PROMETHEUS -ஏலியன்ஸ் ரீல் இன் சயின்ஸ் ஃபிக்‌ஷன் -ஹாலிவுட் சினிமா விமர்சனம்

ஹாலிவுட் சினிமாக்காரங்க கல்லா கட்ட கண்டு பிடிச்ச முக்கியமான வழிகள்

1. உலகையே ரட்சிக்க வந்த சிங்கிள் மேன் சுனாமியா ஸ்பைடர் மேன், பேட் மேன்,அயர்ன்மேன்,ஹல்க்,தோர்,ஃபெண்டாஸ்டிக் ஃபோர் ,சூப்பர்மேன்,எக்ஸ்மென்  மாதிரி ஹீரோ ஓரியண்ட்டட் கதைகளை பிரம்மாண்டமா தந்து  டீன் ஏஜ் ,ஆல் ஏஜ் ஆடியன்ஸை கவர் பண்ணி வசூலை அள்ளுவது

2.கொரில்லா,சுறா,அன்கோண்டா,டைனோசர் போன்ற  ஓவர் பில்டப் மிருகங்கள் பற்றிய கற்பனைக்கதைகளை ரசிக்கும்படி எடுப்பது

3.ஜேம்ஸ்பாண்ட்,சீக்ரெட் ஏஜெண்ட் டைப் ஆக்‌ஷன் படங்கள்,ஜாக்கிசான்,புரூஸ்லீ டைப் ஃபைட் படங்கள்

4. சயின்ஸ் ஃபிக்ஸன் ஸ்டோரிஸ் , அதுல வேற்றுக்கிரக வாசிகள் பூமி மீது படை எடுப்பது மாதிரி ரீல் விடும் கதைகள்

இந்தப்படம் ஏலியன்ஸ் சப்ஜெக்ட் தான்.. ஹாலிவுட்ல மெகா ஹிட்டாம்.. என்ன கதைன்னு பார்ப்போம்

2093 டிசம்பர் மாசம் 21 ந்தேதி கதை ஆரம்பிக்குது.. வேற்றுக்கிரக வாசிகளின் வாழ்க்கை முறையை  ஆராயும் நோக்கில் பூமியில் இருந்து ஒரு விஞ்ஞானிகள் குழு விண்கலத்துல கிளம்புது.. அந்த குழுவில் 2 பெண்கள் ( சும்மா ஒரு தகவலுக்காக)..பூமி மாதிரியே காற்று,நீர் வசதி உள்ள ஒரு கிரகத்துல இறங்கறாங்க .. அங்கே இறங்கி ஆராய்ச்சி பண்ணிட்டு இருக்கறப்போ புயல் அடிக்குது..ஒரே ஒரு மனித முகம் அதாவது தலை மட்டும் கிடைக்குது.. அதை எடுத்துட்டு விண்கலத்துக்குள்ளே வந்துடறாங்க..



அவங்க அந்த குகைக்குள்ளே போய் டார்ச் எல்லாம் அடிச்சுப்பார்த்ததுல அங்கே இருக்கும் தட்ப வெப்பம் எல்லாம் மாறி சும்மா இருந்த சங்கை ஊதிக்கெடுத்த கதையா ,வேற்றுக்கிரக உயிரினங்கள் உயிர் பெற்று எழுகின்றன..

அந்த தலையை ஆராய்ச்சி பண்றப்போ பல ஆச்சரியங்கள் நிகழுது.. வேற்றுக்கிரக உயிர் இனங்கள் அல்லது செல்கள் ஒரு டாக்டர் உடம்புல புகுந்துக்குது.. அது தெரியாம அந்த ஆள் அவரோட லவ்வர் கிட்டே கில்மா திருவிழா கொண்டாடிடறாரு.. மேட்டர் நடந்த 10 மணி நேரத்துல கரு உருவாகி பாப்பா 3 மாச கர்ப்பம்..

பாப்பா கண்டு பிடிச்சுடுது.. இது ஏலியன்ஸோட குழந்தைதான்.. ஆபத்துன்னு.. உடனே பர பரன்னு அதை தானே ஓடிப்போய்  ஒரு மிஷின் மூலம்   அந்தக் கருவை அழிக்க முயற்சி பண்றா.

பற்பல பரபரப்பு, ஆராய்ச்சி ,ஓட்டங்கள், துரத்தல்கள்க்குப்பிறகு. ஒரே ஒரு லேடி மட்டும் தப்பிக்கிறா.. அவ பூமிக்கு தகவல் அனுப்பறா.. ஆமை புகுந்த வீடு,சசிகலா புகுந்த தோட்டம், நயன் தாரா லவ் பண்ண ஆம்பளை எதுவும் உருப்படாது.. அது மாதிரி இனி  யாரும் லூஸ் தனமா ஆராய்ச்சி அது இதுன்னு இங்கே ஆள் அனுப்ப வேண்டாம் , அழிஞ்சுடுவீங்க அப்டிங்கறா..க்ளைமாக்ஸ்ல இந்தப்படத்தோட செகண்ட் பார்ட் வறதுக்கான ஒரு லீடு கொடுத்து படத்தை முடிக்கறாங்க   

படத்தில் மனம் கவர்ந்த வசனங்கள்

1.  டாடி, இறந்த பிறகு எல்லாரும் எங்கே போவாங்க?

