COFFEE WITH A KILLER (2025) - தெலுங்கு - சினிமா விமர்சனம்(காமெடி க்ரைம் த்ரில்லர் ) ஆஹா தமிழ் ஓ டி டி

       

       ஸ்டார்  வேல்யூ இல்லாத  படங்கள்  பெரும்பாலும்  திரைக்கதையையும் ,இயக்கத்தையும் நம்பிக்களம் இறங்குவதால் நம்பிப்பார்க்கலாம் .லோ  பட்ஜெட்டில்  ஒரே  ஒரு லொக்கேஷனில்  ஒரே ஒரு பகல் பொழுதில்  நடப்பதாக திரைக்கதை  அமைந்துள்ளதால் செலவு மிகமிகக்குறைவு .காமெடி இருக்கு . க்ளைமாக்சில் ஒரு டிவிஸ்ட்  இருக்கு . டைம் டியூரேஷன்  100  நிமிடங்கள்  தான் என்பதால் இதை ஒரு குயிக் வாட்ச்  ஆகவே பார்த்து விடலாம் . தமிழ்  டப்பிங்க் இல்லை . ஆங்கில சப் டைட்டில்  இல்லை . தெலுங்கு  தெரிந்தவர்கள்  வசனத்தை  ரசித்து சிரித்துப்பார்க்கலாம்.தெரியாதவர்கள் ஒரு குத்து மதிப்பாக  பார்க்கலாம். கதை புரியும்               

ஸ்பாய்லர்  அலெர்ட்

 வில்லன்  ஒரு புரொபஷனல்  கில்லர் . வாடகைக்கொலையாளி . அவனுக்கு ஒரு அசைன்மென்ட் தரப்படுகிறது . அது ஆள்  யார் என   வில்லனுக்குத்தெரியாது . ஹைதராபாத்தில்  உள்ள  ஒரு உயர் தர  காபி ஷாப்பில்  வில்லன்  வெய்ட்  பண்ணனும் .மாலை  சரியாக 6 மணிக்கு  அவன் யாரைக்கொலை செய்ய வேண்டும் என்ற  செய்தி  வரும் . இது தான்   அவனுக்குக்கொடுக்கப்பட் ட  டாஸ்க் .

அந்த   காபி ஷாப்பில் 1  ஒரு காதல்  ஜோடி  , 2   ஒரு திருமணம்  ஆன தம்பதி ,  3   சினிமா  டிஸ்கஷனுக்காக வந்திருக்கும் ஒரு குழு  , 4   ஒரு  ஜோஸ்யக்காரனும், ஆன்மீக பக்தரும் , , 5  ஒரு ஹேக்கர் டீம் ,  6  போலீஸ் ஆபீசர்   என ஆறு  டேபிளில்   ஆறு விதமான  வெவ்வேறு  தரப்பு ஆட்கள்  இருக்கிறார்கள் . இவர்களை  வைத்து அமைக்கப்படட திரைக்கதை தான் மீதி  சம்பவங்கள் 

ஸ்ரீனிவாஸ் ரெட்டி , சத்யம் ராஜேஷ் ,  டெம்ப்பர் வம்சி ,  ரவி பாபு  என  நடித்தவர்கள்   அனைவரும்  சரியான பங்களிப்பை  அளித்திருக்கிறார்கள் . படத்தில்  நாயகி , டூயட்   என எதுவும் இல்லை . இரு பெண்  கதாபாத்திரங்கள்  உண்டு . இருவரும்  நல்ல அழகு . அதிக   வாய்ப்பில்லை 

அனுஷ்  கோரக்  தான் ஒளிப்பதிவு . ஒரே   காபி  ஷாப்பில்   நடக்கும்    கதை  என்பதால்  சவாலான பணி . சிறப்பாக செய்திருக்கிறார் . பரத்  மது சூதனன் தான் இசை . பின்னணி   இசை   பரவாயில்லை .  ஆர் பி பட் நாயக் என்பவர் தான் திரைக்கதை எழுதி  இயக்கி இருக்கிறார் . நல்ல முயற்சி 

சபாஷ்  டைரக்டர்

1   க்ளைமாக்ஸ்    டிவிஸ்ட்   தான்  படத்தின் உயிர் நாடி . அருமையான   திருப்பம் . யூகிக்க முடியாதது 

2  சினிமா  டிஸ்கஷன்  க்ரூப்  காமெடி  ரசிக்கும்படி  இருந்தது . அந்த  க்ரூப்   வில்லனை காமெடியன்  ஆக புக்   பண்ணலாமா?   என விவாதிப்பது வெடிச்சிரிப்பு 

3  க்ளைமாக்சில்  கொலை  செய்யப்பட  இருக்கும்   ஆள் தான் தான்   வில்லனின்   இலக்கு என்பது தெரியாமல் இருப்பதும் அவருக்கே   தெரியாமல்  அவரே   அந்த சதியை  முறியடிக்கும்  விதமும்   அருமை

  ரசித்த  வசனங்கள் 

1   அவன்   என் ரசிகன் 

 ஓஹோ 

 அதெல்லாம்  இல்லைங்க .இந்த ஆள்  சைக்கிளை  வெளில  சொல்லாம கொள்ளாம பார்க் பண்ணிட்டு இங்கே வந்திருக்காரு 

 சைக்கிளா?  இவரு எவ்ளோ  பெரிய சினிமா வி ஐ பி ? 

2   டாம் அண்ட்    ஜெர்ரி   என ரெண்டு   காமெடி   கேரக்ட்டர்ஸ் , அந்த ரெண்டையும்  கம்பைன் பண்ணி  ஒரே  ஆளா   நீதான் பண்றே 

அடே ங்கப்பா 

3  இவர்  யார் ? 

 டைரக்ட்டர் 

 ஹய்யோ ,படத்தோட டைட்டிலே  இவர்  யார் ?   தான் 

4   ஸ்க்ரீன் ப்ளே  பத்தி சொல்லுங்க 

 ஸ்க்ரீன்  ல   யாரு ப்ளே  பண்ணினா   நமக்கு என்ன? 

5    நீங்க   லவ்வர்ஸா? 

 இல்லை , ஹேக்கர்ஸ் 

ஷங்கர்   மாதிரி ஹேக்கர்  என ஒரு பேரு போல 

 ஹலோ , அது பெரு இல்லை .என் ஜாப்பே  அதுதான் 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  வில்லனுக்கான ஓப்பனிங்   சீனில்   வில்லனை மடக்கும் ஆள்  வில்லனை அசால்ட்  ஆக  சேரில்  உட்கார வைப்பதும்    வில்லனுக்கு  எதிரிலேயே  லோடட்  கன்  வைத்து  வில்லனுக்கு சான்ஸ்   கொடுப்பதும்   நம்ப முடியவில்லை / அட்லீஸ்ட்   வில்லனைக்கயிறால் கட்டிக்கூட போட முடியாதா? 

2   காதல்  ஜோடியின் காதலுக்கு  காதலியின் அப்பா   எதிர்ப்பு   தெரிவிப்பதும் .க்ளைமாக்சில்  வில்லன்   வேறு ஒரு ஆளைக்கொலை செய்ய முயற்சிக்கும்போது  காதலன் காதலியின் அப்பாவைக்காப்பாற்றுவதும் அதன் பின்  அவர் மனம் திருந்திப் பெண்  தர சம்மதிப்பதும்   டி வி சீரியல் பார்ப்பது போல இருந்தது 

3  ஜோஸ்யக்காரன்  காமெடி டிராக்   எடுபடவில்லை .போர் . இன்னும் அந்த சீனில் உழைத்திருக்கலாம் 

4  மாடர்ன்   பெண்  என்றால்  ஜீன்ஸ் பேண்ட் . டி சர்ட்  போட் ட மாதிரி  காட்டினாப்போதாதா?  தம் அடிப்பது , தண்ணி அடிப்பது போலக்காட்ட வேண்டுமா? மாதர்  சங்கங்கள்  இதுக்கெல்லாம் போராட மாட் டார்களா? 

அடல்ட்  கண்ட்டெண்ட்  வார்னிங்  - U/A

சி பி எஸ்  ஃபைனல்  கமெண்ட் - வித்தியாசமான  த்ரில்லர்  பட  விரும்பிகள் , மொக்கைக்காமெடி ரசிகர்கள்  பார்க்கலாம் . ரேட்டிங் 2.5 / 5 

MR HOUSE KEEPING (2025) -மிஸ்டர் ஹவுஸ் கீப்பிங்க் - தமிழ் - சினிமா விமர்சனம் ( ரொமாண்டிக் காமெடி டிராமா )

             

    சில குப்பைப்படங்களை  பிரம்மாண்டமான  விளம்பரங்கள் பார்த்து  ஏமாந்து பார்த்துடுவோம் . பல  டப்பாப்படங்களை பெரிய  ஹீரோ , பெரிய  டைரக்டர்  என்பதால் பார்த்துடுவோம்.டைட்டில் , போஸ்ட்டர் டிசைன்  நல்லாருக்கே  என ஏமாந்து  பார்த்த     சுமார்   படம் இது            

ஸ்பாய்லர்  அலெர்ட்

நாயகன் , நாயகி  இருவரும் ஒரே காலேஜில்  படிப்பவர்கள் .நாயகன்  தறுதலையாக  இருந்து  ஒருதலையாக நாயகியைக்காதலிக்கிறான் . ஆனால்     நாயகி  அவனை மனுசனாகக்கூட மதிக்கவில்லை . காலேஜ்  கடைசி   நாள் அன்று சவால்  விடுகிறான் . இன்னும்   நான்கு  வருடங்களில்  உன்னை விட அழகான ,  பெண்ணைக்காதலித்துக்கல்யாணம்  செய்து  காட்டுகிறேன் .ஏண்டா  இவனை  மிஸ்  செய்தோம்   என உன்னை வருத்தப்பட    வைக்கிறேன்  என்கிறான் . 

