சொதப்பல் vs கலக்கல்

சண்டே அன்னைக்கு கலைஞர் டி வி ல தம்பி அர்ஜூனா அப்ப்டின்னு ஒரு டப்பா படம் போட்டாங்க.. தியேட்டர்ல பாக்க முடியாம போச்சே..சரி டி வி லயாவது பாக்கலாம்னு உக்காந்தேன்..(தியேட்டர்ல ஏன் இந்தப்படத்தை பாக்க முடியலைன்னா வெள்ளிக்கிழமை காலைல 11 மணிக்கு படத்தோட காலைக்காட்சி போட்டாங்க... அன்னைக்கு நைட்டே படத்தை எடுத்துட்டு நைட் ஜங்க்கிள் பயங்கரம்னு ஒரு மலையாளப்படம் போட்டாங்க..(நைட்ல அப்படி என்ன பயங்கரமோ..?)

நீ சந்திக்கற ஒவ்வொரு மனிதனிடமும் ஏதாவது ஒரு நல்ல குணம் இருக்கும்.. அதை நீ ஃபாலோ பண்ணுன்னு பெரியவங்க சொல்ற மாதிரி.. நான் ஒண்ணு கண்டு பிடிச்ச்சிருக்கேன்.. நீ பாக்கும் மொக்கைப்படத்துல கூட பதிவைத்தேத்த ஒரு மேட்டர் சிக்கும்.. விட்ராதே,,

அந்த மாதிரி அந்த மொக்கைப்படத்துல கூட சில இடங்கள்ல வசனம் நல்லாருந்தது..அப்புறம் இன்னொன்னு கண்டு பிடிச்சேன்.. அந்தப்படம் நம்ம தல அஜித் நடிச்ச தீனா படத்தோட உல்டா...

சொதப்பல் படத்தில் பார்த்த கலக்கல் வசனங்கள்

1.வாழ்க்கைல சுவராஸ்யமான சம்பவங்கள் ஒவ்வொருத்தர் லைஃப்லயும் எப்பவாவது  நடந்தே தீரும்.  ( கண்டு பிடிச்சுட்டாரய்யா துர..)

2.காமெடியன் ஹீரோவைப்பார்த்து.. - யாரிவன்..?என்னை விட கிளாமரா இருக்கானே..?

3. ஹீரோவின் அண்ணனின் பஞ்ச் டயலாக் - ரவுடி, தாதாங்கறவன் கும்பலா வந்து மோதறவன் இல்லடா..தனியா வந்து மோதறவன்..( நம்ம கேப்டன் மாதிரி)

4. யூசுவலா லவ்வுல இருக்கறவங்களுக்குத்தான் பிளாங்க் கால்ஸ் வரும்.. ( அட லூசுங்களா.. செல் ஃபோன் வெச்சிருக்கற எல்லாருக்குமே பிளாங்க் கால்ஸ் வரும்..)

5. ஐ ஜி உன்னைக்கூப்பிட்டு வெச்சு மிரட்னாராமே...

ஆமா அவர் கிட்டே சொல்லி வை... ( ஏன் இவர் சொல்ல மாட்டாரா?)

அவரு 3 வருஷ்மா தான் ஐ ஜி யா இருக்கார்.. நான் 13 வருஷமா  ரவுடியா இருக்கேன்.. ( நாயே நாயே.. ரவுடியா இருக்கறதுல என்ன சர்வீஸ் கணக்கு வேண்டி கிடக்கு)

6. சாதாரணமா தூங்கறவன் 10 டூ 11க்குள்ள நைட்ல தூங்கிடுவான்.தண்ணி அடிச்சுட்டு தூங்கறவன் நைட் 1 மணிக்குத்தான் தூங்குவான்.  ( ஓஹோ.. வால்பையன்,ராம்சாமி, தினேஷ்னு யாராவது அனுபவம் மிக்கவங்க சொல்லுங்க.. டீட்டெயிலை..)

7.ஹீரோ - என்னைப்பார்த்து நாய்னு சொல்லீட்டியே...( குரங்குன்னு சொல்லி இருக்கனும்)

ஹீரோயின் - நாய்ன்னா ஸ்மார்ட்னு அர்த்தம்.. ( யாராவது இதைப்படிச்சுட்டு கமெண்ட்ல பதிவு நாய்னு போட்டுடாதீங்க..)

ஹீரோ - உலகத்துலயே நாயை ஸ்மார்ட்னு சொன்னது நீ ஒருத்திதான்.. ( உலகத்துலயே நாய்னு சொன்ன பிறகும் அந்த பொண்ணு பின்னால சுத்தறது நீ தான் )

8. ஒருத்தனுக்கு அம்மா, அப்பா இல்லாம இருக்கலாம்.. ஃபிரண்டு இல்லாம கூட இருக்கலாம்.ஆனா காதல் இல்லாத ஆளே கிடையாது.. ( ஏன் நான் இல்ல.?)  ( டைரக்டர் இந்த இடத்துல ஒரு மிஸ்டேக் பண்ணீட்டார். விக்ரமன் படத்துல வர்ற மாதிரி லா லா ல ல அப்படின்னு ஒரு தீம் மியூசிக் போட்டிருக்கனும்..ஜஸ்ட் மிஸ்.. ( ஆமா அந்த மியூசிக்கைப்போட்டிருந்தா மட்டும் படம் 100 நாள் ஓடிடவா போகுது..?)