நரேன் கார்த்திகேயன், அஜீத் ஆகியவர்களுக்குப் பிடித்த வார்த்தை

• 
• 

என் நண்பர் “Palindrome என்பது என்ன? ஒரு வார்த்தையின் தொடக்க எழுத்தும், கடைசி எழுத்தும் ஒன்றாகவே இருந்தால் அதுதான் Palindrome’’ என்கிறார். இது சரிதானா?

Palindrome எனப்படும் வார்த்தையில் முதல் எழுத்தும், கடைசி எழுத்தும் ஒன்றாக இருக்கும் என்கிற அளவில் நண்பர் கூறுவது சரி. Eye, Radar என்பதைப் போல. ஆனால் Palindrome குறித்த வேறு இரு தன்மைகளையும்கூட நாம் அறிந்துகொள்ள வேண்டும்.

Palindrome என்பதை வலமிருந்து இடமாகவோ, இடமிருந்து வலமாகவோ எப்படிப் படித்தாலும் அதே போலத்தான் ஒலிக்கும். அதாவது அவை அப்போதும் கூட அதே வரிசையில் அமைந்த எழுத்துகள்தான். மேலே குறிப்பிட்ட Eye, Radar போன்றவை இந்த விவரிப்புக்குப் பொருத்தமாக இருக்கின்றன. எனவே, அவை Palindromes.

ஆனால், Stars என்ற வார்த்தையை எடுத்துக்கொள்ளுங்கள். இதன் தொடக்க எழுத்தும், கடைசி எழுத்தும் ஒன்றுதான். ஆனால் இடவலமாக எழுதும்போதும் (S-T-A-R-S), வலஇடமாக எழுதும்போதும் (S-R-A-T-S) எழுத்து வரிசைகள் மாறுபடுகின்றன. எனவே, இது Palindrome அல்ல.

தவிர Palindrome என்பது ஒரே வார்த்தையாகத்தான் இருக்க வேண்டும் என்பதல்ல. Madam I’m Adam என்பதுகூட Palindrome-தான்.

எந்தக் கண்டத்தின் பெயராவது Palindrome - ஆக இருக்க வாய்ப்பு உண்டா? இல்லை. ஆனால், மனதில் பட்டியலிட்டபோது வியப்பாக இருந்தது. Asia, Europe, Africa, Australia, Antactica இவை எல்லாவற்றின் முதல் எழுத்தும், கடைசி எழுத்தும் ஒன்றுதான்.

இந்த சுவாரசியத்தை ஒரு நண்பரிடம் பகிர்ந்துகொள்ளலாம் என்று பேச்சை இப்படித் தொடங்கினேன். “உனக்குத் தெரிந்த ஒரு கண்டத்தின் பெயரைச் சொல். அதன் ஆங்கில முதல் எழுத்தும், கடைசி எழுத்தும் ஒன்றாகவே இருக்க வேண்டும்” என்றேன். அவரிடமிருந்து எதிர்பாராத பதில் வந்தது. அதைக் கேட்டுக்கொண்டிருந்த அவர் மனைவி ANITHA கோபத்துடன் கொடுத்த காபியைக் குடித்துவிட்டுக் கிளம்பிவிட்டேன்.

கீழே உள்ள குறிப்புகளைக் கொண்டு அவற்றுக்கான ஆங்கில வார்த்தைகளைக் கண்டுபிடியுங்கள். எல்லா விடைகளுமே ஒரே எழுத்தில் தொடங்கி ஒரே எழுத்தில் முடிகின்றன. முதல் ஐந்தும் Palindromes.

1. ஒரு நாளின் நடுப்பகுதி

2. செவிலியர்கள் ஓடுகின்றனர்

3. ஒரு செயல்

4. ஒரு தென்னிந்திய மொழி

5. அதீத வியப்பையோ பாராட்டையோ வெளிப்படுத்த அதிகம் பயன்படுத்தப்படும் வார்த்தை.