 ஆனால்   எதிர்பாராத விதமாக  நாயகியின்   வீட்டில்   வேலைக்காரன் ஆக  வேலை செய்ய வேண்டிய சூழல் . இதற்குப்பின் நிகழும்    காமெடி   சம்பவங்கள்  தான் மீதி திரைக்கதை      

 நாயகன்  ஆக   ஹரிபாஸ்கர் .இவர் யூ ட்யூப்  பிரபலமாம் .  கேள்விப்பட்டேன் . யோகராஜ்  என்பவர்   கே  பாக்யராஜ் மாதிரி  நடித்தது போல  இவர் கமல், ரஜினி , கே  பாக்யராஜ்   என   கலந்து கட்டி  நடித்திருக்கிறார் . . நாயகி ஆக  பிக் பாஸ்  புகழ்  லாஸ் லியா .அழகு . ஆனால்   டயட்டில்  இருந்து  மெலிந்து  மெருகில்லாமல்  சருகு  மாதிரி  காய்ந்து போய்  இருக்கிறார் . அப்பாவாக   வரும்  இளவரசு  நல்ல   குணச்சித்திர நடிப்பு . மற்றவர்கள்   நடிப்புப்பரவாயில்லை 

அறிமுக  இயக்குனர்  அருண் ரவிச்சந்திரன்  திரைக்கதை  எழுதி  இயக்கி இருக்கிறார் ஓஷோ  வெங்கட்டின் இசையில்  பாடல்கள்  சுமார் ரகம் தான் .பிஜிஎம் சராசரி .குலோத்துங்க வர்மன் ஒளிப்பதிவு  ஓகே  ரகம் . இரண்டே  கால்  மணி நேரம்  படம் ஓடுகிறது 

சபாஷ்  டைரக்டர்

1    காலேஜ்  கெட்  டுகெதர்  பங்க்சனில் நாயகி  நாயகனை  திட்டம் போட்டு அவமானப்படுத்ததும் சீன்  கே   பாக்யராஜ் டச் 

2      நாயகன்  நாயகியுடன்  இணைந்து  செல்லும் பெண்பார்க்கும் படலத்தில்  மணப்பெண்ணின்   தம்பி டான்ஸ் ஆடும் காட் சி 

ரசித்த  வசனங்கள் 

1   ஒரு பொண்ணுக்கு ஒரு பையன் என்ன எல்லாம் செஞ்சா பிடிக்காதோ அதை மட்டும் தான் நீ  செஞ்சு  இருக்கே 

2   பொண்ணுங்க  வெளில   இருக்கற மாதிரி  தான்     அவ  பர்சனல்  லைஃப்லயும் இருப்பா என்ற உன் எண்ணத்தை மாத்திக்கோ 

3  காலேஜ்  படிக்கும்போது  பாய் கூட இல்லாம   ஹாஸ்ட்டல்ல படுத்திருப்பே , இப்போ  துபாய்ல வேலை செய்யறியா? 

4   என்ன?   இன்னைக்கு  ரொம்ப  அழகா  இருக்கீங்க ? புது டிரஸ்  போட்டிருக்கீங்க?  வயசுக்கு வந்துட்டீங்களா? 

5  உன் வாழ்க்கையின் கோல்  தான் என்ன? 

 கோலா ?   இந்த  மாதிரி  ஆட் களோட  வாழ்வதே  பெரிய  விஷயம் தான் 

6    பிளைட் ல   போலாம்களா? 

 எங்கே ? சுடுகாட்டுக்கா? 

7  டேய் , தூங்குடா 

 எல்லாரும்  ஒரு நாள்   தூங்கத்தானே போறோம் 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1     நாயகன்    புதுமுகம் .தனக்கு என சொந்தமாக  ஒரு பாணி  நடிப்பை உருவாக்கிக்கொள்ளக்கூடாதா? கமல் , ரஜினி , கே பாக்யராஜ்  மாதிரி  மாறி  மாறி  இமிடேட்  செய்கிறார். நமக்கு இரிடேட்ட் ஆக இருக்கு 

2   1990 களில்  வந்திருக்க  வேண்டிய படம் .ரொம்ப  அவுட் டேட்டடாக இருக்கு . இந்தக்காலப்பெண்கள்   தாலி கட்டிய புருஷனையே வேலைக்காரனாகத்தான் நடத்துகிறார்கள் . வேலைக்காரனாக இருக்கும் ஆளை லவ் பண்ணுவார்களா? 

3  தெரிந்தோ , தெரியாமலோ  கே  பாக்யராஜ்  இயக்கி நடித்த  டார்லிங்   டார்லிங்    டார்லிங்  (19823)  படத்தின்  திரைக்கதை  பல   இடங்களில்  கிளாஸ்  ஆகிறது 

4   நல்லவேளை , கேப்டன் , விஜயகாந்த்  உயிரோடு இல்லை . இருந்திருந்தால் நாயகனுக்கு  ஹானஸ்ட்  ராஜ்   என பெயர்  வைத்ததற்கு தலையில் மடார் என அடி  போட்டிருப்பார்  

 அடல்ட்  கண்ட்டெண்ட்  வார்னிங் - U/A  ,  டபுள் மீனிங்  டயலாக்ஸ்  உண்டு 

சி பி எஸ்  ஃபைனல்  கமெண்ட் - தியேட்டரில்  பார்க்கும் அளவு  ஒர்த் இல்லை .டி வி ல போடும்போது  பார்க்கலாம் .விகடன்   மார்க் - 40 . ரேட்டிங்  2.25 / 5 

பாட்டில் ராதா (2025) - தமிழ் - சினிமா விமர்சனம் ( சோஷியல் காமெடி டிராமா )

         

               

இது குடிகாரர்களைத்திருத்தும் படம் தானே?  குடிப்பழக்கம் இல்லாத நாம எதுக்காகப்பார்க்கணும்? என யாரும் நினைக்க வேண்டியதில்லை . அதே  போல  இயக்குனர் பா ரஞ்சித்  தயாரித்த  படமா? ஐயோ , ஆளை விடுங்க என அலறி ஓட வேண்டிய தேவையும் இல்லை .இது  ஜாதி  ரீதியிலான  படம் இல்லை . டாக்குமெண்டரி டிராமா வும் இல்லை .  ஜனரஞ்சசகமான  படம் தான் . எனவே  பயப்படாமல்  , தயக்கம் இல்லாமல் பார்க்கலாம் 

ஒரு கே  பாலச்சந்தரோ , பாரதிராஜாவோ  எடுத்திருக்க வேண்டிய படம் . காமெடி  கலந்து  அனைத்து மக்களும்   பார்க்கும்படி  சோசியல்  டிராமாவாக எடுத்திருக்கிறார் அறிமுக  இயக்குனர்  தினகரன்  சிவலிங்கம்    24.1/2025 அன்று  திரை அரங்குகளில் வெளியானாலும் 4/11/2023 அன்றே  தர்மஷாலா சர்வதேசத் திரைப்பட விழாவில் திரையிடப்பட் ட படம்  இது . மத்திய அரசால் வரி விலக்கு கொடுத்து கவுரவிக்க வேண்டிய படம் இது 

ஸ்பாய்லர்  அலெர்ட்

  நாயகன்  ஒரு குடிகாரன் . மனைவி , இரு குழந்தைகள் உண்டு . கட்டிட மேஸ்திரியாக வேலை பார்த்து வந்தாலும்  அதெல்லாம் சைடு தான் .அண்ணனுக்கு மெயின் ஜாப்  சரக்கு அடிப்பதுதான் . குடிகாரர்கள்  மறு வாழ்வு மையத்தில்  நாயகனை  அவனது மனைவி  அனுப்பி வைக்கிறார் .அங்கே நாயகன் படும்  அவஸ்தைகள்  காமெடியாக  முதல் பாதியில்   சொல்லி   இருக்கிறார்கள் . அங்கே  இருந்து  வெளி  வந்தபின்  நாயகன் திருந்தினாரா? குடிகாரன் பேச்சு விடிஞ்சாப்போச்சு என மாறினாரா? என்பது மீதி திரைக்கதை 

நாயகன்  ஆக அச்சு அசல்  குடிகாரனாகவே வாழ்ந்திருக்கிறார் குரு  சோமசுந்தரம் .பிரமாதமான நடிப்பு தேசிய விருது கிடைக்கும் வாய்ப்பும் உண்டு. குடிகாரனுக்குகை நடுங்கும் .அதை இயல்பாகக்காட்டி இருக்கிறார் , அவரது மனைவியாக சஞ்சனா   நடராஜன்  பரிதாபத்தை அள்ளிக்கொள்ளும் நடிப்பு . 

