லஞ்சம் உண்டு, ஊழல் உண்டு ஓட்டு போடு ராசா.....

 

1. கொ.மு.க., மாநிலத் தலைவர், "பெஸ்ட்' ராமசாமி: உதயசூரியன் சின்னத்தில் போட்டியிடவில்லை; நாங்கள் தனி சின்னத்தில் போட்டியிடுகிறோம். சிலிண்டர் சின்னத்தைக் கேட்டுள்ளோம்; தமிழகம் முழுவதும் தி.மு.க., வெற்றிக்கு பாடுபடுவோம்.

ஹா ஹா சிலிண்டர்னாலே ரொம்ப லேட்டாத்தானே கிடைக்கும்.. அது சரி.. நீங்க இப்போ வேஸ்ட் நாம சாமி ஆகிட்டதா சொல்றாங்களே.. உண்மையா?பின்னே என்ன? எலக்‌ஷன் வரும் வரை கலைஞரை எதிர்த்துட்டு இப்போ ஒரு சீட்டுக்காக அவர் கால்ல விழுந்திருக்கீங்களே.. வெட்கமா இல்லை?


--------------------------------------------

2. தமிழக தலைமைத் தேர்தல் அதிகாரிக்கு, தலைமைத் தேர்தல் கமிஷன் கடிதம்: பொதுத் தேர்வுகள் நடக்கும் பள்ளிகள் அமைந்துள்ள இடத்தில் இருந்து, 200 மீட்டருக்குள் தேர்தல் பிரசாரம் நடக்காமல் கண்காணிக்க வேண்டும்; பள்ளிகளில் இருந்து 200 மீட்டருக்குள் ஒலிபெருக்கி பயன்படுத்துவதற்கும், பிரசாரம் செய்வதற்கும் தடை விதிக்க வேண்டும்.

லூஸ்தனமா இருக்கு.. ஒலிப்பெருக்கியோட சத்தம் 2 கி மீ வரை கேட்கும்.. வெறும் 200 மீ தூரம் விலக்கு இருந்தா போதுமா?

------------------------------------------

3. பத்திரிகை செய்தி: டிரான்ஸ்பார்மர் பழுதால் வத்திராயிருப்பு அருகே உள்ள இலந்தைக்குளம் கிராமம், நான்கு நாட்களாக இருளில் மூழ்கி கிடக்கிறது. வெளிச்சத்திற்காக கிராம மக்கள் தீப்பந்தங்களை ஏந்தி இரவை கழித்து வருகின்றனர்.

ஏன்? உங்க சொந்த பந்தங்கள் யாரும் தி மு க வுல இல்லையா? இப்படி தீப்பந்தம் ஏந்தும்படி ஆகிடுச்சே..?


---------------------------------------------

4. ம.தி.மு.க., கொள்கை பரப்புச் செயலர் நாஞ்சில் சம்பத் பேச்சு:வெற்றியை தீர்மானிக்கும் இடத்தில், ம.தி.மு.க., உள்ளது. நாங்கள் ஜாதிக் கட்சி அல்ல. கட்டுமானத்தில் தி.மு.க., - அ.தி.மு.க.,வை விட, பலமாகவே உள்ளோம். கூட்டணியில் இருந்தாலும், தனித்து இருந்தாலும், தனித்தன்மையை நாங்கள் இழக்கவில்லை.வெற்றியை தீர்மானிக்கும் இடத்தில், ம.தி.மு.க., உள்ளது. நாங்கள் ஜாதிக் கட்சி அல்ல.


எங்கே போனாலும் கேவலப்படறதுதான் உங்க தனித்தன்மையா?  நீங்க பேசாம திருக்குறள்ல தீ நட்பு, கூடா நட்பு அதிகாரத்துல இருக்கற குறளை எல்லாம் படிச்சுப்பாருங்க...

