சகோதரிக்கு திருமணம் நிச்சயமாகும். உறவினர்களால் உதவிகள் கிடைக்கும். மே-29 முதல் குரு 8-ல் மறைவதால் வேலை, செலவுகள் அதிகரிக்கும். தம்பதிக்குள் மனஸ்தாபம் எழும். கை- காலில் அடிப்படக்கூடும்.


சனி பகவான் ராசிக்கு 12-ஆம் வீட்டில்... ஏழரைச் சனியின் ஒரு பகுதியான விரயச்சனி தொடர்வதால்,  இனம் புரியாத கவலைகள் வந்து செல்லும். ஓரளவு பண வரவும் உண்டு. சிலர், உங்களை தவறாகப் புரிந்துகொள்வர்.
இரவு நேர பயணங்களைத் தவிர்க்கவும். வாகனங்களை இயக்கும்போது கவனம் தேவை. அரசு அதிகாரிகள், வி.ஐ.பி-களுடன் கருத்து மோதல்கள் வரக்கூடும். காசோலை தருவதற்கு முன்பு, வங்கியில் கையிருப்பை அறியவும்.


வியாபாரிகளே... தரமான சரக்குகளை வாங்கி புது சலுகைகளை அறிவித்து லாபம் ஈட்டுவீர்கள். கடையை வேறிடத்துக்கு மாற்றுவீர்கள். வாடிக்கையாளர்களிடம் கனிவு தேவை. ஃபர்னிச்சர், ஹோட்டல், லாட்ஜ், ஏற்றுமதி - இறக்குமதி மற்றும் நீசப்பொருட்களால் ஆதாயம் உண்டு. புது ஏஜென்சி எடுப்பீர்கள். உத்தியோகஸ்தர்களுக்கு, உங்க ளின் புது அதிகாரி உங்களை மதிப்பார். திறமைகளை வெளிப்படுத்த வாய்ப்புகள் அமையும். எதிர்பார்த்த சலுகை கள் கிடைக்கும். வேறு சில வாய்ப்புகளும் தேடி வரும்.
கன்னிப்பெண்கள், கூடா பழக்கவழக்கம் உள்ளவர்களிடம் இருந்து விடுபடுவீர்கள். உயர்கல்வியில் போராடி வெற்றி பெறுவீர்கள். மனதுக்குப் பிடித்தவர் கணவனாக அமைவார். மாணவர்களுக்கு, படிப்பில் ஆர்வம் பிறக்கும்; சக மாணவர்களைக் காட்டிலும் அதிக மதிப்பெண் எடுக்க வேண்டும் எனும் வைராக்கியத்துடன் படிப்பீர்கள்.


அரசியல்வாதிகள் பற்றிய வீண் வதந்திகள் நீங்கும். கட்சி மேலிடத்தால் பெரிதும் மதிக்கப்படுவீர்கள். கலைஞர்களின் படைப்புகள் பட்டிதொட்டியெங்கும் பாராட்டப்படும். மொத்தத்தில் இந்தப் புத்தாண்டு சிறு சிறு தடைகள்- ஏமாற்றங்களைத் தந்தாலும், அவற்றையெல்லாம் கடந்து இலக்கை எட்டிப்பிடிக்க வைப்பதாக அமையும்.

தனுசு

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

a

தாராள மனம் கொண்டவர் நீங்கள். புத்தாண்டு பிறக்கும் போது, சனி உங்களின் லாப வீட்டில் தொடர்கிறார். திடீர் செல்வாக்கு, புகழ் உண்டாகும். பண வரவு அதிகரிக்கும். பழைய மனையை விற்றுவிட்டு புது வீடு வாங்குவீர்கள். கடன்கள் அடைபடும். வழக்குகள் சாதகமாகும். விசேஷங்களில் முதல் மரியாதை கிடைக்கும். ஆபரணம் சேரும். நாடாளுபவர்கள் உதவுவர்.

