ஸ்பாய்லர் அலெர்ட்
நாயகன் சினிமாவில் அஸிஸ்டெண்ட் டைரக்டர் . நாயகி தனியார் ஹாஸ்பிடலில் நர்ஸ் . இருவரும் காதலிக்கிறார்கள் . நாயகனின் தோழிக்கு ஒரு காதல் உண்டு . காதலனால் கர்ப்பமான தோழி அதைக்கலைக்க நாயகனை தனது கணவனாக நடிக்கச்சொல்கிறாள் .இதைத்தவறாகப் புரிந்து கொள்ளும் நாயகி அதிர்ச்சி ஆகி பிரேக்கப் சொல்கிறாள் . நாயகன் நாயகியை எப்படி சமாளித்து கரம் பிடிக்கிறான் என்பது மீதிக்கதை
நாயகன் ஆக அசோக் செல்வன் கச்சிதமான நடிப்பு .படத்தில் ஒரே ஆறுதல் இவர் தான் .காமெடி , ரொமான்ஸ் இரண்டும் நன்றாக இவருக்கு வருகிறது
நாயகி ஆக அவந்திகா மிஸ்ரா .அழகான முகமும் , வாளிப்பான உடல் அமைப்பும் இருந்தும் நடிப்பு அவ்வளாவாக வரவில்லை
நாயகனின் அம்மாவாக ஊர்வசி , அப்பாவாக அழகம் பெருமாள் இருவருக்கும் அதிக வேலை இல்லை .நாயகனின் நண்பனாக பகவதி பெருமாள் , இவருக்கும் அதிக வேலை இல்லை
இசை நிவாஸ் கே பிரசன்னா .பாடல்கள் சுமார் தான் .பின்னணி இசையும் படு சுமார் தான் .ஒளிப்பதிவு கணேஷ் சந்திரா ஓகே ரகம் . எடிட்டிங்க் பரவாயில்லை 112 நிமிடங்கள் .திரைக்கதை எழுதி இயக்கி இருப்பவர் பாலாஜி கேசவன்
சபாஷ் டைரக்டர்
1 இது சில வருடங்களுக்கு முன்பே ஷூட்டிங்க் முடிந்தபடம் என்பதை யாருக்கும் தெரியாமல் இருக்கட்டும் என விக்கிபீடியாவில் கூட அப்டேட் செய்யாத சாமர்த்தியம்
2 நல்ல டைட்டில் , அழகான நாயகி
ரசித்த வசனங்கள்
1 காலைல ஒரு கனவு ,நான் ஆஸ்கார் விருது வாங்கற* மாதிரி
வாங்கிக்கோடா, வருசா வருஷம் நானே வாங்கிட்டு இருந்தா எப்படி ?
2 கல்யாணம் எனக்கு , மருதாணி உனக்கா?
3 பேஷண்ட்டோட பல்ஸ் தெரிஞ்சவன் டாக்டர்
ஆடியன்சோட பல்ஸ் தெரிஞ்சவன் டைரக்டர்
4 சிங்கத்துக்கும் , எனக்கும் ஒரே வித்தியாசம்தான் . அது ஷேவிங் பண்ணாது , நான் ஷேவிங்க் பண்ணுவேன்
5 நாம நம்ம தலைவரோட கட் அவுட்டுக்கு பால் ஊத்துனோம் , ஆனா இந்த டைரக்டர் நம்ம தலைவருக்கே பால் ஊத்திட்டான்
லாஜிக் மிஸ்டேக்ஸ் , திரைக்கதையில் சில நெருடல்கள்
1 பேரு வெச்சியே சோறு வெச்சியா? என்பது போல நல்ல டைட்டில் வைத்து திரைக்கதையில் கோட்டை விட்டது
2 யோகி பாபு தன முகத்தைக்கண்ணாடியில் பார்க்காமல் படங்களில் பலரை உருவ கேலி செய்வது போல இயக்குனர் திரைக்கதையில் கோட்டை விட்டு விட்டு இதில் டைரக்டர் டி ஆர் அவர்களை கிண்டல் செய்வது போல சில காட்சிகள் வேற
அடல்ட் கண்ட்டெண்ட் வார்னிங் -u
சி பி எஸ் ஃபைனல் கமெண்ட் - எமக்குத்தொழில் ரொமான்ஸ் (2024) - தமிழ் = 1998 ல் ரிலீஸ் ஆன கார்த்திக்கின் படமான அரிச்சந்திரா படத்தின் பட்டி டிங்கரிங்க் அட்லி வெர்சன் தான் இது . திரைக்கதை யில் சுவராஸ்யம் இல்லை .அவந்திகா நடிப்பும் சுமார் . ஒரே பிளஸ் அசோக் செல்வன் தான் .விகடன் - 38 . குமுதம் - சுமார் .மை ரேட்டிங்க் - 2 / 5