6. நம்பிக்கை

7. கணவனை இழந்தவர்

8. நறுமணம்

9. அழித்தல்

10. இதயம் தொடர்பானது

மேலே உள்ள புகைப்படங்களிலுள்ள நரேன் கார்த்திகேயன், அஜீத் ஆகியவர்களுக்குப் பிடித்த Palindrome வார்த்தை எது என்பதைக் கண்டுபிடிப்பவர்களுக்கு Race car ஒன்று பரிசு என்று யாராவது கூறினால் நம்பிவிடாதீர்கள்.

Tautogram என்பதும் சுவாரசியமானதுதான். இதில் ஒரு வாக்கியத்திலுள்ள எல்லா வார்த்தைகளும் ஒரே எழுத்தில் தொடங்குகின்றன. Truly Tautograms Triumph என்பது ஓர் உதாரணம். Big Bully Beats Baby Boy என்பது மற்றொரு உதாரணம்.

(அன்பும், அழகும், அறிவும் அமைந்த அமராவதியை அம்பிகாபதி அவசரத்துடன் அண்டினான். இது ஒரு தமிழ் Tautogram).

நீங்களும்கூட சுவாரசியமான (ஆங்கில) Tautogram-களை உருவாக்கி அனுப்பலாமே.

Alliteration என்பதும் Tautogram போலத்தான். ஆனால், ஒரு சின்ன வித்தியாசம் உண்டு. அந்த வாக்கியத்தில் உள்ள வார்த்தையின் ஒவ்வொரு எழுத்தும் ஒன்றாக இருக்க வேண்டும் என்பது கட்டாயமல்ல. ஒவ்வொரு எழுத்தின் ஒலியும் ஒன்றாக இருந்தால் போதும். எடுத்துக் காட்டாக:- Kamakshi caught என்பதில் தொடக்க எழுத்துகள் மாறுபட்டாலும் அவை ஒரே ஒலியைக் கொண்டன. எனவே Alliteration. அதேபோல் Not Knotty என்பது Alliteration-ல் அடங்கும். ஆனால், Secret Chase என்பது அடங்காது (‘ஸீ’ என்பதும் ‘சே’ என்பதும் வெவ்வேறு ஒலிகள் கொண்டவை).

Tautogram என்பது ‘ஒரே எழுத்து’ என்ற பொருள் கொண்ட கிரேக்க வார்த்தைகளான Tauto Gramma என்பதிலிருந்து வந்தது.

Alliteration. என்பது ‘Litira’ என்ற லத்தீன் வார்த்தையை அடிப்படையாகக் கொண்டது. Litra என்றால் எழுத்துகள் என்று அர்த்தம்.

Tautology என்றால் ஒரே விஷயத்தை விதவிதமான வார்த்தைகளில் மீண்டும் மீண்டும் அடுத்தடுத்துக் கூறுவது (இந்த வாக்கியமே கூட tautology-க்கு ஓர் உதாரணம்தான்). They arrived one after the other in succession. கொஞ்சம் எதிர்மறையான (சலிப்பு ஏற்படுத்துபவை) அர்த்தத்தில்தான் tautology என்ற வார்த்தை பயன்படுத்தப்படுகிறது.

மற்றபடி மேலே கேட்டிருந்த கேள்விகளுக்கான விடைகள் இவைதான்.

1) Noon 2) Nurses Run 3) Deed 4) Malayalam 5) Wow

6) Trust 7) Widow 8) Aroma 9) Erase 10) Cardiac

IRONY

மது பாட்டிலைக் கையில் எடுக்கிறீர்கள் (கற்பனையில்தான்!). அதைப் பார்க்கிறீர்கள். பாட்டில் லேபிளின் மேல் ‘குடி குடியைக் கெடுக்கும்’ என்ற வார்த்தைகள். ‘What an irony!’ என்கிறீர்களா?

அப்பா அப்படி ஒரு புத்திசாலி. பிள்ளையோ படு முட்டாள். “What an irony!” என்று சொல்லத் தோன்றுகிறதா?

