PANI (2024) - மலையாளம் - சினிமா விமர்சனம் ( ஆக்சன் த்ரில்லர் )

       

      நடிகர்  ஜோஜூ  ஜார்ஜ்  இயக்குனர்  ஆக அவதாரம்  எடுத்திருக்கும்  முதல் படம் இது . இயக்குனர்  தரணி  இயக்கிய  தூள்  படம்  போல  விறு விறுப்பான  ஆக்சன்  த்ரில்லர்  ஆக  வந்திருக்கிறது ( தூள்  கதைக்கும் , இதற்கும்  சம்பந்தம் இல்லை , டைரக்சன் பாணி மட்டும்  மேட்சிங்க் )  24/10/2024   முதல்   திரை  அரங்குகளில் ரிலீஸ்  ஆன இப்படம்     லோ  பட்ஜெட்டில்  எடுக்கப்பட்டு  25  கோடி ரூபாய் பாக்ஸ்  ஆஃபீசில்  வசூலை வாரிக்குவித்த படம்   

 1995ல்  துணை  நடிகராக  அறிமுகம்  ஆன  ஜோஜூ ஜார்ஜ்  2015  வரை        சுமார்  21  வருடங்கள்  நம்ம  ஊர்  சத்யராஜ் போல சின்னச்சின்ன  ரோல்களில்  நடித்து  வந்தார் .   .  2015ல் வெளியான ஒரு செகண்ட்  கிளாஸ்  யாத்ரா   கேரளா  மாநில அரசின்  சிறந்த  துணை  நடிகருக்கான  விருதைப்பெற்றார் . 2018ல்   ரிலீஸ்  ஆன  ஜோசஃப் படத்தில்  ஹீரோவாக அவருக்கு  பிரேக்  கொடுத்தது , 2021  ல் ரிலீஸ் ஆன  சோலா  வில்   மாநில  அரசின்  விருது  கிடைத்தது . நயாட்டு , பொரிஞ்சு மரியம், ஜோஸ்  , ஹலால்  லவ் ஸ்டோரி ,ஜகமே  தந்திரம் (தமிழ் )  , பட ,  மதுரம்  ஆகிய படங்கள்  இவர்  பேர்  சொல்பவை . இவர்  ஒரு  பிண்ணனிப்பாடகரும்  கூட  

பணி  என்பதற்கு  தமிழ் , மலையாளம்  ஆகிய  இரு  மொழிகளிலும் ஒரே  அர்த்தம்  தான் . வேலை . ரவுடித்தனத்தையே  வேலையாகக்கொண்டவனின்  க்ரைம்  ஆக்சன் கதை  இது 

ஸ்பாய்லர்  அலெர்ட்

  சம்பவம் 1 -   கதை  நடக்கும்  இடம்  கேர்ளா  மாநிலம்  , திருச்சூர் . போலீஸ்  கமிசனர்  ஒரு  மீட்டிங்க்  போட்டு  நகரில்  நடக்கும்  பல  கொலை , அடிதடிகளூக்கு   ஒரு  கேங்க்ஸ்டர்  க்ரூப்பே  காரணம், அவர்களைக்கண்காணிக்க  வேண்டும்  என  முடிவு  எடுக்கிறார்கள் 

  சம்பவம்  2  -பல  ரவுடிகளுடன்  தொடர்பில்  உள்ள  நாயகன்  தான்  போலீஸ்  கண்காணிக்கும்  நபர் .  நாயகன்  தன்  மனைவியுடன்   இனிமையான  இல்லற  வாழ்வு  நடத்தி  வருகிறார்

   சம்பவம்  3  . வில்லன்கள்  இருவர் . இவர்கள்  வாடகைக்கொலையாளிகள் . இவர்களிடம் பணம்  கொடுத்து ஆளைக்காட்டி  விட்டால்  ஆளைப்போட்டுத்தள்ளி விடுவார்கள் . படத்தின் ஓப்பனிங்  ஷாட்டிலேயே  பப்ளிக்  நடமாடும்  இடத்தில்  வில்லன்கள்  இருவரும்  அசால்ட்டாக  ஒரு  கொலையை  செய்து  போலீசை  அழைத்து  கொலையைப்பார்த்த  சாட்சிகளே  தாங்கள்  தான்  என்கின்றனர் 

  சம்பவம்  4 - ஒரு  ஷாப்பிங்க்  காம்ப்ளெக்ஸ் போய் இருந்தபோது  வில்லன்கள்  இருவரும்  நாயகனின்  மனைவியை  வேண்டும்  என்றே  உரசி விடுகிரார்கள் . அதைக்கண்ட  நாயகன்  வில்லன்கள்  இருவரையும்  புரட்டி எடுக்கிறார். இதனால்  வன்மம்  கொண்ட  வில்லன்கள்  வெகுண்டெழுந்து  நாயகனின்  வீட்டைக்கண்காணித்து    நாயகன்  இல்லாத  தருணம்  அவர்  மனைவியை  பாலியல்  வன்கொடுமைக்கு ஆளாக்குகிறார்கள் 