லொள்ளு சபா  மாறன்  சீரியஸ் ஆன கதையில் ஆங்காங்கே  காமெடி ஒன்  லைனர்களை தட்டி விடுகிறார் . வழக்கமாக வில்லனாக வரும் ஜான் விஜய்  இதில் மாறுபட் ட வேடத்தில் கலக்கி இருக்கிறார் ,மற்ற   அனைவருமே  சிறப்பாக  நடித்திருக்கிறார்கள் 

 சீ ன் ரோல்டன்  இசையில் 5 பாடல்கள் .பரவாயில்லை ரகம் ,  பின்னணி இசையும் ஒக்கே  ரகம் .ரூபேஷ் ஷா வின் ஒளிப்பதிவு  அருமை .சங்கத்தமிழனின் எடிட்டிங்கில்  படம் 146 நிமிடங்கள்   ஓடுகிறது .முதல் பாதி  ஸ்பீடு , பின் பாதி  ரொம்ப ஸ்லோ

சபாஷ்  டைரக்டர்

1    குடி காரர்கள்  மறு  வாழ்வு மையத்தை   விலாவாரியாகக்கட்டி அதில் சுவராஸ்யமான சம்பவங்களை இணைத்த விதம் அருமை  

2  ஜெயிலில்  இருந்து   கைதிகள் தப்பிப்பது போல  குடி காரர்கள்  மறு  வாழ்வு மையத்தில்  இருந்து   நாயகன் உட்பட  3 பேர் தப்பிக்கும் சீன் விறுவிறுப்பு 

3   குடிகாரன்  மனைவி  என்பதால்   சமூகத்தில்  தான்  சந்திக்கும்  பிரச்சனைகளை  நாயகி எடுத்துச்சொல்லும்      சீன   அருமை 

4  நாயகன்   குடிகாரனாக இருந்தாலும்  தனது  குழந்தைகள்  மீது வைத்திருக்கும் பாசம் .அவர்களும் அப்பா அப்பா உருகுவது  ஆடியன்ஸுக்கு கனெக்ட் ஆகும் விதத்தில் சொல்லப்பட்டிருப்பது சிறப்பு 

  ரசித்த  வசனங்கள் 

1  உன்பேர்   ராதாவா? அப்போ இவன் பேரு அம்பிகாவா? 

2  ஐசுக்குக்காசா?  அதுவும்  ஹிந்தில  கேட்கறே ?

3  சரி , நீ எதனால குடிகாரன் ஆனே ? 

 கஷ்டப்பட்டு   சம்பாதிக்கும் காசு எல்லாம் இப்படிக்குடிச்சுக்குடிச்சே  வீணாப்போகுதே  என்ற   கவலையில் ரெகுலராக்குடிக்க ஆரம்பித்தேன் 

4   ஊரில்  , உலகத்தில்  100க்கு 80 பே ரு குடிக்கறான் , அவங்க எல்லாரும் குடி நோயாளியா? 

5   குடிகாரனுங்க தான் நேர்மையானவங்க, வஞ்சகமே இல்லாதவங்க 

6    டெய்லி     விடிகாலைல   அஞ்சரை  மணிக்கு   எழுப்பி விடறீங்களே? நான் என்ன   பப்ளிக் எக்ஸ்சாம்க்கா படிக்கப்போறேன் ? 

7  நாம  சம்பாதித்து  நம்ம சொந்தக்காசில் குடிக்கறோம், இதைத்தடுக்க யாருக்கும் உரிமை இல்லை 

8   குடிச்சுட்டு   வீடடைக்கொளு த்தி விட்டுடட்டு   நாடு வீடு என டயலாக் பேசறி யா?

9   வெறி நாய   கார்ப்பரேஷனுக்குப்பிடிச்சுக்கொடுப்பது போல  என்னை இங்கே பிடிச்சுக்கொடுத்திருக்கே? 

10   கோக்   குடிபப்து   அவ்ளோ பெரிய தப்பா? 

 அது பெப்சி கோக் இல்லை . கொக்கைன், போதைப்பொருள்  கஞ்சா போல  பல மடங்கு போதை தருவது 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

அனைவரும்   பார்க்க வேண்டிய  படம் .அதனால்  இதை நொட்டை   சொல்ல விருப்பம் இல்லை 

 அடல்ட்  கண்ட்டெண்ட்  வார்னிங்  - U/A

சி பி எஸ்  ஃபைனல்  கமெண்ட் -  கலகலப்பான  , மாறுபட் ட  முதல்  பாதி ,  கொஞ்சம்  மெதுவான , யூகிக்கக்கூடிய பின் பாதி .   விகடன் மார்க் 44. ரேட்டிங்  2.75 / 5 

Bottle Radha
Theatrical release poster
Directed by	Dhinakaran Sivalingam
Written by	Dhinakaran Sivalingam
Produced by	Pa. Ranjith T. N. Arunbalaji
Starring	Guru Somasundaram Sanchana Natarajan John Vijay Lollu Sabha Maaran
Cinematography	Roopesh Shaji
Edited by	E. Sangathamizhan
Music by	Sean Roldan
Production companies	Neelam Productions Balloon Pictures
Distributed by	Generous Entertainments
Release dates	4 November 2023 (Dharamshala International Film Festival) 24 January 2025 (India)
Running time	146 minutes[1]
Country	India
Language	Tamil

வல்லான் (2025) - தமிழ் - சினிமா விமர்சனம் ( க்ரைம் த்ரில்லர் )

               

           படத்தில்  சொல்லப்பட் ட அதே  வரிசையில்  கதை சொன்னால் சுவராஸ்யம் குறைவாக இருக்கும் என்பதால்  , கொஞ்ச்ம குழப்பும் என்பதால்    , பிளாஷ்பேக் யுக்தி , நான் லீனியர்  கட் .லொட்டு லொசுக்கு  எல்லாவற்றையும் தூக்கி ஓரமாக வைத்து விட்டு  சாமான்யர்களுக்கும் எளிதாகப்புரிவது போல நேரடியாகக்கதை சொல்கிறேன் 

ஸ்பாய்லர்  அலெர்ட்

சம்பவம் 1 - நாயகன்  ஒரு போலீஸ் ஆபீசர் .அவருக்கு  திருமணம் செய்ய பெண் பார்க்கிறார்கள் . வருங்கால மனைவியுடன்  பேசும்போது  அவர் சொல்கிறார் ." நான்  ஒர்க் பண்ற கம்பெனில  என்னமோ  அக்கவுண்ட்ஸில் பிராடு நடக்குது .பைனான்சியல் க்ரைம் நடக்குது .. ஆனா .. எம் டி என் மேல முழு நம்பிக்கை வெச்சிருக்கார் , அதனால முழு விபரங்களை உங்களிடம் சொல்ல முடியாது என்கிறார் . இதை  சொல்லி  அடுத்த  நாள்   அவர் மிஸ்ஸிங்க் . தன  வருங்கால  மனைவி  காணாமல் போனதால் நாயகன் சோகமாக இருக்கிறார் .

சம்பவம் 2 - நகரில்  பிரபலமான  மத போதகரும் ,கோடீஸ்வரரும் ஆன ஒருவரின்  மருமகன்  கொடூரமான முறையில் கொலை செய்யப்பட்டிருக்கிறார் .முகம் சிதைக்கப்பட்டு இருக்கிறது . இவர் வேறு  யாருமல்ல ,சம்பவம் 1 ல் நாயகனின் வருங்கால மனைவியின் எம்  டி .இந்தக்கேஸை  விசாரிக்கும் பொறுப்பு நாயகனுக்கு வருகிறது .