மே 28-ஆம் தேதி வரை குரு பகவான் உங்கள் ராசிக்கு 6-ஆம் வீட்டில் மறைந்திருப்பதால் மறைமுக எதிர்ப்புகள், வீண் டென்ஷன் வேலைச்சுமை, காய்ச்சல் என வந்து செல்லும். பூர்வீகச் சொத்து சம்பந்தமாக வழக்குகள் வேண்டாம். சில காரியங்களை பலதடவை முயன்று முடிக்க வேண்டியது வரும். பணம்- நகை, வீட்டுப் பத்திரங்களை கவனமாகக் கையாளுங்கள். எவருக்கும் ஜாமீன் கையெழுத்துப் போட வேண்டாம். சிக்கனமும் அவசியம். வீண் சந்தேகத்தால் நல்லவர்களை இழக்கவேண்டி வரும்.

மே - 29 முதல் குரு உங்கள் ராசிக்கு 7-ல் நுழைவ தால், துடிப்புடன் செயலாற்றுவீர்கள். சுப நிகழ்ச்சிகளால் வீடு களைகட்டும். பிரிந்திருந்த தம்பதியர் ஒன்றுசேர்வார்கள். சிலருக்கு, குழந்தை பாக்கியம் கிடைக்கும். மகனுக்கு நல்ல மணப்பெண் வாய்ப்பாள். தாயாரின் உடல் நிலை சீராகும். பழைய சொத்து ஒன்றை எதிர்பார்த்த விலைக்கு விற்பீர்கள். அரசால் ஆதாயம் உண்டு.

உங்களுக்கு 8-வது ராசியில் புத்தாண்டு பிறப்பதால் வரவுக்கு மிஞ்சிய செலவுகள் இருக்கும். திடீர் பயணங்கள் அதிகரிக்கும். எவரிடமும் சொந்த விஷயங்களைப் பகிர்ந்து கொள்ளாதீர்கள். புது வருடம் பிறக்கும்போது, 2-ஆம் வீட்டிலேயே செவ்வாய் அமர்ந்திருப்பதால், வீண் வாக்குவாதத்தைத் தவிர்க்கவும். உடன்பிறந்தவர்களிடம் விட்டுக்கொடுத்து போங்கள். சிலர், வீடு மாற வேண்டிய நிர்ப்பந்தம் உண்டாகும். முக்கிய பணிகளை நீங்களே முன்னின்று  முடிப்பது நல்லது. கேது உங்கள் ராசிக்கு 5-ஆம் வீட்டில் நிற்பதால், பிள்ளைகளின் வருங்காலம் குறித்த கவலைகள் வந்துபோகும். அவர்களின் உயர் கல்வி, உத்தியோகம் தொடர்பாக அலைச்சலும் உண்டு. தாய்வழி உறவினர்களுடன் மோதல்கள் எழலாம். பூர்வீகச் சொத்துப் பராமரிப்பு செலவுகள் அதிகரிக்கும். எவருக்கும் நகை, பணம் வாங்கித் தருவதில் ஈடுபட வேண்டாம்.

ராகு, உங்கள் ராசிக்கு 11-ஆம் வீட்டில் தொடர்வதால் பழைய சிக்கல்களை புதிய கோணத்தில் அணுகி வெற்றி பெறுவீர்கள். வராது என்றிருந்த பணம் கைக்கு வரும். புதிய பதவிகள் தேடி வரும். ஆன்மிக ஈடுபாடு அதிகரிக்கும்.
வியாபாரிகள், தள்ளுபடி விலையில் பழைய சரக்குகளை விற்றுத் தீர்ப்பீர்கள். கடையை அழகுப்படுத்துவீர்கள். வேலையாட்களால் டென்ஷன் ஏற்படலாம். மருந்து, என்டர்பிரைசஸ், துணி வகைகளால் ஆதாயம் அடைவீர்கள். பங்குதாரர்கள் கருத்து வேறுபாட்டால் பிரிவர். புதிய பங்குதாரர்கள் இணைவார்கள். உத்தியோகஸ்தர்களுக்கு, பதவி- சம்பள உயர்வு உண்டு. அலுவலகப் பிரச்னைகள் மட்டுமின்றி, அதிகாரியின் சொந்தப் பிரச்னைகளையும் தீர்த்துவைப்பீர்கள். பெரிய பொறுப்புகளுக்கு உங்கள் பெயர் பரிசீலிக்கப்படும். சிலருக்கு, புது வேலை கிடைக்கும்.