  நாயகன்  அந்த  வில்லன்களை  எப்படிப்பிடிக்கிறார் ? அவர்களை  என்ன  செய்கிறார்  என்பதே  மீதி  ஆக்சன்  அடி பொழி  கதை 

 நாயகன்  ஆக  ஜோஜூ  ஜார்ஜ்  அமைதியான  புயலாக  நடித்திருக்கிறார். படத்தில்  இவருக்கு  வசனம்  மிகக்குறைவு. ரஜினி  பாணீயில்  சொல்லனும்னா  பேச்சு  இல்லை , வீச்சு தான் 

 நாயகியாக  அபிநயா  நடித்திருக்கிறார். உணர்ச்சிப்பிழம்பான  நடிப்பு 

  வில்லன்களாக  சாகர்  சூர்யா ,   வி.பி  ஜூனைஸ்  இருவரும்  பட்டையைக்கிளப்பி இருக்கிறார்கள் . வில்லன்களை  இவ்வளவு  வலிமையாக  சித்தரிக்கும்  படத்தில்  நாயகனாக   படத்தின்  இயக்குனரே  நடித்திருப்பது ஆச்சரியம்  

விஷ்ணு விஜய் , சாம் சி எஸ் , சந்தோஷ்  நாடாயணன்  என   ஒரு பட்டாளமே  இசை  அமைத்திருக்கிறது . பிஜிஎம்மில்  பல  இடங்கள்  அப்ளாஸ்  பெறுகிறது.மனு  ஆன்ட்டனி யின்  எடிட்டிங்கில்  படம்  143  நிமிடங்கள்  ஓடுகிறது . ஒளிப்பதிவு   வேணு  & ஜிண்ட்டோ  ஜார்ஜ் . சிறப்பான  கேமரா  ஒர்க் . குறிப்பாக  சேசிங்க்  காட்சிகளில்  முத்திரை  பதிக்கிறது 

கதை , திரைக்கதை , வசனம்  எழுதி இயக்கி இருப்பவர்  ஜோஜூ  ஜார்ஜ் 

சபாஷ்  டைரக்டர்

  1   தன்  மனைவி  பிரசவ  வலியை  அனுபவிக்கக்கூடாது  என  நாயகன்  குழந்தை  பெறும்  எண்ணத்தையே   விட்டு ஒழிப்பது  புதுமையாகவும்  அன்பை  வெளிப்படுத்துவதாகவும்  அமைகிறது . அந்தக்காட்சியை  நேரடியாக  சொல்லாமல்  பூடகமாக  உணர்த்திய விதம் குட் 

2  பஜாரில்  பலர்  உலவும்  இடத்தில்  சாமார்த்தியமாக  வில்லன்கள்  ஒரு  கொலையை  நிகழ்த்தும்  இடம்  அட்டகாசம் . வன்முறையைக்கூட  நாசூக்காக  நேரடியாகக்கொலையைக்காட்டாமல் பதட்டத்தை  ஏற்படுத்துவது எப்படி என்பதை  க்ளாஸ்  எடுக்கிறது   அந்தக்காட்சி 

3  ஒரு  சீனில்  ஒரு  அறையில்  ஒரு ஆள்  தன்  நண்பர்களுடன்  இருப்பார் . அங்கே  வரும் ஒரு  இளனிக்காரன்  மிகப்பெரிய  திருப்பாச்சி அரிவாள் கொண்டு  ஒவ்வொரு  இளநீராக  வெட்டி  ஒரே ஆளையே  தொடந்து   குடிக்கச்சொல்லி கட்டாயபப்டுத்துவான் . அந்தக்காட்சியில் இளநீர்  வெட்டும்  ஓசை  அட்டகாசம். ஒரு  சாதா  சீனை  மாஸ்  சீன் ஆக்குவது  எப்படி  என்பதை  காட்டி  இருக்கிறார்  இயக்குநர் 

4   நாயகனின்  மனைவியை  வில்லன்கள்  ரேப்  செய்தார்கள்  என்பதற்காக  நாயகனிடம்  வில்லனின்  காதலி  மாட்டும்போது  அவளை  எதுவும் செய்யாமல்  விடுவது  குட் 

  ரசித்த  வசனங்கள் 

1   பெண்கள்  பாலியல்  வன்முறைக்கு  ஆளாகும்போது இது ஒரு  விபத்து என  நினைச்சுக்கனும் . வாழ்நாள்  முழுக்க  இதை  மனசில  வெச்சுக்கிட்டு இருக்கக்கூடாது 