இரண்டு சூழல்களிலுமே அப்படிச் சொல்லாதீர்கள். அது அவ்வளவு பொருத்தமானது அல்ல. Irony என்பதன் நேரடி அர்த்தம் முரண் அல்லது வேடிக்கை என்பதல்ல. எதிர்பார்ப்பதற்கு நேர்மாறாக ஒரு நிகழ்ச்சி நடக்கும்போது அதை irony என்பார்கள்.

நகைச்சுவைக்காகவோ ஒன்றை வலியுறுத்தவோ தான் கூற நினைப்பதற்கு நேரெதிரான வார்த்தைகளை ஒருவர் பயன்படுத்துவதையும் ironical என்பதுண்டு.

கிரேக்க இலக்கியத்தில் irony என்பது வேறு விதத்தில் பயன்படுத்தப்பட்டது. ஒரு பாத்திரத்தின் வார்த்தைகளோ செயல்களோ பார்வையாளர்களுக்குத் தெளிவாக ஒன்றை உணர்த்துகிறது. அதே சமயம் அந்தப் பாத்திரத்துக்கு அது புரிந்திருக்காது. இது Irony.

ALL RIGHT ALRIGHT ALL TOGETHER - ALTOGETHER

All right என்பது ஒரு phrase. இதன் பொருள் ‘எல்லாமே சரியாக அல்லது ஒழுங்காக உள்ள’ என்பதாகும். Is all right there? என்றால் அங்கு எல்லாம் சரியாக இருக்கிறதா என்று பொருள்.

Alright என்பது ஒரு தனி வார்த்தை. ‘ஓகே’ என்று இதற்குப் பொருள். Is everything alright there?

“எனக்கு உன் வண்டி வேண்டும். நீ இன்று நடந்து போவாயா?’’ என்ற கேள்விக்குப் பதிலாக நீங்கள் “Alright’’ என்று பதில் கூறலாம். All right என்று கூற முடியாது.

All together என்பதற்கும் Altogether என்பதற்கும்கூட வேறுபாடு உண்டு. பல மனிதர்களையோ, பொருள்களையோ ஒன்றாக இணைத்துக் குறிப்பிடும்போது அது All together என்போம். We always had a good time when we were all together.

Altogether என்பது adverb ஆக (verb-ஐ விளக்கும் வார்த்தையாக) பயன்படுகிறது. இதற்குப் பொருள் ‘ஒட்டுமொத்தமான’ என்பதாகும். It was an altogether new experience.

thanks the hindu

வல்கரும் நாசூக்கும்

• 
• 

பலரும் கடிதங்களில் பயன்படுத்தும் ஒரு வாக்கியம் Please do the needful. செய்து முடிக்க வேண்டிய காரியத்தைச் செய்யுங்கள் என்ற அர்த்தத்தில் இதை எழுதுகிறோம். Please do the needful என்றால் தேவையானதைச் செய்யுங்கள் என்று மட்டுமே பொருள். அதைவிடக் கொஞ்சம்கூட அதிகமாகவோ, குறைவாகவோ செய்துவிட வேண்டாம் என்ற அர்த்தம் இதில் தொனிக்கிறது.

TRANCE - TRANS

Trance என்பது ஒருவித அரைமயக்க நிலையைக் குறிக்கிறது. அதாவது ‘மனோவசியம் (hypnosis) செய்யும்போது உண்டாகக்கூடிய நிலையைப் போல’ என்று வைத்துக்கொள்ளலாம்.

Trans என்றால் என்ன அர்த்தம்? இது பெரும்பாலும் வேறொரு வார்த்தையின் முன்பாக ஒட்டப்படும் ஒரு வார்த்தைப் பகுதி. முன்னொட்டு அதாவது Prefix. Across அல்லது beyond என்று இதற்குப் பொருள் கூறலாம். Transcontinental, transatlantic என்பதுபோல. மறுபுறம் என்பது இதன் தோராயமான அர்த்தம். வேறொரு வடிவத்தில் என்ற பொருளிலும் இது பயன்படுகிறது. (Transform, translate)

இரண்டு கண்டங்களில் பரவியுள்ள நாடுகளை transcontinental countries என்பார்கள். துருக்கி, ரஷ்யா, எகிப்து போன்றவற்றை இப்படிக் கூறலாம். துருக்கியும், ரஷ்யாவும், ஆசியா, ஐரோப்பா ஆகிய இரண்டு கண்டங்களிலும் உள்ளன.