கன்னிப்பெண்களின் நீண்ட நாள் கனவு நனவாகும். தாமதமான கல்யாணம், வருடத்தின் பிற்பகுதியில் நல்லவிதமாக முடியும். மாதவிடாய்க் கோளாறு, தலைசுற்றல், தூக்கமின்மை நீங்கும். மாணவர்களுக்கு, நல்லவர்களின் நட்பு கிடைக்கும். பாடம் தொடர்பான சந்தேகங்களை உடனுக்குடன் ஆசிரியரிடம் கேட்டு தெளிவு பெறுங்கள்.

அரசியல்வாதிகள், ஆதாரம் இல்லாமல் எவரையும் விமர்சித்துப் பேச வேண்டாம். சகாக்கள் சிலர், உங்களைப் புகழ்வது போன்று இகழ்வார்கள். கலைஞர்கள், கிடைக்கும் வாய்ப்புகள் எதுவானாலும் தவிர்க்காமல் ஏற்றுக்கொள்வது நல்லது.

மொத்தத்தில் இந்தப் புத்தாண்டு, ஆரம்பத்தில் உங் களை அலைய வைத்தாலும், பிறகு எதிர்பாராத பண வரவையும் வெற்றிகளையும் தரக்கூடியதாக அமையும்.

மகரம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

பெற்ற தாயையும், பிறந்த மண்ணையும் அதிகம் நேசிப்பவர் நீங்கள். உங்களுக்கு லாப வீட்டில் சுக்கிரன் அமர்ந்திருக்கும் நேரத்தில், புத்தாண்டு பிறக்கிறது. திட்டமிட்ட காரியங்கள் சிறப்பாக நிறைவேறும். பணப்புழக்கம் அதிகரிக்கும். வீடு, வாகனம் வாங்கும் யோகம் உண்டாகும். வீட்டில் அடுத்தடுத்து சுப நிகழ்ச்சிகள் நடக்கும்.

நண்பர்கள், உறவினர்கள் உங்களுக்கு முக்கியத்துவம் தருவர். ஷேர் மூலம் பணம் வரும். செவ்வாய் உங்கள் ராசிக்குள் உச்சம் பெற்று அமர்ந்திருக்கும் நேரத்தில் புத்தாண்டு பிறப்பதால்

எதிர்பார்ப்புகள் யாவும் தடையின்றி நிறைவேறும். பேச்சில் கம்பீரம் பிறக்கும். வழக்கு சாதகமாகும். எதிர்பார்த்த தொகை கைக்கு வரும். பழைய கடனை பைசல் செய்வீர்கள். வீடு வாங்குவது- கட்டுவது போன்ற முயற்சிகளில் ஈடுபடுவீர்கள்.

மே 28-ஆம் தேதி வரை உங்கள் ராசிக்கு 5-ஆம் வீட்டில் குரு அமர்ந்திருப்பதால், குடும்பத்தில் கூச்சல் - குழப்பம் விலகும். தாம்பத்தியம் இனிக்கும். வீண் செலவுகளைக் கட்டுப்படுத்துவீர்கள். சிலருக்கு, மழலை பாக்கியம் கிடைக்கும். பிள்ளைகளால் செல்வாக்கு கூடும். மகளுக்கு நல்ல வரன் அமையும்; நல்ல வேலை கிடைக்கும். தாய்மாமன் வகையில் உதவிகள் கிடைக்கும். பூர்வீகச் சொத்தின் பங்கு கைக்கு வரும். தாயாரின் ஆரோக்கியம் சீராகும். குலதெய்வப் பிரார்த்தனையை நிறைவேற்றுவீர்கள்.

மே- 29 முதல் குரு உங்கள் ராசிக்கு 6-ஆம் வீட்டில் சென்று மறைவதால் மறைமுக விமர்சனங்கள், ஏமாற்றம், இழப்பு, கவலைகள் ஏற்படும். வேலைச்சுமையால் சோர்வு அடைவீர்கள். தம்பதிக்குள் சந்தேகம், ஈகோ பிரச்னைகள் வந்துபோகும். பணப் பற்றாக்குறையால் வெளியில் கடன் வாங்க நேரிடும். உறவினருடன் பகை வரக்கூடும். வழக்கால் நிம்மதி இழப்பீர்கள். அரசு காரியங்கள் தாமதமாகும்.