 நாயகன்  இந்தக்கேஸை  எப்படி டீல் செய்தார்?  மர்மங்களை எல்லாம்  கண்டுப்பிடித்தது எப்படி என்பது மீதி திரைக்கதை 

நாயகன் ஆக  சுந்தர் சி  சோகமாக படம் முழுக்க தாடியுடன் வருகிறார் . அதைப்பார்க்கவே  கஷ்டமாக இருக்கிறது . இவர் பிளாஸ் பேக்கில்  க்ளீன் ஷே வ்   முகத்துடன் சிரிப்புடன்  இருப்பது ஆறுதல் . ஆனால் நடிப்புக்காக பெரிதும் மெனக்கெடவில்லை . ஒரு இயக்குனர் ஆக  இவர் ஷைன் செய்த அளவுக்கு  ஒரு ஆக்சன்  ஹீ ரோவாக  ஜொலிக்க முடியவில்லை 

 இவருக்கு  ஜோடியாக   தன்யா  ஹோப் வருகிறார் .பெரிய  ஹோப்  இல்லை .இன்னும் எனர்ஜெடிக்காக நடித்திருக்கலாம் 

நாயகனுக்கு உதவி செய்பவராக ஹீபர்  படேல்  நடித்திருக்கிறார் . படம்  முழுக்க  வருவதால்  இவர் தான் நாயகி .கொலை செய்யப்படும்   தொழில்  அதிபர் ஆக   கமல் காமராஜ்  வில்லத்தன  நடிப்பு மூலம் இன்னும் கலக்கி இருக்கலாம் .அவரது   மனைவியாக அபிராமி  வெங்கடாச்சலம்  நடிகை ஆஷா சரத்   போல  ஆஜானுபாகவமான உயரம் , தோற்றம்,ஆனால் மிளரவில்லை ...    இவரது அப்பாவாக ஜெயக்குமார் நடிப்பு கனகச்சிதம் 

ஒளிப்பதிவு  மணி பெருமாள் . இரு நாயகிகளை  இன்னும் அழகாக க்ளோ சப்பில் காட் டி இருக்கலாம் . திரில் லிங்க்  காட் சிகளை  உயிரோட் டமாகப் படம்  பிடித்துள்ளார் . இசை சந்தோஷ்  தயாநிதி .3 பாடல்கள்  சுமார் ரகம் , பின்னணி இசை  விறுவிறுப்பு .திணேஷ்   பொன்ராஜ் எடிட்டிங்கில்  படம் 122  நிமிடங்கள்   ஓடுகிறது

திரைக்கதை  எழுதி இயக்கி இருப்பவர் மணி செய்யோன்  

சபாஷ்  டைரக்டர்

1    கொலைகாரனின் தலைமுடியை வைத்து அவன் முகத்தை ஓவியமாக வரைவது எப்படி? என்ன பிராசஸ்/என்பதை தெளிவாக விளக்கிய டீட் டெய்லிங்    அருமை 

2   ஒரு க்ரைம்  திரில்லர்  கதையில்  சைக்கலாஜிக்கல்  சம்பந்தப்பட் ட  நுணுக்கமான  வசனங்கள்  அபாரம் 

3 மெயின் கதையுடன்  நாயகனின் பர்சனல்  கதையை  சாமார்த்தியமாகக்கோர்த்து விட் ட விதம் 

  ரசித்த  வசனங்கள் 

1   ஒருத்தர்  நாம சொல்றதை எல்லாம் கேட்கணும்னா ஒன்னு  நாம அவனை பர்சனலா லாக் பண்ணனும்,அல்லது புரொபஷனலா லாக் பண்ணனும்

2  சாத்தான் கூட சேர்ந்தா சாத்தான் புத்திதான் வரும் 

3 மத சம்பந்தமான  ட்ரஸ்ட்களில்  பேங்க் அக்கவுண்ட் வரவு , செலவு  விவகாரம் , எவ்ளவ் பணம்  உள்ளே  வந்தது ? எவ்ளோ பணம்  வெளில போச்சு  இந்த விபரம் எல்லாம் சொல்லத்தேவை இல்லை 

4   புரொபஷனலா  ஹேண்டில்  பண்றவனை விட பர்சனலா ஹேண்டில்  பண்றவன்  இந்தக்கேஸை  சீக்கிரமா முடிப்பான் 

5 நடந்ததையே  நினைச்சுட்டு  இருக்காம அடுத்த ஸ்டெப்  என்ன? எனப்பார்ப்பதுதான் மென்ட்டல்  பிளாக்ல இருந்து தப்ப எளிய வழி 

6  எடுத்த முடிவு தப்புன்னு தெரிஞ்சும் அதை ஒத்துக்காதவங்க தான் அதிகம் 

7  எப்பவும் நிறைய பேசுவீங்க, எதனால சைலன்ட் ஆகிட்டீங்க ? 

அதான் ,நிறைய பேசிட் டனே , நீங்க பேசுங்க 

8  நாம  சொல்ற உண்மைக்கும், நமக்கு சொல்லப்படும் உண்மைக்கும் நிறைய வித்தியாசம் இருக்கு 

9  வாய்ப்புக்காககாத்துக்கிட்டு இருக்கறவங்க எல்லாரையும், எல்லாத்தையும் நம்பிடுவாங்க 

10  எந்த  விஷயத்தை நாம செஞ்சதுக்கு அப்புறமா தப்புன்னு யோசிக்கறமோ அது மட்டும் தான் தப்பு .செய்யும் முன்பே யோசிக்கணும் 

11  எப்பவுமே  ஒருத்தருக்குப்பிடிக்க விஷயத்தை மாத்திக்க வைக்கறது ரொம்ப  கஷ்டம் 

12  ஒண்ணுக்குப்பக்கத்துல ஒண்ணு  வெச்சா 11 ஆகிடும், ஆனா ஜீரோக்குப்பக்கத்துல ஜீரோவை  வெச்சா 

  ரெண்டு ஜீரோ தான் ஆகும் 

ஜீரோ  மேல ஜீரோவை வெச்சா   அது எட்டு ஆகும்  0-0 = 8 

13   பாசிட்டிவ் , நெகட்டிவ்  இரண்டுக்கும் இடைப்பட் ட  ஸ்பெஷல்  நெம்பர் தான் ஜீரோ .ஜீரோவை ஒன்னும் இல்லாத வேல்யுவா ப்பார்க்கக்கூ டாது 

14  காக்கிச்சட்டை போட் டவங்களுக்கு பெரிய கொம்பு முளைச்சுட்டதா நினைப்பு 

15   ஒவ்வொரு மனுஷனுக்கு உள்ளேயும்  ஒரு கேரக்ட்டர் இருக்கும் 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

`1 நாயகன் - நாயகி  பெண்பார்க்கும் படலம் ,  பின் வரும் சந்திப்புகள்   எல்லாம் ஸ்க்ரிப்ட்டில்  அருமையாக இருந்தது , ஆனால் அதை திரையில் பார்க்கும்போது கவித்துவம்  மிஸ்ஸிங் , இருவருக்குமான கெமிஸ்ட்ரி ஒர்க் அவுட் ஆகவில்லை 

2  படம் பார்க்கும் ஆடியன்ஸுக்கு படத்தில் வரும்  கேரக் டர்களுடன் எமோஷனல் கனெக்ட் ஆகவில்லை 

3   பேங்க்   வாசலில்  ஒருவரை  உளவு  பார்ப்பது போல  ஒரு சீன , அடுத்த ஷாட்டில்  எங்கெங்கோ  லொக்கே ஷன்  போகிறது 

4   நாயகன்  பின் தலையில்  இரும்புக்கம்பியால் மடார் மடார் என தாக்குகிறார்கள் , நாயகனுக்கு ஒன்றுமே ஆகவில்லை .ரத்தம் கூட வரலை . அவர் என்ன  ரஜினியா?  சூப்பர்  மேனா?

5  உயர் அதிகாரியை  நாயகன்  பளார் என அறைவது  எல்லாம் சினிமாத்தனம் 

6    ஒரு பெண்ணை  தவறான  எண்ணத்தில்  வீட்டுக்கு அழைத்து வரும் வில்லனை  டைவர்ட் பண்ண  அந்தப்பெண் அவனுக்கு சரக்கு ஊற்றிக்கொடுத்து மட்டை ஆக்குவது எல்லாம் நடக்கவே நடக்காது . ஆரியக்கூத்தாடினாலும் காரியத்தில் கண்ணாய் இருப்பவர்கள் ஆண்கள் 

அடல்ட்  கண்ட்டெண்ட்  வார்னிங்  - U/A 

சி பி எஸ்  ஃபைனல்  கமெண்ட் - க்ரைம்   நாவல் படிப்பது போல  விறுவிறுப்பாக இருக்கிறது . ஆர்ட்டிஸ்ட்  செலக்சன்ல இன்னமும் கவனம் வைத்திருந்தால்   செம ஹிட் ஆகக்கூடிய கதை தான் . ஆனாலும் மோசமில்லை, பார்க்கலாம் . விகடன்   மார்க் - 41 . ரேட்டிங்  2.75 /5 

Vallan
Theatrical release poster
Directed by	VR Mani Seiyon
Written by	VR Mani Seiyon
Produced by	VR Manikandaraman V Gayathri
Starring	Sundar C Tanya Hope
Cinematography	Mani Perumal
Edited by	Dinesh Ponraj
Music by	Santhosh Dhayanidhi
Production company	VR Della Film Factory
Release date	24 January 2025
Running time	142 minutes
Country	India
Language	Tamil

DOMINIC AND THE LADIES PURSE (2025) - மலையாளம் -சினிமா விமர்சனம் ( க்ரைம் த்ரில்லர் )

           

                

