FALLING FOR CHRISTMAS ( 2022) சினிமா விமர்சனம் ( ரொமான்ஸ்) @ நெட் ஃபிளிக்ஸ்)

  ஸ்பாய்லர்  அலெர்ட்

சின்னத்தம்பி  குஷ்பூ  மாதிரி  நாயகி  ஒரு  பெரும்  செல்வந்தரின்  மகள் , அவளுக்கு  மை டியர்  மார்த்தாண்டன்  ஹீரோ  பிரபு  மாதிரி  ஒரு  பணக்கார  பாய்  ஃபிரண்ட். ஒரு  நாள்  அவன்  நாயகிக்கு  மோதிரம்  கொடுத்து  ப்ரப்போஸ்  ப்ண்றான்,அப்போ  நடக்கும்  பனிச்சறுக்கு  விளையாட்டில்  நாயகி  தலைல  அடிபட்டு  அம்னீஷியா  பேஷண்ட்  மாதிரி  பழசெல்லாம்  மறந்துடறா. இப்போ  காதலன்  ஒரு  பக்கம்  மாட்டிக்கறான், நாயகி  ஒரு பக்கம்  பிரிஞ்சு  போய்டறா 

நாயகன்  உன்னை  நினைத்து  ஹீரோ  சூர்யா  மாதிரி  ஒரு  லாட்ஜ்  வெச்சு  நடத்திட்டு  இருக்கான், அவனுக்கு  ஒரு  மகள் , ஒரு  அம்மா  இருக்காங்க , மனைவி  இல்லை , இறந்துட்டாங்க .  அவன்  தான்  நாயகியைக்காப்பாற்றி  தன்  கஸ்டடில  வெச்சு  காப்பாத்தறான்

 நாயகிக்கு  பழசெல்லாம்  மறந்ததாலும்,  ஆல்ரெடி  அவ  செல்வச்சீமாட்டி  என்பதாலும்  எந்த  வேலையும் செய்யத்தெரியல.  நாயகன்  தான்  எல்லாம்  சொல்லிக்கொடுக்கறான். நாயகனின்  மகளுக்கும்  நாயகிக்கும் ஒரு  அட்டாச்மெண்ட்  ஏற்ப்டுது

 நாயகன் , நாயகி  இருவரும்  நெருக்கமாகப்போகும்  தருணத்தில்  நாயகன்  விலகிடறான்., உன்  பழைய  வாழ்க்கைல  உனக்கு  ஆல்ரெடி  ஒரு  ஆள்  இருந்தா  என்ன  பண்ண? அதனால்  வெயிட்  பண்ணுவோம், யாராவது  தேடிக்கொண்டு  வருகிறார்களா?னு  பார்ப்போம்  அப்டீங்கறான்

நான்கு  நாட்கள்  நாயகி  நாயகனின்  குடும்பத்துடன்  இருக்கிறாள்.   ஐந்தாவது  நாள்  நாயகியின்  முன்னாள்  காதலன், அப்பா  இருவரும்  அவளைக்கண்டு  பிடித்து  வீட்டுக்கு  அழைத்து  செல்கின்றனர்

 இதுக்குப்பின்  நாயகி  மூன்றாம்  பிறை  ஸ்ரீதேவி  போல  நட்ந்து  கொண்டாளா?  அல்லது  தீபாவளி  நாயகி  போல  நடந்து  கொண்டாளா?  என்பதே  க்ளைமாக்ஸ் 

நாயகி  ஷியாராவாக  லிண்ட்ஷா   லோஹன்  நம்ம  ஊரு  ஹன்சிகா  சாயலில்  இருக்கிறார்,  செலவச்சீமாட்டி  ரோல்  என்பதால்  அவர்  உடலில்  பணக்காரக்களை  இயல்பாகவே  தெரிகிறது . எந்த  வேலையும்  தெரியாம  இருக்கோமே  என  வருத்தப்படுவது , நாயகனின் மேல்  காதல்  கொள்ளவா? தள்ளவா? என  டைலம்மாவில்  இருப்பது  போன்ற  கட்டங்களில்  நல்ல  முக  பாவனையை  வெளிப்படுத்தி  இருக்கிறார்

நாயகன்  ஜேக்காக  கோர்டு  ஓவர்ஸ்ட்ரிட்  டைட்டனிக்  நாயகன்  டி காப்ரியாவை  நினைவு  படுத்தும்  தோற்றம் . கச்சிதமான  நடிப்பு 

நாயகனின் குழந்தையாக  நடித்த  சிறுமி  செம  அழகு . மழலை  கொஞ்சும்  டயலாக்  டெலிவரி 

காதலனாக   ஜார்ஜ்  யங்  அதிக  காட்சிகளில்  வரவில்லை  என்றாலும்  வந்தவரை  ஒப்பேற்றுகிறார்

ஒளிப்பதிவு  படத்தின்  உயிர்  நாடி   பனிச்சறுக்கு  காட்சிகளில்  குளுமையான  காட்சிகளை  கண்  முன்  நிறுத்துபவர்  கிறிஸ்மஸ்  கொண்டாட்டக்காட்சிகளில்  கலக்கி  இருக்கிறார்