கேது 4-ஆம் வீட்டில் நிற்பதால் முக்கியக் கோப்புகளில் கையெழுத்திடும்போது கவனம் தேவை. சொத்து வாங்கும் போது தாய் பத்திரத்தை சரி பார்க்கவும். தாயாருக்கு கை- கால் மற்றும் முதுகு வலி வந்துபோகும். தாய்வழி உறவினருடன் கருத்து வேறுபாடுகள் எழலாம். மூட்டுவலி, ஒற்றைத் தலைவலி, ரத்த சோகை வரக்கூடும். ஆனால் 10-ஆம் வீட்டில் ராகு அமர்ந்திருப்பதால் சவால்களை சமாளிக்கும் சாமர்த்தியம் பிறக்கும். கடன் வாங்கியவர்கள் திருப்பித் தருவர். எனினும், வேலைச்சுமையும் வீண் பழியும் வரக்கூடும். சனி உங்கள் ராசிக்கு 10-ஆம் வீட்டில் தொடர்வதால், உங்களின் நிர்வாகத்திறன் அதிகரிக்கும். வி.ஐ.பி-களின் அறிமுகமும் அவர்களால் உதவியும் உண்டு. பணபலம் கூடும். புது பதவிகள், பொறுப்புகள் தேடி வரும்.மகனுக்கு அயல்நாடு தொடர்புடைய நிறுவனத்தில் வேலை கிடைக்கும். சொத்து தகராறு தீரும்.

உடல்- உள்ளச் சோர்வு வரும். நகை, பணம், முக்கிய பத்திரங்களை வங்கி லாக்கரில் வைப்பது நல்லது. வியாபாரிகள், அதிரடி திட்டங்களால் போட்டியாளர்களை திணறடிப்பார்கள். பணியாளர்களிடம் கவனம் தேவை. புது ஏஜென்சி எடுப்பீர்கள். கூட்டுத்தொழிலில், விலகிச் சென்ற பங்குதாரர்கள் மீண்டும் வந்து இணைவர். உத்தியோகஸ்தர்களுக்கு, அலுவலகத்தில் இனி அலைக்கழிப்புகள் இருக்காது. எதிர்பார்த்த பதவி - சம்பள உயர்வு உண்டு. ஆனாலும், 10-ல் சனி தொடர்வதால் சக ஊழியர்களால் நெருக்கடிகள் வந்து நீங்கும்.

கன்னிப்பெண்களுக்கு பேச்சில் அனுபவ முதிர்ச்சி வெளிப்படும். காதிருந்ததற்கு ஏற்ப நல்ல கணவர் அமைவார். மாணவர்கள், கடைசி நேரத்தில் படிக்கும் வழக்கத்தை மாற்றிக்கொள்ளுங்கள். உயர் கல்வியில் விரும்பிய பாடப் பிரிவுகளில் சேர்வதற்கு, கொஞ்சம் அலைச்சலும் போராட்டமும் உண்டு. கெட்ட நண்பர்களை ஒதுக்குங்கள். அரசியல்வாதிகள், உட்கட்சி பூசலில் சிக்கிக் கொள்ளாதீர்கள். எதிர்க்கட்சியினர் குறித்த விமர்சனமும் வேண்டாம். நேரத்தை வீணடிக்காமல் செயல்பட்டு, சாதிக்கப் பாருங்கள்.

கலைத் துறையினரை, பெரிய நிறுவனங்கள் அழைத்துப் பேசும். மொத்தத்தில் இந்த புத்தாண்டின் முற்பகுதி முன்னேற்றப் பாதையைக் காட்டினாலும், பிற்பகுதியில் தொலை நோக்குச் சிந்தனையின் அவசியத்தை உணர்த்துவதாக அமையும்.

கும்பம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

a

அடுத்தவர்களின் குறை-நிறைகளை சாமர்த்தியமாக சுட்டிக்காட்டுவதில் வல்லவர் நீங்கள். உங்கள் ராசிக்கு 10-ஆம் வீட்டில் சுக்கிரன் அமர்ந்திருக்கும்போது, புத்தாண்டு பிறக்கிறது. மற்றவர்களின் ரசனைக்கு ஏற்ப உங்களை மாற்றிக் கொள்வீர்கள். காரியம் நடப்பதற்காக மட்டுமே உங்களின் காலைப் பிடிக்கும் சிலரை, இனம் கண்டறிந்து ஒதுக்குவீர்கள். வீண் செலவுகளைக் குறைத்து, சேமிக்கத் துவங்குவீர்கள். தம்பதிக்குள் அந்நியோன்யம் அதிகரிக்கும். மனைவி வழி உறவினரால் ஆதாயம் உண்டு.