இயக்குனர்  கவுதம்  வாசுதேவ்  மேனனின்  நடுநிசி நாய்கள் (2011)  மட்டும் தான்  அவர் இயக்கிய படங்களிலேயே குப்பைப்படம் மற்ற  அனைத்துப்படங்களையுமே ரசிகர்கள் கொண்டாடினார்கள் .இயக்குனர் பாலாவுக்கும்  , இயக்குனர் கவுதம்  வாசுதேவ்  மேனனுக்கும்  ஒரு எதிர் மறை ஒற்றுமை உண்டு . தனது படங்களில்  நாயகனை அலங்கோலமாகக்காட்டுவதில் விற்பன்னர் பாலா  தனது படங்களில்  நாயகியை  மிக அழகாகக்காட்டுவதில் விற்பன்னர் கவுதம்  வாசுதேவ்  மேனன் அவர் படங்களின் நாயகி இதற்கு முன் 50 படங்களில் நடித்திருந்தாலும் அவர் படத்தில் தான் அதிக பட்ச  அழகுடன் இருப்பார் ,

மெகா ஸ்டார் மம்முட்டி யின் சொந்தப் படம் இது இயக்குனர்  கவுதம்  வாசுதேவ்  மேனனின்  இயக்கத்தில் வெளி வரும் முதல் மலையாளப் படம் இது , 8 கோடி ரூபா பட்ஜெட்டில் எடுக்கப்பட் ட இப்படம் ரிலீஸ் ஆன முதல்  4 நாட்களில்  6 கோடி ரூபாய் வசூ லை  அடைந்துள்ளது  ஆனால்  இந்தியன்  எக்ஸ்பிரஸ்  உள்ளிட் ட  முன்னணிப்பத்திரிக்கைகள்  1.75/ 5  ரேட்டிங்க் தான் கொடுத்திருக்கிறார்கள்  திரைக்கதை , இயக்கத்தில்  

கோட் டை  விட்ட்தாக  எழுதி இருக்கிறார்கள் 

ஸ்பாய்லர்  அலெர்ட்

நாயகன்  முன்னாள்  போலீஸ் ஆபீசர்   இப்போது  பிரைவேட்டாக   டிடெக்டிவ்   ஏஜென்ஸி  நடத்தி வருகிறார் ..பெரிய அளவில்  வருமானம் இல்லை .இவர் குடி இருக்கும்  வீட்டுக்கே வாடகை பாக்கி 3 மாதங்கள் . இப்படி இருக்கும் சூழலில்  நாயகனின் ஹவுஸ் ஓனர்  ஒரு லேடீஸ்  பர்ஸ்  தனக்குக்கிடைத்ததாகவும் , அது யாருடையது என்று கண்டு பிடிக்க வேண்டும் என்றும்  கூறுகிறார் . அப்படிக்கண்டு பிடித்தால்  பழைய   வாடகை பாக்கி தர  வேண்டாம்  என ஆபர் வைக்கிறார் 

அந்த பர்சுக்கு சொந்தக்காரர்  ஐ டி கம்பெனியில் வேலை பார்க்கும் பூஜா  என்பதை  நாயகன் கண்டு பிடிக்கிறார் . இரண்டு வருடங்கள் முன்  தன்  காதலன் கார்த்திக்கைப்பார்க்கப்போன தினத்தில் இருந்து  அவளைக்காணவில்லை என தெரிய வருகிறது . கார்த்திக் தான்  தகராறில்  அவளைக்கொலை  செய்திருப்பாரோ  என சந்தேகித்தால்  அவனையும்  இரண்டு   வருடங்களாகக்காணவில்லை . கார்த்திக்கின் சகோதரி  மட்டும் தான்  இருக்கிறாள் . இதற்குப்பின்  இந்தக்கதையில்  நிகழும்  திருப்பங்கள்  தான் மீதி திரைக்கதை 

 நாயகன் ஆக   மம்முட்டி  அசால்ட் ஆக நடித்திருக்கிறார் . சண்டைக்காடசிகளில் ,நடனக்காடசிகளில்  ரஜினி போல சமாளிக்கிறார் . அவரது  உதவியாளர் ஆக   வரும்  கோகுல் சுரேஷ்  கோபி  அருமையான  நடிப்பு . நல்ல எதிர் காலம் உண்டு 

 நாயகி ஆக  சுஷ்மிதா பட்    கலக்கி இருக்கிறார் , பாரத நாட்டியம் ஆடுகையில் ,  க்ளைமாக்சில்  அவரது நடிப்பு அடிப்பொழி . வினீத்  வில்லத்தனமான  ரோல் . ஆனால்  வில்லன் இல்லை . ஹவுஸ்  ஓனர் ஆக வரும் விஜி  வெங்கடேஷ்  கவனிக்க வைக்கும் யதார்த்த நடிப்பு 

தற்புகா  சிவாவின் இசையில் இரு பாடல்கள்  சுமார் ரகம் . பின்னணி இசை   ஓகே ரகம் அந்தோணியின்  எடிட்டிங்கில்  152  நிமிடங்கள்   டைம் டியூரேஷன் .விஷ்ணு  தீவின் ஒளிப்பதிவு   அருமை . நாயகியை அழகாகக் காட்டி இருக்கிறார் 

கதை நீரஜ்   ராஜன்   என டைட்டிலில்  போடுகிறார்கள் . திரைக்கதை   என மூவர்  பெயர் வருகிறது , ஆனால் டைட்டிலில்   ஒரிஜினல்  படத்தின்  விபரத்தை தரவில்லை . முன்னணி  பத்திரிகைகள்   கூட இது ஒரு சுட் ட கதை என்பதை சொல்லவில்லை 

சபாஷ்  டைரக்டர்

1   டிடெக்டிவ்  ஏஜெண்சி   மாதிரி  செட் டப்பில்  நாயகனின் ஆபீஸ்  ரூம்  பக்கா . ஆர்ட்  டைரக் டருக்கு ஒரு ஷொட்டு .  பிகேபி  கதைகளில்  வரும் பரத் சுசீலா  வின் மூன்  லைட் டிடெக்டிவ்  ஏஜென்சி , சுபாவின் நாவல்களில் வரும் நரேன் வைஜயந்தியின் ஈகிள்ஸ் ஐ   நிறுவனங்கள்  போலவே  அருமையான  அலங்கரிப்புகள் 

2   சுபாவின் நாவல்களில் வரும்  செல்வா - முருகேசன்  ஜோடி போலவே  நாயகனுக்கு அஸிஸ் டெண்ட் ஆக  வரும் கோகுல் சுரேஷ் கோபி  கேரக் டர்  டிசைன் , அவரது  கெட் டப் , நடிப்பு  எல்லாம் பக்கா ( இவர்  நடிகர்  சுரேஷ் கோபியின் மகன் )   

3   நாயகன்  டீல்   செய்யும் முதல் கேசில்  கள்ளக்காதலியுடன் ஹோட் ட ல் ரூமில்  தங்கி இருக்கும் ஆளிடம்  50,000  ரூபாய் கறக்கும் காட்சி  காமெடி  

4    ஆங்கில   வசனங்கள் அதிகம் இல்லை , அது ஒரு ஆறுதல் 

5   க்ளைமாக்ஸ்  டிவிஸ்ட் அட் டகாசம் .அந்த சீனில்  வில்லனின் நடிப்பு  செம 

  ரசித்த  வசனங்கள் 

1   சந்தேகப்படும்படி   யாரையாவது  பார்த்தா  உடனே  எனக்கு இன்பார்ம் பண்ணு 

சார் ,  சந்தேகப்படும்படி  இருக்காங்கனு எப்படிக்கண்டுபிடிக்க? 

இப்போ  என்னைப்பார்த்தா சந்தேகப்படும்படி  இருக்கா?

 இல்லை 

அதையே  பாலோ  பண்ணு 

2 இவன் தான் என்  புது அஸிஸ்டெண்ட் 

    இவனுக்காவது  சம்பளத்தை  ஒழுங்காக்குடு 

3   பணம்  தந்தா இந்த  உலகத்துல அம்மாவைத்தவிர யாரை  வேண்டுமானாலும் விலைக்கு வாங்க முடியும்  

4  ஒரு தும்பை ( துப்பு )  கிடைச்சா  போதும்  , மும்பை  வரை போய்ட்டு வருவேன் 

5  நான்  டான்சில்  கொஞ்சம்  வீக் 

ஓ , உங்களுக்கு டான்ஸ் ஆடத்தெரியுமா? 

 ஜஸ்ட்  வாட்ச் 

6   ஒரு ஆளைப்பற்றித்தெரிஞ்சுக்கணும்னா அவனோட பூர்விக இடத்தில் இருந்து விசாரிக்க ஆரம்பிக்கணும் 

7  சிம்பிள்  ஐடியா  வில்  ஒர்க் அவுட் 

8  எவ்ளோ  பிரில்லியண்ட்டான ஆளா இருந்தாலும் 20 % அவனோட ஐ டியா சொதப்ப வாய்ப்பு இருக்கு 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   க்ளைமாக்ஸ்   ல  வில்லனை  நெருங்கும் நாயகன் தனி ஆளாக வந்து மாட்டிக்கொள்வது எதனால் ? போலீசுக்கு தகவல் கொடுத்து பாதுகாப்பாக வந்திருக்கலாமே?

