கடைசி தோட்டா (2025)-தமிழ் - சினிமா விமர்சனம் ( க்ரைம் திரில்லர்)

       

                 கடைசி தோட்டா (2025)-தமிழ் - சினிமா விமர்சனம் ( க்ரைம் திரில்லர்)

இது ஒரு லோ பட்ஜெட் படம்.ஸ்டார் வேல்யூ இல்லாத படம்.

ஸ்பாய்லர்  அலெர்ட்

சம்பவம் 1 - ஒரு எம் எல் ஏ வீட்டு க்கு ரெய்டு வர இருப்பதாகத்தகவல் வர அவர் தன்னிடம் இருக்கும் கோடிக்கணக்கான பணத்தை கொடைக்கானலில் இருக்கும் தன் ரிசார்ட்டில் பதுக்கி வைக்கும்படி  அடியாட்களுக்கு கட்டளை இடுகிறார்

சம்பவம் 2 - அந்த ரிசார்ட்டில். பல தரப்பட்ட நபர்கள் தங்கி இருக்க அந்த ஏரியாவுக்கு சம்பந்தமே இல்லாத ஒரு இளம்பெண் கொலை செய்யப்படுகிறார்.அந்தப்பெண்ணின் கொலை வழக்கை விசாரிக்க நாயகி ஆன போலீஸ் ஆபீசர் வருகிறார்.இன்வெஸ்டிகேசன் நடக்கிறது

சம்பவம் 3 - 60 வயது ஆன ஒரு பணக்காரப்பெண் 100 பவுன் நகைக்காகக்கொலை செய்யப்படுகிறார்

சம்பவம் 4 - இளம்பெண்ணின் கொலையை ,கொலைகாரனை நேரில் பார்த்த சாட்சி உண்டு

மேலே சொன்ன நான்கு சம்பவங்களும். எந்தப்புள்ளியில் இணைகின்றன என்பது மீதி திரைக்கதை

நாயகன் ஆக ராதா ரவி அனுபவம் மிக்க நடிப்பை வெளிப்படுத்தி இருக்கிறார்.அவரது உடல் மொழி ,கணீர் குரல் ,கம்பீரம் அனைத்தும் அருமை.அவரது மனைவி ஆக வரும் ஸ்ரீஜா ரவி கச்சிதம்.பிளாஸ்பேக் காட்சிகளில் ஓவர் ஆக்டிஙக்

நாயகி ஆக வரும் போலீஸ் ஆபீசர் ரோலில் வனிதா விஜயகுமார் தெனாவெட்டான நடிப்பு.ஆனால் சீனுக்கு சீன் தம் அடிப்பது ஓவர்

கொலையைப்பார்த்த சாட்சி ஆக ஸ்ரீகுமார் நல்ல நடிப்பு.வையாபுரி ,கொட்டாச்சி போன்ற காமெடி நடிகர்களை இயக்குநர். சரியாகப்பயன்படுத்தவில்லை

வில்லியாக வரும் பெண்ணை இன்னமும் நன்றாக உபயோகித்து இருக்கலாம்

திரைக்கதை எழுதி இயக்கி இருப்பவர் நவீன் குமார்.

இசை சுவாமிநாதன் ராஜேஷ்.ஒரு கானாப்பாட்டு ரசிக்கும்படி உள்ளது.பின்னணி இசை சுமார் ரகம்

ஒளிப்பதிவு மோகன் குமார்.ஒப்பேற்றி வைத்திருக்கிறார்

லோகேஷின் எடிட்டிங் கில் படம் 107 நிமிடங்கள் ஓடுகிறது

சபாஷ்  டைரக்டர்

1 ஒரே பங்களாவில் மொத்த படத்தையும் முடித்தது

2 ராதாரவியின் கேரக்டர் டிசைனை நன்கு வடிவமைத்தது

  ரசித்த  வசனங்கள் 

1. பேனா ரொம்பப்பழசா இருக்கும் போலயே?

ஓல்டு ஈஸ் கோல்டு

2. இந்த உலகில் தேவைக்காக எடுப்பது தப்புன்னா தேவைக்கு அதிகமா வைத்திருப்பவர்களிடம் எடுப்பது தப்பு இல்லை

3. வாழ்ந்து முடிச்சவஙகளைப்பத்தி யோசிப்பதை விட வாழப்போறவங்களைப்பத்தி யோசிப்பது நல்லது

4 நல்ல வேளை நமக்கு ஆண்டவன் குழந்தை பாக்கியத்தைத்தர்லை.தந்திருந்தா இத்தனை அனாதைக்குழந்தைகளுக்கு அடைக்கலம் தந்திருக்க முடியுமா?

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 வயதான தம்பதியர் 100 பவுன் நகைகளை வீட்டில் பீரோவில் வைத்து பூட்டி வைக்காமல் சும்மா செல்பில் அசால்ட்டா வைத்திருப்பது எதனால்?

2 வில்லி+வில்லன் இருவரும் அரைகுறையாகக்கொலை செய்து விட்டு சரி எப்படியும் செத்திடுவா என செல்வது ஏன்? கன்பர்ம் பண்ண வேண்டாமா?

3 மனைவியை. இழந்த. பெரியவர் சோக மயமாக இருக்கிறார்.திடீர் என சிரித்த முகத்துடன் ஜாலியாக இருக்கிறார்

அடல்ட்  கண்ட்டெண்ட்  வார்னிங் -16+

சி பி எஸ்  ஃபைனல்  கமெண்ட் -  டி வி ல போட்டாப்பார்க்கலாம்.தியேட்டரில் பார்க்கும் அளவு ஒர்த் இல்லை.விகடன் மார்க் யூகம் - 38

ரேட்டிங் 1.75 / 5