THE SWINDLERS (2017) - சவுத் கொரியன் மூவி /தமிழ் - சினிமா விமர்சனம் ( க்ரைம் ஆக்சன் த்ரில்லர்) அமேசான் பிரைம்

       

லோ பட்ஜெட்  படமாக  உருவான  இப்டம்  மொத்தம்  29  மில்லியன்  டாலர்கள் வசூல்  சாதனை  செய்தது. சிறந்த  நடிகைக்கான  விருதை நாயகியாக  நடித்த  நானாவுக்குக்கிடைத்தது.அமெரிக்காவில்  மட்டும்  முதலில்  ரிலீஸ்  ஆன  இப்படம்  ஹிட்  ஆனதும் சர்வதேச  அளவில்  பத்து  நாடுகளில்  பரவலாகத்திரை  இடப்பட்டது 

டைட்டில்  ஆன  ஸ்விண்ட்லர்ஸ்  என்பதற்கு  மோசடிக்காரர்கள்   என்று  அர்த்தம் 

ஸ்பாய்லர்  அலெர்ட்

கதை  நிகழும்  காலம்  2008

வில்லன்  சீட்டுக்கம்பெனி  நடத்தி  பல  கோடி  பணம்  சேர்ந்தது,ம்  எஸ்கேப்  ஆகிடறான். பணம்  போட்ட  பொதுமக்கல்  கம்பெனி  மேனெஜரைக்கேள்வி  கேட்கிறார்கள் , அவங்களுக்கு  பதில்  சொல்ல  முடியாம  மேனேஜ்ர்  மாடில  இருந்து  குதிச்சு  தற்கொலை  செய்து  கொள்கிறார்

 நாயகன்  ஒரு   திருடன். நாயகனோட  அப்பா  வில்லனுக்கு  போலி  பாஸ்போர்ட்  ரெடி  பண்ணித்த்தருகிறார். அந்த  பாஸ்போர்ட்டை  வில்லன்  வாங்கிய  அடுத்த  நாள்  மர்மமான  முறையில்  நாயகனின்  அப்பா  தூக்கில்  தொங்கி இறக்கிறார்

 எந்த  நாட்டுக்கு  பாஸ்போர்ட்  ரெடி  பண்ணி  நாயகனின்  அப்பா  வில்லனிடம்  தந்தாரோ  அதே  நாட்டுக்கு  நாயகனும்  கிளம்புகிறான்.அப்போதானே  வில்லனைப்பிடிக்க  முடியும் ? 

ஆனால்  வில்லன்  ஒரு  விபத்தில்  இறந்ததாக்  மீடியாக்களில்  செய்தி   வருகிறது , ஆனால்  நாயகன்  அதை  நம்பவில்லை 

 அப்டியே  கட்  பண்ணினா  இப்போ  9  வருடங்கள்  கழித்து 2017 

வில்லன்  தப்பிப்போக  காரணமாக  இருந்த  பெரிய  தலைகள் , அர்சியல்வாதிகள்  மேல் விசாரணை  நடத்த  வேண்டும்  என  கோரிக்கை  கிளம்புகிறது / அந்த  லிஸ்ட்டை  வெளியிட்ட  பப்ளிக்  பிராசிக்யூட்டர்  தன்  உயர்  அதிகாரிகளை  ச்ந்திக்கிறார். அவங்க  கிட்டே  அவரு  பம்முவார்னு  பார்த்தா  அவங்க  தான்  இவரைப்பார்த்து  பம்மறாங்க . இந்தப்பிரச்சனையை  எப்படியாவது  முடிச்சு  விட்டுடு  என  கெஞ்சறாங்க 

  நாயகி  ஒரு  திருடி .ஒரு  நகைக்கடைல  தன்  கூட்டாளிகளோட  சேர்ந்து  நெக்லஸ்  கொள்ளை  அடிக்கறா. பப்ளிக்  பிராசிக்யூட்டர்  நாயகி  அண்ட்  கோ  வை  வேலைக்கு  அமர்த்தி   வில்லனைப்பற்றிய  டீட்டெய்ல்சை  எடுக்கிறான்