2   இரண்டு   வருடங்களுக்குப்பின் மீட்கப்படும்  பூஜாவின்   டெட் பாடியின் முகம்  சிதையாமல் இருப்பது எப்படி ? 

3  பெண்   தன்மை   உள்ள  ஆள்  13  வயதில்  இருந்தே  தான் பெண்ணாக மாறியதாக  வசனம்   வருது . ஆனால்  18 வயதில்   காதலி எப்படி ? 

 அடல்ட்  கண்ட்டெண்ட்  வார்னிங்  - U/A 

சி பி எஸ்  ஃபைனல்  கமெண்ட் - DOMINIC AND THE LADIES PURSE (2025) - மலையாளம் --- கவுதம் வாசுதேவ் மேனன் இயக்கிய முதல் மலையாளப்படம் பிரமாதம் எல்லாம் இல்லை . சுமார் ரகம் தான் .கதை , திரைக்கதை அமைப்பில் பட் டி டிங்கரிங்க் அட்லி வெர்சன் ஆப் சவுத் கொரியன் க்ரைம் த்ரில்லர் மூவி 1 Rainbow Eyes (2007) + 2 பாரதிராஜாவின் பொம்மலாட்டம் (2008) (அன் அபிஷியல் ரீ மேக்) + 3 திட் டம் 2 (2021). ( அபிஷியல் ரீ மேக்) கேரக்டர் டிசைனில் தெலுங்குப்படமான ஏஜென்ட் சாய் சீனிவாசா ஆத்ரேயா (2021) +சந்தானம் நடித்த ஏஜென்ட் கண்ணாயிரம் (2022) - அபிஷியல் ரீ மேக் இவற்றின் சாயல் உண்டு .மம்முட்டிக்கு ஒரு சுமார் ரகப்படம் , இன்ட் டர்வெல் பிளாக் சீன் கற்பனை வறட்சி க்ளைமாக்ஸ் டிவிஸ்ட் குட் ரேட்டிங் 2.25 / 5 . உங்க பர்சில் இருந்து பணத்தை இழக்க வேண்டாம்

Dominic and the Ladies' Purse
Theatrical release poster
Directed by	Gautham Vasudev Menon
Screenplay by	Gautham Vasudev Menon Neeraj Rajan Sooraj Rajan
Story by	Neeraj Rajan
Produced by	Mammootty
Starring	Mammootty Gokul Suresh Sushmitha Bhatt
Cinematography	Vishnu Dev
Edited by	Anthony
Music by	Darbuka Siva
Production company	Mammootty Kampany
Distributed by	Wayfarer Films
Release date	23 January 2025
Running time	152 minutes[1]
Country	India
Language	Malayalam
Budget	₹8 crore[citation needed]
Box office	est. ₹6.10 crores(kerala) [2]

PRAVINKOODU SHAPPU(2025)-மலையாளம் -சினிமா விமர்சனம்(க்ரைம் திரில்லர்)

                   

       PRAVINKOODU SHAPPU(2025)-மலையாளம் -சினிமா விமர்சனம்(க்ரைம் திரில்லர்) 

பிறாவின் கூடு கள்ளுக்கடை  என்பதுதான் டைட்டில்    .பலரும் பிரவின்கூடு என தவறாக உச்சரிக்கிறார்கள்.புறாவின் கூடு என்னும் இடத்தில் உள்ள கள்ளுக்கடையில் நடந்த   கொலையை. விசாரணை செய்யும் போலீசின் கதை        இது          

ஸ்பாய்லர்  அலெர்ட்

நாயகன் புதிதாக அந்த ஏரியாவிற்கு வந்திருக்கும் போலீஸ் ஆபீசர்.வந்ததும் முதல் கேசாக இந்தக்கள்ளுக்கடைக்கொலைக்கேஸ்

கள்ளுக்கடை உரிமையாளர். பாபு தூக்கில் தொங்கி இறந்திருக்கிறார்.தற்கொலை போல தோற்றம் அளித்தாலும் இது திட்டமிட்ட. கொலை என நாயகன் நினைக்கிறான்

விசாரணயில் இரு விஷயங்கள்  தெரிய வருகிறது.1 கொலை நடந்த தின்ம் 11 பேர் கடையில் இருந்திருக்கிறார்கள்.அந்த 11ல் ஒருவன் தான் கொலையாளி. 2.பாபு பெண்கள் விஷயத்தில் வீக்.பண பலத்தைக்காட்டி பல பெண்களை கரெக்ட் பண்ணியவர்.அப்படி அவர் கரெக்ட் பண்ணிய ஒரு பெண்ணின் புருசன் தான் கொலை செய்திருக்க வேண்டும் 

முதல் பாதி முழுக்க நாயகனின் பார்வையில் திரைக்கதை. நகர்கிறது.பின் பாதியில் ஒரு திருப்பம்.நாயகனின் அப்பாவும் இதே. பாணியில் கொல்லப்பட்டவர்தான்.அதனால் நாயகன் தான் தன் அப்பாவின் மரணத்துக்குப்பழி தீர்க்கிறாரோ என்ற கோணத்தில் கதை நகர்கிறது.இதற்குப்பின் நடக்கும் திடுக்கிடும் திருப்பஙகள். மீதி திரைக்கதை

நாயகன். ஆக பசீல் ஜோசப் காமெடி யில் கலக்கி இருக்கிறார்.தன்னைப்பற்றி அவர் விடும் பில்டப்கள் ,மிசஸ் மிராண்டாவிடம் பம்முவது எல்லாமே செம.

கள்ளுக்கடையில் பணிபுரியும் மாற்றுத்திறனாளி ஆக. சவுபின் சாஹிர் அசர வைக்கும் குணச்சித்திர நடிப்பு.

அவரது அழகு  மனைவி.மிராண்டா. ஆக. சாந்தினி ஸ்ரீதரன் இளமைத்துள்ளலுடன். கூடிய நடிப்பு.

செம்பன் வினோத் சில காட்சி கள் வந்தாலும் மனதில் நிற்கிறார்.

ஒளிப்பதிவு.சைஜூ. காயத்.அசத்தலான ,துல்லியமான பதிவுகள்.சபாஷ்

சபீக் முகமது அலியின் எடிட்டிங் கில். படம் 149 நிமிடஙகள் ஓடுகிறது.

இசை. விஷ்ணு விஜய்.பிஜி எம் மில் மிரட்டி விட்டார்..

திரைக்கதை எழுதி இயக்கி இருப்பவர். ஸ்ரீராஜ் சீனிவாசன

சபாஷ்  டைரக்டர்

1. டைட்டில் சாங்கில் கள் உருவாகும் விதத்தைப்படம் பிடித்த விதம். கவிதை

2. டெட்பாடியின் திறந்த கண்ணில் ஈ , வில்லன். சிகரெட் பற்றி எரிக்கும் காட்சியின் துல்லிய ஒலி ,மிராண்டா. கண்ணுக்கு மை இடும் க்ளோசப் ஷாட் கலக்கல் ரகம்

3. மாறுபட்ட எடிட்டிங் கட்,சவுண்ட் டிசைனிங் ஒர்க் அசத்தல்.மேஜிக் சீன் ,சீட்டு ஆடும் விதம் எல்லாம் பிரமிப்பு

4 க்ளைமாக்ஸ் ட்விஸ்ட்

5 க்ரைம் இன்வெஸ்டிகேசன் போர்சனில் காமெடியைக்கலந்த விதம்

6 நாயகனிடம் மிராண்டா 5000 ரூ கைமாத்துக்கேட்கும் காட்சி,நாயகன். மழுப்பும் சீன் செம

7 ஸ்கூல் பஸ் சேசிங் சீன் அட்டகாசம்

8 மிராண்டாவை வில்லன் கொலை செய்ய முயலும்போது நாயகனுக்கு போன் போட அவர் பைக்கில் வரும் சீன் விறுவிறுப்பு ,காமெடி கலக்கல்

  ரசித்த  வசனங்கள் 

1  எனக்கு மைக்ராஸ்கோப் கண்கள்

2 அவன் ரவுடியா இருந்தாலும் பக்கா டீசண்ட்

3 டெட் பாடிக்கு வெளிச்சமும் ,காத்தோட்டமும் இருக்கட்டும்.எல்லாரும் தள்ளி விலகி நில்லுங்கப்பா

4  உன் பேரென்னம்மா?

மிராண்டா

மிரண்டா?

5  உனக்கு மேரேஜ் ஆகி 5வருசம் இருக்கும்.சரியா?

10 வருசம். ஆகுது

கழுத்தில் போட்டிருக்கும் செயின் பார்த்தா 5 வருசம் மாதிரி தெரியுதே?

அது 6 வருசம்

6. உன்னை மாதிரி ஒரு ஆள் கிட்டே மிராண்டா. மாதிரி. ஒரு அழகி. எப்படி வசியம் ஆனா?

7 எந்தக்குடிகாரனையும். நம்பாதீஙக

8  நான் கொலைக்கேசில் உள்ளே போனவன்

கொசுவையா கொன்னே?

9  அது ஏண்டா எல்லாரும் என் சம்சாரம் பின்னாடியே சுத்தறீங்க?