ஆப்பிரிக்கா, ஆசியா ஆகிய இரு கண்டங்களிலும் எகிப்து உள்ளது.

மூன்று வாசகர்கள் மூன்று வார்த்தைகளுக்கான அர்த்தங்களைக் கேட்டிருக்கிறார்கள். அவை categorical, ratify மற்றும் battery.

Categorical என்றால் ஆணித்தரமான என்று அர்த்தம். அதாவது எந்தக் குழப்பமும் இல்லாமல் நேரிடையாகவும் தெளிவாகவும் என்று பொருள். Unambiguously explicit and direct.

Ratification என்றால் உறுதிப்படுத்துதல் என்று அர்த்தம். ஒன்றை ratify செய்வது என்றால் அதை அதிகாரபூர்வமாகச் செல்லுபடியாக்குவது என்று அர்த்தம். The countries will ratify the treaty by the end of this month.

Battery என்றால் நாம் கேமராவிலோ, டிரான்சிஸ்டர் ரேடியோவிலோ போடும் விஷயம் மட்டுமல்ல. கனமான ஆயுதங்களைச் சேமிக்க உருவாகியுள்ள சிறப்புக் கேந்திரத்தையும் battery என்பார்கள்.

ஒன்றுபோலவே உள்ள பல சிறு பகுதிகள் - அவை பெரும்பாலும் ஒன்றுக்கொன்று இணைந்துள்ளன என்றால் A battery of equipment to monitor blood pressure என்பது போலக் கூறலாம்.

சட்டத்தின் கோணத்தில் battery என்றால் வன்முறையைப் பயன்படுத்துதல் என்று பொருள்.

மேற்படி மூன்று வார்த்தைகளுக்கிடையே ஒரு சுவாரசியமான ஒற்றுமை இருக்கிறது. அது என்ன என்பது புரிகிறதா? அதே பொதுவான அம்சம் உள்ள வேறு சில வார்த்தைகளையும் பார்ப்போம்.

Assessment என்றால் மதிப்பீடு. ஒரு பொருளை மதிப்பிடலாம். ஒரு நபரையும் மதிப்பிடலாம். எதையும் மதிப்பிடலாம். The damage due to the earthquake was assessed at 20 billion dollars. The Committee must assess the relative importance of the issues.

Pigmentation என்பது நிறமேற்றம். தோலின் நிறமிகளை pigment என்போம்.

Crabby என்றால் எரிச்சலை ஏற்படுத்துதல் என்று பொருள் Irritable எனலாம்.

Emulate என்றால் வேறு ஒருவர் அல்லது ஒன்றைப் போல நடந்துகொள்வது. Many Kings wanted to emulate Alexandar.

Antagonist என்பவர் யார்? Protogonist-ஐ எதிர்ப்பவர். அப்படியானால் Protogonist யார்? அவர்தான் ஹீரோ. மையப் பாத்திரம். அப்படியானால் Antagonist என்பவரை வில்லன் எனலாமா? லாம்.

வருடங்களைக் குறிப்பிடும்போது சிலர் C.E. என்று குறிப்பிடுவது ஏன்?

முன்பெல்லாம் வருடங்களைக் குறிப்பிடும்போது குறிப்பிட்ட எண்ணுடன் B.C., A.D., ஆகிய எழுத்துகளைப் பயன்படுத்தினார்கள். B.C. என்றால் Before Christ. A.D. என்றால் Anno Domini. (Year of our Lord என்பதைக் குறிப்பதுதான் Anno Domini).

இப்போதெல்லாம் பல்வேறு மதத்தவரும் உலகளவில் இந்த வருட எண்ணிக்கையை ஏற்றுக் கொண்டுவிட்டனர். பிறகு அதில் ‘மதத்தின் நிழல்’ படிய வேண்டியதில்லை என்று கணிசமானவர்கள் நினைக்கிறார்கள். அவர்கள் C.E., B.C.E., ஆகியவற்றைப் பயன்படுத்துகிறார்கள்.