உங்களுக்கு 6-வது ராசியில் புத்தாண்டு பிறப்பதால் திடீர் பயணங்கள், அலைச்சல்கள், செலவுகள் அதிகரிக்கும். கல்யாணம், கிரகப் பிரவேசம், சீமந்தம் என வீடு களை கட்டும். உங்கள் ராசிநாதன் சனி 9-ஆம் வீட்டில் அமர்ந்திருக் கும் நேரத்தில் புத்தாண்டு பிறப்பதால், எதையும் சாதிக்கும் துணிச்சல் வரும். பாதியில் நின்றுபோன வீடு கட்டும் பணியைத் துவக்குவீர்கள்.

வெற்றி பெற்ற மனிதர்களின் அறிமுகம் கிடைக்கும். பண வரவு உண்டு என்றாலும் செலவுகளும் துரத்தும். வழக்குகள் சாதகமாகும். உறவினர், நண்பர்களின் சுயரூபத்தை அறிந்து, அதற்கேற்ப செயல்படுவீர்கள். சிலருக்கு, புது வேலை அமையும். வெளி நாடு செல்லும் வாய்ப்பு வரும். ஆனால், தந்தைக்கு நெஞ்சு வலி, அலைச்சல், டென்ஷன் வந்துபோகும். பிதுர்வழி சொத்துப் பிரச்னைக்கு சுமூக தீர்வு காண்பது நல்லது.

வருடம் முடியும் வரை 3-ஆம் வீட்டில் கேது நிற்பதால் திடீர் பணவரவு உண்டு. அண்ணன் பக்கபலமாக இருப்பார். ஆனால், இளைய சகோதரருடன் பனிப்போர் வந்து நீங்கும். பூர்வீகச் சொத்தை சீரமைப்பீர்கள். ஷேர் மூலம் பணம் வரும். பிரபலங்களின் நட்பு கிட்டும். 9-ஆம் வீட்டில் ராகுவும் அமர்ந்திருப்பதால், 'எவ்வளவு பணம் வந்தாலும் எடுத்து வைக்க முடியவில்லையே’ என்று ஆதங்கப்படுவீர்கள். குலதெய்வ நேர்த்திக்கடனை முடிப்பீர்கள். அரசு அதிகாரி களை பகைக்க வேண்டாம்.

மே 28-ஆம் தேதி வரை குரு உங்கள் ராசிக்கு 4-ஆம் வீட்டில் அமர்ந்திருப்பதால், தாயாருடன் கருத்துமோதல்கள் வரக்கூடும். அவருக்கு நெஞ்சுவலி, சளித் தொந்தரவு வந்து நீங்கும். கடனை போராடி வசூலிப்பீர்கள். அரசாங்க வரிகளை உரிய காலகட்டத்தில் செலுத்திவிடுங்கள். வாகனம் ஓட்டும்போது அலைபேசியில் பேச வேண்டாம்.  மே- 29 முதல் குரு உங்கள் ராசிக்கு 5-ஆம் வீட்டில் நுழைவதால் பிரிந்த தம்பதி ஒன்றுசேர்வார்கள். பண வரவு உண்டு. மழலை பாக்கியம் உண்டு. மகளின் தடைப்பட்ட திருமணம், இப்போது கூடிவரும். வீடு கட்டி குடிபுகுவீர்கள். சொத்துப் பிரச்னைக்கு சுமூக தீர்வு காண்பீர்கள். வெளிநாட்டினரால் திடீர் திருப்பங்கள் ஏற்படும்.