சாமி கிட்டே..

அம்மா போன மாதிரியா?

ம்

அது அழகான இடமா இருக்குமாப்பா?

எனக்கெப்படித்தெரியும்? நம்பிக்கை தான்

2. நெருப்பு சுடாம இருக்க என்ன வழி?

அது சுடும்னு பயப்படக்கூடாது..

3. ரெண்டு வருஷங்களா தொடர்ந்து தூங்கிட்டு இருந்த நான் ஜஸ்ட் நவ் எந்திரிச்சிருக்கேன், எனக்கு எந்த புது ஃபிரன்ட்சும் தேவை இல்ல..  என்னை யார் அன் ஃபாலோ பண்ணாலும் கவலை இல்லை

4. அட! இறந்து போனவர் நமக்கு வரவேற்பு எல்லாம் குடுக்கறாரே?

5. என்னது? எஞ்சினியர்ஸா? அவங்க என்னத்தை வடிவமைச்சுக்கிழிச்சாங்க?

நம்மை வடிவமைச்சதே அவங்க தான்

6. கடவுளோட படைப்பு எப்பவும் சீரா இருக்காது..

 ம் ம் என்னை அங்கே இருந்து இங்கே கொண்டு வர முடியுமா?

அந்த மாதிரி வேலையை செய்ய்றதால தான் எனக்கு கேப்டன்னு பேரு

7.  இந்தத்தண்ணீர் ஏன் உறையவே இல்லை?

ஒரு வேளை இது தண்ணீரே இல்லையோ என்னவோ?

அப்போ இது ஏலியன்ஸோட யூரின்னு சொல்ல வர்றியா?
8. இந்த கிரகத்துல மனிதர் வாழத்தேவையான காற்றும், நீரும் இருக்கு.. பேசுனபடி பந்தயத்துல நான் ஜெயிச்சுட்டேன், பந்தயத்தொகையை குடு.. நான் என் கேர்ள் ஃபிரண்ட்டோட டேட்டிங்க் போகனும்

9. இந்த குகைல இருக்கும் ஓவியங்கள் எல்லாம் உருமாறுது.. நாம வந்து இங்கே இருக்கும் தட்ப வெப்பத்தை எல்லாம் மாத்திட்டோம்னு நினைக்கறேன்..

10.பெரிய விஷயத்துக்கு கூட சின்னக்கரு தான் மூலதனம்.. எதையும் அலட்சியப்படுத்தக்கூடாது

11. மனிதர்கள் எதற்காக  , ஏன் என்னை உருவாக்குனாங்க..?

 அவங்களால உருவாக்க முடியும் என்பதை உலகுக்கு உணர்த்த

12. நீங்க எதுக்காக இங்கே வந்தீங்களோ  அதுக்காக எதுவரை ரிஸ்க் எடுப்பீங்க?

என் உயிரின் எல்லை வரை
 சபாஷ்

13.  டியர், வாழ்க்கைல நான் கண்டு பிடிச்ச முக்கியமான முதல் விஷயம் நீ தான்..

14. இந்த சத்தம் விசித்திரமா இருக்கு, பூனை சாகும்போது எழுப்பும் ஒலி போல..

15.  பூமில இருக்கற அழகான ஆண்களை எல்லாம் விட்டுட்டு போயும் போயும் உன்னை பிடிச்சுருக்குன்னு சொல்ல மனசுக்கு கஷ்டமா இருக்கு..

16. ஏய்.. நீ உண்மையிலே போண்ணு தானா? ஏலியன்ஸா?

 என் ரூமுக்கு வா.. தெரிஞ்சுக்குவே,

17. அவர் கூட கடைசியா எப்போ கில்மா?

 ஜஸ்ட் டென் அவர் பேக்..

 ஆனா உன் வயிற்றுல 3 மாச கரு உருவாகி இருக்கு

18. ஏதாவது செஞ்சு என்னைக்காப்பாத்து

 யார் கிட்டே இருந்து?
 மரணத்து கிட்டே இருந்து..

19.  மனித இனத்தோட பல பதில் தெரியாத கேள்விகளுக்கு  பதில் தெரிய வரும் தருணத்துல நீ இப்போ இருக்கே..  போக விரும்பறியா?

20. நாம இங்கே இருந்து பாதுகாப்பா பூமிக்கு போனாலும் இங்கே இருந்து ஒரு ஜந்து கூட நம்ம கூட வர நான் அனுமதிக்க மாட்டேன்..