10 சார் அந்த கன் ல சுடுவீங்களா?

கோல்டு மெடலிஸ்ட் அதுல

11. ஒரு மேஜிக் மேன் கிட்டே மற்றவர்கள் கண்களுக்குப்புலப்படாத ஒரு ட்ரிக் இருக்கும்

12. நம்பிக்கை துரோகத்தை விடப்பெரிய வலி இல்லை

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 முதல் பாதி ரொம்ப ஸ்லோ.பின் பாதி பல்க விறுவிறுப்பு.இன்னமும் ட்ரிம் பண்ணி இருக்கலாம்

2 என்னதா காமெடிக்கு என்றாலும் நாயகன் அண்டர்வேருடன் பைக்கில் சேஸ் செய்வது போலீஸ் பணியை அவமதிக்கிறது

அடல்ட்  கண்ட்டெண்ட்  வார்னிங் -U/A

சி பி எஸ்  ஃபைனல்  கமெண்ட் -    காமெடிவிரும்பிகள்,க்ரைம். திரில்லர் ரசிகர்களை க்கவரும்.ரேட்டிங். 3/5

REKHA CHITHRAM (2025)- ,மலையாளம் -சினிமா விமர்சனம்- மிஸ்ட்ரி க்ரைம் த்ரில்லர்

         

    வெறும் 6 கோடி ரூபாய் பட்ஜெட்டில் தயார் ஆன லோ பட்ஜெட் படமான இது 9/1/2025. அன்று ரிலீஸ் ஆகி முதல் 10 நாட்களில் 46 கோடி ரூபாய் வசூலித்து ஹிட் அடித்துள்ளது.சாதாரண கதைதான்.அதிர்ஷ்டக்காற்று     அடித்ததில் இவ்ளோ பெரிய வெற்றி    

ஸ்பாய்லர்  அலெர்ட்

வேலைக்காரியா உள்ளே நுழைந்து எஜமானி அம்மாவைக்கைக்குள்ள போட்டுக்கிட்டு  தானே எஜமானியாக  ஆக முயன்றவர்கள் கதை நமக்குத்தெரியும்.அந்த மாதிரி. தான். படத்தின் வில்லியும்.பணிப்பெண்ணாக  ஒரு பெரிய இடத்தில் வேலை பார்ப்பவர். அங்கே பணம் திருடும் வில்லனைப்பார்த்து சிரிக்கிறாள்.இருவரும் திருட்டில் பார்ட்னர்.லைப் பார்ட்னர் ஆகி விடுகிறார்கள்

நாயகி ஒரு ஜூனியர் ஆர்ட்டிஸ்ட்.சின்ன சின்ன ரோல்களில் நடிக்கும் துணை நடிகையான அவருக்கு மெயின் ஹீரோயின் ஆக ஆசை.ஷூட்டிங் ஸ்பாட் க்கு அருகே தான் வில்லி பணி புரியும் இடம் இருக்கிறது.அங்கே ஒரு நாள்வ்தஙக நாயகிக்கு சந்தர்ப்பம் அமைகிறது

நாயகன் ஒரு போலீஸ் ஆபீசர்.ட்யூட்டி டைமில்  சீட்டு ஆடினார் என சஸ்பென்ஸ் ஆனவர் ஒரு வித்தியாசமான கேஸ் அவர் கையில் கொடுக்கப்பட இன்வெஸ்டிகேசனை. ஆரம்பிக்கிறார்

ஒரு ஆள் சரக்கு அடித்த மப்பில் ஒரு வீடியோ காட்சி பதிவு செய்கிறார்.அதில் தானும் இன்னும் இரு ஆண்களும் இணைந்து இதே இடத்தில் ஒரு பெண்ணுடைய டெட் பாடியைப்புதைத்தோம் என. வாக்குமூலம் தந்து விட்டு ஆன் த ஸ்பாட் தற்கொலை செய்து கொள்கிறார்

அந்த இடத்தைத்தோண்டிப்பார்த்தபோது ஒரு பெண்ணின் மண்டை ஓடு கிடைக்கிறது.இதற்குப்பின் நடக்கும் சம்பவங்கள் தான் மீதி திரைக்கதை.

கொலை நடந்தது.1985ல்.40 வருடங்கள் கழித்துத்தான். தெரிய வருகிறது.இந்த சிக்கலான கேசை நாயகன் டீல் செய்வதுதான் கதை

நாயகன் ஆக ஆசிப். அலி கச்சிதம்.அதீத நடிப்பில்லை.பில்டப் இல்லை.யதார்த்த நடிப்பு.

நாயகி   ஆக அனஸ்வரா ராஜன்.அப்பாவி முகம் ,அழகு ராணி.நல்ல நடிப்பு

வில்லன் ஆக மனோஜ் கே ஜெயன். வில்லி ஆக சலிமா செம ஆக்டிங.சித்திக் ,இந்திரன்ஸ் உட்பட அனைவர் நடிப்பும் கச்சிதம்

அப்பு. பிரபாகர் ஒளிப்பதிவு இதம்.சமேர் முகமது வின் எடிட்டிஙகில் படம் 137 நிமிடஙகள் ஓடுகிறது.இசை. முஜீப் மசித்.பிஜி எம் அருமை

ராமுசுனிலின் கதையை. வாங்கி அவர்உடன் இணைந்து திரைக்கதை எழுதி இயக்கி இருக்கிறார் ஜாபின் டி சாக்கோ

  ரசித்த  வசனங்கள் 

1. பணம் சம்பாதிக்க துரத்திட்டே போய் வாழ்க்கையை இழந்தேன்

2. எல்லோருக்கும் மரணம் உண்டு.ஆனால்  மரணத்துக்காகக்காத்திருப்பது கொடுமை

3 உனக்கு. என உண்டான ஒரு ரோல் காலம் கடந்தாலும் யாராலும் தட்டிப்பறிக்க முடியாது

4 இதுவரை நாம. கண்டுபிடித்ததை அவஙக கொண்டு போயிருக்கலாம்.ஆனா இனி. நாம் கண்டுபிடிக்க இருப்பதை அவங்களால. அபகரிக்க முடியாது

5  நேற்று ஒரு படி முன்னேறினோம்.இன்று. இரு படிகள் பின்னேற்றம்

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 ஒரு சாதா திருட்டுக்கேசை தேவை 

இல்லாமல் கொலைக்கேசாக மாற்றும். வில்லி

2 கொலைக்கு உடந்தையாக இருந்தவர்கள் ஈசியா. அப்ரூவர் ஆவது

அடல்ட்  கண்ட்டெண்ட்  வார்னிங் - U/A

சி பி எஸ்  ஃபைனல்  கமெண்ட் - ரொம்ப ஸ்லோ மூவி.பெண்கள் பார்க்கலாம்.பெண்களைப்போல ப்பொறுமை உள்ள ஆண்கள் பார்க்கலாம்.ரேட்டிங் 2.5. /5

EMERGENCY (2025) - ஹிந்தி - சினிமா விமர்சனம் ( ஹிஸ்டாரிக்கல் பயோபிக்சர் டிராமா )

   

                        

படம்  ரிலீஸ் ஆகும் முன்பே  ஏகப்பட்ட  சர்ச்சைகளை உருவாக்கிய படம் . காரணம்   கங்கனா  ரனாவத்  பாஜக  கட்சிக்காரர் , முன்னாள்  பிரதமர்  இந்திரா காந்தி  காங்கிரஸ்  காரர் . இவர் அவராக நடித்தால்  சரி வருமா?  என்று  பிரச்சனை கிளப்பினார்கள் .    சென்சார்  போர்டிலும்  பல  பிரச்சனைகள் .17/1/2025  முதல்  திரை  அரங்குகளில்  வெளியாகி ஓடுகிறது .60 கோடி   ரூபாய்  -பட்ஜெடடில்  எடுக்கப்பட் ட  இப்படம்  முதல் நாள் பாக்ஸ் ஆபீசில்   3  கோடி  ரூபாய்  வசூலித்து  இருக்கிறது .இது  கங்கனா  ரனாவத்  தின் சொந்தப்படம் . அவர் தான் தயாரிப்பாளர்  + நாயகி + இயக்குனர் + திரைக்கதை  மேற்பார்வை 

ஸ்பாய்லர்  அலெர்ட்

இது   இந்திரா காந்தியின் முழு வாழ்க்கை  வரலாறு அல்ல .  அவர் பிரதம  மந்திரியாக இருந்த போது  நடந்த  முக்கிய அரசியல் நிகழ்வுகளை மட்டும்  படம் பிடித்து இருக்கிறார்கள் ,இரண்டு  வரலாற்று  நூல்களால்  ஈர்க்கப்பட்டு , மூன்று திரைக்கதை  ஆசிரியர்களால்  வடிமைக்கப்பட்ட்து என சொல்லப்பட் டாலும்  டைட்டிலில்  திரைக்கதை  ரித்தீஷ் ஷா  என்றே  வருகிறது 