வியாபாரிகள், வாடிக்கையாளரின் தேவையறிந்து கொள்முதல் செய்வது அவசியம். நீண்டநாளாக செய்ய நினைத்த மாற்றங்களை ஜூன் முதல் செய்வீர்கள். விளம்பரங்களால் வியாபாரத்தைப் பெருக்குவீர்கள். கொடுக்கல்-வாங்கலில் சுமுக நிலை ஏற்படும். புது கிளைகள் தொடங்குவீர்கள். மெடிக்கல், எலெக்ட்ரானிக்ஸ், பெட்ரோ கெமிக்கல் வகைகளால் ஆதாயம் உண்டு. பங்குதாரர்கள், உங்களது ஆலோசனையை ஏற்பர்.
உத்தியோகஸ்தர்கள், அலுவலகத்தின் எல்லா நடவடிக்கை களிலும் உஷாராக இருங்கள். ஜூன்  முதல் பதவி- சம்பள உயர்வு கிடைக்கும். உங்களுக்கு தொல்லை தந்த மேலதிகாரி வேறு இடத்துக்கு மாற்றப்படுவார். உங்களின் திறமையைக் கண்டு உயரதிகாரி வியப்பார்.

கன்னிப்பெண்கள், விடுபட்ட பாடத்தில் தேர்வு எழுதி வெற்றி பெற்று, வேலையில் சேர முயற்சியுங்கள். பெற்றோர் உங்களைப் புரிந்துகொள்வர். மாணவர்கள், 'தேர்வில் வெற்றி நிச்சயம்’ என்று தப்புக்கணக்கு போடாமல், படிப்பில் கவனம் செலுத்துவது அவசியம். எதிர்பார்த்தபடி நல்ல கோர்ஸில் சேர்வீர்கள். அயல்நாடு சென்று படிக்கும் வாய்ப்பும் தேடி வரும். உயர்கல்வியில் வெற்றியுண்டு.

அரசியல்வாதிகளின் நடவடிக்கைகளை தலைமை உற்று நோக்கும். கலைஞர்கள், விமர்சனங்கள் குறித்து அஞ்ச மாட்டார்கள். மூத்த கலைஞர்களின் நட்பை பெறுவர். மொத்தத்தில், இந்த புத்தாண்டின் மையப்பகுதியில் இருந்து அதிரடி யோகம் உண்டு.

மீனம்

2013 புத்தாண்டு ராசி பலன்கள் - ஜோதிடரத்னா கே.பி.வித்யாதரன்

 இனிய பேச்சுக்கு சொந்தக்காரர் நீங்கள். உங்கள் ராசிக்கு லாப வீட்டில் செவ்வாய் உச்சம் பெற்றிருக்கும் நேரத்தில் புத்தாண்டு பிறப்பதால், உங்களின் செல்வம்- செல்வாக்கு உயரும். தைரியமாக சில முக்கிய முடிவுகள் எடுப்பீர்கள். எதிர்பாராத பணவரவு உண்டு. உடன்பிறந்தவர்கள் பாச மழை பொழிவார்கள். மனைவி வழியில் ஆதரவு பெருகும். கடன் பிரச்னை கட்டுப்பாட்டுக்குள் வரும். முன்பணம் தந்து முடிக்கப்படாமல் இருந்த சொத்துக்கு, மீதிப் பணம் தந்து பத்திரப்பதிவு செய்வீர்கள்.

உங்கள் ராசிக்கு 9-ஆம் வீட்டில் சுக்கிரன் வலுவாக நிற்கும் நேரத்தில் புத்தாண்டு பிறப்பதால், விரக்தி விலகும். குழந்தை இல்லாதவர்களுக்கு வாரிசு உருவாகும். பணப்புழக்கம் அதிகரிக்கும். தடைப்பட்ட திருமணம் கூடிவரும். வீடு கட்ட பல வழிகளில் இருந்தும் உதவிகள் கிடைக்கும். வெளிவட்டாரத்தில் மதிப்பு கூடும். பெரிய பதவிக்கு தேர்ந்தெடுக்கப்படுவீர்கள். தாயாரின் ஆரோக்கியம் திருப்திகரமாக இருக்கும். தாய்வழியில் அனுகூலம் உண்டாகும். வெளிநாட்டில் இருக்கும் நண்பர்களின் உதவி கிடைக்கும். வசதியான வீட்டுக்கு மாறுவீர்கள். குல தெய்வக் கோயிலை புதுப்பிக்க உதவுவீர்கள். புது வேலை கிடைக்கும். கைமாற்றாக வாங்கிய கடனில் ஒரு பகுதியை தந்து முடிப்பீர்கள்.