B.C.E. என்றால் Before the Common Era. அதாவது 400 B.C. என்பதை 400 B.C.E. என்கிறார்கள்.

C.E. என்றால் Common Era. அதாவது A.D.2015 என்பதை 2015 C.E. என்கிறார்கள்.

வரலாற்று ஆசிரியர்கள் சில வருடங்களைப் பற்றிக் குறிப்பிடுகையில் கூடவே Circa என்று குறிப்பிடுவதுண்டு. Circa என்றால் தோராயமாக என்று அர்த்தம். அதாவது ‘கிட்டத்தட்ட அந்த வருடத்தில்’ என்று பொருள்.

“அவன் ரொம்ப வல்கரா பேசறான்’’. இப்படிச் சொல்லும்போது பொதுவாக vulgar என்பதற்கு நாம் கொடுக்கும் அர்த்தம் ஓரளவுதான் சரி.

“இவ்வளவு vulgar ஆன வசனங்கள் இருந்தும் இந்தப் படம் எப்படித்தான் சென்சாரிலிருந்து தப்பித்ததோ!’’ எனும்போது பாலியல்ரீதியான இரட்டை அர்த்த வசனங்களை நாம் அப்படிக் குறிப்பிட வாய்ப்பு அதிகம்.

ஆனால் vulgar என்றால் நாசூக்கு இல்லாத என்று அர்த்தம். அதாவது sophistification இல்லாத. Vulgar joke என்றால் அநாகரிகமான நகைச்சுவை. அதில் ‘Adults only’ தன்மை இருக்க வேண்டுமென்று அவசியமில்லை.

thanks the hindu

ஆங்கிலம் அறிவோமே 77: தொபுக்கடீர் என்பது எந்த வகை வார்த்தை?

• 
• 

ஒரு நண்பர் Onomatopoeia (அனமாடபியா) என்ற வகையிலான வார்த்தைகளை விளக்க முடியுமா என்கிறார். விளக்குவது கஷ்டம். புரிய வைக்கலாம்.

ஓர் இயல்பான ஒலியை நகல் எடுப்பது போன்ற வார்த்தைகள் இவை. Cuckoo, meow போன்ற வார்த்தைகள் இவை.

அவன் கதவைப் படார் என்று சாத்தினான் என்ற வார்த்தையில் படார் என்பதை மட்டும் கொடுத்தால், அர்த்தம் கூறுவது கஷ்டம்தானே. அறைந்து மூடும்போது எழும் சப்தம் எனலாம்.

உங்கள் கன்னத்தில் ஒருவர் அறைந் தால் அதை எப்படி விவரிப்பீர்கள்? ‘பளார்’ என்று அறைந்தான் என்றுதான் சொல்வீர்கள். படார் என்பதில்லை.

தட்தட் என்று இதயம் அடித்துக்கொண்டது என்கிறோம். இதய ஒலியை மருத்துவர்கள் லப்டப் என்கிறார்கள்.

‘ஆ’ என்று அலறினான். ‘ஓ’ என்று கூக்குரலிட்டான். ‘வீல்’ என்று கத்தினான். இது போன்ற வார்த்தைகளை ஆங்கிலத்தில் Onomatopoeia என்பார்கள்.

பட்டிமன்றங்களில் அடிக்கடி “அமெரிக்கப் பசு மட்டும் மம்மி என்றா குரல் கொடுக்கும்? அம்மா என்றுதானே?’’ என்ற கேள்வி இடம் பெறும். இந்த தர்க்கத்தின்படி பார்த்தால் Onomatopoeia வார்த்தைகள் எல்லா மொழிகளிலும் ஒன்றாகத்தான் இருக்க வேண்டும். ஆனால், ஏனோ அப்படி இருப்பதில்லை. கடிகாரத்தின் ஒலியை நாம் டிக் டிக் என்கிறோம். ஆங்கிலத்தில் Tik Tak என்கிறார்கள். சில கடிகாரக் கடைகளில் ‘Tik Taks are sold here’ என்றே அறிவிப்புப் பலகைகளைக் காண முடியும்.

