நான் ஹிட்ஸ்க்கு அலைகிறேனா?

நல்ல நேரம்  சதிஷ் நேற்று சேட்டிங்கில் வந்தார்..
அவர் கேட்ட கேள்விகளும் ,நான் அளித்த பதில்களும்..


1.ஹிட்ஸ் பதிவு எழுதி பரபரப்பை கிளப்புவது எப்படி?

அது ரொம்ப ஈசி ஆச்சே... ஹிட்ஸ்க்காக எழுதுவது தப்பு..அது வேண்டாம்..அப்ப்டின்னு தாக்கி எழுதுனா சூப்பர்ஹிட் ஆகிடுமே...


2..ஒரு நாளைக்கு மூன்று பதிவுகள் யாரிடம் போட்டி போடுகிறீர்கள்?

நியூ இயர் அன்னைக்கிஆஃபீஸ் லீவ். அதனால தெரியாத்தனமா 3 போஸ்ட் போட்டுட்டேன்.. அது ஒரு குத்தமாப்பா.. ஆளாளுக்கு வறுத்து எடுக்கறீங்களே , அது ஒண்ணுமில்ல நியூ இயர் அன்னைக்கு தமிழ்மணம் ஓட்டுப்பட்டை வேலை செய்யலைய்யாம்

அது தெரியாம பதிவு போட்டு 3 மணி நேரம் ஆகியும் நமக்கு ஓட்டே விழலையே பதிவு ஊத்திக்கிச்சோன்னு நினைச்சு இன்னொரு பதிவு போட்டேன், அதுவும் எடுபடலை... அப்புறம் இன்னொரு பதிவு... அப்புறம் அடுத்த நாள்தான் மேட்டர் தெரிஞ்சிது... நாட்ல 1008 பிரச்சனை இருக்கு அதை எல்லாம் விட்டுட்டு ஒரு மொக்கைப்பதிவர் 3 போஸ்ட் போட்டதைப்பத்தி ஆராய்ச்சி பண்றீங்களே.. இது நியாயமா?




3. நீங்க 24 மணி நேரமும் பதிவிடுவதையே சிந்திப்பீர்களா..?

அப்படி எல்லாம் ஒண்ணுமில்லை.. 2 மணி நேரம் நெட்ல செலவு பண்ணுவேன்..
அப்பப்ப கைல சரக்கு இல்லைன்னா என்ன மேட்டர் போடலாம்னு சிந்திப்பேன்.. அவ்வளவுதான்..


4.ஒரு நாளைக்கு எவ்வளவு நேரம் இண்டெர்நெட்டில் செலவு செய்கிறீர்கள்?

காலைல ஒரு மணீ நேரம், நைட் ஒரு மணீ நேரம் அவ்வளவுதான். எப்பவாவது ஃபீல்டு ஒர்க்னு வெளில போறப்ப நெட் செண்ட்டர் போவேன்..

5.கமெண்ட்ஸ்,ஓட்டு அதிகம் வாங்குவது அவசியமா?

என்னைப்பொறுத்த்வரை தேவை இல்லைன்னுதான் நினைக்கறேன்.படிக்கறவங்க நல்லாருக்குன்னு சொன்னாலே போதும்.ஆனா குறைஞ்ச பட்சம் 8 ஓட்டாவது வாங்குனாத்தான் தமிழ்மணம் முகப்புல வருது, அதனால ஓட்டைப்பற்றி கவலைப்பட வேண்டி வருது.. கமெண்ட்ஸ் நிறைய வந்தா நமக்கு உற்சாகமா இருக்கும். ஏன்னா ஒரு படைப்பாளிக்கு சன்மானமா கிடைக்கறது அங்கீகாரம்தானே..எல்லா படைபாளிகளும் மக்களோட அங்கீகாரத்துக்குத்தானே ஏங்கறாங்க..?






6.தரம் உள்ள பதிவு,தரமற்ற பதிவு என எப்படி கண்டுபிடிப்பது?

மக்களுக்கு யூஸ் ஆகற மாதிரி எழுதப்படும் எல்லாபதிவும் தரமானதுதான். தொப்பி தொப்பி, விக்கி உலகம், தேவியர் உள்ளம் திருப்பூர் ஜோதி,ம தி சுதா போன்றவர்களுடைய எழுத்துக்களை உதாரணமாய் சொல்லலாம்.நான் , நீ எழுதறதெல்லாம் சும்மா டைம் பாசிங்க்குக்கு. நீயாவது அப்பப அரசியல் கட்டுரை போட்டு அசத்தறே.  ஆனா நான் மொக்கை ஜோகஸ்

, சினிமா விமர்சனம்னு காலத்தை ஓட்டறேன்.. பலர் சுட்டிக்காட்டறாங்க..கொஞ்சம் கொஞ்சமா திருந்தலாம்னு ஐடியா..

7.எதிர்காலத்தில் வலைப்பதிவர்களுக்கு அங்கீகாரம்,வளர்ச்சி எப்படி இருக்கும் என நீங்கள் நினைக்கிறீர்கள்?

 கரு பழனியப்பன் சென்னைப்பதிவர்களை அழைத்தது ஒரு திருப்பு முனை. நாளாவட்டத்தில்  எல்லா இயக்குநர்களுமே..அதை ஃபாலோ பண்ணலாம்.பத்திரிக்கைகள் வலைப்பதிவுகள உன்னிப்பா கவனிக்க ஆரம்பிச்சிருக்காங்க..மாற்றம் வரும்.