மே 28-ஆம் தேதி வரை குரு உங்கள் ராசிக்கு 3-ஆம் வீட்டில் நிற்பதால், கடினமாக உழைத்து இலக்கை எட்டிப் பிடிப்பீர்கள். சுபச் செலவுகளும், திடீர் பயணங்களும் அதிகரிக்கும். சில காரியங்களில் தடைகள் ஏற்படலாம். சுப நிகழ்ச்சிகளால் வீடு களைகட்டும். மனைவி, பிள்ளை களின் கோரிக்கைகளுக்கு முக்கியத்துவம் அளியுங்கள். உறவினர்கள் சிலர் பணம் கேட்டு தொந்தரவு தருவார்கள். மற்றவர்களின் பேச்சை நம்பி அதிரடியான முடிவுகளை எடுக்கவேண்டாம். வீடு- வாகன பராமரிப்புச் செலவுகள் அதிகரிக்கும்.

மே- 29 முதல் குரு உங்கள் ராசிக்கு 4-ஆம் வீட்டில் அமர்வதால் மன உளைச்சல், மறைமுக எதிர்ப்பு, வீண் விமர்சனம், மூட்டுவலி, சிறுசிறு அவமானங்கள் வரக்கூடும். தாயாருக்கு உடல் நலம் பாதிக்கும். தாய்வழி உறவினர்களுடன் உரசல்கள் எழலாம். சிலர் வீடு மாற வேண்டிய நிர்ப்பந்தம் உண்டாகும். நண்பர்களில் சிலர், உங்களை தவறான பாதைக்கு திருப்பலாம்; கவனம் தேவை.

வழக்கு விஷயங்களில் சற்றே பின்னடைவு ஏற்படும். ராசிக்கு 2-ஆம் வீட்டில் கேது நிற்பதால் பேச்சில் காரம் வேண்டாம். தங்க நகைகளை இரவல் வாங்கவோ, தரவோ வேண்டாம். ராசிக்கு 8-ஆம் வீட்டில் ராகு நிற்பதால், தம்பதிக்குள் சிறு சிறு மனஸ்தாபம் எழும்; விட்டுகொடுத்து போகவும். வாகனத்தில் செல்லும்போது கவனம் தேவை. வருடம் முடியும் வரை அஷ்டமத்துச் சனி தொடர்வதால் சிறு சிறு விபத்துகள், ஏமாற்றங்கள், குழப்பங்கள், பண இழப்பு, வீண் பழி, வழக்குகள் வந்து நீங்கும்.

வியாபாரிகள், பெரிய முதலீடுகளைத் தவிர்க்கவும். வாடிக்கையாளர்களை அதிகப்படுத்த லாபத்தைக் குறைத்து விற்பனை செய்வீர்கள். மே மாதம் முதல் கணிசமாக லாபம் உயரும். உணவு, புரோக்கரேஜ், கமிஷன், எலக்ட்ரிக்கல் வகைகளால் ஆதாயம் உண்டு. பங்குதாரர்களுடன் மோதல்கள் எழலாம். உத்தியோகஸ்தர்களுக்கு, மேலதிகாரிகளால் மன உளைச்சல் ஏற்பட்டாலும், உங்களை நம்பித்தான் முக்கிய பொறுப்புகளை ஒப்படைப்பார். பணிகளை விரைந்து முடிக்கப் பாருங்கள். விருப்பமற்ற இடமாற்றம் உண்டு.

கன்னிப்பெண்கள், பெற்றோரை அனுசரித்து செல்லவும். உங்களின் தகுதிக்கு ஏற்ற வேலை கிடைக்கும். மாணவர்கள், அன்றைய பாடங்களை அன்றே படித்து முடித்துவிடுங்கள். கணிதம், அறிவியலில் கூடுதல் கவனம் தேவை.
அரசியல்வாதிகள், கோஷ்டி பூசலில் தலையிடாதீர்கள். மறைமுக எதிர்ப்புகளையும் தாண்டி முன்னேறுவீர்கள்.கலைஞர்களுக்கு, புதிய வாய்ப்புகள் தேடி வரும். ஒருபுறம் விமர்சனங்கள் இருந்தாலும், மற்றொரு புறம் கடின உழைப்பால் சாதித்துக் காட்டுவீர்கள்.

மொத்தத்தில் இந்தப் புத்தாண்டு... எதிலும் அகலக்கால் வைக்காமல், ஆழம் பார்த்து காலை விடவேண்டியதன் அவசியத்தை உணர்த்துவதாக அமையும்.

a

thanx - vikatan