காரின் ஹாரன் ஒலியை நாம் ‘பாம் பாம்’ என்போம். ஜப்பானிய மொழியில் ‘பூ பூ’ என்பார்கள். வியட்நாமிய மொழியில் அது ‘பிம் பிம்’. கொரிய மொழியில் ‘பாங் பாங்’.

அமெரிக்காவில் ஒரு பிரபலமான கோரஸ் பாடல் உண்டு. அது இதுபோன்ற வார்த்தைகளைக் கொண்டே வடிவமைக்கப்பட்டது.

“Bang! went the pistol.

Crash! went the window.

Ouch! went the son of a gun.

Onomatopoeia, I don't wanna see ya ’’

க்வாக் (Quack) என்பது வாத்தொலி (வாழ்த்தொலி அல்ல). இங்கே ‘குவாகுவா’ என்பார்கள். Baa Baa என்பது ஆட்டின் ஒலி - அதனால்தான் Baa baa black sheep.

Zip என்பதுகூட அது எழுப்பும் ஒலியைக் கொண்டு உருவான வார்த்தைதான். வேண்டுமானால் demo செய்து பாருங்கள். Twitter என்றால் நீங்கள் நினைப்பது அல்ல. அது பறவைகள் எழுப்பும் ஒலி.

Buzz, Hiss போன்ற ஒலிகளைக்கூட இந்த வகையில் அடக்கிவிடலாம்.

இதுபோன்ற வார்த்தைகள் சிலவற்றை கவனித்துவிட்டு ‘பொருத்தமாக இல்லையே’ என்று நீங்கள் கூற வாய்ப்பு உண்டு. அது ஆங்கிலேயர்களுக்குப் பொருத்தம்! (தொபுக்கடீர் என்று குதித்தான் என்கிறோமே, தொபுக்கடீர் என்ற வார்த்தை ரொம்பப் பொருத்தமோ?)

அது இருக்கட்டும், எதற்காக Onomatopoeia என்ற கரடுமுரடான வார்த்தை? கிரேக்க மொழியில் இதற்கு “நான் பெயர்களை உருவாக்குகிறேன்’’ என்று பொருள்.

இத்தகைய வார்த்தைகளைத் தண்ணீர் தொடர்பான சில வார்த்தைகளோடு பொருத்திப் பார்ப்பவர்களும் உண்டு. Splash என்றால் தண்ணீரில் குதிக்கும்போது எழும்பும் ஒலி.

Spray என்றால் வாசனைத் திரவியத்தை அடித்துக்கொள்ளும்போது எழும்பும் ஒலி. அதாவது, காற்றின் மூலம் ஒரு திரவத்தை வெளியேற்றும்போது எழும்பும் ஒலி. Drizzle என்றால் தூறல் ஒலி. (பல Onomatopoeia வார்த்தைகள் பெயர்ச் சொற்களாகவும் பயன்படுத்தப்படுகின்றன).

குரல் தொடர்பான இதுபோன்ற வார்த்தைகளும் உண்டு.

Giggle என்றால் அது சிரிப்பொலிதான். ஆனால், கிண்டலாக லேசான கனைப்புடன் கூடிய சிரிப்பு. ஒருவரை வெறுப்பேற்றுவதற்காகக் கொஞ்சம் பண்புக் குறைவாகச் சிரிப்பது.

Grunt என்றால்? உங்களிடம் எதற்கோ ஒப்புதல் கேட்கிறார்கள். வேண்டாவெறுப்பாக நீங்கள் அதை ஒப்புக் கொள்வதுபோல் ‘ம்ம்’ என்று அடித்தொண்டையிலிருந்து ஒரு ஒலியை எழுப்புகிறீர்கள். அது grunt.