----------------------------------

5. பா.ஜ., மூத்த தலைவர் அத்வானி பேட்டி: தேர்தலுக்கு முன் குற்றம் புரிந்தவர்கள், தேர்தலில் வெற்றி பெற்றால், குற்றத்தில் இருந்து அவர் விடுபட்டவராக எப்போதிலிருந்து கருதப்படுகிறது? 1989ம் ஆண்டு தேர்தலுக்கு முன், "போபர்ஸ்' பீரங்கி ஊழலில், ராஜிவ் மீது குற்றம் சாட்டப்பட்டு, தேர்தலில் காங்கிரஸ் தோல்வியைத் தழுவியது. ராஜிவ் குற்றவாளி என மக்கள் தீர்ப்பளித்துள்ளனர் என பொருள் கொள்ளலாம் என்பதை, பிரதமர் மன்மோகன் சிங் உணர்ந்துள்ளாரா?

உங்களுக்கு இந்தியாவோட வரலாறே தெரில.. பதவில இருந்தா அவர் நிரபராதி.. பதவி பறி போனா அவர் குற்றவாளி...

---------------------------------------


6. முன்னாள் ஜனாதிபதி அப்துல் கலாம் பேச்சு: ஜப்பான் நாட்டு புக்குஷிமா அணுமின் உலைகளில் ஏற்பட்டுள்ள அபாய நெருக்கடி, இந்தியாவில் மேற்கொள்ள உள்ள அணு மின் உலைகளுக்கு ஒரு பாடமாக இருக்கும். ஜப்பானில் ஏற்பட்டுள்ள நிலைமைகளை நாம் உன்னிப்பாக கவனித்து வருகிறோம். நில நடுக்கத்தால் பாதிக்கும் இடமாக நாம் கருதும் ஜெய்தாபூர் அணுமின் உலை விஷயத்திலும், கவனமாக செயல்பட வேண்டும்.

அப்படியே அந்த அணு உலைகளால திராவிடக்கட்சிகளுக்கு உலை வைக்க முடியுமா?ன்னு பாருங்க..

------------------------------------------


7. பா.ம.க., எம்.எல்.ஏ., வேல்முருகன் பேட்டி: தி.மு.க., கூட்டணியில் பா.ம.க.,வும் விடுதலைச் சிறுத்தைகள் கட்சியும் ஒன்றாக இடம் பெற்றிருப்பது மிகப்பெரிய பலம். இதனால், வட மாவட்டங்களில், தி.மு.க., அமோக வெற்றி பெறும். லோக்சபா தேர்தலில் நாங்கள் தோல்வியடைந்தோம் என்பது உண்மை தான்; எங்கள் எதிர்பாராத தோல்விக்கு காரணம் என்ன என்பது அனைவருக்கும் நன்றாகத் தெரியும்.


5 வருஷத்துக்கு ஒரு தடவை கால்ல விழற ஆளை மாத்துவீங்க.. இதுல என்ன பெரிய மாற்றம்?

-----------------------------------
8. ஊழியர்கள் சங்க பொதுச் செயலர் சீனிவாசன் பேச்சு: தன் பிரச்னைக்காக, சென்னை மெரீனா கடற்கரைக்குச் சென்று மவுனவிரதம் மேற்கொண்ட கருணாநிதி, தங்களுடைய கோரிக்கைகளை முன்வைத்து உண்ணாவிரதம், ஆர்ப்பாட்டம் என இயக்கங்கள் நடத்த முயன்ற தொழிற்சங்கங்களுக்கும், மக்கள் அமைப்புகளுக்கும் கூவம் கரையில் தான் இடம் ஒதுக்கினார். அரசு ஊழியர்கள் கோரிக்கைகள் குறித்து, பேச்சுவார்த்தை நடத்த முன் வராமல் காவல்துறையைக் கொண்டு தாக்குதல் நடத்திய தி.மு.க.,வுக்கு பாடம் புகட்டுவோம்.

எங்கே.. பாடம் புகட்டறது,.? அவங்க தான் திகட்டற அளவு கதாநாயகியை களம் இறக்கீட்டாங்களே..மக்கள் மதி மயங்குவது நிச்சயம்...