வலியவன் - சினிமா விமர்சனம்

எங்கேயும் எப்போதும்  எனும்  முதல் படத்திலேயே  அபாரமான  சிக்சர்  அடிச்ச  இயக்குநர்  தன்  2 வது படமான  இவன்  வேற  மாதிரியில்  லேசா  சறுக்கினார். மூன்றாவது  படத்தில்  ஃபோராவது  அடிச்சார?  டொக் ஆனாரா?  என்பதை  பார்ப்போம்

ஹீரோயின்  ஒரு  பிரைவேட்  பேங்க்ல  ஒர்க்  பண்ணுது.டொக்  ஃபிகர்  ஆஃபீஸ்ல  ஒர்க் பண்ணாலே 16  பேர் லவ் லெட்டர்  தருவானுங்க, சக்க  ஃபிகர்  இருந்தா  சும்மா  இருப்பானுங்களா? ஆளாளுக்கு  பம்மறானுங்க. ஆனா  ஹீரோயின்  அவங்களை  எல்லாம்  கண்டுக்கலை. பொதுவா  பொண்ணுங்க  நல்ல  குடும்பத்துப்பையன் , எந்த  கெட்ட  பழக்கமும்  இல்லாதவன்  சைவன்  இப்டி பிடிக்காது. தண்ணி  அடிக்கறவன்  மொள்ள  மாரி  முடிச்சவிக்கி  இவனுங்களைத்தான்  பிடிக்கும்,

 வாலண்ட்ரியா  போய்  ஹீரோ  கிட்டே ஐ லவ் யூ  சொல்லுது.ஹீரோவுக்கு  ஹீரோயினை  யார்னே  தெரியல

ஃபிளாஸ்பேக்ல  தான்  மேட்டர்  தெரியுது.  ஹீரோ  சரக்கு  அடிச்சு  மப்பில்  இருக்கும்போது  ஹீரோயின்  ஒரு  டைம்   டிராப்  பண்ணி  இருக்காரு. ஒரே ஒரு  நாள் 4  மணி  நேரம்  ஹீரோ கூட  கார்ல   போனதை  வெச்சே  அவனை  லவ் பண்றாரு   * (  நாம்   எல்லாம்  ரெகுலரா டெய்லி ஒரே  பஸ்ல  காலம்  காலமா  போய்ட்டு  இருக்கோம், நம்மை  யாரும்  மனுசனாவே  மதிக்கறதில்லை 

ஹீரோ  ஹீரோயின்  கிட்டே   லவ்வை ஏத்துக்கறேன்னு  சொல்லும்போது  ஒரு ட்விஸ்ட், சும்மானாச்சுக்கும்  சொன்னேன்னு ஹீரோயின் சொல்லிடுது. பயங்கரமான   டர்னிங்க்  பாய்ண்ட்டோட இடை வேளை

 அதுக்குப்பின்  என்ன  நடக்குது என்பதே  மிச்ச  மீதிக்கத

ஹீரோவா  ஜெய். இடைவேளை  வரை  வழக்கமான  ஜெய் .  நல்ல நடிப்பு  . பாடல்  காட்சிகளில்  இளைய தளபதியை  அப்பட்டமா  காப்பி  பண்றார் . குறிப்பா  ஜில்லா  பட  நடன  அசைவுகளை .  மாத்திக்கனும். எல்லாத்தையும்  மாத்திக்கனும். 

 க்ளைமாக்சில் பாக்சரா  வரும்போது  பத்ரி  விஜய்  மாதிரியே  பின்றார், இப்டியே  மாதிரியா மாதிரியா  பண்ணிட்டு  இருந்தா  எப்போ   ரியலா பண்றது?

ஹீரோயினா  அரக்கோணத்தை  பூர்வீகமாக்கொண்ட  லிப் லாக் லெஜண்ட்  ஆண்ட்ரியா. ஆண்களை  வசப்படுத்தும்  தேவதையா ? 

 அறிமுகமான  புதுசுல   காஞ்சிபுரம்  பட்டுச்சேலை  மாதிரி  கசங்காம  அலுங்காம  நலுங்காம    புத்தம் புதுசா   தெரிஞ்சவர்   அனிரூத்  லிப்  லாக்  பிறகு மதுரை  சுங்கடி சேலையை  4  நாள்  போட்டு  அயர்ன்  பண்ணாம  விட்ட மாதிரி   பாவமா  இருக்கார் . ஆனாலும்  மிச்ச  மீதி  இருக்கும்  கிளாமரை தமிழன்  ரசிக்கத்தான்  செய்யறான்