Chatter என்றால் தொணதொணப்பது. Murmur என்றால் முணுமுணுப்பது. Mumble என்பதும் கிட்டத்தட்ட அப்படித்தான். தெளிவில்லாமல் முணுமுணுப்பது.

STAND

‘‘Stand ஆடுது பார். மேலே விழுந்திடப்போவுது, ஜாக்கிரதை’’ என்பதுபோல் இந்த வார்த்தையைப் பயன்படுத்தியிருப்போம். அதை verb ஆகப் பயன்படுத்துகையில் ‘நில்’ என்கிற அர்த்தத்தில் பயன்படுத்தியிருப்போம்.

ஆனால், ஒவ்வொருவித preposition-ஐ stand என்ற வார்த்தையுடன் சேர்க்கும்போது அது ஒவ்வொருவிதமான அர்த்தத்தைத் தரும்.

Stand by என்றால் support என்று அர்த்தம். We will be unbeatable if we stand by one another.

Stand out என்றால் இறுதிவரை வளைந்து கொடுக்காமல் இருப்பது. It is difficult but I think you can stand it out. தனித்துத் தெரிவதையும் stand out என்பதுண்டு.

Stand over என்பது தள்ளிப் போடுதல் என்ற அர்த்தத்தில் பயன்படுத்தப்படுகிறது. Let this matter stand over for the present.

Stand up என்றால் உறுதியாக இருப்பது என்ற அர்த்தம். We must have the courage to stand up.

LIMIT LIMITATIONS

சிலர் Limit என்ற வார்த்தையையும், Limitation என்ற வார்த்தையையும் மாற்றிப் பயன்படுத்துகிறார்கள். Limit என்றால் எல்லை. This is the limit. இந்த இடத்தில் இது noun ஆகப் பயன்படுத்தப்படுகிறது.

Limit என்பதை verb ஆகப் பயன்படுத்தும்போது ஒரு எல்லையோடு நிறுத்திக்கொள்வது அல்லது கட்டுப்படுத்துவது என்று அதற்கு அர்த்தம்.

The lift limits the number of users to ten at a time.

Limitation என்பது சில கோணங்களில் Limit போலவே பயன்படுத்தப்படலாம் என்பது உண்மை. குறைபாடு என்ற அர்த்தத்தையும் இது தருகிறது. I am not good at public speech. This is my limitation.

இப்படியும் வைத்துக் கொள்ளலாம். I have my limits என்று நீங்கள் சொன்னால் அதில் உங்கள் விருப்பம் கலந்துள்ளது. அதாவது, சிலவற்றைத்தான் நான் ஏற்றுக் கொள்வேன் என்பது போல.

ஆனால் I have my limitations என்றால் அது உங்கள் விருப்பம் தொடர்பானது அல்ல. உங்கள் இயலாமையைக் குறிக்கும் சொல் அது.

Limitation என்று ஒரு சட்டம் உண்டு. அதற்கான அர்த்தம் ஒரு குறிப்பிட்ட காலகட்டத்துக்குள் வழக்கு தொடுக்கவில்லையென்றால் உங்களுக்குச் சட்டம் உதவிக்கு வராது என்பதுதான். மிகவும் காலம் கடந்த வழக்குகளை ஏற்றுக் கொண்டால் சம்பந்தப்பட்டவர்கள் இறந்திருக்கவும் வாய்ப்பு உண்டு. எனவேதான் இந்த Law of Limitation.

எளிமையாகச் சொல்வதென்றால் நீங்கள் ஒருவருக்குப் பணத்தைக் கடன் கொடுத்துவிட்டு அதற்கான பிராமிஸரி நோட்டில் அவரது கையெழுத்தையும் வாங்கி வைத்திருக்கிறீர்கள் என்று வைத்துக்கொள்வோம். அவர் வாங்கிய பணத்தைத் திருப்பிக் கொடுக்கவில்லை என்றால் பிராமிஸரி நோட்டில் கையெழுத்து போட்ட தேதியிலிருந்து மூன்று வருடத்துக்குள் வழக்கு தொடுக்க வேண்டும்.

தொடர்புக்கு: [email protected]

thehidhu