 பின்னணி  இசை  கச்சிதமாக  தன்  பணியைச்செய்து  கதைக்கு  உயிர்  கொடுக்கிறது 

 

  ரசித்த  வசனங்கள் 

1 அப்பா , உங்களுக்கு  கஷ்டத்தைக்கொடுக்கக்கூடாதுனு  இருக்கேன்

 ஒரு  மகளால  அப்பாவுக்கு  எப்பவும்  எந்தக்கஷ்டத்தையும்  கொடுத்துட  முடியாது 

2  உங்க  வ்ழக்கமான  விசயங்களை  நீங்க  தொடர்ந்து  செய்தால்  உங்க  ஞாபகங்கள்  திரும்பி  வர  வாய்ப்பிருக்குனு டாக்டர்  சொன்னார், ஆனா  அந்த வ்ழக்கமான  விசயங்களை தான்  எனக்கு  எதுனு  தெரியலை 

3  மோசமான  சிக்கல்கள்  தானாவே  கலைஞ்சு  போய்டும்  , நாம  நிதானமா  காத்திருக்கனும்

4  நமக்கு  வயசு  ஆக  ஆகத்தான்  பழைய  நினைவுகளை  எல்லாம்  நினைச்சுப்பார்க்கனும்னு  தோணும் 

 லாஜிக்  மிஸ்டேக்ஸ் , திரைக்கதையில்   சில  நெருடல்கள் 

1  மகா ராணி  மாதிரி  செல்வச்சீமாட்டியா  வாழ்ந்து  வந்த  நாயகி  தலைல  அடிபட்டு  பழசை  எல்லாம்  மறந்துடறாங்க , அடுத்த  நாள்  காலைல  எழுந்த்தும்  எங்கே  வேலையாட்கள்  யாரையுமே காணோம்?னு  எப்படிக்கேட்கறார் ? அது  மட்டும்  பார்ட்  டைமா  நினைவில்  வருமா? 

2  நாயகிக்கு  ஃபோன்  பண்ணும்  அப்பா  கால்  பிக்கப்  பண்ணாததால  அப்படியே  விட்டுடுவாரா? அவரது  பி ஏ  அல்லது  நாயகியின்  செக்யூரிட்டிக்கு  ஃபோன்  போட்டு  விசாரிக்க  மாட்டாரா? 4  நாட்கள் கண்டுக்கவே   இல்லை 

3  நாயகியின்  காதலன்   லவ்  பிரேக்கப்  ஆனதுக்கு  ஒரு  %  கூட  வருத்தமே  படலை , அடுத்த  நிமிடமே  இன்னொரு  ஜோடியைத்தேடிக்கிட்டான். அது  ஒரு  அதிர்ச்ச்சி , ஹோமோ  மாதிரி  இன்னொரு  ஆண்  துணையை  தேடிக்கிட்டது  அடுத்த  அதிர்ச்சி 

4  உன்  சந்தோஷம்  தான்  என்  சந்தோஷம்  என  சொல்லும்  நாயகியின்  அப்பா  எதைப்பற்றியும்  கண்டுக்கவே இல்லை . நாயகியின் முதல்  காதலன்  பற்றியும்  அக்கறை  இல்லை , நினைவு  தப்பிய  நாயகியின்  நண்பன் கம்  காதலன்  ஆல்ரெடி  ,மேரேஜ்  ஆனவன் , ஒரு  பொண்ணு  இருக்கு  என்பதையும்  கண்டுக்கலை 

சி பி எஸ்  ஃபைனல்  கமெண்ட் -  ஊட்டி  வரை  உறவு , எங்கிருந்தோ  வந்தாள் மூன்றாம்  பிறை , ஒரு  கல்லூரியின்  கதை , தீபாவளி,   போன்ற  பல  படங்களில்  இது  போன்ற  அம்னீஷியா  டைப்  கதைகளை  நாம்  பார்த்திருந்தாலும்  இதுவும்  ரசிக்க  வைக்கிறது ம் நாயகியின்  நடிப்புக்காகவே  பார்க்கலாம்  ரேட்டிங் 2.75 / 5  ஃபேமிலியோடு  பார்க்கத்தகுந்த  கண்ணியமான  படமாக்கம்  தான். ஒரே  ஒரு  லிப் லாக்  சீன்  க்ளைமாக்ஸில்  வருது டோட்ட்ல்  டைம்  ட்யூரேஷன் 90 நிமிடங்கள்

Falling for Christmas
Official release poster
Directed by	Janeen Damian
Screenplay by	Jeff Bonnett Ron Oliver
Story by	Jeff Bonnett
Produced by	Michael Damian Brad Krevoy
Starring	Lindsay Lohan Chord Overstreet
Cinematography	Graham Robbins
Edited by	Kristi Shimek
Music by	Nathan Lanier
Production companies	Motion Picture Corporation of America Riviera Films
Distributed by	Netflix
Release date	November 10, 2022
Running time	93 minutes
Country	United States
Language	English