அவர்  எப்போதும்  ஒரு பனியன் மட்டுமே அணிந்து  சுற்றுவது  அதிர்ச்சியாய்  இருக்கு 

புருவங்களூக்கு ஸ்பெஷல்   கேர் எடுத்து   16  விதமான  புருவ  வடிவமைப்பில்  கமலுக்கே  சவால்  விடும்  அளவு  மேக்கப்பில் கவனம்  செலுத்தறார் சபாஷ்  ஆண்ட்ரியா  ( தமிழன்  சம்ப்ந்தா  சம்பந்தம்  இல்லாம  பொண்ணுங்களைப்புகழ்வான் )

மனதைக் கவர்ந்த  வசனங்கள் 

1 சூப்பர் பிகருங்க எப்பவும் மொக்கைப்பசங்களைத்தான் லவ் பண்ணும் #,வ

2  எப்பவும் பொண்ணுங்க பசங்க யோசிக்கறதுக்கு ஜஸ்ட் ஆப்போசிட்டாதான் யோசிப்பாங்க.# வ

3 ஸார்.உங்க ஆளு சின்னப்பொண்ணா?பெரிய பொண்ணா?

ம்.நடுப்பொண்ணு # வ

4 இந்தக்காலத்துப்பசங்க பொண்ணுங்களை உஷார் பண்ண என்ன வேணா செய்வானுங்க.கால்ல விழுவாங்க.மதம் கூட மாறுவான் # வ

5 என்னதான் டோட்டல் டீம் நல்லா விளையாண்டாலும் கப் வாங்குவது கேப்டன் தான் # வ

6 சுத்தல்ல விடறது ,சிக்கல்ல.விடறது 2 மே பொண்ணுங்களுக்குக்கை வந்த கலை # வ

7 ஊர் பூரா ஒயின்ஷாப் வெச்சிருக்கானுங்க.வாமிட் பண்ண ஒரு இடம் வெச்சானுங்களா?#வ

8  ஏழையின் சிரிப்பில் இறைவனைப்பார்க்கலாம்னு சொல்வாங்க.நான் ஏழையையே இறைவனாப்பார்க்கிறேன் #,வ

9 கிப்ட் கொடுக்காத ஆம்பளையையும்

கிஸ் கொடுக்காத பொண்ணையும் இந்த உலகம் மதிக்கறதே இல்ல #வ

10 லவ் பண்ணுனவளை  விட்டுத்தர்றது  கையாலாகாத்தனம்,  அவளையே    எப்பாடு பட்டாவது  கல்யாணம் பண்ணிக்குவதே ஆம்பளைத்தனம் # வ

11 நாமெல்லாம்   ஒரு  பொண்ணை  இம்ப்ரெஸ் பண்ண  குறைந்த பட்சம் 5 வருசம்  ஆகும். இதெல்லாம்  வேலைக்கே ஆகாதுப்பா # வ

12 நான்வெஜ்   ஃபிகரை  இம்ப்ரெஸ்  பண்ணவே  நம்மால  முடியறதில்லை. தயிர் சாதத்தை  இம்ப்ரெஸ்  பண்ண  நம்மால ஆகாது # வ

13 பொண்ணுங்க  பின்னால லவ்வுக்காக சுத்தறவனை  எனக்குப்பிடிக்காது.ஆம்பளைன்னா கெத்தா இருக்கனும் # வ

14 யோசிக்கறவன் லவ் பண்ணக்கூடாது. லவ் பண்றவன்  யோசிக்கக்கூடாது # வ  (  ஏய்யா 2 ம்  1 தானே? )

15 என்னைத்தோக்க வெச்சவங்க கிட்டே இருந்து எதையாவது ஒண்ணை கத்துக்குவேன் # வ

16 எல்லாப்பையனுக்கும்  தன் அப்பாதான்  முத  ஹீரோ, அதே போல்  எல்லா அப்பாக்களுக்கும்  தன்  பையன் தான்  அடுத்த   ஹீரோ # வ


17 அப்பாவை ஹீரோவா மகனும் , மகனை ஹீரோவா அப்பாவும் நினைப்பது இயல்பு .ஆனா ஒருவர் கண் முன் மற்றவர் அவமானப்படுத்தப்படுவது கொடுமை

 படம் பார்க்கும்போது   அப்டேட்டட் ட்வீட்ஸ்

1  லிப் லாக் லெஜண்ட் ஆன்ட்ரியா முழு நாயகியாக நடிக்கும் முதல் படம் யூ சர்ட்டிபிகேட் என்பது அதிர்ச்சி அளிக்கிறது# வலியவன்

2 நீ நல்லவனா?கெட்டவனா?,னு ஒரு பாட்டு.காதலிக்க நேரமில்லை விஸ்வநாதன் வேலை வேணும் பாட்டு இசையை உல்டா ரீமிக்ஸ் #,வ