 உங்க எண்ணம் பலிக்கட்டும்

21. அரசனா இருக்கறவன் சாம்ராஜ்யத்தை ஆள்வதும் உண்டு..  பின் அவன் இறப்பதும் உண்டு.. இது இயற்கையின்  விதிகள்..

22. அவங்க பூமிக்குக்கிளம்ப ஆயத்தம் ஆகிட்டாங்க.. அதை விடக்கூடாது..

 ஏன்?

 சில புதிய விஷயங்களை உருவாக்கனும்னா பல பழைய விஷயங்களை அழிச்சுத்தான் ஆகனும்

23.. கடவுளுக்கு நிகரான சக்தியை மனுஷனுக்கு குடுக்க நினைச்சோம்.. அது தப்புன்னு இப்போ புரியுது .. 

இயக்குநர் பாராட்டு பெறும் இடங்கள்

1. ஓப்பனிங்க் ஷாட்ல ஒக்கேனக்கல் நீர்வீழ்ச்சியின் 10 மடங்கு வேகம், நயாகரா அருவியின் இரு மடங்கு பூரிப்புடன் காட்டப்படும் அருவி அழகான ராட்சச கவிதை.. ஒளிப்பதிவு பக்கா..

2. ஏலியன்ஸின் கருவை அழிக்க அந்த லேடி தனி ஆளா கருவை அழிக்க எடுக்க முயற்சிக்கும் காட்சி அதகளமான டைரக்‌ஷன்.. அதுல அவர் நடிப்பு, கேமராமேனின் ஆங்கிள்கள் கன கச்சிதம்

3. கிட்டத்தட்ட 127 நிமிஷங்கள் படம் ஓடுது.. ஃபைட் சீன்கள் இல்லை, ஆக்‌ஷன் காட்சிகள் இல்லை.. ஆனாலும் ஒரு விறு விறுப்பான நாவல் படிப்பது போல் அபாரமாக திரைக்கதை அமைத்த விதம் ( 43 பேர் ஸ்க்ரீன்ப்ளேவாம் - டெக்கான் கிரானிக்கல் செய்தி)

4. கதையில், திரைக்கதையில் வாய்ப்பு இருந்தும் கிளாமர் காட்சிகள் ஏதும் இல்லாமல் நாகரீகமாக எடுத்த விதம்

இயக்குநரிடம் சில கேள்விகள் , லாஜிக் மிஸ்டேக்ஸ் சுட்டிக்காட்டல்கள்

1. அந்த லேடி  உடல் உறவு கொண்ட 10 மணி நேரத்துல கரு 3 மாச கருவாக அசுர வளர்ச்சி அடையுது, ஓக்கே , ஆனா  அந்த கால்குலேஷன் படி அந்த லேடி பிரசவம் ஆக இன்னும் 20 மணி நேரம் ஆகுமே? அல்லது குறைந்த பட்சம் 7 மணிநேரம்   ஆகுமே?எப்படி 7 நிமிஷத்துல ஏலியன்ஸ் குழந்தை பிறக்குது?

2. பிரசவம் நடக்கறப்ப அந்த லேடி தனக்குத்தானே மரத்துப்போகும் ஊசி, மயக்க நிலைக்கான அனஸ்தீசியா எல்லாம் குடுத்துக்கறா.. அப்படி இருக்கும் போது அவ மீண்டும் சுய உணர்வு வர அட்லீஸ்ட் அரை மணி நேரமாவது ஆகும், ஆனா அவ பிரசவம் முடிஞ்ச மறு நிமிஷமா எழுந்து எஸ் ஆகறா.. அது எப்படி?

3. ஸ்பேசில் உடல் உறவு கொள்ளக்கூடாதுன்னு ஒரு விதி இருக்கே? அதை ஏன் அவங்க ஃபாலோ பண்னலை?

4. லேடீஸ் விண்கலத்துல போறப்பவே இவங்களுக்குத்தெரியாதா? எவனாவது கை வெச்சா கர்ப்பம் ஆவாங்க.. அது ஏலியன்ஸா இருக்க வாய்ப்பு அதிகம்னு.. அப்புறம் ஏன் லேடீஸை அனுப்பனும்?

5. ஸ்பீசிஸ் பார்ட் 2 படத்துல வர்ற பல காட்சிகள் இதுல ரிபீட் ஆகுது.. குறிப்பா அந்த லேடி கில்மா சீன், ஏலியன்ஸ் கரு உருவாவது.. 

 சி.பி கமெண்ட் - சயின்ஸ் ஃபிக்ஸன் ஸ்டோரி பிடிச்சவங்க, ஏலியன்ஸ் கதைல ஆர்வம் உள்ளவங்க படம் பார்க்கலாம்.. ஃபைட், ஆக்‌ஷன் பிரியர்கள்க்கு இந்தப்படம் பிடிக்கறது சிரமம் தான்..

 ஈரோடு வி எஸ் பி ல இந்தப்படம் பார்த்தேன்.