லாரா (2025) - தமிழ் - சினிமா விமர்சனம் (சஸ்பென்ஸ் த்ரில்லர்)

                     

     ஸ்பாய்லர்  அலெர்ட்

நாயகன்  ஒரு போலீஸ்  இன்ஸ்பெக்ட்டர் .அவருக்கும்,அந்த  ஏரியா கவுன்சிலருக்கும்  ஆல்ரெடி  ஒரு பஞ்சாயத்து இருக்கு .பதவி கெத்தைக்காட்டும்போது நாயகன் பளார் என அறைந்து விடுகிறார் . அந்த கவுன்சிலரோட அடியாள் ஒருத்தன் தன மனைவி காணாம போயிடுச்சி என போலீஸில் புகார் கொடுக்கிறான் .அதே  சமயம் அருகில்  வேறு  ஒரு ஏரியாவில்  முகம் சிதைக்கப்பட்டு  அடையாளம் தெரியாமல் இருக்கும் ஒரு பெண்ணின் சடலம் கிடைக்கிறது . மிஸ் ஆன அந்த மிஸஸ்  இது  தானா?எனக்கேட்க  அவன்  இல்லை என்கிறான் . நாயகன்  அந்தக்கேஸை  விசாரிக்கிறார் .பல  மர்மங்கள்  வெளிப்படுகின்றன 

நாயகன்  தான் பட த்தின்   தயாரிப்பாளர் .கார்த்திகேசன் . சங்கர்லால்  துப்பறியும் கதைகளில்  வருவது போல இவரும் சீனுக்கு சீன் டீ  குடிக்கிறார் . பொதுவாக  ஆக்சன் மசாலாப்படங்களில்  நாயகன் தம் அடிப்பார், சரக்கு அடிப்பார் . அது மாதிரி இல்லாமல் இவர் டீ அடிக்கிறார்.. ஆறுதல் 

லாரா  கேரக்ட்டரில்  வரும் அனுஸ்ரேயா  ராஜன் கச்சிதம் .எம் எல் ஏ  கேரக்ட்டரில்  வரும்  மேத்யூவு வர்கீஸ் நல்ல தெனாவெட்டு .பெரும்பலானவர்கள்  புது  முகங்கள் .ஆனால் நடிப்பு குட்

ஆர்  ஜெ  ரவீனின் ஒளிப்பதிவு  பிரமாதம் . இசை  ராகு சரவண குமார் .பாடல்கள்  சுமார் ரகம் . பின்னணி இசை  அருமை .  வளர்  பாண்டியின் எடிட்டிங்கில்  117 நிமிடங்கள்  படம் ஓடுகிறது . திரைக்கதை  வ்ழுதி  இயக்கி இருப்பவர் மணி மூர்த்தி 

சபாஷ்  டைரக்டர்

1  கதைக்களம்  நிரவி , காரைக்கால் ., பாண்டிச்சேரி  ஏரியாவில் போலீஸ்  யூனிபார்ம்  எப்படி  மாறுபட்டு இருக்கும் என்பதை கச்சிதமாக காண்பித்த விதம் 

2  போஸ்ட்  மார்ட் டம்   ரிப்போர்ட்டில்  இறந்து கிடக்கும் பெண்ணின்  மரண காரணம்  கொலையா? தற்   கொலையா?   என்பது  கண்டுபிடிக்க முடியவில்லை என்பது  கூடுதல் சுவராஸ்யம் 

3   மெயின்  கதையுடன்   ஹவாலா குற்றங்கள் , வெளி நாடு வாழ்க்கை மேல் கொள்ளும் மோகம் ,பெண்களை துன்புறுத்தி அதில் இன்பம் காணும் சாடிஸ்ட்டின் கிளைக்கதை , ஒரு காதல் கதை , காரைக்கால் ஏரியாவின் திருவிழாக்கள்  என  டாக்குமெண்டரி  படம் தரும் சுவராஸ்யத்தையும் கமர்ஷியலாகத்தந்த விதம் 

4  படத்தில்  வரும் சின்ன சின்ன கேரக்ட்டர்களுக்கும் முக்கியத்துவம் கொடுத்த விதம்,அனைவரும் புதுமுகங்கள் என்றாலும்  நல்ல  நடிப்பை வாங்கிய விதம் 

5  ஆக்சன்  மசாலா  ஹீரோவுக்கு  ஓப்பனிங்க்  சீனில் ஒரு பைட்  வைப்பது போல  இது மாதிரி  துப்பறியும் கதாபாத்திரத்துக்கு  ஓப்பனிங் சீனாக  ஒரு இன்வெஸ்டிகேஷன்  கேஸை  தீர்ப்பது போல வைப்பார்கள் .அந்த  சீனும் குட் 

6    காமெடி டிராக் இல்லை ,ஆனால் கதையோடு  சேர்ந்து வரும் காமெடி  உண்டு .உதா - ஒரு சீனில் போலீஸ் ஆபீசர் ஆன நாயகன்  ஒரு ரவுடியோடு  ஓரு பெண்ணை  சந்திக்க  பலான ஏரியாவில் நிற்பார் .அப்போது  ஒரு ஹோமோ கேஸ்  ரவுடியிடம்  நீ வா , அந்த ஆளு  வேண்டாம் என சொல்ல போலீஸ் கடுப்பாகும் காட்சி  செம காமெடி ரகளை 