 நாயகன்  வில்லனைக்கொலை  செய்ய  அலைவது  பப்ளிக்  பிராசிக்யூட்டருக்கு  தெரிகிறது . இப்போது  பப்ளிக்  பிராசிக்யூட்டர் , நாயகன்  இருவரும்  இணைந்து  வில்லனை  சிக்க  வைக்க  திட்டம்  போடுகிறார்கள் . கடைசியில்  என்ன  ஆச்சு  என்பதுதான்  மீதி  திரைக்கதை 

நாயகன்  ஆக  ஹியூன்  பின்  நடித்திருக்கிறார். அப்பாஸ்  மாதிரி  மைதா  மாவு  முகம், ஆனால்  ஆக்சனில் கலக்குகிறார்.  நாயகன்  போடும்  பல  கெட்டப்கள்  சிட்டிசன்  அஜித்  நினைவு  வருகிறது 

பப்ளிக் பிராசிக்யூட்டர்  ஆக   பார்க்  ஹி  ஷூ . நாயகன் , வில்லனை  விட  இவருக்குத்தான்  அதிக  காட்சி . கலக்கலான  நடிப்பு 

வில்லன்  ஆக  பே  சியாங்  வியூ  மிரட்டி  இருக்கிறார். ஆனால்  அதிக  காட்சிகள் இல்லை 

 நாயகி  ஆக  நானா .இவர்  புதுமுகம்  அறிமுகம், ஆனால்  புதுமுகம்  போலவே  தெரியவில்லை  பிரமாதமான  நடிப்பு .  நாயகனுடன்  டூயட்டோ  காதலோ  இல்லை 

பேங்க்  ஜூன்  ஜியோ  தான்  இசை . ஒரு  பரபரப்பான  ஆக்சன்  த்ரில்லருக்கு  பிஜிஎம்  எந்த  அளவு  விறுவிறுப்பாக  இருக்க  வேண்டுமோ  அந்த  அளவு  உழைத்திருக்கிறார்

லீ  டே  யூன்  ஒளிப்பதிவில்  கார்  சேசிங்  காட்சிகள்  கலக்கலாகப்படம் ஆக்கப்பட்டுள்ளன 

117  நிமிடங்கள்  ஓடும்படி  எடிட்டர்  படத்தை  கிரிஸ்ப்  ஆக  கட்  செய்து  இருக்கிறார்

ஜாங்க்  சாங்க்  வ்யோ  என்பவர்  தான்  திரைக்கதை  எழுதி  இயக்கி  இருக்கிறார்

சபாஷ்  டைரக்டர்

1 பிரமாதமான  கார்  சேசிங்  சீன்  படமாக்கப்பட்ட  விதம்  கண்ட்ரோல்  ரூமில்  இருந்து கேமரா  மூலம்  கண் காணித்து  டைரக்சன்  சொல்லிக்கொண்டே ஒரு க்ரூப்  செயல்படுவதும்  அதை  செயல்  ஆக்கம்  செய்வது  ஒரு  டீம்  என  பிரித்து  வேலை  செய்யும்  விதம்  அபாரம் 

2  வில்லனின்  கையாளை  மடக்க  ஜெயிலில்  நாயகன்  அண்ட்  போலீஸ்  டீம் போடும் திட்டம்  குட்

3  லேடியை  வைத்து வாலட்  அபேஸ்  செய்யும்  காட்சி 

4 கேபிள்  காரில்  வில்லன்  தப்பிக்கும்  காட்சி

5  க்ளைமேக்ஸ் ட்விஸ்ட்  , இண்ட்டர்வெல்  ட்விஸ்ட்  போக  இன்னும்  ரெண்டு  ட்விஸ்ட்  வேற 

  ரசித்த  வசனங்கள் 

1  அதிகப்படியான  சந்தேகம்  கூட  சில சமயம்  ஒருவரை  நம்பக்காரணமா  ஆகிடும்

2  ஆயிரம்  பேரை  நீ  ஏமாற்றினாலும்  நீ  ஏமாறும்  தருணம்  வந்தே  தீரும் 

3 எவ்ளோ  பெரிய  கூட்டத்தில் ஒருத்தன்  இருந்தாலும் ஒரு  சொதப்பல்காரனை  நான்  ஈசியா  அடையாளம்  கண்டு பிடிச்சுடுவேன்