2  போலீசுக்குன்னு சில சட்ட திட்டங்கள்  இருக்கு , நீங்க  விதிகளை  ஃபாலோ பண்ணனும் 

விதிகள்  என்பது  இரு  தரப்புக்கும்  பொருந்தனும் 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1   வில்லன்களை  பலமுள்ளவர்களாக  சித்தரித்தது  ஓக்கே . ஆனால் கொஞ்சம் ஓவர் டோஸ்  ஆகி  நாயகனை  பலவீனம்  ஆக்கி விட்டது . பலமான  வில்லன்களை  அதை விட  பலமாக  நாயகன்   எதிர்  கொண்டால் தான் செமயாக  இருக்கும் 

2   ஓப்பனிங்  சீனில்  கொடுக்கும் பில்டப்போடு  சரி , போலீசை  காணவில்லை .

3  வில்லன்கள்  இருவரும் இளைஞர்கள் .  எவ்வித  பின்புலமும்  இல்லாதவர்கள் . ஆனால்  பல     அடியாட்களுடன்  உலா  வரும்  நாயகனை  அசால்ட்  ஆக  எதிர்ப்பது  எப்படி ? 

4  ஒரு சீன்  அல்லது  இரு  சீன்  என்றால்  ஓக்கே  ஒவ்வொரு  சீனிலும்  வில்லன்கள்  அசால்ட்  ஆக  தப்பிப்பது எப்படி ? 

5  பாலியல்  வன்கொடுமைக்கு நாயகி  ஆளாகும்  காட்சியை  இன்னும்  சாஃப்ட்  ஆக  டீல் செய்திருக்கலாம்,  வேண்டும் என்றே  வன்முறையோடு  எடுக்கப்பட்டிருப்பது  தெரிகிறது 

6   நாயகன்  கேங்க் , வில்லன்  கேங்க்  இரு செட்டுமே  கெட்டவ்ர்கள்   என்பதால்  யார்  செத்தா  நமக்கென்ன? என்ற  எண்ணம்  தான்  ஏற்படுகிறது . நாயகன்  தரப்பில்  இழப்பு அதிகம் என்பதும்  நாயகனின்  மனைவியும், அம்மாவும்  பாதிக்கப்பட்டார்கள்  என்பதும்  மட்டுமே  பரிதாபத்தை  எற்படுத்துகிறது 

7   வில்லனின்  காதலி  நாயகன்  கையில்  சிக்கியும்  அவளைப்பணயமாக  வைத்து  வில்லனை  வரவைக்க  எந்த  முயற்சியும்  நாயகன்  எடுக்கவில்லை  என்பது  ஆச்சரியம் 

8  ஐ  சா  த  டெவில்  -  கொரியன்  மூவி  (2010)  ,  ஒரு  தெக்கன்  தள்ளு கேஸ்  (2022 )மலையாளம்   மூவி  இரண்டின்  பாதிப்பும்  திரைக்கதையில்  தெரிகிறது 

9 ஒரு  போல்டான , தைரியமான  பெண்ணைக்காட்ட  அவள்  தம்  அடிப்பவளாக சரக்கடிப்பவளாகத்தான்  போர்ட்ரே   பண்ணனுமா? 

10    ப்ரீ க்ளைமாக்ஸ்  கேப்டன்  பிரபாகரன்  க்ளைமாக்ஸ் சீனை  நினைவுபடுத்துது . க்ளைமாக்சில்  திருப்தி இல்லை .நாயகன்  வில்லனைக்கொல்லும்போது  வில்லன் மேல் பரிதாபம்  வரக்கூடாது 

அடல்ட்  கண்ட்டெண்ட்  வார்னிங்  - 18 + 

சி பி எஸ்  ஃபைனல்  கமெண்ட் -   பரப்ரப்பான  க்ரைம்  ஆக்சன்  த்ரில்லர்  தான்  முதல்  பாதி  செம  ஸ்பீடு பின்  பாதி  கொஞ்சம்  வேகம்  குறைவு . ரேட்டிங்  3 / 5 

Pani
Theatrical release poster
Directed by	Joju George
Written by	Joju George
Produced by	M. Riaz Adam Sijo Vadakkan
Starring	Joju George Sagar Surya Junaiz V. P.
Cinematography	Venu ISC Jinto George
Edited by	Manu Antony
Music by	Vishnu Vijay Sam C. S. Santhosh Narayanan
Production companies	AD Studios Appu Pathu Pappu
Distributed by	Sree Gokulam Movies Dream Big Films Phars Film (Overseas)
Release date	24 October 2024
Running time	143 minutes
Country	India
Language	Malayalam
Box office	₹25 crore[1]