 இந்திய  சீனா போரின் போது அப்பாவுக்கும்  , மக்களுக்கும் நிகழ்ந்த  மனத்தாங்கல்கள்  காட் டப்படுகிறது எமர்ஜென்சி  எதனால்  அறிவிக்கப்பட்ட்து  என்பது  தெளிவாக விளக்கப்படவில்லை . ஆனால் அது மக்களுக்கு எந்த அளவு துன்பங்களை விளைவித்தது ? அதனால்  கட் சிக்கும், ஆட் சிக்கும் எப்படி கெ ட்ட பெயர் உருவானது என்பதை விலாவாரியாகக்காட்டுகிறார்கள் . முழுமையான  வரலாற்று நிகழ் வுகளின் தொகுப்பாக , தொடர்ச்சியாக   திரைக்கதை  அமைக்கப்பட வில்லை . சில  முக்கிய நிகழ்வுகளின் தொகுப்பாக மட்டுமே காட்டப்படுகிறது மகன்  சஞ்ச்ய காந்தியின் தலையீடு  அதிகமாக இருந்தது  அவரால் தான்  எல்லா  கெட் ட பெயரும் என்பது மாதிரி   காட்டுகிறார்கள் 

கங்கனா  ரனாவத்   இந்திராகாந்தியாக  அசத்தி இருக்கிறார் .அவரது ஒப்பனை , உடல் மொழி , கண்பார்வை , அனைத்தும் அட் டகாசம் . தேசிய  விருது  பெறு ம் அளவுக்கு நிறைவான நடிப்பு .வேறு ஒருவரை அந்த கேரக்ட்டரில்  கற்பனை கூட பண்ணிப்பார்க்க முடியவில்லை . சஞ்சய்  காந்தியாக  விஷாக் நாயர்  செமையாக  நடித்து இருக்கிறார் , கிட் டத்தட் ட   வில்லன் ரோல் , ஜெயப்பிரகாஷ் நாராயணன் ஆக  அனுபம் கேர்    தனது அனுபவம் மிக்க நடிப்பை வழங்கி  இருக்கிறார் , படத்தில்  பங்கேற்ற  அனைவருமே    உணர்ந்து நடித்திருக்கிறார்கள் 

பாடல்களுக்கு  ஆன இசையை ஜி வி பிரகாஷ் குமார் வழங்கி இருக்கிறார் , நான்கு பாடல்களுக்கு இ வரும் ஒரு பாடலுக்கு மட்டும்  அ ர்கோ என்பவரும் இசை அமைத்து இருக்கிறார்கள் .பின்னணி   இசையை  மூவர் வழங்கி இருக்கிறார்கள்.படத்திற்கு ஜீவனே   பின்னணி இசைதான்  

டெட்ஸோ நகாடா  என்பவர் தான் ஒளிப்பதிவு .நாயகிக்கு லைட்டிங்க்  அமை ப்பதில் சிறப்பான பணி செய்திருக்கிறார் . கலவரக்காட் சிகளை உயிரோட் டமாக படம் பிடித்து இருக்கிறார் 

ராமேஸ்வர்  எஸ்  பகத்  தின் எடிட்டிங்கில்  படம் 146 நிமிடங்கள் ஓடுகிறது . முதாழ் 50 நிமிடங்கள் மிக மெதுவான திரைக்கதை 

சபாஷ்  டைரக்டர்

1  முதல்  முக்கால் மணி நேரம்  வரலாற்று நிகழ்வுகளை  மிக மெதுவான திரைக்கதையால்  எனோதானோ   எனப்பார்த்துக்கொண்டிருந்த  ஆடியன்ஸை  எழுந்து நின்று  கை  தட்ட   வைத்தது  கோர்ட்டில்  இந்திராகாந்தி  கூண்டில்  சேர் போட்டு அமர்ந்து  விசாரணைக்கு பதில் சொல்லும் காட்சி . அந்த சீனில்  கங்கனா ரன்வத்தின் உடல் மொழி , நடிப்பு , நடை , பிஜிஎம்  அனைத்தும் கலக்கல் ரகம் 

2  இந்திராகாந்தி   க்கு   மன பதட் ட  நோய் , ஹாலுசினேஷன்  எல்லாம்  இருந்ததாக  பதிவு  செய்திருக்கிறார்கள் .இது இதுவரை  நான் படிக்காத   தகவல் .  கண்ணாடி  முன்  அவர் நிற்கும்போது  பிம்பமாகத்தோன்றும்  உருவம் கண்டு அவர் மிரள்வது  திகில் படத்துக்கு இணையான காட் சி 

3    சஞ்சய காந்தி -  இந்திராகாந்தி   உரையாடல்கள் , மோதல்கள்   அனைத்தும் அருமை . இருவருக்குமான பாண்டிங்க்  சிறப்பாக காட் டப்பட்டுள்ளது 

4  சஞ்சய்    காந்தியின் விமான விபத்தில் மரணம்  நிக ழ்ந்த  தருணம் ., இந்திராகாந்தி அவரது பாதுகாப்பு அதிகாரியாலேயே  கொலை செய்யப்பட்டது  ஆகிய நிகழ்வுகள் அருமையாகப் படமாக்கப்பட்டு உள்ளன 

5 தனது   மகன்    சஞ்சய்    காந்தியின்  மரணத்தை   மக்கள் கொண்டாடுகிறார்கள் என்பதை   நேரில் கண்ட  , இந்திராகாந்தி  மனம்   பதறி   அழுவது   அருமையான   காட்சிப்படுத்தல் 

  ரசித்த  வசனங்கள் 

1   நான் ஒன்னும் சின்னக்குழந்தை இல்லை 

 அப்புறம் எதனால அப்பா அப்பா என என் பின்னால் சுற்றிக்கொண்டு இருக்கிறாய் ? 

2  90% பேர்  வெய்ட்டிங்க்  , 10% பேர்  பைட்டிங்க் 

3  எந்த   சூழலிலும்  அம்மாவை மறக்கக்கூடாது .பெற்ற  அம்மா,பாரத மாதா  இரண்டும் சமம் 

4 இந்தியா  என்றால் இந்திரா  ,இந்திரா என்றால்  இந்தியா

5    சின்னக்குழந்தைல இருந்து அப்பா கையைப்பிடிச்சுக்கிட் டே  இருந்தா  எப்படி ? கையை  விடணும் 

6  உங்க பதவியைக்காப்பாத்திக்க வேண்டியது உங்க கடமை 

7   வாட்   கேபினட் ? கிச்சன் கேபினட் ? 

8   நான் தான்  கேபினட் .இந்த ஸீட்   உங்களுக்கு  எப்படிகிடைச்சுது ? 

9   டெல்லி , இந்தியாவின்   தலைநகரம் .லண்டன் மாதிரி  மாத்தப்போறேன் 

10  ஏமர் ஜென்சி  யை வாபஸ்   வாங்கிய உடனேயே  தேர்தல்  வைத்தது  பொலிட்டிக்கல்   சூசையிடு 

கடந்த இரண்டு வருடங்களாக நீ   செய்த  தப்புக்கள் எல்லாம் உன் கண்ணுக்குத்தெரியலையா?  

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  வன்முறைக்காட் சிகள்  அதிகம் , ஒரு குழந்தையை  சுவரில் அடித்துக்கொலை செய்யும்  சீன்  கொடூரம் 

2   கட்சி  மேலிடத்தில் நல்ல பெயர் வாங்க வேண்டும், விருது பெற வேண்டும் இந்த இரண்டு எண்ணங்கள்மட்டுமே கங்கனா  ரனாவத்திற்கு . முழுமையான  அரசியல்  நிகழ்வுகளின்  தொகுப்பாக திரைக்கதை இல்லை ,இந்திரா காந்தியின் நெகடிவ்  பக்கங்களை  மட்டுமே   காட்டி இருப்பது பலவீனம் 

 அடல்ட்  கண்ட்டெண்ட்  வார்னிங் -  U / A

சி பி எஸ்  ஃபைனல்  கமெண்ட் -  வரலாற்று நிகழ்வு களில்  ஆர்வம் உள்ளவர்கள்  பார்க்கலாம் . பொது  ரசிகர்கள் ,ஜனரஞ்சகப்பட விரும்பிகள்  தவிர்க்கலாம் .ரேட்டிங்   3 / 5 

Emergency
Theatrical release poster
Directed by	Kangana Ranaut
Screenplay by	Ritesh Shah
Story by	Kangana Ranaut
Produced by	Kangana Ranaut Zee Studios Renu Pitti
Starring	Kangana Ranaut Anupam Kher Shreyas Talpade Mahima Chaudhry Milind Soman Satish Kaushik
Cinematography	Tetsuo Nagata
Edited by	Rameshwar S. Bhagat
Music by	Songs: G. V. Prakash Kumar Arko Score: Sanchit Balhara and Ankit Balhara
Production companies	Manikarnika Films Zee Studios
Distributed by	Zee Studios
Release date	17 January 2025
Running time	146 minutes[1]
Country	India
Language	Hindi
Budget	est.₹25 crore[2]
Box office	₹2.9 crore[3]