3 ஆண்ட்ரியாவோட பூர்வீகம் திருப்பூரா?எப்பவும் துக்ளியூன்டு பனியனோடயே சுத்துது # வ

4 ஆண்ட்ரியா நடு முதுகுல ஒரு ஜான் ஆரத்தில் வட்ட வடிவத்தில் டாட்டு குத்தி இருக்கு. - இன்று ஒரு வெட்டித்தகவல் #,வ

5 ஹீரோ ஸ்கூட்டில வர்றாரு.நல்ல வேளை ஹீரோயின் ராயல் என்பீல்டு பைக் ல வர்ல.#,வ

6  இடைவேளை  விட்டதும்  பெரிய  திருப்பம். படத்தில்  இல்ல, தியேட்டர்ல. பக் சீட்  லேடிக்கு  2  பேரு  கோன் ஐசும்   பப்சும்  வாங்கித்தர்றானுங்க

7  ஹீரோ  ஹீரோயினுக்கு   ஃபோன் பண்ணி  லிப்ஸ்டிக்கை நல்லா டீப்பா  போட்டு ட்டு  வா ங்கறாரு # அதுல  என்ன டேஸ்ட்  இருக்கும் ?

இயக்குநர் பாராட்டுப்பெறும் இடங்கள்

1   ஹீரோவை சிக்ஸ் பேக்  வைக்க வெச்சது  அதை  போஸ்டர்ல  ஊர்  பூர்  ஒட்ட வெச்சது . பார்க்கறவங்களுக்கு   ஏதோ  ஆக்சன்  படம்னு  நம்ப  வெச்சது 

2  ஆண்ட்ரியாவை  அழகா  படம்  பூரா  காட்டியது காட்ட  வெச்சது

3   க்ளைமாக்ஸ்   ட்விஸ்ட்  நல்லாருக்கு.

இயக்குநரிடம்  சில கேள்விகள்

1   முதல்  படமான  எங்கேயும்  எப்போதும்   நிஜமா  உங்க  கதையா?  மண்டபத்தில்  யாராவது எழுதி  வெச்சதை   அடிச்ட்டு  வந்துட்டீங்களா? 

2  ஃபேஸ்  புக்   ட்விட்டர்  வாட்சப்   ல  அக்கவுண்ட்  வெச்சிருக்கறவங்களை  அசிஸ்டெண்ட்ஸா  வெச்சிருக்கீங்களா? பாதி வசனம்   உருவுனவதாவே  இருக்கு ?

3  தொழில் முறை   பாக்சரான   வில்லனை  ஹீரோ ஜஸ்ட்  லைக் தட்  ஜெயிப்பது எல்லாம்   நம்ப முடியல .பத்ரி  , மான்  கராத்தே    உல்டா 

4   ஸ்டோரி  டிஸ்கஷன்  வெச்சீங்களா?  மறந்துட்டீங்களா? 

5 வில்லனை  அடிப்பது  போல்  வீடியோ  எடுத்த  ஹீரோ டக்னு   அதை  வாட்சப்ல  ஹீரோயினுக்கு  அனுப்பாம   ஏன் லேட்  பண்ணி   பின்   ஃபோன்  கீழே விழுந்ததால்  வீடியோ  அவுட்னு  பம்மனும்?

6   என்னதான்  பாக்சராக  இருந்தாலும்  வில்லனுக்கு   650 கோடி  காண்ட்ராக்ட்  போடப்படுவது  செம  காமெடி  இந்தியாவில் கிரிக்கெட்  வீரருக்கே  அம்புட்டு  மதிப்பு  இல்லீங்கோ


7  போட்டியில்  விட்டுக்கொடுத்தால்  500  கோடி தரப்படுவதாய்  சொல்லும்  சீன்   நம்பவே  முடியல



8  கதையின்  மையக்கரு  அப்பாவை   மகன்  கண்  முன்  அவமானப்டுத்திய  வில்லனை  ஹீரோ  பழி  வாங்குவது. அந்த  அவமானப்படுத்தப்பட்ட  சீன்  சரியா  எடுக்கப்படலை. மொக்கையா இருக்கு

சி  பி  கமெண்ட்  = வலியவன்  - முன் பாதி  ஜாலி  பின் பாதி  காதல்  கலாட்டா, சுமார் ரகம் - விகடன்  மார்க் = 40    ரேட்டிங்  = 2.5 / 5

ஆனந்த விகடன்  மார்க் ( கணிப்பு) -  40

குமுதம்  ரேங்க் ( கணிப்பு)  =  சுமார்

 ரேட்டிங் = 2.5 / 5

ஈரோடு சண்டிகா வில்  படம்  பார்த்தேன்