7 லாரா- எம் எல்ஏ  மகன்  இருவரின் காதல் கதை ,  கவுன்சிலரின் அடியாள்    மனைவியின்  சோகக்கதை , சிவப்பு விளக்குப்பெண்ணின்  பரிதாபக்கதை  இந்தமூன்று கதைகளையும்  இணைத்து  ஒரு கதை சொன்ன விதம் .இந்தமூன்று பெண்களுமே  ஒரே  நிற உடையை  அணிந்து இருந்ததால்   நிகழும் குழப்பம்  சுவாரஸ்யம் 

 ரசித்த  வசனங்கள் 

1   எந்த எலியா இருந்தாலும் பொறி ல மாட்டி தான் ஆகணும் 

2 கொத்து புரோட்டாவை  தண்ணீர்ல  ஊறவெச்சு  கொண்டு வந்த மாதிரி டெட் பாடியைக்கொண்டு வந்தா எப்படி ? 

3     எதுக்காக அவனைத்தேடறீங்க? ஏதாவது   தப்பு பண்ணிட் டானா?  

ஜனாதிபதி அவார்டு  தரலாம்னு இருக்கோம் 

நிஜமாவா? அந்த அளவு அவன் என்ன செஞ்சான் ? 

4  எங்களை மாதிரி  பெண்கள் சுயநினைவில் இருக்கும் வரை தான் எங்களுக்குப்பாதுகாப்பு 

5  நீ   வாழனும்னாலும் என் ஆசைப்படிதான் வாழனும் , நீ சாகணும்னாலும்   என் ஆசைப்படிதான்  சாகனும் 

6   நியாயதுக்காகக்கோபப்படக்கூடாதுன்னா எப்படி ? 

7   எவன்  திருப்பி அடிக்க மாட்டானோ அவனை திருப்பித்திருப்பி அடிப்பதுதானே  உங்க வீரம் ? 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   இன்ஸ்பெக்ட்டர்  தொப்பையுடன் இருக்கார் .சப் இன்ஸ்பெக்ட்டர்  சிக்ஸ் பேக்  ஜிம் பாடியுடன் பக்கா பிட்னசுடன்  இருக்கார் 

2  ஒரு சீனில்  போலீஸ்  கான்ஸடபிள்  பைக்கின் சைடு ஸ் டே ண்டை  காலால்  போடாமல் கையால் குனிந்து போடுகிறார் 

3  கவுன்சிலரின் அடியாள்  தன்  மனைவியை தெருவில் அனைவரும் பார்க்கும்படி  வாசல்  திண்ணையில்  

கட் டி வைப்பது எந்த தைரியத்தில் ? 

4  கவுன்சிலரின் லட்சக்கணக்கான  ஹவாலாப்பணத்தை  பீரோவில் வைக்காமல் , பூட் டாமல் அசால்ட் ஆக வைப்பது எப்படி ?

5ஆஸ்துமா  பிரச்சனையால்  அவதிப்படும்  லாரா  அடிக்கடி  இன்ஹேலர்  இல்லாமல் சிரமப்படுவது போல 

 காட்சிகள்  வருது .ஒரு முறை எனில் ஓகே ,ஒவ்வொரு முறையும் அப்படியா?  ஒரு இன்ஹேலர் எக்ஸ்ட்ரா ஸ் டாக்   வைத்டுக்கொள்ளமாட் டாரா  ? 

அடல்ட்  கண்ட்டெண்ட்  வார்னிங் - U / A 

சி பி எஸ்  ஃபைனல்  கமெண்ட் - சஸ்பென்ஸ்  த்ரில்லர் ,  க்ரைம் த்ரில்லர்  ரசிகர்கள்  அனைவரும்  பார்க்கலாம் .ஸ்டார் வேல்யூ இல்லையே? என்ற தயக்கம் வேண்டாம் . தெரிந்த பேயை விட தெரியாத பிசாசே   மேல் . விகடன் மார்க்  - 42 ,குமுதம் ரேங்க்கிங்க் ஓகே , ரேட்டிங்  2.75/ 5 

லாரா
தியேட்டர் ரிலீஸ் போஸ்டர்
இயக்கியவர்	மணி மூர்த்தி
எழுதியவர்	மணி மூர்த்தி
தயாரித்தது	எம்.கார்த்திகேசன்
நடிக்கிறார்கள்	அசோக் குமார் பாலகிருஷ்ணன் எம் கார்த்திகேசன் அனுஸ்ரேயா ராஜன்
ஒளிப்பதிவு	Rj ரவீன்
திருத்தியது	வளர் பாண்டி
இசை	ரகு ஸ்ரவன் குமார்
தயாரிப்பு நிறுவனம்	எம்.கே ஃபிலிம் மீடியா ஒர்க்ஸ்
வெளியீட்டு தேதி	3 ஜனவரி 2025
நாடு	இந்தியா
மொழி	தமிழ்