4  எந்த  வேலை  செய்யறதா  இருந்தாலும்  அதுல  ஒரு  ஜாப் எதிக்ஸ்  வேண்டும்

5 எதிரே  இருப்பவன்  அமைதியா  இருக்கானேன்னு எகிறக்கூடாது ,இறக்கிட்டுப்போயிடுவேன்

6 நரியை  விடமோசாமானவன்  நீ,  ஆனா  அதை  இன்னொரு  நரி  கிட்டே  காட்டலாமா?

7 உலகத்துல இருக்கும்  எல்லா  ஆம்பளைங்களும்  ஒரே  மாதிரி  தான்  இருக்காங்க

8  ஒருத்தன் கிட்டே  முதல்  டைம்  ஏமாந்தா  அது  அவனோட  தப்பு , ரெண்டாவது  டைமும்  ஏமாந்தா  அது  நம்மோட  தப்பு 

9  திரும்பத்திரும்ப  அவனை  ஏமாத்துவதுதான்  அவனுக்கு  தரப்போகும் தண்டனை 

லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1 என்ன  தான்  பப்ளிக்  பிராசிக்யூட்டர்  சரக்கு  உள்ள  நபராக  இருக்கட்டுமே?அவரை  விட  பண  பலமும், அரசியல் பலமும்  மிக்க  அதிகாரிகள்  அவரிடம்  பம்முவது  நம்பவே  முடியவில்லை , 

2 நாயகன்  பல முறை  சாவின்  விளிம்பில்  வந்து  விட்டுத்திரும்புகிறான், ஆனால்  எதற்குமே  அலட்டிக்கொள்ளவில்லை .  என்னதான்  கெத்து  காட்டினாலும்  உயிர்  பயம்  எல்லோருக்கும்  உண்டு 

3  நகைக்கடையில்  நாயகி  கிளாமர்  காட்டி  மயக்கி  கொள்ளை  அடிப்பது  எம் ஜி ஆர்  கால  டெக்னிக். அவ்ளோ  பெரிய  கடையில்  அந்த  ஒரு  ஆள்  மட்டும்  தானா? மற்ற  சேல்ஸ்மேன்  யாரும்  அந்த  போலி  நகை  மாற்றுவதைப்பார்க்க  மாட்டார்களா? 

அடல்ட்  கண்ட்டெண்ட்  வார்னிங் - க்ளீன்  யூ

சி பி எஸ்  ஃபைனல்  கமெண்ட் -  தமிழ்ப்படம்  பார்ப்பது  போலவே  இருக்கு . ஒரு  துளி  ஆபாசம்  இல்லை . கண்ணியமான  காட்சி  அமைப்புகள்  அருமை .  ஆக்சன்  த்ரில்லர்  ரசிகர்களுக்கு  விருந்து . ரேட்டிங்  3 / 5 

மோசடி செய்பவர்கள்
தியேட்டர் ரிலீஸ் போஸ்டர்
ஹங்குல்	மற்றும்
திருத்தப்பட்ட ரோமானியமயமாக்கல்	க்குன்
இயக்கம்	ஜாங் சாங்-வொன்
எழுதியவர்	ஜாங் சாங்-வொன்
உற்பத்தி	சங் சாங்-யோன்
நடித்துள்ளார்	ஹியூன் பின் யூ ஜி-டே பே சியோங்-வூ பார்க் சுங்-வூங் நானா அஹ்ன் சே-ஹா
ஒளிப்பதிவு	லீ டே-யூன்
இசை	பேங் ஜுன்-சியோக்
தயாரிப்பு நிறுவனம்	ஷோபாக்ஸ்
மூலம் விநியோகிக்கப்பட்டது	ஷோபாக்ஸ்
வெளிவரும் தேதி	நவம்பர் 22, 2017
நேரம் இயங்கும்	117 நிமிடங்கள்
நாடு	தென் கொரியா
மொழி	கொரியன்
திரைப்பட நுழைவு சீீட்டு விற்பனையகம்	US$28.9 மில்லியன் [1]