தேசிய விருது பெற்ற படங்கள் - பட்டியல்.விஸ்வரூபம் , பரதேசி ,வழக்கு எண் 18/9....

வழக்கு எண் 18/9' சிறந்த பிராந்திய மொழி படம்; விஸ்வரூபம் , பரதேசி படத்திற்கும் விருதுகள்! 

புதுடெல்லி: 2012 ஆம் ஆண்டுக்கான தேசிய திரைப்பட விருதுகள் அறிவிக்கப்பட்டுள்ளன. இதில் சிறந்த பிராந்திய மொழி படமாக 'வழக்கு எண் 18/9' தேர்வு செய்யப்பட்டுள்ளது.

சிறந்த நடிகராக இந்தி நடிகர் இர்ஃபான் (பான் சிங் தோமர் படத்திற்காக) தேர்வு செய்யப்பட்டுள்ளார்.

கமலின் விஸ்வரூபம் படத்திற்கு சிறந்த கலை மற்றும், நடன அமைப்பு ஆகிய 2 பிரிவுகளில் விருதுகள் கிடைத்துள்ளன.

சங்கர் மகா தேவனுக்கு சிறந்த பின்னணிப் பாடகருக்கான விருது கிடைத்துள்ளது. 'கஹானி' படத்திற்கு சிறந்த திரைக்கதைக்கான விருது அறிவிக்கப்பட்டுள்ளது. 

தேசிய அளவில் 2012 ஆம் ஆண்டுக்கான சிறந்த திரைப்படமாக பான் சிங் தோமர் தேர்ந்தெடுக்கப்பட்டுள்ளது.

பாலா இயக்கத்தில் வெளியான பரதேசி படத்திற்கு சிறந்த ஆடை வடிவமைப்புக்கான விருது கிடைத்துள்ளது.

சிறந்த இசையமைப்பாளர்

சிறந்த இசை சிறந்த இசையமைப்பாளருக்கான விருது மராத்தி இசையமைப்பாளர் ஷைலேந்திர பார்வேவுக்கு கிடைத்துள்ளது (படம்: சம்ஹிதா) 

சிறந்த பின்னணி இசைக்கான விருது மலையாளப் படம் கலியாச்சனுக்கு இசையமைத்த பிஜி பாலுக்கு கிடைத்துள்ளது.

சிறந்த பாடலுக்கான விருது சிட்டகாங்கில் இடம்பெற்ற 'போலோ நா...' என்ற பாடலுக்குக் கிடைத்துள்ளது.

மலையாளத்தில் வெளியான 'உஸ்தாத் ஓட்டல்' படத்தின் வசனத்தை எழுதிய அஞ்சலி மேனனுக்கு சிறந்த வசனகர்த்தா விருது கிடைத்துள்ளது.

சிறந்த இயக்குனர் 

தெலுங்கில் சிறந்த படமாக ராஜமௌலி இயக்கிய ஈகா தேர்வு செய்யப்பட்டுள்ளது சிறந்த இயக்குநர் மராத்தியில் வெளியான 'தாக்'படத்தை இயக்கிய ஸ்ரீ சிவாஜி லோட்டன் பட்டேலுக்கு சிறந்த இயக்குனருக்கான விருது கிடைத்துள்ளது.

இந்திரா காந்தி விருது புதுமுக இயக்குநரின் சிறந்த படத்துக்கான இந்திராகாந்தி தேசிய விருது சிட்டகாங் (இந்தி) மற்றும் 101 சூடியங்கள் (மலையாளம்) படங்களுக்கு பகிர்ந்தளிக்கப்பட்டுள்ளது.

ரிதுபர்னோ கோஷ் பிரபல வங்காள இயக்குநர் ரிதுபர்னோ கோஷ் (சித்ராங்கதா) மற்றும் இயக்குனர் நவாசுதீன் சித்திக் ஆகியோருக்கு நடுவர் குழுவின் சிறப்பு விருது வழங்கப்பட்டுள்ளது.


விருது பட்டியல்

சிறந்த நடிகர் ( 2 பேருக்கு ) இர்ஃபான் கான், விக்ரம் கோக்கலே
சிறந்த நடிகை உஷா ஜாதவ் (மராத்தி நடிகை)
சிறந்த சமூக படம் ஸ்பிரிட் (மலையாளம்)
சிறந்த இயக்குனர் சிவாஜி லேடன் பாட்டீல்
சிறந்த பொழுதுபோக்கு படம் விக்கிடோனர், உஸ்தாத் ஹோட்டல் (மலையாளம்)
சிறந்த துணை நடிகர் அனு கபூர்
சிறந்த துணை நடிகை டோலி அலுவாலியா (விக்கிடோனர்)
சிறந்த திரைக்கதை -  ஓ மை காட்
சிறந்த அனிமேஷன் படம் - டெல்லி சபாரி

நன்றி - விகடன் 

2012 ம் ஆண்டுக்கான தேசிய விருது அறிவிக்கப்பட்டுள்ளது. பின்னணி பாடகர் சங்கர்மகாதேவனுக்கும் விஸ்வரூப படத்திற்கு 2 விருதுகளும் கிடைத்துள்ளன. இன்று அறிவிக்கப்பட்டுள்ள விருதுகள் விவரம் வருமாறு:

தமிழ் திரைப்படமாக பாலாஜி சக்திவேல் இயக்கிய வழக்கு எண் 18 / 9 என்ற திரைப்படம் சிறந்த பிராந்திய படமாகவும், சிறந்தஒப்பனைக்காகவும் தேர்வு செய்யப்பட்டுள்ளது. இந்த படத்தில் கதாநாயகனாக ஸ்ரீயும், கதாநாயகியாக ஊர்மிளாமகந்தாவும் நடித்துள்ளனர். கஹானி என்ற இந்தி திரைப்படம் சிறந்த திரைக்கதைக்காக விருது பெறுகிறது. இந்தி திரைப்படம் பான்சிங் தோமர் என்ற படத்தில் நடித்த இர்பான் சிறந்த நடிகராகவும் தேர்வு செய்யப்பட்டுள்ளார். விஸ்வரூபம் 2 விருதை தட்டி சென்றுள்ளது. சிறந்த நடனம், தயாரிப்பு வடிவமைப்பிற்கு விஸ்வரூபம் தேர்வு செய்யப்பட்டுள்ளது. விக்கி டோனர் என்ற இந்தி திரைப்படம் சிறந்த பொழுது போக்கு படமாகவும், தேர்வு செய்யப்பட்டுள்ளது. இயக்குனர் பாலா இயக்கிய பரதேசி என்ற திரைப்படம் சிறந்த ஆடை வடிவமைப்பாளருக்கான விருதைபெற்றுள்ளது.

சிட்டாகாங் என்ற படத்தில் பாடியமைக்காக சங்கர்மகாதேவனும் தேசிய விருதுக்கு தேர்வு செய்யப்பட்டுள்ளார். மராத்தி மொழி படத்தில் நடித்த உஷாஜாதவ் சிறந்த நடிகைக்கான விருதை பெறுகிறார்.

நன்றி - தினமலர்